2017-05-21
Day 2---Part 1(毛里求斯 Mauritius)
早晨~天氣好好喎~起身食早餐喇~~~原來我地間房一行出黎就係泳池~不過呢個形狀好難游到水~
食早餐既餐廳~半露天~就係我地噚日check in時望落黎哥間~
行一圈睇下有咩食先~都唔錯喎~
有一個counter係Fruit of the Month..呢個月係椰子呀~有好幾種唔同整法既椰子..仲有椰子乳酪~
麵包有好多種~但講真味道不算出色~
野飲除左咖啡茶果汁哥d之外~仲有左邊呢個Health Drink~係咪類似d Detox Water咁?我攞左黎飲~
4個人開開心心吃早餐~
去旅行我好重視食早餐呢個環節~因為我平時番工都無咩時間食早餐~淨係吞杯水沖麥皮就算(唔知點解都係咁肥)....係澳門周末又訓到過左早餐時間先起身~難得去旅行有機會可以慢慢食~梗係要嘆下啦~難得呢度有即整既蛋料理~我梗係煎番隻蛋嘆下啦~
好啦~食飽飽出發喇~天氣好好呀~
成日都有經過呢座山佢地話覺得好靚...好似叫莫奈山(Le Morne)
第一個景點..條路要上山的~不過係靚路唔係碎石路~
去到半山有個位可以停低.....好靚呀個海~~自由行的好處就係可以除時停低拍個照~毛寶噚日話頂帽唔襯又遮得少太陽我今日又換番第二頂~(好彩有帶兩頂過黎je~)
上到再高d有個觀景台!!!呢度影仲靚~~~呢張係衰公部相機幫我地影架~好靚~d色好鮮~
影完相就直駛去今日第一個景點七色土(Seven Coloured Earth in Chamarel).....入去前就係閘前先買飛~佢再開閘放你架車入去~成人非居民門票Rs225=51.1hkd
園區地圖....區內有幾個主要景點睇..就係瀑布..象龜..同埋主角七色土~睇住地圖好簡單咁..其實入口去各景點都係要揸車先得...
華~主角耶~七色土大人是也~點解會有七種色既?!點解既點解既~係因為火山熔岩經光照後產生化學變化而成的~(網上資訊).....但.....又唔覺得d顏色好出喎?!唔通因為陰天?(咦..係喎...點解無啦啦又變左陰天既??)
七色土行過隔離就見到佢地喇~~~勁大隻象龜~~~~~~呀~仲圍埋一齊食草添喎~~食草都食到你地咁大隻既?(解釋左點解我食水沖麥皮都食到我咁大隻)......
用衰公衰婆做對比你就知佢地有幾大~(我記得呢度勁多蚊~~~仲要唔記得帶蚊貼出黎添~)
hi~你咁八既~
仲有呀!!!!佢地叫得超大聲呀!!!!點解佢地會叫??因為佢地拍緊龜界既甜片!!!!毛寶仲剪接配樂得超好!!請收看~再一次衝擊奧斯卡之作!
此時開始落大粒雨~影埋呢張企係樹下避避先~
企左一陣又無雨落喇喎~行番七色土哥邊睇~咦!!!有太陽喇喎~~~~~有陽光下睇顏色鮮好多呀!!!!
衰公幫我地影既合照~
另外有一個高d既觀景台~呢個位影得好d喎~~~七色土d顏色偏向紫紅色~幾靚~同埋我企係度數左好多次都無七隻色..佢地3個都話數到.....er.....我係咪好蠢呀..(車~蠢得黎可愛咪得囉~)...觀景台既正對面有個cafe的~對住七色土飲啡應該幾正~(不過要頂得住多蚊~)
好喇~買完紀念品(無咩買)..去埋廁所就揸車去埋瀑布啦~呢個叫Chamarel Waterfall.....係咪即係話同自由神像一樣咁高?
係觀景台望過去...但俾機遮哂喎.....
佢有條路可以行上少少去另一觀景台睇...呢度好d...影到條瀑布多d~
攞車時發現有貓貓呀~有人已經忍唔住伸人去摸~
呢兩隻貓超there~瘋狂討摸摸~睇下佢幾high~
我地作話佢地係一家三口~~最近車哥隻係阿爹...cool d既....中間哥隻係阿媽..細細粒哥隻梗係小孩啦~
阿媽跳上石牆個樣勁帥氣~成隻豹咁~
咁帥氣到引到毛大師幫佢影寫真~(其實毛大師對貓無咩抵抗力~)
呢張好可愛呀~<3
好喇好喇~要快d行喇去食中午飯~頭先紀念品店買左呢兩樣~~~七色土postcard
呢支係七色土...我地問職員係咪真既...佢話係~~不過咁珍貴既景點....會有得咁樣入起d泥賣??都成50幾hkd一支....係咪真都好...買支當留個念~
星期二一早起身...好驚..見到自己d尿粉紅色....
嚇到我...我安慰自己....訓醒眼花je~
點知番到公司第二篤都係咁!嚇到我呀~~~
然後醒起....呀~我之前哥晚食左紅肉火龍果(誤)....
上網打紅肉火龍果...
隔一個空格諗緊應該再打d咩既時候...佢就出現個尿字...
好明顯呢件事唔係淨係困擾我一個人~~~
原來食完紅色火龍果真係會痾粉紅色尿/屎架!
仲有人之前唔知走去睇急診~
中午番屋企仲痾左個粉紅色的夢既屎添~
虛驚一場~(到底我以後仲食唔食紅肉火龍果好?)
星期二公子早餐會時...
主席突然發言...
主席:我想問下大家..近排fb成日講有一種愛係吉卜賽的愛...係咩意思?
公子們:唔知喎~主席好潮呀你~(梗係要擦主席鞋啦)
主席:成日都有講架喎!你地會唔知...話同哈利波特有關架喎!!!!有一種愛係吉卜賽的愛喎!
我:主席...你係咪想講"石內卜的愛"呀?
主席:呀~係呀~
公子靜哂...........................................
吉卜賽同石內卜差好遠喎主席............撐唔到你呀今次~
2017/08/17的開心事:
中午去飲茶~(又係食野~)
報時:距離與毛寶慶生快閃台北之旅2017仲有---41日~
報時:距離日本四國自駕遊之旅2017仲有---57日~
報時:距離日本大阪自由行之旅2017仲有---112日~
報時:距離新加坡熱辣辣聖誕節之旅2017仲有---126日~
哈哈 我未食過紅色果肉火龍果 下次如果食一定要記得會咁先
回覆刪除我覺得七色土果兩樣紀念品都好靚呀好有特色呀 !靚靚 !
其實我食過幾次~~但都唔記得~~~
刪除但望落好似有d假咁支七色土~
個段片差啲笑C我^_^好攪嘢﹗紅肉火龍果我吾鍾意食﹗
回覆刪除點呀~~係咪好正~~
刪除點解既~~甜d個喎~~
個海好靚,非一般海水藍
回覆刪除7色土有陽光靚好多,反反地光好出色
連貓都咁靚咁可愛....
有d景原來都係有陽光睇先靚既~~
刪除個海同沖繩哥d藍都一樣咁好睇~
貓真的很!可!愛!~
甜片原來係咁,我諗咗好耐.....XXXD
回覆刪除現場睇係咪會鮮色啲?紀念品果樽都好鮮色唔知有冇加工?
石內卜的愛都想知係乜,煩請專家T詳解^^
哈哈哈~~你係小朋友~~你唔明架喇~
刪除好鮮色呀都~真係唔知..不過我覺得係假的~
我估即係講對自己愛既人無條件付出不求收獲...無條件付出得黎仲要收收埋埋....我估係咁~因為石內卜就係咁樣對哈利阿媽~
哦~~~~~明白晒
刪除可能係我亂up~哈哈~
刪除我聽到妳運動咁多已經覺得好累啦,哈哈哈。
回覆刪除我覺得我自己好努力~好利害~
刪除上回係我冇講清楚
回覆刪除我係想話由於做完運動身體吸收能力會特別強,太早進食會吸收到比平時更多營養。一般建議做完運動最少半個鐘後先好食野,隔一至兩個鐘會更好
其實減肥仲有其他相對舒服好多既方法,而且睇落冇乜副作用:
http://life.tw/?app=view&no=240405
七色土既實景同明信片D顏色差好遠喎,另外支七色土樣本就算唔係真野都好靚
食草都食到咁大隻有乜出奇,陸上最大隻動物好似大象、河馬、犀牛全部都係食草大既,不過肥胖基因據講係"先進"基因
我都唔知"石內卜的愛"係乜,係指"得唔到人都要默默守護人"哥種愛?
0我~我都唔會即刻食~因為做完運動會沖涼~
刪除好想試飯團減肥法~諗起都正~~~
佢影哥張一定有再調色啦~...哥支野一定係假既..我估~
咦~係喎~~...咁唔怪得我都咁大隻啦~
無錯!你講得岩~
嘩~呢個地方靚到呀!😲不過都唔夠一班貓星人咁吸引😻😻😻
回覆刪除哈哈~佢地簡直係搶戲~
刪除七色土可能唔只呢度一大塊土地, 睇google map 佢附近有幾塊細小小o既七色土地,o個支七色土可以取自附近的泥土囉。
回覆刪除兩隻貓仔好乖任你影相喎。
原來係咁~不過我都係認為支野係假既!
刪除係呀好可愛~~
哈哈,原來個blog 去到非洲喇,巧開心呀!又有旅遊嘢睇^_^
回覆刪除好靚呀,毛里裘斯嘅海灘,果條橋,仲有呢個七色土,相影得讚景又靚人又正!仲有免費貓model!!
第一餐正好多,酒店餐廳又中伏:(
但間洒店好靚呀,非洲夠晒大所以酒店都大過人,真係好正呀,房大影靚,睇見都開心
係呀~儘快推哂出黎~~~等個電話多d空間再影相~~~
刪除個海真係靚既~~~~隻貓貓都好可愛~~
第一餐連鎖餐廳..作不得準~
佢地d房普遍都幾大~住得好舒服~
哇哈哈哈~~~~主席不愧為主席,吉卜賽的愛實在笑Q屎喎!!
回覆刪除你估主席咁易做架~
刪除妳好勤力做運動....乘乘...累就休息下啦
回覆刪除早餐好豐富...
仲乜騷擾龜龜曳曳呀....哈哈哈
有呀今日就會休息喇~因為阿婆生日~
刪除早餐幾唔錯~
唔係我呀~~~我負責睇甜片架咋~
哈哈哈,吉卜賽的故事也在歐洲,差一丁點。
回覆刪除今期宇文公子和靚模常常出鏡,這樣才是旅遊網誌囉!
差好遠~個意思~
刪除哈哈~~~人醜不好意思常常出鏡~
唔。。。毛寶就快要係荷里玉行紅地毯噃~ 我上一次旅行先玩吓拍片,不過就未得閒攪
回覆刪除粉紅色尿笑笑C人啦~ 我上次食完無留意添!
刪除哈哈~勁呀佢~
刪除拍片唔難..後續先煩~
如果你有粉紅色的夢點會留意唔到~
刪除唔係個個有架!放心~