2017年8月10日 星期四

毛里求斯渡假+馬達加斯加麵包樹之旅2017-05-20第一天Part 1(天晴及後下雨)

星期二....番工順利~放左工又即刻跑去做運動~又係快走+慢跑~4k左右~都幾乖~臨走時推開門..有個男人帶小朋友入內...講左句野...心諗...個野把聲勁似陸永(但我無望)...擰轉頭就見到毛寶話:陸永喎~......下~乜真架~番到屋企繼續煲埋三生三世十里桃花~~~~星期三....無咩特別~~下午因為有其他野做~爽爽的~~~呢日無去做運動~因為兩晚無番堅企食飯陪娘親~....星期四...中午出左街食飯~去左食日本野~好耐無同過i子同Chlo子一齊食中午飯喇~~放工今日都係番左屋企食~因為太耐無同媽媽食飯~我唔係偷懶無做運動架~係佢呢個禮拜收太早咋~星期五開始會日日去做~我覺得呢個禮拜過得好快!



開唔開心呀開唔開心呀~~~要出非洲篇喇~~~~~~~有無好突然既感覺呀~~~



2017-05-20
Day 1---Part 1(澳門 Macau->香港 Hong Kong->毛里求斯 Mauritius)

巧喇~~~~非洲團出發~~~~話哂呢個都係我2017年既大旅行~~~真係有d期待既~加上我好耐無去過非洲喇~~(而去既地方亦唔多~~得南非同埋埃及)....對非洲亦唔係好熟悉~~今次仲要自由行~~真係有d驚驚~~好彩有人依靠住~~但話哂去到咁遠~唔多唔少都有好多野要準備下既~~你睇下~~我出發時個gip又滿哂喇~~但都執得幾整齊呀~~(仲有包熱浪鬼鬼祟崇跟我飄洋過海~~其實熱浪可以考慮下搵我做代言人~~)...哥日下午請左鐘係屋企休息陣執野沖涼....無記錯最後一班機場船係19:45~要早一個鐘18:45出到碼頭寄行李~~好~出發~~




去到機場check in寄行李(此時件行李已經17.12kg..無眼睇)之後....我地就去食野先啦~~~又係用盡信用卡優惠時候~~今次又係去左1號閘口隔離哥個Lounge~~(聽講隔離仲有個新開既Lounge!!我諗我要到下年先再試到)....多人到....




梗係要食番碗魚蛋粉啦~~~毛寶同我另一個朋友話覺得澳門哥碗魚蛋粉好食d...我就鐘意香港哥碗多d~~~原因係我好鐘意食片頭~~~~睇下姐姐俾幾多片頭我~~~~~(但薯格和春卷好難食)..我覺得去大旅行前食番碗魚蛋粉是很重要的一回事~(不過呢日個lounge坐得超唔舒服...無冷氣超焗!)




食飽飽周圍行下....入下熱水....買下雜誌之類......呢個用罐頭砌既鴨仔又幾得意喎~~




行到閘口坐下上下網等上機~梗係要同塊牌影下相啦~~~介紹下今次d團友先~~~有我啦~有毛寶啦~有Chlo子啦~有Chlo子老公啦~我地以下簡稱佢兩個做衰公衰婆~話實在....今次個旅行真係咩都無做過~~~~~~多得有衰公衰婆咋~





仲有呢個小孩都會跟埋我地一齊去~~~~~真係好羨慕你!!咁細個又唔使俾錢去左咁多個地方旅行~~~~~~<3..好醒目呀你個樣~~~~




我地搭毛里求斯航空既MK641係01:30由香港直飛毛里求斯(Mauritius)~~~大約9個鐘度~~~第一次搭呢個航空公司咋~但佢張登機證用d泛黃既紙print出黎感覺好流......今次我係無帶任何既公仔出發既~廢事俾毛寶笑啦~都係用特區護照陪我飛!!!因為好威威去毛里求斯唔使簽證...而馬達加斯加可落地簽證~(其實澳門特區護照都可以搵我代言下啦~我成日係我個blog度讚你幾威幾威咁)




坐第9行~都幾前~一上機...發現有過夜包喎!!幾驚喜!!!!內容物幾唔錯~不過d位有d迫呢~





飛定左空姐就派入境紙填填啦....此時毛寶已經訓到流哂口水....呢d粗重野梗係我做架啦!!!張入境紙印有代表毛里求斯既動物渡渡鳥(or嘟嘟鳥)~係一種淨係產於南太平洋毛里求斯上唔識飛既鳥...但已絕種.....係國鳥黎架!!




除左填入境表之外...仲有健康申報表要填.........順帶一提....好多blog友都叫我去非洲之前要打針.....但....哥排就係無時間去打........見毛里求斯同埋馬達加斯加入境都無話強制要求打黃熱病針入境(如果你係肯雅飛過去除外呀!!要打架!!)...不過佢兩張表問d野都算清楚~唔難填~





第一餐係凌晨兩點幾食既晚餐~~我揀左魚....淡口味......唔算太難食...但一定唔係好食.....個沙律還好...甜品又係甜親自己之作~華...我飲左杯咩呀?個色咁既?....相信係果汁..但唔記得係咩汁~毛寶眼訓到連飯都無食過~~~~(又流緊口水)




我真係好鬼痴線....個個都訓哂...我仲開番套我的少女時代黎睇.....睇完仲唔夠....仲開多套星際啟示錄(Interstellar)望望...但由於無中文字幕成功地俾佢催眠左...Zzzzzzzzz



再開眼時佢已經派早餐中~~(我都唔知自己訓左幾多個鐘~~)打開窗~發現已經日出中~~~~~~~~




早餐揀食腸仔蛋....毛寶終於爬起身食野~~~~但勁難食~~~~最好食係生果~~~~~~跟住一路食一路睇"點五步"....點解睇呀????因為Supper Moment唱電影主題曲呀嘛~"沙燕之歌"~仲攞埋金像獎架呢首歌~~~~~梗係要睇睇支持啦~~~~除左主題曲要留意之外....其實呢套戲都好勵志好熱血好好睇!!!係睇一隊棒球隊既故事~~沙燕!西!!!!!!!!!!!!!!!!!!!!!!!!




睇完點五步再開窗~光啦光啦~




飛低左喇~~~我諗差唔多降落~




見到有陸地喇~~~~yeah~~~~






飛左9小時45分...係朝早7點15分左右就到達毛里求斯喇~~~天色仲係清晨狀~





但無啦啦一落機影番轉頭就見到烈陽.....岩岩載我地黎既Air Mauritius~~~~




呢個機場都幾新式同埋採用日光多~我鐘意~前面綠色書包小孩個書包入面到底裝左幾多野?一開始就脹卜卜既?




入境都算大致順利既...無乜問問題...唯一係佢對我地本特區護照係咪免簽存疑.....佢問下隔離同事就放行了~好靚既入境印呀~~~佢地既國家地圖入面係嘟嘟鳥~~~好靚~~~




好喇~過埋健康申報攞埋行李出埋禁區~順利進入印度洋島國~~呢度係以法語同埋混毛里語既法語為主~不過英文都好通用~島上以印度人為多~




咁我地順便係機場換埋錢先~都有好幾間架~不過望落間間匯率都差唔多~有d仲寫明無手續費...我地最後揀左最左手邊哥間Barclays...咁我就用左美金黎換毛里求斯盧比~(當時現場計過美金比歐羅平少少咁多)....美金兌毛里求斯盧比匯率係34.25.....即$1=RS34.25.....我當時就換左USD500=RS17,125......又經神算t計計即1hkd=RS4.4023~




毛里求斯貨幣長這樣~都係用人像多~




機場外觀~華~一出左機場即刻感受到熱辣辣~




好喇好喇~我地去攞車先~~經Rentalcars.com租左First Car Rental既車.....我地租左9日車....包埋GPS呀保險哥d費用...總共£786.52=7647.48hkd........每人每日212.4hkd~




不過...去旅行既野...梗係會有d野發生架啦!咁我地係租左架自動波既7人車既.....點知去到個First Car Rental既counter佢就想俾架棍波7人車我地...點揸呀攰屎人咩...(雖然唔係我揸).......點知個職員話公司俾order佢地係我地租棍波7人車.....但我地企硬俾埋預約佢睇話我地係Rentalcars.com係預約左自動波既7人車.....咁佢就話...依家只有一架棍波7人車...同埋一架5人既自動波係度..............咁唯有揀自動波5人車先啦........佢話兩日後先有車俾我地....話再約係酒店換車.....同時衰公衰婆要求呢兩日退番差價俾我地(因為兩架車價唔同).....衰公衰婆搭完長途機仲係好醒目...我只在旁邊耍廢.....個First Car Rental懶懶閒....最後衰公番到黎再追Rentalcars.com咋......依家退番錢俾我地喇~hi~呢兩日靠你喇~其實好有難度架..因為呢個5人車要裝4件行李同4個大人喎..其實好逼...如果唔係我地都唔使租7人車啦~




辛苦哂衰公喇~一落機就要揸車~認真駕車的男人最帥~(衰婆講的)...由於車尾箱太小了....放唔落4件行李....放左3件係車尾箱...其中一件放係熙蕾bb個位~3個好靚既女仔一齊坐後座~睇下好天到~




因為實在太早~未有酒店房~一落機就有景點啦~第一站係同機場相隔不遠....位於東南部既藍灣(Blue Bay)....呀~~~好靚呀~~~~d藍色勁深淺有序~~~~好像冰涼藍~~(但實況是十分的熱和曬~因為上機著長褲~所以呢個時間我勁希望我自己著緊短褲~)





同藍灣黎張合照先~~~~剛落機都費事嚇親你~戴番副超遮遮~頂帽我係復活島買架~不過毛寶話唔襯我喎...chur~不過對我黎講個邊確係有d太細...遮唔到咩太陽~






水勁清~睇到好多魚仔游緊~




呢個沙灘係堅水清沙幼~不過我地無落水呀~剛落機都係唔好太操勞~有好多人想now我地坐船出海~不過都一一禮貌拒絕~





雖然係幾熱~但係樹蔭位都幾舒服既~因為有風~睇下隻狗仔幾嘆幾醒~




如果可以係高空影應該好靚呢~影到好多層次既藍色~




行前少少去小碼頭哥度~





呢度應該係影飛機升空既好位~因為我地都睇左兩三次~而且都幾近下~





好鐘意呢張呀~毛寶想幫我同小狗影合照~佢本身坐係度架~我地一影相就懶理我地起身伸伸懶腰就走了~




好鐘意呢個海既藍~同埋佢既清澈見底~自由行真係好~鐘意影幾耐都得~







拿~又有飛機起飛喇~~~~~好lu~第一站完喇~上車~







三生三世十里桃花~~~
救命~~花痴咁5日睇哂~~~~
好忙呀~~~~~
好好睇呀真係~~~~
趙又廷真係好帥~~楊冪又真係好襯做上神~~~~
無論趙又廷做墨淵定係夜華...都令我原地轉圈~~
最後我見到白淺同墨淵講話會向佢盡孝道哥時.....
墨淵個樣梅哂........好啦~~雖然我都係鐘意夜華多d~
但係.....墨淵要優先抱緊處理!!
唉....睇完我依家又好失落~
所以我決定.......由第一集再睇過~(誤)
有晚訓覺前同媽媽閒聊...
我:媽媽...趙又廷真係好靚仔呀可~
媽:邊個係趙又廷?
我:咪夜華囉~~~~~~~~~~
媽:0我~
我:佢係台灣人黎架~~同高圓圓結左婚既呢~~真係郎才女貌~~
媽:下?佢結左婚?封左盤喇?好可惜呀....
阿媽...你想對趙又廷做d咩呀????
唔得喇我要去保護佢喇~~~~~~~~~~~~~~~~~
(我聲明我無忘記Sunny bb架)



2017/08/10的開心事:
今日i子請我地食飯~多謝i子~*3*



報時:距離與毛寶慶生快閃台北之旅2017仲有---48日~
報時:距離日本四國自駕遊之旅2017仲有---64日~
報時:距離日本大阪自由行之旅2017仲有---119日~
報時:距離新加坡熱辣辣聖誕節之旅2017仲有---133日~

34 則留言:

  1. 非洲的陽光與海灘果然一絕, 真係好靚, 期待下一期

    回覆刪除
  2. 個海真係非一般既藍,藍得好靚
    飛機餐上望到有粒芝士,真係好幸福
    銀紙有印度人,洋人和亞洲人好聯合國FEEL

    回覆刪除
    回覆
    1. 係呀~真係藍得好靚~
      如果個包好食d...有舊芝士我都開心既~但舊包太難食~
      華~我都無睇得咁仔細~~

      刪除
  3. 你而家keep住做運動?祝你以後身體健康啦~

    毛里求斯同馬達加斯加未係黃熱病高危區,不過你未去既非洲國家好似得返撒哈拉沙漠國家同納米比亞唔係高危區,所以之後再去非洲都係打針好d,唔好搏

    今次d飛機餐好似早餐仲豐富過晚餐

    據講好多國家d人見到澳門同香港本護照大大隻字寫住"中華人民共和國",會以為係中國護照一種,會周圍問人係咪唔同,呢種情況我係南非都發生過

    回覆刪除
    回覆
    1. 多~謝~希望啦~
      下次去非洲都唔知係幾時~唔擔心住~
      唔知..兩餐都一般~
      係呀!我都試過呀!!好似去到杜拜轉機佢以為我地要簽證...搞左超耐先知唔使~

      刪除
  4. ♦⊹¨*☾好友🌜晚安☁・。。゚🌛
       ╭───────╮
       │瞓覺豬呢💤│
       ╰───────╯
    ╭───────╮
    │甜夢安睡💤│
    ╰───────╯
      O
       o❉
     .∧_∧・。。゚
     ( ・ω・ )
     |⊃/(___*
    /└-(____/✾
    ๑۩۞۩•ೋஜഐ

    回覆刪除
  5. 我都有叫我媽咪睇三生三世十哩桃花,聽講好好睇,我自己就冇,哈哈哈。

    回覆刪除
  6. 澳門passport去南美和非洲看來都好方便,去前前葡屬地係咪都免簽?.....好想移民澳門wakakaka....
    超靚喎個灘,啲水清到呢~~~~~~行程剛開始依家好美白,之後有冇晒黑咗?
    之後換返七人車係咪即刻舒服晒?

    回覆刪除
    回覆
    1. 我上次去南美係葡國護照呀~澳門特區護照一d都唔方便..超多要簽證....香港特區去南美多好多喎~
      個海灘係幾靚既~~~今次好d喎~我唔係好覺自己黑左~
      梗係~一人一件行李4個人係坐唔到5人車~

      刪除
  7. 我即刻搵趙又廷係點嘅樣......幾似韓星,唔似av男優......
    堅恨睇你同陸永合照,真係好想好想好想睇架......
    啲相幅幅都好藍好藍好藍......

    回覆刪除
    回覆
    1. 好靚仔~但我都係鐘意sunny多d~
      我遇上陸永哥刻我其實係諗起你...諗緊好無整番張合照黎完成你心願~最後我太臭..做完運動~同埋費事搞住佢同個女玩~放棄~
      個海係幾靚既~

      刪除
  8. 個海真係超級藍呀!租車公司咁衰既 好彩你地企硬渣!好期待之後多姿多彩既旅程呀:)

    回覆刪除
    回覆
    1. 係呀...大佬..唔同價架喎!好彩佢地搭完機仲係咁清醒~
      之後其實都係陽光+海灘~~哈哈~

      刪除
  9. 個灘d水好清好藍,好似馬代咁靚啊!呢個地方都係我個bucket list

    回覆刪除
    回覆
    1. 佢地個海係幾靚既!但海底世界老實講好似不怎麼樣~

      刪除
  10. 我係滿地可唐人聚居區的圖書裡, 都見過陸永拖住個小朋友.

    回覆刪除
  11. 終於到馬達加斯加+毛厘頭啦,等咗好耐呢~ 這行程大約十多年前已有諗過,可惜一直無成行,而家睇你當去咗!🤣
    我都有微型銀仔跟我去旅行架~
    嘟嘟鳥好慘,比歐洲人食晒😭
    4k!?都話10K洛!

    回覆刪除
    回覆
    1. 華~你之前十幾年去既過可能平好多啦~~我覺得佢d野唔平呀~就等於你露營車橫渡非洲我都係睇左當去左~因為我搞唔掂d紅色百足~
      係個磨~微型銀仔出過鏡未~~~~~~
      我都係以前細個睇叮噹先識嘟嘟鳥~
      sunny都無親口同我講~

      刪除
    2. 我當年好記得club med個旗艦resort就是係毛厘頭架!仲有兩間添!如我去一定要住。而當年我找過馬達加斯加的資料更是少得可憐,現在不同了,早前跟你講過我係面書上已有人帶了幾團生態團了添。
      紅色百足<-- 原來是讀者最深刻的一幕,不知有無人覺得我係老作架呢?
      微銀係伊朗才出現

      刪除
    3. 華~一定好正je~~唔知貴唔貴呢@@
      實有d地方一去開就會之後超多人一齊去架啦~好似冰島咁~~~~
      下~我無呀~我信到十足架~我仲有同毛寶形容過~~~勁恐怖~~~
      帥銀哥...你已經積左好多遊記喇~~~~

      刪除
  12. 嘩... 非洲篇開始lu,落機無幾耐D海水真係好清,個天又藍。期特你今次嘅旅程。

    回覆刪除
    回覆
    1. 係呀~非洲要開始了~呢個地方好耐無出現過非洲既行程~

      刪除
  13. 妳似咪知自已肥肥嘟嘟、所以咁勤力做運動呢....點都好keep going....
    真係想做隻公仔、可以免費四圍去旅行......
    妳地租車同我地在加拿大囉車一樣喎....
    海灘都幾靚喎........

    回覆刪除
    回覆
    1. 哈哈~無d咁既事~係毛寶話好想做運動~叫我陪佢~
      我都好羨慕佢唔使錢可以周圍去~
      應該各個地方攞車都係差不多~你地租車貴唔貴呀~
      d海水好藍好靚~

      刪除
  14. 我都係好鐘意食片頭喎,入境印好靚呀,
    睇到你講毛寶在機上睡覺情況,笑左,佢比你咁寫咩?^^

    回覆刪除
    回覆
    1. 勁好味既片頭~入境印真係值得收藏~
      哈哈~~~我地呢度好自由既~~~

      刪除
  15. D相影得好靚啊,請問用什麼相機拍的? 我每次旅行只懂用儍瓜機��

    回覆刪除
    回覆
    1. 哈哈~~你用傻瓜機已經好好架喇~我用iPhone咋~

      刪除