2017年8月3日 星期四

"六公子"帥帥出使釜山之旅2017-04-17第四天(雨天)

星期二....好熱~工作正常~~星期三....朝早好熱...但之後落左場大雨~又無咁焗~早餐食左個好好味既豬扒撈米之後...唔知點解個人暈暈地...開始有d頭痛........星期四....唉...成晚都訓唔著...個頭勁痛.....痛到我標哂眼水...胃又反.....成6點先訓著一陣......又起身番工了...我真的好強~成日都無咩胃口....快d頭痛去去走啦~



2017-04-17
Day 4(韓國,釜山 Korea,Busan->澳門 Macau)

咁我地11點check out左兩間房~~租多其中一間半日~因為因為食飽飽我地再行街街時麥公子就可以係哥間房休息下~(唔俾你行呀~~~~)...戈巴車左我地黎呢度食野~(呢條街好似有好多間都係食韓式炸醬麵~不過我唔知呢度係邊度~)




呢條街間間都係舊式裝修..得呢間係新式既裝修




原來呢間係食中韓fusion菜的~先上前菜...不錯吃~真係好中式喎有炸菜狀既物體食~




我地叫左4個2人餐...其中兩個係唔同既...分別係16,000₩=109.6hkd同埋18,000₩=123.3hkd.....內容其實都差不多~可能係主菜有一至兩個不同~咁唔分開講喇~~前菜沙律同湯~沙律好食~但湯好似去外國跟團d團既中餐咁~





兩個菜狀既餸.....圖一哥個好食d





我覺得呢個chilli shrimp好好味喎~




甜酸骨話~我覺得中式既整得好食d~




炒海鮮既物體~唔記得咩味~淨係記得佢哥兩個饅頭好搞笑~




仲有主角韓式炸醬麵....不過唔係好夠甜味~(查實我覺得係grand mart買哥個即食麵裝既韓式炸醬麵好味d~~)




除左個餐之外...我地仲叫左個海鮮麵..一個辣一個唔辣....各8,000₩=54.8hkd...但個味都係得啖笑~因為極重味精味呀個湯~~~





仲有叫餃子...7,000₩=47.9hkd...不錯吃~




呢餐食左95,500₩=654.1hkd....味道平平....但真係幾平...每人才93hkd!.....份量係幾夠飽既~




好喇~又到離別既時間喇......戈巴同我地食完飯就走喇~~(係呀...戈巴唔係住係釜山架...特登揸成幾個鐘車黎架).....仲要係車上面戈巴同我地講呢幾好多謝我地同佢一齊玩(戈巴識普通話架好叻仔架~)....聽完之後幾個女仔亂哂籠.....明明應該係我地要多謝你呀~未反應到過黎時期間毛寶仲好大聲咁用普通話講:你不要再講話喇~................此時車廂一陣寂靜.........最終由我呢個讀過毛寶翻譯學既人黎解話:你係咪想同戈巴講"你唔好咁講啦~"呀?......然後大家一陣大笑~~~~~~~~~~~~頭先毛寶明明想好客氣咁同戈巴講唔好咁客氣唔好咁講啦~~~~最終又係爆笑收場.........(戈巴仲抵死到不停同麥公子講"你不要再講話啦"呢句說話狂抽水~鬼馬呀你~).............呢個時候我地話已經有d唔捨得戈巴喇~拜拜戈巴~再見~



戈巴放低我地再行街街(落勁大雨)....佢車麥公子番酒店休息就走喇~再經過另一間便利店見到另一樣當時fb又興起既米奇朱古力奶~個樽係幾靚既~但係我驚好似小小兵咁既粟米味飲品咁觸礁....都係拍個照算了~






都係飲番最穩陣既香蕉奶仔最著數~雖然已經賣到連澳門都有得買啦~但我都係覺得咁好飲~




之後有行到Daiso呀~韓國Daiso幾多正野買喎!!!!米奇拖同埋去旅行入洗面乳d樽都好正丫~~~入野哥d樽仔才1,000₩=6.8hkd.....仲要好實淨個樽口又夠實喎!!!好正呀!!下次有人去再叫佢幫我買先~同埋買左4件衫~~最後一日之搏殺~




番酒店房執埋d野~check out埋最後一間房我地臭埋麥公子去高個茶先~揀左酒店附近既CAFE광복로光復洞...地址:부산광역시중구광복로43번길4





我地話出機場前飲個下午茶先啦~麥公子就搵到呢間~呢度出名食彩虹蛋糕啦~~~~好少女呀~~~~~同我一樣咁少女~~(我地講好左唔打頭架)






仲有勁多千層蛋糕~~首先有呢個彩虹千層...7,500₩=51.4hkd......係靚既...但食落無咩作為呀~一層層咁無主題味~就係得一層層既皮味~




綠茶千層蛋糕....7,500₩=51.4hkd......綠茶味不特別出色呢~




呢個....提子千層?.....一樣都係7,500₩=51.4hkd.......但勁難食.....假味咁




千層仲未識屎...再黎多個Tiramisu千層.....7,500₩=51.4hkd......呢個.....起碼係正常既Tiramisu味....但好漏~




最後一個彩虹蛋糕....9,500₩=65.1hkd.....華~~~~呢個係最好味既~~佢一層層既彩虹蛋糕中間係隔住d好似芝士蛋糕咁既~~~最出色係呢個~~~~其他d千層真係....算啦..我唔勉強自己扮少女話好味喇~




呢間野扮扮少女影下相係ok既.....d千層蛋糕真係一般般......食下午茶都係食番咸點有兜薯條咬下先襯公子~





食完出黎覺得唔多滿足...因為頭先間cafe無咸野食~咪住去前面食街食番噚晚哥檔韓式魚片囉~點知.....因為落雨姨姨無開~~~~就食另一檔....點知呢檔個阿姨超衰...勁衰....我地行左埋去佢同我地講幾多蚊幾多串之後....毛寶同杯就開動緊食...當我地諗緊我地食咩好.......跟住佢以為我地咁多人食幾串(其實我地講緊食咩)....佢用韓文鬧我地.....話食咁少阻住佢個檔(咁梗係麥公子聽到啦...但我地無駁咀呀)................我地喎....七公子喎....會食得少.....咁你走寶啦.....




報復既方法係....我地費事咁串行左埋去唔食..派毛寶同杯食左最少份量(唔知幾多₩..3串...佢地就淨係食3串)......我地4個行開.....唔阻你間鋪......但之後6個一齊去佢超近既對面檔(哥檔野新檔黎既...靚少少貴少少架...但有瓦遮頭...雖然都係企既...但新式d)......喪食~~~~~~~每人食好幾串~~~~呢檔野超有禮貌超客氣~~~我地叫麥公子幫我地叫份青口(個湯匙哥度哥d)......點知佢既回覆係:d青口係要黎煮個湯底架咋~~(個湯底勁有誠意)..............食到癲到.....繼海鮮市場想食埋人地個午飯辛辣麵之後.....我地連人地檔放湯既青口都想唔放過~~~~~~哈哈~~~~呢檔d韓式魚片都好好味架~仲款式多d添~個湯除左有青口之外仲有好多既蝦仔~湯底甜得黎仲有少少辣辣地~好正好開胃~..........報復既最高境界...唔使同你口角既~唔俾錢你賺咪得囉~




食飽飽行番酒店....攞埋d行李....我地預約左黎哥時哥部jumbo taxi....佢超級準時咁黎到~咁我地就出機場喇~~~都係大約大半個鐘度就黎到~唔知點解覺得佢個出境大堂靚話入境大堂~可能覺得光猛d~.....咁去左check in先....但超多人排隊....恐怕想要求坐前d唔使行咁遠去個位度既要求排到埋去已經無左個位......麥公子去搵職員講講佢隻腳既情況(真係唔好意思你隻腳腫到咁仲要你親自去處理呢件事....)...希望可以安排個前d既位~好彩仲有位...唔該哂釜山航空~......跟住我地就去左還wifi蛋啦~(我個gip去程7.4kg..回程16kg~順帶一提~)





之後就入禁區啦~禁區入面都有7-11架喎~幾好~睇下有咩買囉~勁多人~~~~見到哥期岩岩新出既益力多果仁~~細細包咁買左番黎做手信~~~~不過唔算好好味喎~哈哈~




呢隻三文治好搞笑~好似蛋糕咁有cream同埋士多啤梨~但都算幾好食~




仲有佢~~~焦糖味布甸~~~~~真係真係真係好好味~~~




然後又係用盡信用卡優惠時候~任入機場候機室嘛~梗係又入下啦~繼上次入左芬蘭兩個候機室同埋台北之後~再來試試呢個KAL Lounge~係位於Gate 4隔離上3樓既~





無新鮮麵食~但有韓國杯麵~~~~~~~野食選擇不算多~




仲有好多野飲~~華~~連XO都有~~~XXD





晚餐~~~~~有左呢張信用卡係幾好既~~依家係機場都唔使俾錢食野飲野~~~~~個包估唔到的好食~




再將頭先個布甸外衣撕開~~~~~~~~~~~~極度滑~~極度水嫩嫩的質感~~~~





食飽飽就去閘口等上機啦~~由於無登機橋架~~~麥公子又行唔到樓梯....所以職員用輪椅推佢上機.....真係麻煩哂d職員幫我地照顧麥公子喇~




而且因為麥公子傷左既緣故......佢d同行朋友都一齊坐第一行同埋第二行..........................(希望下次唔好因為呢個原因先坐第一行..不過今次真係我第一次坐)




有個職員同朗公子護送麥公子上機...其他人就自己排隊搭車行樓梯登機啦~我地搭釜山航空既BX381班機係22:00由釜山直飛回澳門~拜拜喇釜山~




上到去麥公子已經就坐....佢頭先原來係另一邊機門搭呢個升降台上黎架!依家先知.....咁都叫有d野會方便傷健人士搭飛機.......(因為我諗起日本有單野要個傷健人士自己............)...多謝釜山航空的幫忙...佢地服務都真係算係唔錯~




第一次坐的第一行....因為隔離左邊哥隻豬蹄~佢之後番到澳門隻腳仲要腫到新高點....我諗哥野佢咬得好嚴重...真係可憐........




飛定左之後又派餐~坐第一就食第一啦~晚餐係泡菜炒飯~幾好味喎又~食完望番轉頭發現.....仲未派完餐~





因為個起飛時間改遲左...番到澳門成點鐘......番到屋企訓落床都成3點...................好彩哥日杯公子老公車埋我地番屋企咋~~~第二日又要番工喇~~~~~~~~~~~~~好恐怖~~~~~




總結:
1.使費:1,078mop(機票)+1,018(3晚酒店)+90.4(保險)+598mop(碌卡)+52mop(租wifi蛋)+5,116hkd(食買玩交通)=8,106.4hkd(港葡幣加埋約數)
2.好多謝麥公子全力支持我寫呢個blog~因為我真係咩都唔知~咩都唔曉~~所有地方名呀~餐廳呀~地址呀~我全部都要問番佢~所以可以完成呢個blog真係多得麥公子~
3.我去過3次首爾...釜山真係第一次黎咋~我覺得都不錯丫~可能幾有新鮮感~而且無首爾咁多人~(雖然都係多人)
4.可能釜山靠海卦...我覺得佢d海鮮好食同抵食過首爾~
5.又到多謝人時間~好多謝麥公子呀~好多謝佢幫我地排好哂成個行程呀~我完全無諗過野架~連路都無認過~今次旅行去得好幸福~又做埋翻譯~~多謝戈巴呀~多謝你車我地周圍去玩呀~而且對佢愛人d朋友都好好~好細心貼心~感受到了愛屋及烏~~而且非常喜歡你誇張的演技~!出色~多謝二哥車我地去玩~辛苦哂~多謝杯同杯既愛人車我地~係去程救左我同毛寶一命~番黎又車我地番屋企~辛苦哂~多謝毛寶既國際化笑話~令我地成程都笑得好開心~多謝主席揸公數~多謝貞袋住隻wifi蛋~...係喎~仲有多謝凱公子出發哥日黎送我地機~~~~~~最後...我要多謝我自己~因為我咁利害完成左呢個遊記~多謝你呀小t~
6.呢次既好玩~並不因為地點~而是有大家~多謝公子的陪伴~我都知人大左好難約埋一齊去旅行架喇~希望我地再有機會7個齊哂一齊去玩啦~因為永遠同公子一齊先係食得最喪笑得最放~*3*
7.因為我地係7公子...我堅持寫到第7點....縱使其實第7點其實係無內容既~
~The End~
~多謝收看~






2017/08/03的開心事:
8點!!!靈感床MV推出~~~~~~~
期待已久~~~~~~
d插畫動畫好靚呀~~個MV好有新鮮感呀~~~~
埋黎睇埋黎揀喇喂~~~~~
旋律響~~徹耳朵~~柯柯柯柯~~
文字充~~斥血管~~窩柯柯柯~~




報時:距離與毛寶慶生快閃台北之旅2017仲有---55日~
報時:距離日本四國自駕遊之旅2017仲有---71日~
報時:距離日本大阪自由行之旅2017仲有---126日~
報時:距離新加坡熱辣辣聖誕節之旅2017仲有---140日~

38 則留言:

  1. 有時心情可以影響病情,諗下聽日就係星期五啦~~
    其實韓菜本身有d似中菜,有時都好難分得清…不過中國人係韓國人面前講錯普通話又好似失禮左d
    你地好叻喎,已經學識不戰而屈人之兵法
    就後我都多謝你又送左一篇遊記畀我睇~~

    回覆刪除
    回覆
    1. 更正:最後我都多謝你又送左一篇遊記畀我睇~~

      刪除
    2. 我好番好多啦~
      係呀都幾似~~~~.....哈哈~~佢搞下笑je~~~~
      都無咩好嘈啦~~佢又唔知我地講咩~~~
      野~~~好衰架~~客咩氣~~~~

      刪除
    3. 我明喎~~~~~~我都成日打錯字架~~唔使擔心~~~

      刪除
  2. 請教一問, 信用卡優惠任用機場候機室, 一張卡可以幾多人享用個候機室架? 係咪用戈張CXM大風銀行戈張卡呀?

    回覆刪除
    回覆
    1. 呀~你真係好聰明呀~就係哥張ctx哥張喇~佢係寫只可以一人入..就係卡主~~主卡同附屬卞都可以入~~只要問大豐申請多張priority pass就可以了~(主卡同附屬卡主每一要有一張pp card)

      刪除
    2. OK OK, 唔該曬你呀

      刪除
    3. 唔使客氣~~得閒交流下信用卡優惠啦~~~
      (不過俏俏說...我媽上次唔記得左唔可以帶人入...帶左一個人入....點知....都無計過錢喎....不過唔知係咪次次得~~~)

      刪除
  3. 好開心的一個trip呀~ 人越大難越約成班朋友去旅行,好羨慕你哋成班玩得咁開心。
    麥公子對腳好返未?希望無事啦。

    回覆刪除
    回覆
    1. 係呀~~真係好開心~~~係呀...我諗以後越黎越難約~~所以真係好難得~~
      無事喇~~依家健步如飛喇~

      刪除
  4. 第七點果度我真係笑左出聲啊!小t太可愛了

    回覆刪除
  5. 回覆
    1. 🌟瞓醒大家繼續♦╠╣aΡpy週五✨
      好友☁🌙又是時候瞓覺囉🌜甜夢🌛💤
       O
         o
       .∧_∧・。◇
       ( ・ω・ )
       |⊃/(___°¨*✬
      /└-(____/★・゚☆
      ✾๑۩۞۩❉•ೋஜഐ*

      刪除
    2. 星期一又過去了~真快~

      刪除
  6. 又玩完一個旅程~
    係靚既...但食落無咩作為呀<-- 一睇就知好睇唔好食啦😂
    報復最高境界我都睇到好興奮呀!呢D咁嘅人我係唔會比錢佢賺架!😡 我地下個月去,無人識韓文,比人鬧都唔知添,不過我識睇面色⋯ 聽我居住在當地的糖妹講,韓國人都只是一般般

    回覆刪除
    回覆
    1. 係呀~今年既第一個旅行~
      係個磨~~~一睇就知唔好食個磨~~我成日都俾呢D外表呃~
      都費事同佢嘈啦~同埋人在外地~都係嘈少句好D~可能唔識聽仲好~
      都係架...其實有時都無咩禮貌~(不過一部份人啦~)

      刪除
  7. 人越大真係越難約呀!我都約左好耐仲未去得成~
    好認同地點不重要 人先係最重要
    最後個姨姨咩反應呀 haha
    毛寶果句真係好好笑 你不要再講話
    多謝baby又為我地寫左咁精彩既遊記呀!:)

    回覆刪除
    回覆
    1. 係呀...所以連續兩年有得去真係好難得~
      無錯無錯~~~同佢地一齊係最開心既~唔理去邊~~
      無反應啦~理得佢~~~~~
      佢係出黎搞笑既~~~~~大家笑得幾開心~
      野~~~好衰架~~~

      刪除
  8. 多謝妳呀小t,睇完妳嘅posts真係好好好開心㗎,多謝各公子. hahaha....

    回覆刪除
    回覆
    1. 哈哈~~~我多謝大家陪我去多次旅行就真~~

      刪除
  9. 妳現在應該好番晒.....係唔係豬扒變左呀?.....妳又頭痛???有冇睇醫生?Take Care
    D蛋糕睇落賣相幾靚喎....但可惜睇得唔好食!
    機場侯機室都幾多野食喎、仲有酒飲添,岩妳啦。

    回覆刪除
    回覆
    1. 依家無事喇~~唔關豬扒事架~~~~
      係呀得個靚字~~
      飲左少少JE~~~

      刪除
  10. 正,做得非常好,唔幫襯佢,仲要响佢对面果間食,激死佢!!哈哈
    不幸中之大幸係麥公子識得講韓文,唔係都幾呢hea
    八千幾蚊食買玩,不錯,如果我去仲平d,唔知点解我家吓去旅行唔点買嘢,諗嚟諗去原因係我懶拎!!但係住酒店我就唔慳,因為有d酒店响景点內或附近,其實真係好貴,但無計喇唔係自駕遊,想用多d時間睇,所以都會住,真係時間就係金錢!!
    又頭痛,点解會咁架,好為你擔心!!

    回覆刪除
    回覆
    1. 費事同佢嘈啦~人在外地~人生路不熟~
      係呀!!麥公子是最好的~~~
      其實我都唔算買得多野架喇~~但復活節去玩呢個價我都OK架喇~~~
      係呀..我依家年紀大左...我都頂唔順搭紅眼航班~同埋要住好少少~~
      依家茅樹喇~

      刪除
  11. 麥公子腳傷原來咁嚴重架?好彩有另一半照顧都甜在心啦.
    你多謝小t零舍衷心肉緊咁款......回港後貞神同二哥冇乜點聯絡呀嘛?

    回覆刪除
    回覆
    1. 係呀..都好慘呀~不過依家已經無事健步如飛喇~~
      咁我真係做史官都好辛苦架~~~
      我就唔話~你~知~

      刪除
    2. 聯絡吓好吖,識多個異鄉朋友嘛,我喺香港都算係啦,可以傾傾架,加咗fb幾年都未......

      刪除
    3. 你咁都叫異鄉朋友..........香港澳門算係同鄉下嘛...

      刪除
  12. 貞多謝七公多謝t~因為第七點你又幫我地續左牌啦~❤

    回覆刪除
  13. 隻腳依家係咪已經好返晒?
    成車靜晒果一幕我諗你地永遠都會記得XXD

    回覆刪除
    回覆
    1. 好番哂喇~健步如飛~
      無錯無錯~~笑屎人~

      刪除
  14. 我唔知韓國, 但係生活係加國, 又真係好悶, 我可以理解戈巴佢為何說多謝你們來陪佢玩.

    回覆刪除
    回覆
    1. 戈巴客氣je~我估韓國應該都幾多姿多采既....我估咋~

      刪除
  15. 當初有冇考慮去埋日本福岡?

    回覆刪除
    回覆
    1. 又真係無呀~因為一早諗住復活節去...日本實貴~咁岩釜山航空有特價票~就買了~

      刪除