2017年6月29日 星期四

合家歡台北聖誕之旅2016-12-27第四天(陰天及後雨天)

星期二...個人起左身好似無起身咁...持續眼訓~星期三....因為番工實在番得太悶~約左毛寶與貞去上游打個邊爐~好好味呀d肥牛~~~~仲要打邊爐打足3小時~~~笑到流眼淚~~...星期四.....無咩野~準時收工~幾好~......好野丫~周末又有兩個飯局呀~~開心~~~~~~



2016-12-27
Day 4(台灣,台北 Taiwan,Taipei->澳門 Macau)

早~最後一日台北遊~唔食酒店d早餐喇~都係去番阿姨度買早餐食好喇~~~~~~~




唔多揀~~都係食番起士蛋餅同埋鮪魚蛋香米卷~~~





我地買番酒店食~順便行過便利店買下飯團同埋溫泉蛋~~攞番澳門食~~~




去酒店接待處攞埋d噚晚凌晨到貨既手信~我就無pack箱既...因為我想放入gip唔想再hand carry~~~幾整齊喎又砌得~(不過呢...大比佢地就pack箱攞番澳門....點知番到澳門一打開發現佢地俾少左盒鴨舌佢地...佢地send e-mail俾酒店跟進...點知send極酒店完全唔覆佢地!!!大大話話鴨舌都百幾蚊盒啦......跟住要係佢地個fb wall post佢地出黎先肯跟進.........真係要俾個嬲嬲呢間酒店)





開箱喇~我就係買左呢幾樣~有江記華隆豬肉紙啦~(杏仁的NT$320=80hkd....櫻花蝦的NT$350=87.5hkd)...聖保羅Q餅NT260=65hkd.....仲有佳德原味鳳梨酥6個NT$200=50hkd/盒....全部都係做手信....無買番屋企...唔知係咪同門市買既一樣價呢?如果係既仲好...唔使自己走黎走去買~




呢幾日淨係買左呢d咋~極少野~




執好哂行李check out左之後....我地就去左食中午飯喇~黎到食度小月...地址:台北市大安區忠孝東路四段216巷8弄12號





澳門依家百老匯哥度都有度小月食~不過我又真係未食過台灣的~總店好像在台南....




我地叫左呢個6人餐...NT$3,099=774.8hkd.....都幾抵喎...有成10樣野食再加甜品~




寶島四季冷盤...超好味~~全部都係d爽爽脆脆既材料~出色~(因為我個人鐘意爽爽脆脆野咋~)




黃金鮮蝦卷...ok~




龍蝦卵河粉卷...這個不錯吃




小羊城油雞...我好似無食過~




6人餐嘛~有6個珍饌擔仔麵~好味~好鐘意台灣d米粉咁幼~




蒜泥淋干貝.....一般味道啦~




薑片松阪豬....好似我又係無食~(我當時在忙什麼~~~)




現烤台灣烏魚子....我記得單點係澳門都幾貴下..仲要細細片咁..呢度都幾大方~




山藥雞湯...毛寶說好好飲~




脆皮雞肉卷...我覺得麻麻~~~




除左叫哥個6人餐..我地仲另外單點左4碗擔仔米粉~仲有d小食..有脆皮大腸啦~NT$200=50hkd....不錯吃唷~澳門哥間唔記得有無炸大腸食呢...呢度都算幾大碟喎~




澎湖花枝丸...NT$150=37.5hkd....勁大粒~~~不過我唔係幾鐘意咁大粒既花枝丸...(d人真係好難服侍~)




香酥蚵仔酥...NT$160=40hkd...d蚵仔又幾大粒喎~




食飽飽就去左好近機場既Mitsui Outlet Park林口...地址:新北市林口區文化三路一段356號..華~我第一次去台北行outlet咋~~~~




大唔大呀.....er....其實我地唔係好多時間咋~集中咁行左兩間野咋我~




咦~有Beams喎~~~~唉呀~今次影唔切d人衝入去添~~~~~淨係影到佢同姐姐"已經"入左去~




我行左一圈就跑左去誠品.....有時我都無咩心機睇衫...唔知我係咪一個女仔..(女仔好鐘意買衫架嘛)....但我好鐘意sunny喎~(查實講出黎又無咩關係既純想表達我好鐘意你je~其實我都幾鐘意實力型呀~)......好喇好喇...講重點講重點~~咁我無咩心機睇衫~咪行下誠品囉~行到去某一個位時我突然眼前一亮.........................有成個專櫃係放哈波d書呀!!!!!好開心呀~~~~~~~~~~~~~




正當我睇到如痴如醉既時候.....眼尾望到後面有個櫃係賣公仔既....其中一籃公仔咁熟面口既??望真d~......係哈波既卡通版公仔呀!!!!!!!!!!!係之前日本出既卡通版公仔呀!!!!!係我舊年同公子去完東京番黎先出既卡通版公仔呀!!!!當時唔開心買唔到.....兩個月之後係台灣偶然碰見!!!不遲不早...時間剛剛好呢!!!!(拿...如果我鐘意睇衫就見唔到佢地架喇~)




由於毛寶唔係我身邊...我就唔知點算好喇~唔知自己應該買邊d好~行黎行去左好耐~最後決定.....除左馬份之外的~都買~~~~~~~~~哈波佔了3隻~~~~大的小的都要買~




細細粒哥d都好可愛呀~~~~~好開心呀~~~~買齊榮恩妙麗哈波3個既細細粒~~~真係好可愛呀~有邊個會捨得唔買佢地?!




仲有d書做緊特價丫~Hogwarts Classic我點可以唔買?NT$935=233.8hkd減到NT$699=174.8hkd~...仲有最新的Fantastic Beast and Where to Find Them...由NT$875=218.8hkd減到NT$599=149.8hkd....買黎下次上新戲時帶去裝個b都好呀~




但我最開心係買到呢本!!!!係哈波既立體書!!!係立體書!!係立體書!!!!!!!!!!!!!!!!NT$1,100=275hkd減到NT$869=217.3hkd.......估唔到呢本都有得減!!!!




我同毛寶好認真~為左向大家介紹呢本書~某日為大家影左個短片~仲用毛寶手提上youtube搵哈波配樂~簡直係低級高成本之作~~~~~請細心欣賞呢本咁靚既立體書~~~~~~我真係好鐘意~




你話喇~隻大哈波同我係咪好襯喇!!!(唉呀..呢個女仔好熟口面呀...唔化妝都咁靚既?)....仲有隻大d既..不過我真係攞唔到咁多番澳門喇~~~~~~~hehehehehe~




好喇~自由活動時間完結~出發到機場喇~~~~~~先自助check in先~~





check好in極速入埋禁區~出境手續好快~(但入境勁慢~)




早d入禁區啦~~~既然有張咁好用既信用卡梗係搵d lounge入下啦~~~~我地係terminal 2飛~揀左入呢個More Premium Lounges(其實旁邊還有Plaza Premium Lounge...但估同澳門差不多~所以揀左呢個入~).....一過左海關轉右上4樓就係~跟住"Business Centre"個燈牌就會見到~




刷左卡入去先覺得呢個lounge好舊~野食係多過澳門既...但又唔係好吸引~




仲有哈緊大師食~




我揀左食左少少關東煮~因為成程台灣都無食過~




好喇~食到差唔多時間要去閘口喇~行到去先知道....原來我地飛Sanrio機!!!!!!有少少興奮~~~~我地係搭長榮既BR805班機係16:20由台北直飛回澳門~



一上機先知...原來係大機!!!!!3-3-3哥隻坐法~利害~勁多人回澳~話哂5星航空~信心保證~好開心丫~好耐未試過飛台灣有電視睇啦~通常出細機嘛~




華~~仲要有你的名字睇喇~~~~雖然我睇左~~但有得睇又新~照睇多次啦~




可惜全機除左呢塊逃生指示牌係吉蒂貓之外~其他都無咩特別~好想食卡通飛機餐呀~




好開心呀~~飛機餐係鹵肉米粉~食台灣米粉~~好味~~不過油左少少~~




旁邊包小食極度出色~~~~~~去程時哥個紫菜脆片小食又係勁出色~~~長榮d短程飛機餐算係做得唔錯~好喇~完喇~係咪完得好突然呀~熄燈謝幕喇~




總結:
1.使費:2,220hkd(機票)+2,810hkd(3晚酒店)+1,000(車費)+5,000hkd(食買玩)=11,030hkd....都不使宜呀~不過聖誕節同到屋企人出發係開心既~
2.第一次同毛寶爸媽一齊去旅行~好好紀錄一下下~
3.今次去台灣好似跟團咁~~好搞笑~~一個新體驗~
4.多謝毛寶大姐夫車埋我去機場~多謝大姐姐計劃行程~多謝大比旅程中既安排~辛苦哂大家~今次旅行~無用過腦袋去旅行~~~~

~The End~
~多謝收看~






2017/06/29的開心事:
今晚有麵豉湯飯食~好開心~
仲要有酸薑皮蛋~~好好餸呀~~~~



報時:距離與毛寶慶生快閃台北之旅2017仲有---90日~
報時:距離日本四國自駕遊之旅2017仲有---106日~
報時:距離日本大阪自由行之旅2017仲有---161日~
報時:距離新加坡熱辣辣聖誕節之旅2017仲有---175日~

38 則留言:

  1. Hi小t, 記得我嗎?好耐無留言,但日日有刨你個blog ga! 來緊去大阪,睇返你係大阪食左好多好野!樣樣都引死人呢!來緊會出邊個遊雞呢?

    回覆刪除
    回覆
    1. 梗係記得~~
      我都好掛住大阪~~~~~~~~~~~不過到年尾先有得去~~~你就好啦~~有得快d出發~
      跟住會出公子釜山之旅~

      刪除
  2. 買到哈波好替你興奮呀!呢次最大收穫呢~我好想食飛機餐入面隻蛋 hahaha 好冇出色呀我

    回覆刪除
    回覆
    1. 哈哈~~呢次買得最開心既除左哈波~仲有牙線架~~~~~
      唔係呀~~~點會無出色呀~

      刪除
  3. 聖誕去旅行真係貴,不過開心就值得。
    台灣7-11嘅溫泉蛋可以話係必掃items,我次次都買幾包。
    又寫完一個trip,期待下一個。

    回覆刪除
    回覆
    1. 係呀...幾貴...但聖誕出發又倍感興奮喎~~~
      係呀係呀~~真係好好味~~~
      多謝多謝捧場~~

      刪除
  4. 哈波卡通版公仔好得意,如我鍾意都會買﹗

    回覆刪除
    回覆
    1. 真係...唔買唔知自己原來鐘意到咁樣~真係買完都會甜笑~

      刪除
  5. 我都喜歡吃台灣食物...正呀

    回覆刪除
    回覆
    1. 🌟眨吓眼時間過得好快╠╣aΡpy週五嚟✨
      好友☁。゚🌙瞓覺囉🌜甜夢安睡喇喂🌛💤
       O
         o
       .∧_∧・。◇
       ( ・ω・ )
       |⊃/(___・゚°★
      /└-(____/☆¨*✬
      ๑۩۞۩ஜღೋ❉✾ഐ*

      刪除
    2. 係呀台灣野又平又好味~~~

      刪除
    3. 剛剛又過左星期一了~真好~

      刪除
  6. 哈李細細粒真係好得意,估唔到有咁好既收穫,真係整定等你買返嚟
    去台灣一轉食食食...下次要試7-11蛋

    回覆刪除
    回覆
    1. 係呀係呀~~真係好鐘意細細粒既佢~~~~~
      7-11蛋真係好好味架!!尤其食麵時放入個湯度浸佢一陣...熱熱地天好吃~

      刪除
  7. 咦,咁經你提一提真係要點下貨穩陣啲喎....最後咁有冇得補寄返盒鴨舌回澳?
    正啊哈波公仔,有緣自然能遇上^^

    回覆刪除
    回覆
    1. 無呀...不過追到佢退番錢囉~唔係佢fb俾負評佢都唔覆我地囉...
      真係好有緣~~心都甜埋~

      刪除
  8. 返到屋企先發覺少左野哥刻真係幾徬徨,最後有冇寄返?
    本立體書好靚,冇睇錯既話,係咪講緊第一集?
    最後幅相 ... 我第一眼睇到仲以為D小食係用報紙包 ...

    回覆刪除
    回覆
    1. 無呀...不過追到佢退番錢囉~唔係佢fb俾負評佢都唔覆我地囉..
      佢有幾樣野講架~仲有新哥套怪獸與他們的產地場景~好得意~
      哈哈~~~又幾似喎~

      刪除
  9. 哈哈,我都有買個隻哈利仔呀, 好得意, 我係香港TRENDYZONE買架, 你本立體書唔錯喎, 但點解個故事咁短既??

    啲豬肉紙好無味架? 話說我無食過, 因為我覺得好貴呀

    長榮飛機餐幾正喎, 好過國泰比件難食既麵包你就算, 仲要比包超難飲既紙包, 都痴線架

    回覆刪除
    回覆
    1. 係個磨~~~原來香港有得買~等我哥時仲買唔到日本既仲好失望添~我好傻仔~...都唔係講哂成本故事~~但無所謂~~~因為我係勁鐘意呢本書~~~~
      好味呀~~~~其實都貴架!成舊水盒..不過一盒都幾多既~
      長榮個餐算係唔錯呀~~~兩餐都幾好食~

      刪除
  10. 度小月我都有去過、但只食左膽仔麵味道唔錯。
    哈利波特同妳一樣咁靚啦.......靚女.3
    飛機餐好似唔錯咁喎

    回覆刪除
    回覆
    1. 擔仔麵係最好食既部份~~
      wow~~~有人讚~~~真好~~
      兩餐我覺得都ok喎~

      刪除
  11. 個哈利仔真係好得意,台北嘅花枝絕對係全世界最好食!我都好掛住台北班朋友,年尾都可能會飛過去一轉!

    回覆刪除
    回覆
    1. 係呀le~~
      台灣真係好多好野食~~~唔通你又去睇演唱會?

      刪除
    2. 只係純粹探朋友!😆

      刪除
  12. 有時旅行不知是自己懶定係食過番尋味,我都好似你食早餐咁,咁成日翻酌D食店。
    果間度小T好似唔錯噃~

    回覆刪除
    回覆
    1. 因為哥間真係好好食呀~我驚食過第二間我會覺得無呢間咁好食而浪費胃口!!

      刪除
  13. 本立體書好靚呀,減價真係好抵呀。

    回覆刪除
    回覆
    1. 我去完加拿大旅行,所以成兩個禮拜冇來探你呢!

      刪除
    2. 係呀係呀~我買得超開心~

      刪除
    3. 唔怪得啦~~~~~~好耐無見你~~~

      刪除
  14. 現在長榮進步左, 以前我地好怕搭佢

    回覆刪除
    回覆
    1. 點解既??我好幾年前搭佢去美國又覺得無咩野喎~

      刪除
    2. 80年代佢地被評為危險航空公司前5名呀.

      刪除
    3. 下~~~有d咁既事!!!!!依家係最好既頭幾名喎!!!估唔到!

      刪除