2017年7月3日 星期一

七公子香港一天遊@郭富城舞林密碼演唱會2016-09-03

星期五....好開心有得食subway...但同時又知道埋星期一要ot~~~~好開心呀真係~~~~~~多野做就梗架喇......好彩放左工有得去食新麻浦韓燒~~~~~~但....我食第四次喇..今次d肉真係好難食....肉質差...食完都覺浪費自己胃口....一多人d服務就搞唔掂...我唔掛住你喇.........之後去左探菓子軒~點解無見你一個星期你面肉多左咁多既?????好可愛呀~~姐姐好鐘意你~~~~~~星期六..去左南湖明月飲茶~~之後去左毛寶家睇下d四國住宿~~點解四國d住宿咁難訂架~~~~~有d住宿仲要得日文無中文~~~睇到我呀~~~~(唔好以為我識睇~我都係google translate~~)...好攰呀~~~~呢日睇左成個下午先搞得4晚住宿~~我暈喇~~~夜晚去左食風味居~~去慶祝我既唯四大學同學露仙既生日~~~~~~好開心~~次次都傾到人仰馬翻~~星期日中午食左花道中午set...之後又去左毛寶屋企訂埋哥兩晚房..(但都係仲有一晚未訂...要3個月之內先訂到...)....之後又再睇租車d野....又要研究上高速d收費...又研究張TEP卡...真係攰屎人...仲未研究完...下個禮拜又要繼續~~~~~~夜晚食左牛仔屋~~好耐無食過~~再食埋聰少甜品個龍眼冰~~~星期一....要開ot嘛......但算啦~~唔過呢日點會去到星期六去睇Supper Moment喎~~~~~Sunny bb~~~~~~~~~~~



又完左一個遊記~又黎出下無聊野間下場先~~(因間又俾人話我邊個得閒睇你d無聊野呀~~快d出旅遊blog啦~~~係喇~~~下一篇就出公子釜山遊喇~~.....咦....但今日都算係旅遊blog黎架喎~小旅遊呀嘛~)



點解我地會突然之間哥次又去香港...因為朗主席一句:我要睇我既兒時偶像城城既演唱會!.....之後公子就乖乖的陪主席去香港睇演唱會了~~~哥日過到去香港中午時份...我地安排左去當時開左無耐既奧海城Muji旗艦店度逛逛~~~兼食埋野啦~(其實我真係幾鐘意行無印...可惜澳門無~~)....




呀~~~~見到野食個櫃咁繽紛我又覺得好開心~~~




佢有三品飯($95)...四品飯($108)...五品飯($118)...公子點會夠食丫~梗係要五品飯啦~五品飯有3款冷盤兩款熱盤同埋個湯~又可以揀要咩飯~仲可以加錢要飲品同埋甜品~都幾有彈性~我加左$20叫左士多啤梨果醋特飲~又加左$30叫左烘焙茶布甸......係幾好味既~但咁樣加下加下就成$168~~~~~好貴~~~~~





另外一個四品飯加左$30叫左本和香糖布甸仲有$15叫左琉球日落紅茶~個布甸麻麻~





另外叫既野飲~凍意大利鮮奶咖啡 $38....青檸百里香特飲 $42.......百里香哥個幾不錯喎~





公子又點會食咁少野丫~~~野菌菠菜仔石臼麵 $98...不錯吃~




味噌烤爐魚柳 $138....單點既呢樣係...無其他野包...但又幾好食~~~d味噌烤乜乜...西京乜乜哥d我又係好鐘意食~




芝士烤雞肉三文治 $78....樣不好看...但食落其實ok~




連親子餐都試埋~$268.....公子試野真係好全面~有1款廚師推介....兩個冷盤....有個貝殼粉...有兩杯飲品....但一般呀~而且覺得有點貴桑桑的~




個餐頭先已經加錢要左兩個甜品...仲要再叫?!公子就是公子.....酥皮雜莓撻 $48(一般)....鮮芒果卷蛋 $45(我好鐘意食卷蛋入面d cream~~好食~)...宇治抹茶芭菲 $58(個人認為一般)...仲有個本和香糖焦糖燉蛋 $40(唔....試一次之選~).......無印最吸引我都係自選飯~~~甜品就係烘焙茶布甸最正~





拿~幾好~食飽又可以行下~~一條龍啦夠哂~~其實大小方面我覺得呢間旗艦店好似同銅鑼灣哥間好似差唔多~感覺上~(旗艦店一層過...cwb哥間分兩層...但加埋好似差唔多但旗艦店就樓底高d囉~)




但cwb係無書同埋植物賣既~好似~d囡囡都對小植物好有興趣~(係喎~我送俾貞和寶既盆栽點呀?)







公子轉下眼就去左旺角喇~咦...無啦啦做咩由奧海城轉落去旺角既????如果我無記錯...成team人陪我去買唱k神器~~~waakakakkaak~~~順路行過食我好耐無食既肥姐~~~~~真係好好味呀~~~好羨慕你地有d咁好味既街頭小食~~~~~~~~仲俾我地發現有fast pass~~~買夠唔知幾多串...可以唔使排隊直接有個小櫃檯買~~~哈哈~~~~但唔記得幾多串~~去到自己睇下~真係好好味....我又流口水了~幾時都話~d無益既野...間唔屎食下~無事既~






左行右行咁又到夜晚食飯時間...當時人在尖沙咀~揀左食K11入面既霞小飛~呢間都好似幾多人食~我地無訂位直接等佢開門walk in..好彩有位~(未開門都有好多其他人等緊~)....





依上海野的~好似剔點心紙咁叫野食~都幾多野食~




柚子蜜梳打 $33...好靚既紫色話~應該有落到碟豆花去沖吧?我最近先知碟豆花係通經....其實齋沖碟豆花係無咩味的...淨係隻色~




蟲草花螺頭燉雞湯 $48(位).....味道是不錯的....但...我未見過用雞翼去燉湯...雞翼曾經同我拍過一段好長時間既拖...我都視佢為我終身伴侶......但依家我只視佢為最毒既戀人!!!戒左之後反而食唔食都得~原來愛...真係可以戒掉~(其實我唔知點解會作咁大段野出黎..其實簡單d黎講雞好x多激素...少食為妙~)




上海酸辣湯 $32(位)...幾平下...你話好好味又唔係..不過做左$32個本份~不挑剔~




成都口水雞 $82....個樽唔大..但估唔到又有幾多雞下喎~重點係好味~




水晶陳醋淆肉 $68....呢個我簡直覺得係出色~~~~平時食淆肉下面舊啫喱都係肉/肉湯整成嘛...呢舊用陳醋即時開胃哂~~~好正~~~被公子搶個片甲不留~




涼拌雲耳 $38.....好似無咩汁拌......不過幾抵~好似後尾我地自己有搵d唔知咩餸汁撈佢黎食~




手拍小黃瓜 $38....食完個口勁臭~~一定要大聲叫:城城~~(加多下霞氣聲)..........呢度d前菜都幾抵喎咁大碟~




蒜泥白肉 $58.....無咩記憶...應該不錯.....(呢味疑似係撈落雲耳d餸汁)




糖心燻蛋(每隻) $20.....造型得意~用雀巢裝出黎~味道也好~




上海小籠包(3個) $33....一般~




清炒河蝦仁 $168...也是一般唷~




蘿蔔絲酥餅(2個) $26...極大條~不過個人認為外皮做得麻麻~




士多啤梨骨 $88......我鐘意食咕嚕肉呀生炒骨哥d~所以呢個合我口味~幾好食~咪甜甜酸酸咁囉~




蔥油拌麵 $36.....我覺得好乾好難食..係咪平時都係咁架?




四川擔擔麵 $42同埋青菜煨麵 $46....正常野~





西芹桂魚球 $208....我諗起上次大澳哥碟超腥的...好彩呢碟唔怕~一睇呢碟餸..就知係邊個叫~




我地公子都有叫菜食架~上湯娃娃菜 $78同埋清炒芥蘭 $78





仲未夠?!仲有一輪點心環節....灌湯生煎包(3個) $36....香菇燒賣(3個) $30...流沙奶皇包(3個) $(不詳..影唔到)......流沙包幾流沙......呢個時間叫燒賣既只有你會叫~






蛋白杏仁茶 $32...勁大碗..但忘了好不好味~酒釀小太子 $28....又係極大碗..呢個價..澳門應該叫唔到黎食........小飛家鄉餅 $38...即係香煎豆沙餅.....個人覺得澳門海榮好味d~不過有少少唔同整法~個皮都唔同~不過我鐘意海榮哥種形式多d~






好難想像呢7個人個胃到底有多大!!成櫈都係野~~(偷偷話你知..我地真係食哂d野~除左我覺得好難食哥個蔥油拌麵之外)




瘋瘋的七公子~呢間d野食前菜比較出色~主菜普普至一般~甜品大件夾抵食~其實好過好多澳門既餐廳...至少價錢上佢做到佢要做既野~但你知唔知我最嬲係咩呀?!?!?!我事後先知佢有得儲Asia Miles!!!!!!!!!!!!!!!!!!!!!!!!!!!!!!!!!!!!!!!!!!




巧喇巧喇~正經d~我地今日黎香港既見的係要陪主席睇佢兒時偶像城城既演唱會舞林密碼~點解我覺得佢次次改演唱會d名都差唔多咁既????搞到一講起佢邊個演唱會個名我都唔會諗起邊次....




其實淨係得5個公子睇架咋~其他有兩位係陪我地黎行街食野~佢地食飽飽行一陣自行回澳先喇~由呢張相係睇唔睇得出係邊5個公子睇緊呢~




開場喇~雖然...我唔係鐘意城城.....但...我竟然係香港睇過佢3次唔同既演唱會(計埋今次)....驚未???睇塵塵既金科玉律(對我黎講)....就係千祈唔好買貴飛....因為坐咁近呢~睇唔清佢舞台有咩搞嘛~城城每次個健台設計都無令我失望~今次仲好似馬戲團咁.....拿~坐到我地咁高就咩都睇清睇楚喇~最搞笑係....城城一唱:漿撈喱筍溺時!!!既時候....大家都知佢要做佢招牌動作架啦~點知第一次震一震落番地..我地以為係舞台效果....點知...第二次都係做唔到............................先知第一次唔係舞台效果...................................唔知佢係咪企唔穩.......但以我俾山頂位既價錢黎講呢個演唱會算咁超值...氣氛熱烈~有舞台視覺效果~有熟悉既快歌~....已經好好....雖然我覺得最好睇哥次係城城有水濕身哥次~最後...iPhone都算係咁喇其實...山頂位都算係影得唔錯...哈哈~

















2017/07/03的開心事:
有你來探班嘛~
加上今晚心裏想著Sunny bb...
口裏吃著我媽整既冬瓜粒湯飯~
心又甜個口又覺得好吃~
個心同個口都好忙呀~~~~



報時:距離與毛寶慶生快閃台北之旅2017仲有---86日~
報時:距離日本四國自駕遊之旅2017仲有---102日~
報時:距離日本大阪自由行之旅2017仲有---157日~
報時:距離新加坡熱辣辣聖誕節之旅2017仲有---171日~

34 則留言:

  1. 咁都俾我搶到個第一!真係好彩!城哥都係我兒時嘅偶像,我又係每次都唔記得佢演唱會啲標題名!哈哈~😂

    回覆刪除
    回覆
    1. 我搶到你哥度既第一先係叻囉~~~下次試下先~
      我唔係佢粉絲..但大大話話睇左佢3次演唱會都幾利害下~

      刪除
  2. 我記得肥姐買100蚊或以上就不用排隊啦, 爽爽

    回覆刪除
    回覆
    1. 我都唔記得係計幾串定超過某金額~~~記性太好~

      刪除
  3. 回覆
    1. 🌟瞓醒話咁快又╠╣aΡpy星期二嚟✨
      好友☁。゚🌙瞓覺囉🌜甜夢安睡🌛💤
       O
         o
       .∧_∧・。◇
       ( ・ω・ )
       |⊃/(___°¨*★
      /└-(____/✬・゚☆
      ❉ღೋ๑۩۞۩✾ஜഐ*

      刪除
    2. 都唔錯呀呢間~起碼對辦先~

      刪除
  4. 我而家日日都會行呢間muji
    我係奧海城附近返工 hahaha
    我今日買野都草左miles ! 真係要努力草
    目標下年去沖繩 ^^
    好野 有得睇釜山 很期待釜山遊記

    回覆刪除
    回覆
    1. 下~~咁正正子~~~呢間個樓底好高~行得好舒服~~~
      買咩有am儲呀~~教我啦~~~~
      多謝寶寶期待~已出~~

      刪除
  5. 我每次回港, 總番1-2次肥婚的, 不過, 唔敢食太多, 高膽固醇呢....

    我成日都用碟豆花沖水來做大菜糕, 真係好有FEEL咖, 男人食佢, 降肝火呀.

    回覆刪除
    回覆
    1. 係呀我都係一年食一次架咋~~~所以還可以啦~~
      下~咁你個大菜糕咪好靚囉~~

      刪除
    2. 都幾靚咖, 不過男人老狗, 我唔敢俾人見到我食紫色的大菜糕呀, 怕人話我乸型.

      刪除
  6. Hi Hi,又成個幾星期無入嚟探你喇,因為工作又忙起來搞到好眼瞓!
    我呢10月尾去日本東北睇红葉,咁之前都上網睇咗某啲心水酒店,全程最貴果間叫奧瀨入溪流飯店,我今年無去旅行所以豪一豪去住吓喇,點知六月想book時無得book,只受电話訂,網上訂要1/7先開始,咁我等到1/7拿拿聲入去訂,但最心水果日無位唯有訂下一日,總叫訂到!

    回覆刪除
    回覆
    1. 真慘!!咁攰....我近排都攰到癲......超多人呀放暑假...
      華~~咁正正子..我十月中去可能未有紅葉~下!!!咁我算幾好可以上網問下佢可唔可以訂...點知佢又俾我訂喎~今日岩岩收到佢e mail comfirm左~我都有d開心~
      恭喜你訂到心水的~~~~~

      刪除
  7. 你知喇,book開有條癮,所以果日一路睇其他有關嘅blog一路plan埋行程同book埋酒店,終於book晒13晚酒店,真係好彩我無偷懒遲d搞咋,因為我啱啱book完嘅酒店真係無晒位!!!!!!!!!!!
    琴日先同朋友講起去四國自駕遊,不过我地又無咩concept,原本咁難搞,哈哈又要搞你喇^^

    回覆刪除
    回覆
    1. 華~~~去兩個禮拜日本~~~我會買瘋了~~~~~~~
      乖啦~~一早訂好哂酒店~~~~我應該早你少少出發~我都係近呢一個禮拜先訂~~發現真係幾full...有d想住既房型都無哂~~~~但都叫仲訂到哥間酒店~~開心子~
      係囉...我都未去過四國.....之前完全諗唔到點plan.....都研究左好耐......如果我成功去到一定會同大家交流下先得~

      刪除
  8. 原來有fast pass真係唔知喎,只見佢成日都有條長龍...七個人每人都只係篤幾舊,無益都唔驚啦XXD
    無印啲甜品好似幾正...

    回覆刪除
    回覆
    1. 係呀係呀~~~有公子見到有fp我地即刻用啦~~~
      但係有兩大盒喎~~~唔上幾舊~~~hehe~~但我真係好鐘意食~
      一dd啦~~~個培茶布甸最好食~

      刪除
  9. 買小食都有fast pass,香港真係無奇不有^_^人多好呀,可以叫多啲食物試,正﹗

    回覆刪除
    回覆
    1. 係呀le~~~~咁先賣野賣得招積~~~
      我寧願佢有fp喇~~因為我地可以唔使排隊~

      刪除
  10. 我上次回香港都有食到肥姐呀,好彩唔需要排好耐咋。

    回覆刪除
    回覆
    1. 我都好鐘意食肥姐架~~~~~希望星期六去都食到

      刪除
  11. 難得七公子齊人,去小旅遊都可以好開心
    張螢光相都睇到輪廓既,而且有兩個唔使睇都估到有去 ...... 冇去既係麥公子同貞貞?

    回覆刪除
    回覆
    1. 總之同公子一齊就開心架喇~~~
      華...你好勁呀!!咁都估到~~
      佩服佩服~

      刪除
  12. 肥姐小食我好耐冇食過啦.........搵日去食下先
    算部食晒~~~~~勁.....

    回覆刪除
    回覆
    1. 係囉~勁耐無見你出過肥姐既相~~~希望我星期六有機會去食啦~~~
      梗係~你當我地七公子流架~

      刪除
  13. 我未去過奧海城 Muji 食野喎,要去試試先。
    5個公子o個張相,我只估到貞貞唔在場。

    回覆刪除
    回覆
    1. 哥間樓底幾高行得好舒服~
      都好叻呀!!!估中!

      刪除
  14. 無印我係又一城都食過晚餐,企企理理唔錯,但就感覺只是高級幾餸飯咁,wakakaka~

    回覆刪除
  15. KEKEK 我都有睇郭富城呀, 不過佢真係老喇, 都唔知仲有冇下一個演唱會LU
    個舞台好靚呀, 我睇山頂都覺得好值

    回覆刪除