2017年6月19日 星期一

合家歡台北聖誕之旅2016-12-25第二天Part 2(天晴)

星期五...遇到一個好臭串既老人家...真係唔明點解有人咁老都唔化既.....好...見呢日係星期五...加上有同事請飲花膠湯做下午茶......我暫時放埋一邊.......但呢個禮拜都太累了...累到有點頭痛.....放左工去食榮江.....然後去睇盜墓迷城(The Mummy)......星期六一起身繼續頭痛....中午又食羅浮咖啡~整個下午和你在看手繪地圖...靜靜的看也是很好的節目~夜晚食外賣安琪兒包~好耐都未食過~飯後去左睇菓子軒~成日都冤冤鑿鑿咁~星期日~去左睇神奇女俠(Wonder Woman)...由於睇觀光塔兩點場~穩陣d係觀光塔食埋野算喇~睇完又訓左陣晏覺.....頭暈暈咁.....夜晚買阿蘇番屋企食~星期一半夜起身都仲係頭痛......爬起身去睇醫生....醫生開左兩日病假俾我...你人真好~呢兩日好好休息先~周末都訓得勁差.......



2016-12-25
Day 2---Part 2(台灣,台北 Taiwan,Taipei)

食飽飽就黎到下一站~對~就係台北101喇~~(我地係咪好遊客呢~咁對第一次黎台北既團友黎講梗係要去地標啦~)...由於今日天氣唔錯~所以我地決定上101~~~~話實在~今次係我第二次上101~成人每位NT$600=150hkd~





等搭lip期間見到呢個超高速電梯證書~但係2004-2015....咁2016呢??仲有一架快過佢?




35秒上到89樓~名不虛傳~極速耳鳴~




第一次上黎哥時天陰陰~今日猛太陽~但望出去都唔係好清咁既?






哈~影到101個倒影~




101模型~




咦~睇兩位既背影都好滿意下~好有成功人士feel~





無啦啦有個地方上下都有鏡~~~好過癮呀咁影相~





參觀完89樓觀景層就衝上去睇下個戶外觀景台~




好曬~但勁爆大風~





又由91樓落到88樓睇埋風阻尼球~101既風阻尼球係全球最大同埋全球最重的~仲係唯一外露可參觀的~風阻尼球係用黎抗震防風的~





好喇~落番黎喇~由於我地要係門口等司機黎車我地~無得行遠少少影101....只能低炒上去影~對101的新視角~




之後我都唔知塞左幾耐車....兜黎兜去...兜到天都黑~先到今晚既晚餐地點~我很愛的饒河街觀光夜市~聖誕大餐食夜市~我感到好開心~





哈哈~由於我好麻煩~又要去廁所呢樣哥樣~去完廁所佢地已經坐左係某間鋪食野~哥間鋪好迫坐唔落我同毛寶~所以我地自己出去食食食啦~買左燒烤杏鮑菇(小份)...NT$50=12.5hkd.......烤得剛好~好多菇汁~~今次唔揀佢d咩咩鹽既口味~揀左紫菜~好正~




見到佢排得太靚~~~忍唔住買~~~一口鮑~一份NT$100=25hkd.....都唔錯~






食左d燒烤~要飲少少野~買左個蔓越莓+石榴...NT$100=25hkd......可謂極度難飲.....隻味好怪..但好明顯係無落糖...安慰自己好健康~(想飲冬瓜茶~)




巧喇~又忍唔住坐左入生蠔哥度~~~




呢個旅程難得的二人晚餐~(我呢個係去完廁所既爽樣~)




原味燒蛤蜊...NT$100=25hkd.....好好味呀~~~~~點解台灣d蛤蜊粒粒都咁脹卜卜架~~~~~好鮮味~~~






烤白蝦....NT$100=25hkd....上次覺得佢落d椒鹽太多搞到d蝦太咸....今次西走d鹽先咬又ok喎~~~~25hkd都幾抵丫~




魷魚干貝串...NT$40=10hkd(一串)......呢個幾得意~幾有咬口~好味~




仲有!!就係我地最想食既~~~黎得生蠔哥...點會唔叫燒原味生蠔~~~NT$100=25hkd.....25蚊有6隻蠔~而且今次隻隻都幾大下~~~正~~~(我地忍唔住叫多叫燒生蠔~~~)






食完生蠔哥梗係唔夠飽啦~冒住就黎上車既風險~~~都要跑去街尾慈祐宮入口哥邊既福州世祖胡椒餅~~~~~~~勁多人排隊~~~~





用宜蘭三星蔥做的胡椒餅...NT$50=12.5hkd....真係好香好好味...超多的肉汁~~~脆脆的外皮......唔得喇~~我今年再去台北要再食!!!一定要配上冬瓜茶!!!!!





哈哈~~夜市時間唔夠多~番到酒店又肚餓~買d野食番酒店年輕人開p~買左繼光香香雞~同埋cold stone~正~~









呢套盜墓迷城(The Mummy)....
我以為佢係翻拍當年(原來已經係1999年)哥套...
以前...我超鐘意睇盜墓迷城...
我有去戲院睇.....鐘意到買埋碟係屋企睇...
一定有睇左10次以上...
原因為我當年沉迷男主角班頓費沙(Brendan Fraser)既美色...
佢眼大丫嘛!!我咪鐘意佢囉~
查實我係覺得套戲好睇所以先鐘意佢~
唔係鐘意佢所以覺得套戲好睇~有唔同架~
1999年哥套劇情吸引好多....
依家Tom Cruise呢套又唔係話差到咩咁...
特技係好睇左呀.....但係我又覺得個時代設定吸引唔到我~
之前哥套有講多d隻木乃伊個時代d野~
今次求其講左少少~~~
毛寶話佢又訓著左~~(但不能作準..佢近幾套戲都訓著我懷疑係星期五放工太攰~)
呢套戲又唔會話訓著既...但...如果俾我揀多次我唔會俾錢入場睇囉~(但會上網睇~)
應該會有無張個續集...
但我依家只想搵番1999年哥套黎睇~
反而星期日睇哥套神奇女俠(Wonder Woman)...
我覺得不錯看喎~
Gal Gadot又靚女身材又好又有型~~
好可愛~~~搵佢做Wonder Woman好適合~~~~



雖然星期日個個都慶祝父親節無我份~
但我仍想說句:爸爸多謝你~我愛你~<3



2017/06/19的開心事:
我沒有一個Blue Monday~(唔好打頭呀)



報時:距離與毛寶慶生快閃台北之旅2017仲有---100日~
報時:距離日本四國自駕遊之旅2017仲有---116日~
報時:距離日本大阪自由行之旅2017仲有---171日~
報時:距離新加坡熱辣辣聖誕節之旅2017仲有---185日~
仲有100日有旅行去!!加油!!

29 則留言:

  1. 你今日好點嗎?唔舒服唔好打blog啦,好好休息一下.

    回覆刪除
    回覆
    1. 好過前兩日喇~謝謝關心~
      呢幾日都有休息~

      刪除
  2. 有啲花瓶演員(冇分男女嘅)老咗都會有另一番味道(如李察基爾),好明顯靚佬湯不在此列,佢年老色衰,當紅時那份明星風采消失後所拍嘅戲齣齣難睇.甚至乞人憎,所以希望佢繼續不可能的任務,唔好搞壯志凌雲2啦唔該(尤其東尼已不在......)
    我覺得澳門嘅蜆都係漲卜卜,比香港好味得多......乜啲海鮮咁平???

    回覆刪除
    回覆
    1. 但係不可能的任務佢做哥時又無咩野喎~但一換其他戲唔知點解突然個樣老左勁多~~可以話有少少殘~~~~~~
      係咩?!台灣哥d仲脹喎~~~~

      刪除
  3. 好彩都完成左禮拜六、日既節目,而家好好休息下啦~
    呢個你講啱喎,2016年開始,最快既lift就變左係上海中心大廈哥部
    舊哥套盜墓迷城我覺得題材幾新、幾特別,劇情幾吸引。而家聽你咁講,新既即係以睇特技為主?
    跟住唔知有冇實際作用,但照講:願你的心意可傳到另一個世界,令佢可以係父親節感到快樂!

    回覆刪除
    回覆
    1. 其實星期六日都有少少唔舒服架喇....因為訓唔到....嗚嗚...可能我唔應該戒咖啡~~~
      係個磨~~唔怪得佢塊牌無更新到啦~不過我覺得佢已經好快架喇~
      係呀係呀~~我勁鐘意睇~~~無錯題材當時黎講真係好新鮮~~~所以我當年睇左好多次~~依家新哥套個故事內容唔係幾掂囉.....所以唯有將注意力睇特技架咋~
      其實我明白既~多謝你安慰我~

      刪除
  4. 又係我呀,哈哈今日準時收工,感恩
    原來上101要成150蚊咁貴,個鏡子陣又幾得意喎,好彩無人著裙仔!
    你講到好似跟團咁,夠鐘就等車上車,最慘都係塞車!街邊小食最正,最鍾意呢啲,細細份可食多幾款!哈唎真係漲卜卜見到都流口水!

    回覆刪除
    回覆
    1. 華~~~太好喇~~~~無野好得過準時收工~~~(在我世界黎講)
      係架~不過長輩們未上過咪陪下佢地上囉~~哈哈~~有人著裙仔我地唔會影架喇放心~~~
      都似架..同司機約好左個時間..再去上車~
      真係好好味呀~~我好鐘意食胡椒餅~~好味~

      刪除
  5. 咁咁baby呢兩日要好好休息下啦
    仲有100日又可以食胡椒餅啦 haha

    回覆刪除
    回覆
    1. 知道~我有乖~我有訓好多的~
      係呀~~~我流緊口水喇~~~~

      刪除
  6. 🌟瞓醒話咁快又╠╣aΡpy星期二嚟✨
    好友☁。゚🌙瞓覺囉🌜甜夢安睡🌛💤
     O
       o
     .∧_∧・。◇
     ( ・ω・ )
     |⊃/(___°¨*★
    /└-(____/✬・゚☆
    ❉ღೋ๑۩۞۩✾ஜഐ*

    回覆刪除
    回覆
    1. 你成日頭通呢,有冇去醫院驗清楚呀

      刪除
    2. 之前有照過呀話咩事都無

      刪除
  7. 好番未味?頭痛真是難頂,我未白的>_<

    回覆刪除
    回覆
    1. 最難頂係佢會不停喪嘔..好辛苦

      刪除
  8. 台北101無去過,我真心覺得佢外形唔多掂,
    台灣友人都認同,
    胡椒餅我都like呀,
    近嚟啲戲真喺好易中伏,已少去戲院。

    回覆刪除
    回覆
    1. 都ok既~咁高喎~長輩們未去過就陪下佢地囉~
      好好味~~~我好鐘意呢間既胡椒餅~
      係呀!!!我都覺得...套套都引唔到我話:好好睇呀!....咁

      刪除
  9. 個露天觀景台幾正喎@@
    兩個人去掃街係咪一樣開心^^

    回覆刪除
    回覆
    1. 不過太大風囉~~~
      梗係梗係~~~仲食得多d野添~

      刪除
  10. 頂......樣樣都好想食,由其個3星胡椒餅
    你既頭痛都幾長氣,希望快D遠離你

    回覆刪除
    回覆
    1. 哥個係我每次都期待既~
      係..我唔知點解今次咁耐都未止痛...嗚嗚

      刪除
  11. 妳如何呀?休息左頭痛好番未?....Take Care
    101都幾靚....有機會都去睇....
    饒河夜市超多野食......好耐冇去過啦....睇都D蛤蜊脹卜卜流口水呀.....好想食
    原來我上編睇完冇留言添....老人痴呆

    回覆刪除
    回覆
    1. 休息左3日先好番好多~
      係呀係呀~~~佢d野好好味呀~~~~~~
      茅咁話自己啦~

      刪除
  12. 我果年食台灣夜市, 懷疑D野唔乾淨, 肚痛返香港.

    回覆刪除
  13. 單是看也非常興奮
    很想念台北美食

    回覆刪除