2017年6月22日 星期四

合家歡台北聖誕之旅2016-12-26第三天Part 1(天晴)

星期二仍然病假中....噚晚臨訓前覺得自己好好多...點知訓到第二朝一早又痛醒...係勁痛......痛到我嘔左兩次....食左藥再訓......訓醒又再嘔多次......又食止痛藥.....唔想食野...好彩屋企有梳打餅....發呆發左成個下午.....毛寶中午放工上黎睇我....仲要幫我按摩個頭.....嗚嗚...我好感動呀...佢話我病到個口超臭~(不顧形象的我)....好彩個醫生俾我兩日病假我....星期三.....點知凌晨又痛醒......又睇多次醫生...真係好煩呀頭痛;[................醫生今次俾左另外一隻止痛藥我試.....食完再訓番...起身再食少少野又好攰又再訓...先好少少.........都唔知今次搞咩.........我開頭以為我自己有黃熱病....(但我無發燒所以呢個假設係好無謂同埋自己嚇自己~)....星期四...上班去~不過我噚晚食左醫生開哥隻藥....醒左都係呆下呆下....開唔到turbo.....已盡力~好野~~~~星期五喇~~~~~~~~去玩喇~~~~~~~~~去玩就會無事架喇~~~~~



2016-12-26
Day 3---Part 1(台灣,台北 Taiwan,Taipei)

早晨~毛寶爸媽都有食酒店早餐~我地一齊陪佢地食下先~(酒店包埋)......但無咩野食~最高興係有煎蛋~~好好味~(但塊麵包超難食..烘左都好難食...)....同埋食左碗稀飯~最精彩係配稀飯d配料好正~有我最鐘意食既脆瓜~




頭先酒店d野食邊夠食飽飽我丫~衝出去便利店買個飯團最實際~




chlo子又有野推介我喇~~~佢話佢好鐘意呢個乳酪....一食~又係岩我口味~佢係乳酪配罐頭生果~雖然係罐頭~但我覺得好好味~




好喇~上車出發今日既參觀~今日會去九份呀~(我又係去過一次咁大把~不過我麻麻地九份~)又係勁曬勁好天~係呢..我想問下點解海水有條分界線既?兩邊海水唔同顏色?





由於我地架大巴上唔到九份呀~於是我地要轉坐巴士上去~(呢架車係九份山上影的唔係山下影~所以個牌既車站方向唔岩架~)...我地係我地泊大巴哥個巴士站上車的~15分鐘一班車~車費每人NT$15=3.8hkd~車有點殘舊~





終於上到黎~上黎哥時沿路有條瀑布幾靚~......我諗我有7年無黎過九份...




但...有d地方10年無黎仍然都係一樣樣的~尤其係一樣多既遊人~真係好恐怖..........超多人.....其實在我心中...九份就係澳門既大三巴街...無咩事我都唔會行入去!!!






跟住實在太多人~同其他團友分開行~我地同毛寶爸媽仲有大比佢地一齊行......行左一陣就衝入去食下魚丸湯同埋貢丸湯~各NT$35=8.8hkd....味道一般啦~不過幾抵~






行行下又見到有間生果又望下啦~




生果店入而有隻肥貓貓~見佢咁得意影下佢~點知佢眼光同我個鏡頭對上~~wakakaak~俾貓知我偷拍添~




毛寶爸媽好有興趣買左個釋迦試下~即係我地既番鬼荔枝~我諗台灣叫釋迦比較貼切~我估係因為似佛祖個頭~呢個釋迦都幾大個下~NT$155=38.8hkd~好好味~Chlo子都有叫我去台灣要試釋迦~仲有牛奶棗~話我地哥時去係當造~




來一份現烤翡翠螺...NT$100=25hkd....我發現佢地烤咩都好鐘意落椒鹽~不過呢個幾好味~






哈哈~買埋對面檔既現烤杏鮑菇~NT$100=25hkd...呢個一份有點貴呢~不過好好味~~~我好鐘意睇佢地排到d菇咁整齊~~d菇好肥呀~~~~我喜歡吃烤菇多過炸菇~





再來兩串炸花枝~(價錢不詳)




以前d到底係點樣影哥d九份淒美照????黎到燈籠樓梯..全都是人咧~




本身想去搵哥個阿甘姨芋圓(其實我一d都唔鐘意食~純因為佢個靚景想坐下~).......點知俾我地行下行下發現另一個地方~就係呢個九份茶坊......






走進內裏......我仿佛以為自己走入另一個世界.....呢度既幽靜同出面條街可謂十萬九千里!!!!!!




咁佢有分室內同室外位既~呢部份係室內位~





但我地揀左坐室外位~開揚d嘛~不過有d位又太曬~





俾太陽曬到既茶座係向住呢個景既~係幾靚~但咁曬就唔好喇~




呢個位最無敵~又有遮陽又有景睇~可惜有人比我地早到~





我地就坐呢度啦~最緊要唔怕曬~又有風吹過黎~幾舒服~枱中間有爐用炭燒住d熱水~






咁呢~佢話我地6個人~要叫兩款茶黎飲~




經店員推介我地叫左桂花金萱(季節限定)...NT$700=175hkd....同埋阿里山烏龍...NT600=150hkd...d茶葉就咁聞都好香呀~






仲有專人服務~正呀~仲可以睇埋泡茶~




大約用咁多就夠~可以沖到7-8次.....淡左再自己換新既茶葉~或者飲唔哂帶番走都得~唔錯丫~




首先洗熱d杯先~之後再沖茶~沖出黎既茶超香~







呢個係阿里山烏龍~好香~我之前唔算鐘意飲烏龍~呢個我又覺得唔錯~同埋佢d茶具係店主設計架~岩哂倒茶d手位~貼心~




呢個就桂花金萱~我大愛~因為我本身已經鐘意桂花味~這個超清香不澀~我地都好鐘意呢種~




另外叫左d送茶既小食~呢個係手工烏龍餅乾...NT$80=20hkd...不錯吃~好襯飲茶食~




凍頂茶梅....NT$80=20hkd......呢個勁好味~~有機會黎記得要試~~~~另外佢仲有芝士蛋糕瓜子毛豆鳳梨酥之類~




一路飲茶一路傾計坐左好耐~我覺得成個九份最正就係可以係呢個九份茶館嘆番杯茶~除左茶香景靚之外~應該係大家有緣係澳門以外既地方坐埋一齊舒舒服服咁飲啖茶..講下閒話家常~一樂也~(阿sam你冷靜d放低個鐵蓮花~有事慢慢講~)








2017/06/22的開心事:
今日毛寶請我飲鮮榨菠蘿芭樂汁~~
話甜甜地等我清醒下喎~~~
你人真好~~~~~~~~~~~~~~好好味~



報時:距離與毛寶慶生快閃台北之旅2017仲有---97日~
報時:距離日本四國自駕遊之旅2017仲有---113日~
報時:距離日本大阪自由行之旅2017仲有---168日~
報時:距離新加坡熱辣辣聖誕節之旅2017仲有---182日~

23 則留言:

  1. 好友☁。゚🌙瞓覺囉🌜甜夢安睡喇喂🌛💤
    🌟眨吓眼時間過得好快╠╣aΡpy週五嚟✨

    回覆刪除
    回覆
    1. 開心既時間真係過得特別快~~

      刪除
  2. 妳精神唔好週末唔好出去啦,多啲休息。我令願去十份好過去九份

    回覆刪除
    回覆
    1. 講真我周末都好攰...不過好彩都唔算多野做~
      十份依家都好多人~~~~

      刪除
  3. 可能去完旅行回來比較累,要多休息啊......
    九份好似真係一年四季都多人,你地喱次都好好天氣喎,咁好陽光,嘆茶最舒服唔駛同人逼啦^^

    回覆刪除
    回覆
    1. 我都諗緊可能係...你知啦我又成日一去完長旅行就番工~下次留意下~
      係..好多...多到以後都唔想去~

      刪除
  4. 唔使咁驚,黃熱病潛伏期一般3至6日,唔會而家先發作。係咪又係偏頭痛發作?同埋有冇check過血壓?
    海水有兩隻色通常同浮游生物、礦物分佈唔同有關,張相望落似近岸D沙泥特別多
    最後飲茶幅相 ... 毛寶依然最入戲

    回覆刪除
    回覆
    1. 我都有上網睇呀~~~我見到3-6日都安心d~~~可能係呀...可能太攰卦~有check血壓架超正常~0我~原來係咁~~~~~
      我要做影相哥個顧唔到咁多表情~~~~~

      刪除
  5. 吓,又痛,你真係要好好check 吓喇,好過成日食止痛藥,㸃都對身體唔好架!
    九份,我上次租車去,去九份途中我記得司機响海邊放低我地影吓相行吓咁,之後再去九份,九份真係超勁多人,上次我都有經過果間茶坊,好多人排隊所以無入去,原來入面都幾靚喎!
    果隻菇我都有食呀,真係好好味呀!我地上次去係冬天尾所以無咁熱,如果夏天去真係會熱死,你知喇路又窄人又多!怕怕

    回覆刪除
    回覆
    1. 依家無事喇又....唔知係咪太攰~
      我都真係好驚九份..多人到癲...唔會想再去~~雖然個茶坊幾舒服~
      係呀係呀好好味~~我好鐘意食烤菇~~~但我哥次已經係12月去~~但都勁熱~~~~~

      刪除
  6. 仲有冇事呀? 希望你頭痛快啲好番啦!
    九份我都好耐無去過喇, 又係覺得人太多, 又迫, 同埋我好憎行樓梯.......
    你去台灣食到咁多海鮮, 反而我自己一樣都無食過, 等我下次好似你咁, 食咁多先得

    回覆刪除
    回覆
    1. 無事喇~多謝關愛~
      勁驚~~~唔會再去~~~
      台灣d海鮮都唔錯呀~又算平~

      刪除
  7. 我都返左嚟啦小T~ 一返到嚟就見你病,係喎黃熱病會發燒噃,咁你應該好快會好番~🤣
    我都無認真睇過人泡茶,下次真係有機會試吓先~

    回覆刪除
    回覆
    1. 野~~~番來喇~~~我無發燒架~~~~你去左邊呢唔知~
      都幾舒服架~咁樣飲茶~

      刪除
  8. 你的頭痛真係有D嚴重喎~~~保重呀人地個女
    9份咁多人架,多到呢....

    回覆刪除
    回覆
    1. 仲好持久...吹佢唔脹~
      多到得人驚..唔會再去~

      刪除
  9. 你嘅頭痛真係......可能上天賜你太完美嘅外表是但整個瑕疵俾你嘆啩?
    如果係冬日陽光下嘆茶就更一樂也.

    回覆刪除
    回覆
    1. 華~~~~~~~~咁好口既~~~~~~~好衰架~~~
      哥時已經係12月...但d陽光都係辣肉既~~~唔曬住都ok既~

      刪除
  10. 小t保重身體
    有冇試過中醫調理呢

    回覆刪除
  11. 當年我就係係九份,飲左杯洛神花汁,就開始我漫長的肚痛, 對我來說, 他是可慢的九份.

    回覆刪除
  12. 見到九份的人流,怕怕!
    兩個好 Sweet!

    回覆刪除