2017年6月12日 星期一

合家歡台北聖誕之旅2016-12-24第一天Part 2(天晴)

星期五....放工去左園林食豬扒魷魚撈米加咖哩走青~真係我的最愛~...之後行下買下~又再去篤下魚蛋~再去食埋乳酪~再去探埋毛寶兒甥仔~(成個月無見大粒左超多~)...係澳門真係好~以上事項可以一晚做哂~星期六...中午去左食金冨壽司宮~~但好失望...因為我覺得差左好多...d飯硬既..........之後毛寶幫我剪頭毛~舒服哂~成個月無剪~之後就研究下四國行程啦~~然後又叫關東煮外賣~星期日...好野~去左玥龍軒飲茶~~我覺得如果要飲餐好茶玥龍軒係不二之選~如果平d就南湖明月也不錯~然後去左行下街又去宏達睇下書~因為想有多d四國既資料~然後又去左探菓子軒~(菓子軒係毛寶個兒甥仔呀~~至於點解叫菓子軒就不詳述了~)...我今日抽左菓子軒好多水~~狂聞佢隻腳仔~~(好鐘意聞bb腳仔~~)...晚飯本身想食軒記..但係無開!!!!!所以去左食艾菲兒.....我終於知道點解過左咁多年佢都仲有咁多人食....因為佢無加過價囉.....一大支凍飲才$18!!!!cafe喎!!!都幾抵~但野食既味道係普通野~星期一...極度爆多野做.....好攰..........仲話打風添....我開頭以為個風流啡啡...點知香港打到8號....澳門到依家仲係3號....橫掂聽朝逐漸遠離咯....咁唔好打啦~我唔鐘意打風架~



2016-12-24
Day 1---Part 2(澳門 Macau->台灣,台北 Taiwan,Taipei)

好喇~我地放低行李之後~就出發啦~第一站其實係想去101度行下既~同埋附近有個聖誕市集嘛~點知架車行呀行....架大巴用左超多時間先.....去到101既邊皮...但....距離我地訂左枱既食飯時間又差唔多喇...所以唯有...將個行程改為經過101啦~




平安夜~條街特別多人~




咁就唯有行下即將食飯哥間商場啦~叫京華城~地址:台北市松山區八德路四段138號...不過呢度其實無咩岩我睇~但都算幾大既~




見到好似有寵物店...見到有兩隻貓貓...其中一隻灰色虎紋貓貓好似好驚咁行黎行去...好可憐.......希望你快d有個愛你既主人出現!





去揾我既目標商店時行過見到臭Bob!!!台灣仲快上映過澳門~~~~~~~~睇下臭Bob個樣幾神氣~




好喇~成個商場我唯一既目標就係要行屈臣氏喇~~~~~因為我又想買野又要幫人買野~由於係頭先食完飛機餐後用左支長榮提供既3M牙線...極度好用!!!於是我就去屈臣氏找找~~~好野~~搵到~~一盒150支原價NT$150=37.5hkd...因為平安夜有特價...減到NT$109=27.3hkd......27.3hkd有150支喎!!!!平過屈xx牌或者萬x牌啦下話...仲要好用10,000倍!!....我依家晚晚刷牙前都係靠佢!!!勁順滑~~簡直係亮點推介~重點是好用又平~




我仲買埋呢個有獨立包裝既32支裝方便去旅行~NT$62=15.5hkd~




由於今晚係平安夜呢間屈臣氏做緊彩妝開架有85折~~有d毒到係85折完後再77折!!!!暈都頭哂~~~我又買買買然後又幫人買買買~本身d野平加埋有折更平~~!!全單買完減左成NT$439=109.8hkd~~~~~好開心~~~不過時間唔係好夠~~如果唔係我會買更多~~~~~




好喇~集合番哂d團友我地就去食晚飯喇~(係喇~呢日係無咩做過野既~)...今晚我地去食櫻桃谷~位於京華城8樓的~一早已經訂好位~(或者你可以上佢fb訂位都ok的~)




酒樓格局...但都幾人頭湧湧的~呢間係專係食櫻桃鴨的~~~~我地有10個人~唔想諗~一於叫餐!我地叫左個8人餐~NT$5,288=1,322hkd...咩類型既鴨料理都有喇~同埋外加多一個餸~





首先上第一味時...師傅會推隻鴨出黎係我地面前切既~咁師傅切緊鴨皮既時候係咁意講下咩係櫻桃鴨啦~~~其實櫻桃鴨係由於佢係來自英國既櫻桃谷...全名係"櫻桃谷品種北鴨"..簡稱櫻桃鴨~其實佢既祖先係北京鴨...係19世紀傳左去英國~依家櫻桃鴨係宜蘭三星有養殖...肉質特別鮮嫩~油脂特別豐富~(網上係咁講的)




先來蘭陽五味~仲有一味我好似無影到~~仲唔記得埋係咩~~~樣樣都唔錯~最好味係最前面既黃色泡菜~勁開胃~




蘭陽田園野菜盤.....白色哥個係沙葛~~最面頭哥d係茭白筍??呢兩樣我最欣賞~~~爽爽甜甜的很出色~~~





上鴨料料前會有個檸檬醋你既~俾你一路食一路飲唔怕你漏呀~




8人餐有櫻桃鴨有五吃~~~呢個係櫻桃愛大米~~華~~~鴨皮壽司~~估唔到既夾同好味~~~~





櫻桃片皮鴨~呢個款式係少不了架喇~~好在仲會幫你包埋~唔使自己煩~(到底自己包是有多煩??)




鴨鬆生菜包~~呢個確係炒得幾出色!!因為佢炒得唔怕太乾又唔怕油~~~同埋入面有d炸薯粒~幾香幾惹味~不錯吃~




三杯醬炒鴨....我覺得除左三杯雞之外~原來襯上鴨都不錯吃呢~不過可惜係肉比較少~




五吃仲有一吃最後先上~明明呢個有汁鴨腿唔係個菜單之中架喎......唔知佢係咪俾錯我地呢??唔理喇~~好好味呀啖啖肉~~~




8人餐入面仲有另外既菜式~果律蝦球....蝦球外面包上沙律醬....好味~!




XO醬海中寶....不錯吃~




西魯肉....呢個係個餐入面唯三既麻麻....因為我完全唔知自己食緊咩....油油的....




餐入面仲照顧埋有菜食~鮮菇扒時蔬....好味~好似去飲哥d菜式咁~




清炒蘭陽時蔬....炒菜不會不好吃啦~除非太咸或唔新鮮je~菜係會俾團友秒清~




呢個係我地唯一單點的三星蔥爆牛柳....NT$480=120hkd....樣醜...但估不到的不錯吃~




呢個就係櫻桃鴨五吃既最後一道:鴨麗粥.....但佢係屬於唯三的不好吃...因為我覺得極重味精~食兩啖就放下..就是擁有~




最後係櫻桃谷特選甜點....極樣衰和難食的馬卡龍~~~唯三的不好吃~~見到隻色都驚~~~~你地到底擺左係度幾多年呀~~~~~但我都有食一口~~~外表與味道相符~~~走先喇~~




其實成個餐算係抵食夾大件既~我地10個大人...叫個8人餐再單點個牛柳都夠哂飽~總數食左NT$7,335=1,833.8hkd....每人才183hkd呢~算係咁啦~食片皮鴨喎~澳門食呢d都唔平~呢間就不講賣相講味道的一間餐廳~不錯吃~




回酒店小休~影下戰利品先~小丸子毛巾是送給貞的~




台灣買Sofina真係好抵~濕粉原價NT$470=117.5hkd(原價本身都很抵啦~)..折後NT$362=90.5hkd...平!........粉餅(不包盒)原價NT$400=100hkd...折後NT$308=77hkd...好平~~...碎粉原價NT$420=105hkd....折後NT$323=80.8hkd....無話可說~~~




休息左陣又約隔離房兩位後生哥一齊再出去~~逛下~




吃阿宗麵線是一種心癮吧~每人叫左碗細既咬下~NT$50=12.5hkd~好吃~好鐘意香菜~





食完野又再行下附近既屈臣氏~~因為我同毛寶因為之前買左哥兩盒3M牙線而狂喜(不停同對方講:我最開心係買左兩盒牙線呀...............老少女的心情是比較難懂的~)....但發現西門町附近既屈臣氏並無京華城哥間咁樣瘋狂折~失望~咁就求求其其買少少啦~(買左成5盒牙線~)










我前兩日睇番錦繡未央大結局..
點解呀~~~~睇左成百集~~~
都係要拓跋浚死呀~~~~~~
點解唔俾番個好既結局佢地呀~~~~
見到佢死我好心痛呀~~~~~~~~~~~~~~~
如果呢套劇係tbb拍既一定唔會死既!!!!



2017/06/12的開心事:
我已經多野做到諗唔到有咩開心...
唔.........唯有話我今日中午食左老佛爺個吞拿魚包所以我好開心啦~



報時:距離與毛寶慶生快閃台北之旅2017仲有---107日~
報時:距離日本四國自駕遊之旅2017仲有---123日~
報時:距離日本大阪自由行之旅2017仲有---178日~
報時:距離新加坡熱辣辣聖誕節之旅2017仲有---192日~

30 則留言:

  1. ✨好友☁。゚♦╠╣aΡpy週一🌟晚上安好
    ⚡下午5:30🌀卦起八號風嚟☔你回家未

    回覆刪除
    回覆
    1. 正呀...中餐...鴨鴨鴨

      刪除
    2. 🌈好友⛅・゚🌞早晨☕午安&黃昏&傍晚好
      📣╠╣aΡpy週四🎈話咁快我回覆完大家嚟📢
      我又可以落樓去玩吓貓😸行吓街🐈買吓野🐾
      ╔═╦═╗── ╔══╗╔╗─────╔╗🦋º°¨*🦋
      ║║║║╠╦╗ ║═╦╬╬╬═╦═╦╦╝║∧∧・゚✾
      ║║║║║║║ ║╔╣╔╣║╩╣║║║╬║・ω・)*
      ╚╩═╩╬╗║ ╚╝╚╝╚╩═╩╩═╩═╝⊂ノ¤*¨❉
      ────╚═╝❤۩۞۩❥*¨❣ஜღೋ♥♡ഐ๑
      🌷🌸🌺🌴🏠🌵🌼🌹🌻🏡🌲💒🌳🍃🌱🌾

      刪除
    3. 好野~~好野~~終於到星期四番埋聽日放假喇~~

      刪除
  2. 呢個風打得好突然同好鬼衰 ! 唔打好過打!
    我都好想去台灣好想好似高木直子一個人去旅行 台北是首選 XD

    回覆刪除
    回覆
    1. 不嬲都唔鐘意打風~~~~
      我覺得如果要一個人去旅行..第一次既話...台北係不二之選~~又溝通到~又易去~

      刪除
  3. BB仔大得好快架,不過做乜唔聞頭改聞腳?腳都香咩?
    我對四國都好陌生,剩係會諗起鳴門旋渦,你本來諗住睇咩架?
    今次風球黎得好快,而且好大風,但好似黎得唔啱時候,搞到今日剩係早走十五分

    回覆刪除
    回覆
    1. 唔知~可能我怪~~~~不過小子個頭好臭~~~~
      係呀係呀~~~我就係想睇鳴門旋渦呀~~~同埋最想食野之嘛~~~
      我地澳門無打8號添~

      刪除
  4. 我個到有時都好大風,3M此款牙線我在香港都未見過。

    回覆刪除
    回覆
    1. 我地澳門無掛8號~
      係囉~澳門我都無見過~

      刪除
  5. 鴨皮壽司中間黄黄小片的是筍嗎

    回覆刪除
    回覆
    1. 好像.....係芝士.....卦......(我驚我記錯..)

      刪除
  6. T公子, 真聰明, 夏天唔好去玩, 到10月天口涼番D才好去.

    回覆刪除
    回覆
    1. 係呀係呀~~我真係好少暑假去旅行~~~
      同埋勁驚去勁熱既地方玩

      刪除
  7. 回覆
    1. 放心放心~~澳門無掛8號風球*3*

      刪除
  8. 終於追看完您的 Post,又要從新投入工作。

    回覆刪除
  9. 個鴨皮壽司最特別呢,無想像過原來可以咁食法....
    我唔係好識用果種牙線叉,唔知3M有冇出普通一卷果隻牙線呢又?

    回覆刪除
    回覆
    1. 都幾好食呀~~~唔錯~~~
      咦~~我無留意喎又~下次為你報導~

      刪除
  10. 一家人去旅行好開心~~~
    嘩~~~淨睇賣相片皮鴨都好正....食埋仲正

    回覆刪除
    回覆
    1. 都係架~有幸請爸媽去旅行是一種福氣~
      無錯~~~我好鐘意食片皮鴨~~~

      刪除
  11. 第一日就已經開啟購物模式,爽呀。折上折真係唔買對唔住自己。
    個餐廳好似唔錯喎,係馬卡龍個樣好衰,我開頭以為係變色饅頭, haha.
    小丸子毛巾好靚呀(心心眼).

    回覆刪除
    回覆
    1. 唉~最弊得呢日有d野買下~都無行過街~
      哈哈~~~又幾似肉酸饅頭喎~~~~~~不過其實野食都ok既~
      我都覺得好靚~

      刪除
  12. 那根牙線棒我會好好記住放口袋,留待去台灣時買~~

    回覆刪除
  13. 我平時都有用開牙線棒, 原來台灣買平咁多. 我早少少知就好啦!! 剛剛4月先去完一轉台灣玩呢.

    回覆刪除
    回覆
    1. 唔怕啦!!!台灣大家成日都都去架啦~~再唔係叫朋友代買~~~~~
      牙線忠粉~~~我係!!

      刪除