2017年6月26日 星期一

合家歡台北聖誕之旅2016-12-26第三天Part 2(天晴)

星期五...好多好多好多野做..但準時收工~可能暑假已開始~好多小朋友~~~~~~放工去左食八分目~好開心好耐無食~飯後去左睇變形金剛:終極戰士(Transformers: The Last Knight)....簡單的623慶祝節目~星期六....中午食左馬馬馬慶康~~~好彩排左10分鐘都無就排到~食埋一個鐘內搞掂~之後去左毛寶屋企傾下四國行程~晚飯食左棽筱日本餐~不過覺得差左~然後又去左探菓子軒~小孩好像又長大了~星期日中午食左百老匯間泰潮...唔知點解覺得同公子一齊食哥次好味d~緊接去左Triangle Coffee Roaster吃左個affogato~~佢個affogato真係正過大酒店哥d~~然後又傾四國行程...點解四國行程咁難既~~~夜晚叫左戲面外賣~又過左一個星期~星期一~....一個同平時一樣咁多野做既星期一~有個客自己無睇籌過左~我叫佢去安排番~然後佢話要投訴~然後我都係叫佢去安排番~(有時唔係你向服務人員講要投訴人地就好驚要幫你做番架~)



2016-12-26
Day 3---Part 2(台灣,台北 Taiwan,Taipei)

飲完茶出黎....又見到成堆人~行到呢個位~我地就沿路折返喇~




其實我覺得係多人到好危險....簡直前後都係人...萬一有個人唔小心跌低左真係會變人踩人........無咩事我都唔想再去九份..........................................仲要呢度已經唔算多人喇喎~




係喎~未食中午飯喎~去到入口哥度間舊道口牛肉麵~第一次黎哥時有食過~覺得好味~




好難得咁搵到張枱坐低...好難得落埋單...順利俾埋錢...呢度真係好people mountain people sea......餐牌就係牆上面呢幾樣~




牛肉麵...NT$100=25hkd....我個認為幾好食...個湯有少少藥膳味~~~而且舊牛肉好正~~好似一半肉一半筋咁~~幾好味呀~





然後又係巴士站搭巴士落山去搭番我地架旅遊巴走喇~沿路有好多金黃色既芒草~~好靚~





哈哈~點知原來我地係亂上車的~坐坐下發現唔對路~同上山條路唔同左~於是一落到山既第一個站就落車~發現就係瑞芳火車站~哈哈~~~~~~於是係火車站打俾我地既旅遊巴叔叔叫佢黎瑞芳火車站接我地~




番到出台北市區去到台北車站附近亂行左陣~然後就用走的方式去晚餐地點~(因為怕塞車~以為好近)......點知以為好近既路程~行左成個鐘先到~~~~~~~~~~wakakaka~呢段路我真係行到好攰~~~~~




行到腳都跛終於到左盛園絲瓜小籠湯包...地址:台北市杭州南路2段25巷1號1樓




我地有訂枱既~等佢執枱中睇睇食咩好~




一入餐廳坐低佢就俾每人一小杯芝麻糊~這芝麻糊不錯喝呢~




雪櫃有好多唔同既小菜~可以自己揀~揀岩攞埋自己枱食就ok~話番俾d姐姐知你攞左幾多碟~小菜各NT$60=15hkd...小食不錯...但並不特別出色~






蘿蔔絲餅...NT$50=12.5hkd...唔....同我平時係澳門食既蘿蔔絲酥餅極度的不同......成個質感好叉燒酥...




籠蒸花椰菜...NT$150=37.5hkd.....之前係濟南鮮湯包個櫻花蝦蒸高麗菜香d(因為櫻花蝦)清甜d(蒸椰菜勁甜)....但呢個食落係烚菜味..




椒鹽豆腐...NT$150=37.5hkd.....唔知台灣同澳門係咪唔同呢~雖然呢個好多炸蒜~不過就係蒜還蒜....豆腐還豆腐....椒鹽還椒鹽~




上海小籠湯包...NT$140=35hkd.....依家計番先知咁抵!...35hkd有成8粒小籠包~~平~.....係幾多湯既.....但係...我覺得d湯汁有點肥膩............................





蟹黃湯包...NT$220=55hkd.....也不算貴~對得住個價錢~





絲瓜小籠湯包...NT$150=37.5hkd.....呢個應該係主打啦~連餐廳都係叫呢個名.....都係一個字:平~一咬開......入面絲瓜並不多...同豬肉既比例豬肉多左d...如果絲瓜多d清d會好d...因為依家咁樣同無絲瓜既湯包差不多~





花菇素餃...NT$140=35hkd......不合我口味...因為麻油真的多了點~





豆沙鍋餅...NT$140=35hkd.....呢個我又覺得唔錯喎~佢脆脆的外面超多芝麻.....熱辣辣食勁香~




牛肉餡餅...NT$50=12.5hkd......呢個不錯..幾有肉汁

總結呢間小籠包並不太合我胃口~我還是比較喜歡上次食既濟南鮮湯包~



食飽飽我地自己後生仔亂行~終於俾我買到馬來貘精品~~~仲買埋即棄con~~~~~




Folder很漂亮~底面是這樣的~~每個NT$39=9.8hkd~




呢個係筆袋黎架~~我依家攞左佢黎做化妝袋~~~又係兩面不同的~極出色~NT$250=62.5hkd~





無啦啦阿Sam通報有波踢~有Ozil bb呀~~~~~我哥日上網睇呢場仲要係佢為阿仙奴上陣第100場呀~~~開心到我呀~~~睇左半場...先發現......................呢場係重播..並唔係當日哥場................................................(誤)








係咪見我好耐無講Sunny bb以為我又變左心喇~
無d咁既事~仲係好愛好愛佢~
我仲買左飛~
去睇哥個Yes Rock大混戰音樂節~
有Supper Moment啦~有Mr.啦~有Dear Jane啦~
簡直係一雞三味~呢3隊係我最鐘意既香港band~
可以一次過睇哂真係太好了~
(當然前提其實係因為有Sunny bb我先會買飛架~)
我依家好緊張呀~~~~~~~好快又可以睇Sunny既live喇~
一定high翻天~~~~~



又講起變形金剛:終極戰士(Transformers: The Last Knight)...
唔好講咩.....淨係講$70睇足兩個半鐘真係一個..
真!經!典!
學主席話齋...如果1蚊粒子粒..
今晚套戲都要俾幾百萬先睇到!
其實我係由第3集先開始睇變型金剛~~
唔知點解無啦啦會開始睇~
但又幾有型既~睇佢由架車變機械人(或者倒轉)..
係幾好睇既~
咁個故事就.....睇之前都知有好多負評...
已經抱住冒險心態去睇~
但都幾緊張....熱熱鬧鬧咁囉...好好睇又唔係~
係滿意過上禮拜套盜墓迷城既~
起碼我隔離位無訓著~
但天真既我....睇到佢今次套戲名..
我以為係最後一集........
點知佢最後又黎個伏線.....吹佢唔脹!
我嬲我天真得滯!



係喎~
今日見到好抵呀~~~香港航空年尾至出年3月...
直航紐西蘭既奧克蘭才31xxhkd咋!!!!
如果唔係年尾d旅行安排好哂...
一定會轉軚~~~堅抵~
有興趣既人去睇睇啦~



2017/06/26的開心事:
雖然多野做~總算捱過了blue monday~



報時:距離與毛寶慶生快閃台北之旅2017仲有---93日~
報時:距離日本四國自駕遊之旅2017仲有---109日~
報時:距離日本大阪自由行之旅2017仲有---164日~
報時:距離新加坡熱辣辣聖誕節之旅2017仲有---178日~

26 則留言:

  1. 街口果間牛肉面真係好歷史悠久....@@
    依家HK出街食小籠包都係好貴,可能因為手工貴
    3千幾好平啦,加插多個倒數囉XXXD

    回覆刪除
    回覆
    1. 我諗真係開左好耐~~
      我唔介意佢貴既~~~不過我對呢間麻麻~上次哥間好食d~~
      主要係無假lu~如果唔係都可以考慮下~

      刪除
  2. 其實九份真係好特別嘅地方
    多人到爆但係都有佢嘅吸引力
    見到咁多湯飽口水都流.....^_^

    回覆刪除
    回覆
    1. 不過真係人太多...我覺得多到有d危險~
      但係上次去哥間好食d~

      刪除
  3. 我都話我有老人痴呆、睇完又唔記得留言.....
    九份我未去過.但見妳D相人山人海都唔想去啦.....
    小籠包都唔錯.....

    回覆刪除
    回覆
    1. 哈哈~茅咁講自己啦~~
      人太多...我覺得多到有d危險~
      我鐘意食上次哥間多d~

      刪除
  4. 如果唔係安排好哂我地會同時係紐西蘭啦 哈哈
    我都係用呢個牌子既即棄con呀
    馬來貘好可愛呀!最近頗多機票很平呀
    如果唔係下年變數咁多 我一定會買返幾張呀!!
    我鍾意第一二集既transformer 之後果幾集反而冇睇:(

    回覆刪除
    回覆
    1. 你都係12月先去啦~~~我12月好難攞假~~~~~
      哈哈~~台灣買平丫嘛~~~個個都用呢隻~~
      係呀真係幾得意~平呀!但有時有平但我無假哥下衰~
      連d日韓台機票都好平~
      我淨係睇左後幾集咋~

      刪除
  5. 九份好似旺角咁多人>_<小T的頭痛好番未?

    回覆刪除
    回覆
    1. 人太多...我覺得多到有d危險~
      好番喇~多謝關愛~

      刪除
  6. 🌟話咁快又╠╣aΡpy星期二嚟✨
    好友☁。゚🌙瞓覺囉🌜甜夢安睡🌛💤
     O
       o
     .∧_∧・。◇
     ( ・ω・ )
     |⊃/(___晚安★
    /└-(____/✬・゚°☆
    ✾ღೋஜ๑۩۞۩*ഐ❉

    回覆刪除
    回覆
    1. 正呀...合我心的美食

      刪除
    2. 話咁快~又到周末~好開心~

      刪除
    3. 我都鐘意食小籠包~但上次哥間鐘意食多d~

      刪除
  7. 每次去台北都無緣去九份呀,仲要成日聽人講九份陰陰天,你去到個日又好好天氣。不過真係人太多,好迫呀。
    睇完碗牛肉麵, 小籠包牛肉餡餅同豆沙鍋餅,我好肚餓呀。勁想食小籠包呀~~~

    回覆刪除
    回覆
    1. 係勁好天..估唔到~但人太多...我覺得多到有d危險~
      話時話香港有無好味小籠包架?

      刪除
  8. 這些小龍包等等, 全是以前D人食開的, 第一因為以前社會環境不充裕, D人唔係覺得好食, 第二因為以前用開有些配料, 現在唔俾用, 又或唔可以落太多, 所以現在這些東西無以前咁好味,

    回覆刪除
    回覆
    1. 呢間我一般咋~
      上次去食哥間正好多~呢間都係第一次試~

      刪除
  9. 你見過真人餡的變型金鋼未呀? 嘩, 真係要搵大6D雜藝人做呀.

    回覆刪除
    回覆
    1. 有d咁搞笑既野架~~真係無睇過喎~~~

      刪除
  10. 我都覺得九份太多人同非常危險。我令願去十份都唔去九份。

    回覆刪除
    回覆
    1. 我諗依家十份都係咁多人~上次見銀仔去都好多人~

      刪除
  11. 用芝麻糊做前菜又幾特別喎
    ......... 其實隻馬來貘係咪好出名架?
    個Yes Rock好似為你而設咁,有齊你鐘意既樂隊
    變形金剛原故事好長,而且有唔同系列,真係要拍可以有排拍架
    三千幾既機票係好抵,而且年尾至3月仲係旺季...可能出年都有,可以到時再留意下

    回覆刪除
    回覆
    1. 凍冰冰都幾好飲既~
      係呀~~~~~~
      我都覺得係呀~~~所以就覺得一定要買飛睇~~~~~~慳番dear jane過黎澳門開演唱會我唔使特登買飛睇~
      華~真係唔知~~~咁即係長拍長有喇~~~~救命~~有排睇~
      d平機票肯定係幾幾幾號前買先有呢個優惠...我估~

      刪除
  12. 你買馬來貘啲精品好正呀!!

    估唔到九份都有好野食喎, 遊客區食到正牛肉麵算唔錯啦

    我都有睇諗過去睇YES ROCK..不過到而家都未買飛'_'

    回覆刪除
  13. 一聽到是 Ozil,傻咗,變身傻女~~~~~
    今個星期好似特別 enjoy!

    回覆刪除