2017年6月15日 星期四

合家歡台北聖誕之旅2016-12-25第二天Part 1(天晴)

星期二...由於掛住醉心打其他blog...忘了寫本日日記....(只係隔左一日但完任無記憶...應該係一個平凡上班日)......但係某間餐廳既訂位令我極嬲......星期三...放工同左Diana去提早慶生~就係去噚日激到我好嬲既餐廳....野食....算係哥間酒店入面最好食...有機會就分享~星期四....無咩特別~~番工日~~~最特別咪聽日係星期五囉~~~~~~星期五要viva~~viva到底~~~~~



2016-12-25
Day 2---Part 1(台灣,台北 Taiwan,Taipei)

早唷~我地放棄食酒店早餐~自己衝出去買野食~梗係食番上次個民宿主人推薦既在地台式早餐店啦~~~呢間叫西門町豆漿~地址:台北市萬華區漢口街二段54號....就係萬事達行旅條街直入~又見到姨姨的身影~




價目表~




拿~又講下呢度既規矩先~~首先~姨姨講野係極度豪邁既~勸你懷住有禮既心去買~佢自己都有咁寫住係寫住架~同埋佢好興你講完要咩自己計錢架~自己計完自己係佢個兜度找續~同埋如果買飯團類必定要買一杯野飲搭配~佢有有糖/無糖豆漿~我個人推薦的是紅茶~好好飲~




姨姨煎的不是蛋餅~是一種態度~(流口水中~)




睇下個小孩排隊排得恭恭敬敬咁買~




我終於可以食番喇!!!!!我最喜愛的!!!!我的鮪魚蛋香米卷...NT$55=13.8hkd......一入口....感覺都回來了.....絕對是我的菜~個醬同個米卷既所有野都好夾!!好好味~~~~~(呢個有飯係入面架~自己醒目要搭配飲品呀~)





今次新試既起士蛋餅...NT$30=7.5hkd.....好平話~我係澳門食個無咩料既包都唔得~呢度仲要新鮮製作...一入口..超香!!!!!!!!!!!!!!!!!!!!!!佢哥隻芝士隻味好正~~~好濃郁~~~~~我同毛寶都大讚~~~~勁出色~




食左早餐畫好手信就交去reception幫我地訂啦~要先付費~佢會送到酒店~乾手淨腳~唔使自己去抬~




出發~~~今日既第一站係去淡水~(老人家未去過嘛~)....但本身一個鐘鬆d既時間塞車塞左成兩個鐘先到~都係搭捷運前往最好最快速~呢日勁好天~~~~但....我頭痛我無帶con~咁曬對眼點算?唔怕~戴完眼鏡再戴墨鏡咪得囉~~~~(誤)..好似戴左3D鏡咁~




呢日簡直係又好天又大風~






大風到想影個合照個頭都吹到變傻婆咁~~~毛寶話佢個頭吹到成個愛恩斯坦咁~咩事你又咁神氣呀~個墨鏡又blingbling中~




係海邊吹左陣海風~就行番入去d鋪頭度周圍望喇~





好鐘意呢d懷舊既遊戲檔仔~(查實我好想玩射汽球~)




要左兩份綜合鹽酥菇...一份NT$50=12.5hkd....加辣粉更惹味~~~佢地d鹽酥野係好味既~





惹味還惹味~但勁熱氣~飲番杯果汁順下個喉先~況且呢個時候勁熱~頂唔順~




係某檔海鮮檔前見到呢隻叮噹~又幾精美喎~




好熱呀大佬~~~到底係咪12月尾黎架~~~




由於時間不多~我又有樣野好想買~於是自行離隊去搵搵~我記得以前係淡水買的~~我仲要好鐘意食的~但好耐無買唔知仲係咪到~轉入內街搵下先~~行內街好似舒適d無咁曬喎~




咦~~~~竟然俾我真係搵到喎!!!!!!!!!係你喇~~辣味蝦薯餅~~~~~無記錯既話係NT$50=12.5hkd~但........係我咀刁左...定係佢真係退步左????今次食完全覺得唔好味既?完全失望~




唔好食都算囉~雖然無咩做過~上車囉~~團友們買左兩款芭樂~一種仲要係紅肉的~配上梅粉吃果然風味更佳~




華~出番黎市區啦~~~見到晴天的101~~




好~去食個午飯先~(根本上半日都在吃~).....阿水獅豬腳大王....地址:台北市大安區忠孝東路四段235之1號.....哥日去到算係幾早~未有人~(等我地仲訂左枱添~)






自己剔食乜~剔好交俾工作人員就可以了~




周圍望下~見到浸豬手既缸~




滷豆腐..NT$40=10hkd...唔~無咩味~




燙青菜(大)...NT$60=15hkd....菜很好吃~不過細細碟~




紅燒蹄筋...NT$120=30hkd....好味~~又林又入味~~~




豬腳中段...NT$80=20hkd.....梗係食番上次係另一間覺得好食哥部份啦~可惜.....林係夠林......但係入唔到味..................





叫左3款湯試...分別係苦瓜排骨湯...金針排骨湯...同埋蛤蜊蒸酒湯...各NT$40=10hkd...除左蛤蜊蒸酒湯之外...其他都ok~






豬腳麵線...NT$110=27.5hkd....討不到我歡心...因為佢個麵線重麻油味~我不喜歡~




魯肉飯....價錢不詳~因為牆上面個價目表只有魯肉飯"便當"既價錢~成間野我覺得都無咩味咁既~~~~都係上次老牌張豬腳好食d~下次一定要食番~呢間口味就唔係好合我~








2017/06/15的開心事:
無乜...期待星期五囉~
聽晚約左阿媽去睇戲嘛~



報時:距離與毛寶慶生快閃台北之旅2017仲有---104日~
報時:距離日本四國自駕遊之旅2017仲有---120日~
報時:距離日本大阪自由行之旅2017仲有---175日~
報時:距離新加坡熱辣辣聖誕節之旅2017仲有---189日~

24 則留言:

  1. 冇遇到麻煩事、奇怪客咪好囉
    台灣有好多又平又好食既野,不過最近爆左幾單負面新聞,你下次自己小心D

    回覆刪除
    回覆
    1. 唉~你剛剛講完..星期五又俾個客激到手震~佢地係唔會消失的~~~~~~~~~~~~
      係~知道~~~

      刪除
  2. 好友☁。゚🌙瞓覺囉🌜甜夢安睡喇喂🌛💤
    ╔══╗────╔╗╔═╦╦╗─╔╗╔╗✨
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣♦
    ╚══╩═╩═╩═╝╚╩═╩╬╗╠╩╩═╝
    ──────────────╚═╝晚安🌟
    🌴🏠🌵╠╣aΡpy週五嚟🏡🌲💒🌳

    回覆刪除
    回覆
    1. 毛寶俾D風吹到傻得好可愛,似唔似小雲卡通片內的踩單車四眼妹

      刪除
    2. 呢個周末都係下雨天渡過~~

      刪除
    3. 佢似呀!!!我成日都咁話佢架~~話佢勁八婆~~

      刪除
  3. 你個太陽眼鏡個款勁有型,我就吾戴得啦,兩副鏡一齊個鼻梁好痛,我只好戴con。

    回覆刪除
    回覆
    1. 我好窮~~~戴黎戴去都係呢幅~~~~我頭痛唔好好戴得con..會加劇痛~

      刪除
  4. 煎蛋餅阿姨真係好有氣勢,同埋食物望落唔錯喎,又平呢....吞口水中:P
    依家酒店有喱種預訂手信服務又幾唔錯,夠方便唔駛浪費時間
    架大巴士係邊個負責揸?

    回覆刪除
    回覆
    1. 係!無錯!我好鐘意佢~~有氣勢我又行番去買只因佢好食~
      係呀應該好多酒店都有~好方便~不過可能比你親身去買貴dd~
      有埋司機大哥架~~~~~~~無人有大巴牌啦~~

      刪除
  5. 台灣食野又平又好食,我都好鐘意鹽酥類食物。香口野。
    我都立定決心下次要去試下老牌張豬腳(握拳),上次去到無開無得食(嗚嗚..)。

    回覆刪除
    回覆
    1. 哈哈~~而且佢d鹽酥雞有九層塔~真係好香好正~
      我都立定決心要食多次~因為呢間味道差好遠呢.....(不過我唔知老牌張岩唔岩你口味~~)

      刪除
  6. 太陽眼鏡變得好卡通
    有湯飲會試苦瓜湯,好似好好味

    回覆刪除
    回覆
    1. 哈哈~~搞下笑~~~3d鏡咁~~
      都唔錯呀~

      刪除
  7. 去台灣梗係食食食喇,所以租酒店真係唔使包早餐
    租咗車又真係唔想晒咗佢,但台北市內真係搭捷運好過,尤其你地仲係旅遊巴,真係無車仔咁靈活
    個八人餐分好晒份量咁十個人咪分唔勻?
    我呢排忙到甩轆日日返十幾個鐘頭工,散晒,星期日放假終可追返晒你的文章!希望下星期唔好再忙喇!

    回覆刪除
    回覆
    1. 無錯我都係咁話~~反正都唔會好食得去邊~
      係啦....去度度都好難~不過有d野唔試過又唔知既~又係一個體驗~
      有d我同毛寶兩份~大比又同阿sam兩份就解決了~
      好慘呀......你咁忙都黎睇我你真好~

      刪除
  8. 係呢,帶兩副眼鏡唔重咩,我呢,又近視又散光又老花,不過不嬲無帶眼鏡但如要外出工作先會帶尤其係夜晚同去旅行,所以我配全視線眼鏡,一副搞掂晒!我好唔鍾意帶眼鏡因為唔鍾意有嘢夾住隻耳同個頭,哈哈,唔知你明唔明我講咩呢⋯⋯

    回覆刪除
    回覆
    1. 我梗係明啦...我試個個眼鏡壓住我隻耳仔勁唔舒服...然後轉變埋頭痛....所以依家揀眼鏡都係輕身d~

      刪除
  9. 很豐富的一天!傻婆見不到,見到兩位少女囉!

    回覆刪除
  10. 小T, 乜你背影那幅相中件衫, 整到你咁似道士呀,

    回覆刪除