2017年3月2日 星期四

七公子聖誕百元限定哭福袋派對2016@泰潮

星期五...都算多野做呀~忙得無時間抖下~放工去左銀河間Apron試下~又幾好味喎~星期六過左去香港..預約左整自己既專屬枕頭~希望真係可以減輕我肩頸痛既問題!!又開始頭痛...係劇痛..痛到無哂心機......不過係香港食左好多野~星期日....中午食左阿蘇..夜晚食左家常便飯.....星期一..成晚都訓唔著又頭痛...搞唔掂去睇醫生....放左兩日病假...連網都無上...電腦都無開.....星期三..上午還好..下午比較多野做...個人覺得好攰...但唔算係做得多野攰..係個心好攰......算啦~呢d野都係唔到我管~.....星期四努力工作~因為又期待星期五中~過埋聽日工作日星期六有公子生日趴呢~~好緊張~~



好~係咪好突然呢~~咁快就出到一年一度既7公哭福派對~~~~今年經麥公子提議下.....揀左銀河百老匯入面間泰潮...電話:6336 6888.....貪佢有免泊車有房之餘...收夜晚12點夠晏~而且麥公子食過話不錯吃~加上有米芝蓮既美食推介~好啦~試下啦~~~




首先野食都未叫...就發生一件好感人既事喇!!!!杯用我地公子去日本既相...整成左一張聖誕卡咁送俾我地呀!!!!好事weet呀!!!!!!!!!!!!!!!好靚呀!!!!多謝杯~~~~~從聖誕卡中充滿左我地開心既回憶!!




好喇...收起感動的眼淚..勇敢向前!!!叫野食先~~~~泰式柚子蝦沙律...$98........有d辣辣地咁個喎~我幾鐘意~有d炸蒜加埋落去幾香口~




泰式木瓜絲沙律...$78...好味~




泰式粉絲沙律...$88.....唔好食得黎有d貴...唔知佢係落錯調味呢?偏甜既?




泰式炒小蟶子...$98......好味~好似第一次食泰式炒蟶子~之前食炒蜆多~




泰式炒蜆...$88......其實個味同蟶子一樣~所以好味~但我推介食炒蟶子多d~~因為舊肉食落口大d~~~~




泰式燒豬頸肉...$48....平!!!而且燒得唔怕乾..勁有肉汁~~大推~~好出色~




泰式海南雞飯餐(無骨)...$78......好出色呀!!!雞夠滑~~油飯也好吃~~仲要有黑豉油~~我最鐘意食豉油撈飯~~~(湯可以略去..很味精的感覺)...這個我地encore左一次~




泰式招牌鹵水大拼盆...$198.......唔唔....我覺得無一樣野好食XD........我唔會再翻叫~




冬蔭功海鮮湯(小)...$88........我個人就幾食得辣既...但我都覺得有d辣~




泰式炸蝦餅...$58.....個蝦餅幾有活力~彈彈的~唔錯~好味~




泰式炸魚餅(4件)...$58.....唔好吃..勁油~




香葉肉碎生菜包(豬)...$88.....呢個係我係澳門食過覺得最好味既生菜包~~(暫時..同埋係個人感覺).....佢炒得唔乾...勁有肉汁~~九層塔味好香!!!平時毛寶唔食呢個架...但今次佢又係搶住食話好好食(我成日用毛寶做指標係因為我太垃圾口..咩都食)




炭燒原條魷魚...$98........極度出色~~~不過佢條魷魚食得出新鮮~但佢都燒得出色~唔怕乾~剛好~




蒜蓉炒芥蘭...$78....正常野




馬拉盞炒通菜...$78.......想到的味道~正常~




泰式炒金邊粉...$88....炒得唔錯~全碟清~




冬蔭功炒飯...$88......好一般...完全食唔到冬蔭功味~




泰式香草煎蛋...$98......全晚最差既一味.......勁!難!食!...佢難食在真係唔知佢用咩香草整呢...不過唔係衰係隻味度...係衰在一咬入口成口都係油飛出黎~~勁核突~~食左一啖打左個冷震將佢放下~就是擁有~依家望番張相都諗起佢陣油味~




公子叫餸就是勁量十足~~~~~送上可愛+酷酷的"就是你"~好似食淨左d飯~有打包走~除左個煎蛋..其他全清~叫左成枱餸仲要食哂先係新好女孩~







食埋甜品先開始玩啦~~千層糕(4件)...$22....幾平..呢個幾好食~




西米糕(4件)...$22....幾平~但唔記得好無食喇~




椰汁芒果糯米飯...$48....幾平..就價錢來說都是不錯吃~佢d甜品價錢都算平易近人~




食飽飽叫人幫我地執好張枱就要開始喇~~~又係首先福袋先啦~~~~記住唷~禮物費係$100唷~





沿用舊制....首先猜包剪揼...邊個贏左首先抽睇下佢要邊個公子份禮物...然後被抽中哥個再抽睇下中邊個份禮物....一直抽落去...到最尾唔好有重覆之類...咁就有左個結果架喇~形象化d就係:如果我猜贏...我就第一抽籤喇...我抽中貞..咁我就要貞份禮物...跟住貞再抽....如果貞抽中毛寶...咁貞就要毛寶份禮物...咁就到毛寶再抽...如此類推~




今次我地仲新增左環節...就係一人一票投選我最想收到的福袋....同埋我最唔想收到既哭袋......福袋勝出者將會扣減當餐$100膳食費~係咪好吸引呢~~~~哭袋勝出者係得啖笑既...同埋遭公子恥笑成年.........謝謝背後幫我地設計呢d投票貼紙既人~好靚~




事實上我真係贏左包剪揼哥個~~我抽中杯的禮物~~~幾實用既禮物~~最鐘意係衣物除臭噴霧~~多謝杯~






然後杯抽中毛寶的~毛寶福袋往蹟有d唔係幾好..前年係阻人"定"超大鹽樽.....舊年係一盤盤栽.....俾眾公子將佢列入左黑名單...話佢個福袋...不知是福還是哭喎.....佢話佢今年努力左好多...好有心思喎....................




一開...................................................點樣呀~~~~~~三孖潤腸呀大佬~~~~你叫人點樣俾反應你呀~~~~佢反擊我地:咩呀!你地唔食潤腸既咩???............眾公子:食呀!!但我唔想聖誕禮物收到d咁既野囉!!!!!........毛寶仲要繼續講:咩呀...我特登叫媽媽買隻貴野架......................................眾公子:下年你無得玩喇......因為你已被剔除公子之名~~~~~wakakakakakakaka~杯!!同情你!!事前毛寶不停問我:你想唔想收到我哥份呀??.............好彩連續3年都抽唔中你哥份咋!!!!!!!!!!!!!!!!!!!!!!!!!!!




毛寶抽中貞的.....貞個袋有點漬....然後貞說:你抽中我就岩喇...因為我哥個係蠟鴨~~~~同你配成一對~~~~~~~~~跟住我見到毛寶隻眼係有一絲恐懼..(因為我知佢唔食蠟鴨)...........但開左之後係一袋蟹棒~~~~算你好運呀毛寶!





貞公子抽中凱公子的~係starbucks既用咖啡渣整既番梘~仲有盒奶綠~





凱公子抽中麥公子的記名澳門通~





麥公子抽中朗公子的~係一個環保袋~加一對耳塞~~~我覺得個環保袋幾靚喎~仲幾實用添~





朗公子抽中我的~~~有牙刷~有電子磅~有拖鞋~幾好丫可~~~





開哂禮物之最後投票~~以下係得票結果!!主席以大比數勝出~~~~~~




頂~~你3個好似選美羸左咁~~~~係呢~唔知你地又會投俾邊個呢???(其實我都投左俾朗公子一票~主席萬歲!)




好喇~福袋講完~~唔使問~梗係到最精彩既哭袋啦~(我期待左一年架喇~)....唔使問邊袋係我架喇~你地一定估到既~





好喇~以下落黎交俾動態公子講講佢地今年最唔想抽到既哭袋係.............................



今年哭袋轉左新玩法~就係先用麻繩縛好d哭袋~然後撈亂...再每人抽一條....如果全部人無抽中自己哥個~咁就搞掂~都抽左成3次先全部人無抽中自己哥個~~~~





三公子抽中朗公子的~(印象中佢地哭福都互抽過無數咁多次~)......朗公子的哭袋殺傷力很低~





杯公子抽中麥公子的~......d飾物好bling bling~(即係很醜~).....麥公子之前一直出口術話自己有樣野係好勁爆既原來係個小米盒子~~~一d都無你之前條belt一成功力~~~紙巾都有包係咩玩法?





麥公子抽中貞公子的~~一堆搽面既野~一個很醜的化妝袋...仲有一堆很的飾物....(正中間哥條白色珠鏈真係唔知你買哥時諗緊d咩~~~~~~~)





貞公子抽中三公子的~貞既鋪屎我想講句:你唔好係麻瓜面前使用魔法先得架!!!好彩我抽唔中je~成堆書~一個好臭既香薰....仲有一堆con盒(但大佬你唔帶con架喎).......仲有一堆日本食玩..........





凱公子抽中杯公子的~頂!!!個頭cool好醜呀!!!!(扮緊戴畫家帽呀個頭cool...小公子你做咩買d咁既野害人呀~~~~)...依家杯公子d哭物好多都黎自.................小公子張書枱..............真攞命~~





你地好野!!!!根據頭先條片...只有我一個人抽中我最唔想要既哭袋!!!!!!!!!!!!!!!!我抽中左凱公子個哭袋!!大佬!!兩袋呀!!!哥兩個綠色既小學索繩書包真係好靚.....d野多到...我都知無好野架喇!!!過期月曆都有!!!!看見我的眼神死嗎?我的帥氣全沒了...................





最後...朗公子抽中我既哭袋~~(咦?!佢今年哭福都抽中我喎!!)....華~~~你睇下我袋野大到~~~攞唔到上手合照呀~~要放係枱度影~~~拜拜~~我的哭袋~~其實我d野一d都唔差架~係多咋~~~全部都係d雜誌送既野黎架~全新未用過~~除左朗公子之外都有人收購左d袋番屋企俾佢媽媽用~佢媽媽仲好鐘意添~佢仲收購左張d野俾佢朋友添~所以話~我唔要既野唔代表你無用既~~~~





七公子祝大家:聖誕快樂~(舊年~俾個機會我地補祝~~wakakaka~)...個蛋糕我地係Euse工房訂架~~(廚師是個帥氣型男~).....戚風蛋糕外型低調但一食就知係好野~~跟我們七公子一樣~好味~呀~唔記得講~支旗仔係毛寶畫架~好靚~(凱~你呢張相影得好可愛~)





好喇....最衰哭袋得主......你地兩個知唔知醜點寫架?




公子就是有氣勢!!!食飯我地次次張單都係咁長架~~呢餐食左$2,155...每人$307.6.....抵啦~~玩左成晚間房又食左咁多野~~~~~~平過我地之前去食哥d聖誕餐呀!!多謝麥公子推介我地黎呢間~~





哈哈~跟聖誕波合一個照~




哭福袋最大既得益者好可能係佢.....好耐無見既孖八仔~又用電子磅~又用哭袋既野整新屋~~~~~





最後毛寶送潤腸呢件事俾人改圖~~~~~(取自GOtrip 張Line圖再自改)....唔知潤腸會輪迴去左邊呢???張圖改得實在精警~~~~~~~

想重溫公子過往的哭福事蹟嗎?詳情請自行按入:公子哭福2012...公子哭福2013...公子哭福2014...公子哭福2015...原來已經搞到第五年!!!去到7周年真係要賀一賀先得!!






2017/03/02的開心事:
chlo子請我食咸煎堆~~
chlo子請我食熱浪~~



報時:距離"七公子"帥帥出使釜山之旅2017仲有---41日~
報時:距離毛里裘斯渡假+馬達加斯加麵包樹之旅2017仲有---78日~
報時:距離與毛寶慶生快閃台北之旅2017仲有---209日~

28 則留言:

  1. 頭痛到要放病假,似是有點嚴重,要否檢查吓?我都估到你們包左間房,如果吾係咁鬼嘈實比人投訴,凱公子個哭袋兩個綠色既小學索繩書包,竟然和這晚的椅子好襯色喎^_^

    回覆刪除
    回覆
    1. 之前已經照哂野...
      哈哈~~梗係~~~~我地每次都要揀d地方係有得包房先去~~
      哥兩個袋真係醜到呢~~~

      刪除
  2. 妳點呀又頭痛.....打支針會快D喎....希望快D好番冇晒頭痛.
    泰菜我鐘意食.....冬蔭功湯正呀.....

    回覆刪除
    回覆
    1. 我無打呀..醫生有問我打唔打..但驚打左一次下次又好難止...所以訓下算了~
      我都愛泰菜~

      刪除
  3. 好友♦・゚☁晚安嚟🌜🌛💤
    🌟瞓醒✨╠╣aΡpy星期五
    ╔══╗────╔╗╔═╦╦╗─╔╗╔╗✬
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣
    ╚══╩═╩═╩═╝╚╩═╩╬╗╠╩╩═╝⊹
    ──────────────╚═╝☆。。゚★
    - ҈ -ღೋ*¨*✾◇。゚❉ഐგ

    回覆刪除
    回覆
    1. 看到...也留口水...正呀

      刪除
    2. 💘・゚。💚。・゚゚💗・。。゚💝
      🌈好友☁・゚☀早晨🌞午安好
      藍天白雲⛅太陽和暖的一天
      ╔╗╔╦══╦═╦═╦╗╔╗💞
      ║╚╝║══║═║═║╚╝║💖
      ║╔╗║╔╗║╔╣╔╩╗╔╝💓
      ╚╝╚╩╝╚╩╝╚╝═╚╝週五💕
      💟*¨◇💛∴º°¨💙¤*¨∵💜

      刪除
    3. 哈哈~~星期五放工哥刻永遠係最開心既~

      刪除
    4. 呢餐真係又抵又好食~

      刪除
  4. 小T, 你膊頭痛, 就做多D手臂引上, 拉外, 後展的運動, 會令你好D咖, 我以前都有膊頭痛, 做了這些小運動, 就感覺舒服了很多.

    回覆刪除
    回覆
    1. 有呀有呀~我成日都拉下筋架~~~~不過都有可能係個枕頭唔岩~~我呢幾日換左喇~~幾好喎又~~

      刪除
  5. 潤腸居然唔係大嬴家?????????????????????潤腸居然是福不是哭?係咪調轉咗?因為潤腸三公子應該得到更大獎勵......
    貞公子戴帽幅相係非常之咁有型,見到識郁嘅公子另有1番味道.
    聖誕卡放落福袋入面應該嬴梗.

    回覆刪除
    回覆
    1. 估唔到大家咁愛潤腸..我話番佢知先~~~佢真係玩野玩到出哂面~~笑屎我地~
      佢點你都話有型架啦~
      張聖誕卡真係好靚~滿滿的回憶~

      刪除
  6. 都算ok喎至少今次無人拖成篋野來XXXD
    最後哭袋有冇互換返一啲各人想要既野?幫手拎下都好.....kakaka...
    驟眼睇你對黃色人字拖同白色中銀tee可在家當睡衣睡拖穿XXD
    個新枕頭有冇作用,有冇好啲?

    回覆刪除
    回覆
    1. 哈哈~~但數量也是不少的~~
      梗有啦~~有d人仲好開心添~
      唔要呀唔要呀~~~
      有呀!!!訓左3晚我膊頭唔再痛~~

      刪除
  7. 你既哭袋一d都唔哭呀!毛寶竟然會諗到買潤腸
    福袋我投比你同杯呀
    哭袋我都係同公子們一樣睇法 中銀tee都有 哈哈

    回覆刪除
    回覆
    1. 係呀le~~係大袋之嘛~~~d哭物唔哭呀~~~毛寶堅玩野~~
      下~~真架~~真好~原來有人欣賞我~~

      刪除
  8. 無得去旅行,又變林黛玉囉!(保重身體)
    杯公子好有心思喎~~~
    見到您們的哭袋,有點感動添,哈哈哈

    回覆刪除
    回覆
    1. 有架~我會好好保重架喇~~
      係呀!!好靚~
      係咪好想要呢~

      刪除
  9. Hi Hi 我又好耐無留言喇!唉吔,後生女成日頭痛真係要好好check 吓呀!!
    嘩,笑死人呀,潤腸!!想点呀,不过都好,話晒都可以食咗佢!
    係囉,果條珠鏈,收到真係唔知点算!

    回覆刪除
    回覆
    1. 我覺得可能係個枕頭唔岩所以膊頭痛導致頭痛~(其中一個頭痛原因)
      但杯不吃潤腸是重點!~~
      醜囉~

      刪除
  10. 毛寶買o既潤腸幾好呀,照顧朋友的人會送實用的禮物o既。
    朗公子抽中你o既哭袋,呢張相好好笑,佢發達啦~

    回覆刪除
    回覆
    1. 我哥個都好實用架~~~~
      佢簡直開心到跳舞~~

      刪除
  11. 一年一度嘅福包又到,讀到都好開心呀。
    妳現在好啲嗎?需要去做物理治療㗎

    回覆刪除
    回覆
    1. 每一年都好刺激~~
      依家好d呀~~我換左個新枕頭~~

      刪除
  12. 嘩.. 你病好未? 久唔久見你都話勁頭痛,長期係咁不如睇中醫調理下身子。
    7公子嘅哭袋笑死我hahahaha。收到點處理好? hahaha

    回覆刪除
    回覆
    1. 無痛喇~換左個新枕頭好d~我之前有睇過呀...不過又覺得一般~
      真係無人要就會真係掉左佢..但有好多野好多時會有人收購...達致減廢效果~

      刪除