2017年3月6日 星期一

冰島環島自駕遊之旅2016-11-05第一天Part 1(晴天)

星期五...極度唔夠人..所以極度多野做~~呢度真係好好玩呀~~放工超攰...去左食重開既上海魅影...但..特色野少左...食d普通上海野但係價錢極貴..不會再去~星期六訓到成12點幾先起身...中午自煮煎蛋菜米吃...下午睇左陣電視又訓過下午覺.....夜晚同左貞公子慶生~食左Mezza 9~~星期日中午食左文哥~食完急約麥公子一齊行下大潭山條步行徑~正~呢條一d都唔難行~之後買餸自住飯~我真係新好家嫂~星期一..多野做~不過係咁架啦~~~~~~



突然出冰島blog~~問你驚未~



出呢篇冰島blog又令我諗起出發時既嬲野...話說...我哥日係屋企出發去碼頭.....我係屋企樓下等車.....截左好耐終於有架的士.......佢停低...然後我去攞我舊行李..佢一見到...即刻開走!!!!!!!!!!!!!!!!!!!!!!!!嬲到我.......到第二架......明明亮左紅燈可以接客.....一見到我截同埋有行李....即刻係我面前先放停止載客牌........然後我等左半個鐘都無的士...本身沖左涼上機...都緊張到出左成身汗....唯有打俾毛寶睇下阿Sam車佢去到邊...好彩可以兜埋我......在此特別多謝阿Sam!!!!澳門d的士司機(某部份壞死份子)....簡直不知所謂.....我有時真係寧願行路都唔會搭的士..."國際大都會"既的士可謂得啖笑....你地唔係仲諗住有好多某地方既人黎澳門等你車去夜總會俾你收回佣下話....點解大家想繼續有Uber?希望d的士業界既壞死份子自己諗下啦..無咩事我都唔想麻煩你地...有d好既的士司機真係俾你地累死!!!講完.....去片~



2016-11-05
Day 1---Part 1(澳門 Macau->香港 Hong Kong->芬蘭,赫爾辛基 Finland,Helsinki->冰島,雷克雅未克 Iceland,Reykjavik)

巧喇巧喇~~~冰島團出發!!!!!!!!(今次無再打要準備d咩~想知秋冬時份出發要準備d咩~睇番上次2015年去冰島時既旅行前準備篇啦~)哥日我地搭最後一班機場船過香港機場~19:45上船~大約70分鐘就會到左香港國際機場個海天客運碼頭~check好in就去食野先~(上船前都無食過野~)但今次無去食吉野家呀~因為新申請哥張信用卡可以免費任入香港機場d PP Lounge~~咁梗係試試佢啦~~~我地揀左1號閘口隔離既Plaza Premium Lounge~~勁爆多人!!!我諗我地都排左成20分鐘先入到去...都成夜晚10點鐘先入到~




1號閘口個Lounge出名多人....但聽Venus講話有魚蛋粉食嘛~~咁梗係要去試下啦~~又真係唔錯喎~~仲招積到有片頭呀~~~~~~~吞拿魚三文治同春卷都好好味~




食飽飽係時候要介紹下我地既團友先~我地今次有4個人出發~~有我啦~毛寶啦~媽媽啦~仲有個神秘團友~你地知我有好多個神秘團友架啦~佢話唔出鏡喎~






係呀~今次都係搭Finn Air呀~搭AY070班機係00:45由香港直飛到芬蘭赫爾辛基(Finland, Helsinki)轉機~今次無隨團公仔~




今次Finn Air來回香港段換左架新既A350執飛~雖然新機好開心~但.......採3-3-3既坐法....呢隻坐法我好憎................雙數人除非去到6個人先可以識既坐兩行....4個人唯有揀中間哥位然後2-2咁坐法...方便去廁所隔離起身又唔係騷擾到我地~




d位薄左感覺自己個位既空間感大左~而且個mon又大左~又有USB位叉電~不錯~




仲有哂時間表~~等你知道依家飛左幾多個鐘接落黎仲有幾多時間先有飯食~~~~仲要有埋餐牌係度~




最好玩係個飛行地圖~~縮到變地球又得~又放大到睇埋城市又得~仲可以碌黎碌去睇唔同國家~我無講過...其實我好鐘意睇地圖~~wakkaka~





我地坐得唔算前第一餐晚餐去到我地哥度已經無得揀...直接派左雞肉料理~餐飲要左Finn Air常有的藍莓汁~沙律幾好食有火腿粒咁幾咸咸香香~個雞無話特別好好食或唔好食~一般~舊蛋糕就唔好提喇.......




訓下醒下訓下醒下~加一系列既睇戲係夜機指定動作~佢隻機咁新但個娛樂系統d戲真係屎左d....浪費哂隻新機....睇左新娘愛鬥大(Bride Wars)...呢套係我人生第一次悶到自己一個人去睇既戲....我唔希望我再有機會自己一個人去睇戲~~仲有睇左哈里波特第一同第二集~~~~~



到到達前既早餐~薯仔同腸同上次一樣難食...好難食...我真係幾鐘意呢隻藍莓汁喎~




臨降落前空姐廣播依家呢隻新機有多個新功能...就係模仿北極光俾你睇~~~~~~幾搞笑~~個個都攞手提出黎影~之後就降落lu~~(哎呀~第二集哈利波特睇到一半咋~~~)








飛左9小時52分就到左芬蘭赫爾辛基喇~到達時係05:12.....打呵欠~同上次一樣去冰島既轉機時間係大約8-9小時....都幾長時間下...上次我地揀左出機場行下~今次我驚媽媽搭完長途機攰所以就選擇係機場度過~落左機望出出面~華~有雪喇~~~~~~~~好靚~




做哂轉機既過海關野之後~今次唔怕係機場呆等喇!!因為呢篇文既開頭提到我地申請左張新既信用卡嘛....佢仲包埋可以入海外機場既Lounge!!!!!!開心到我呀~~~~我地黎到呢個Almost@Home Lounge~~揀佢因為佢最早開~(開05:00)...佢既位置係如果你係芬蘭走既話..佢要過左國際線海關先見到....係Gate32之前(係過左國際線海關...係個duty free隔離~)....即係如果你係芬蘭出發但搭番申根國家既航線你係去唔到呢個lounge既...由於我地係國際線黎到芬蘭...由於佢arrival同departure其實相連既...所以我地先去到~




又真係幾似係屋企喎~成個廚房咁~而且仲有餐枱同埋梳化架~





超多的飲料!!!!!




不過剛落機有d凍我唔敢飲凍野~~咪沖茶飲囉~~超多選擇~




我地揀左坐餐枱~貪佢食野方便d~毛寶就去左沖涼~呢個lounge好好呀~有免費浴室~~~此照片由毛寶提供~佢話好大好乾淨~我懶呀我無沖~




佢沖緊涼哥時我就開始食野~簡單早點~唔使錢仲想點~




呢個lounge真係好好又舒服又乾淨又少人又靜~但佢又好認真咁我地之前一入黎時話只可以留3小時(過時就要再計多一次).....咁坐下休息下上下網到左3個鐘咁我地走啦~行過左duty free就出到出面侯機大堂....多麼的熟悉......(因為呢個機場其實好悶)




行一陣鋪頭~我上次有買俾媽媽飲呢個可以直接將熱水沖入袋既咖啡~佢話不錯~今次佢又再買~€2.5=20.8hkd...佢仲買左d俾人做手信~




再次買呢隻餅~因為我覺得好好味~....但驚見......點解個包裝依家有中文字架!!!!!!!!!!!!!!!!好驚呀!!!!!(紅框內)...不過我無買呢隻包裝..我買左袋裝~番公司做手信~(重點佢唔係出產芬蘭或冰島~~waakakaka~)




由於仲有好多好多時間~~~~~我地將信用卡淨係俾我地24小時之內只可以一次Lounge~好彩~我地另外信用卡雖然唔係任入但仲有積分未用~~~咁佢仲有另外一個lounge嘛~~~~咁咪試入埋囉~~~差唔多到中午啦~~~~呢個lounge叫Aspire Lounge By Servisair....位於Gate27至28之間有部(車立)既...搭佢上去就會見到~




但可惜呢個lounge無Almost@Home咁乾淨~





好喇~時值中午喇~~~我放大個膽去飲下白酒先~~~




食個中午飯先~~~~~呢個lounge都有得沖涼既..但要收錢~好像€10=83hkd~~~




頭先經過starbucks時唔小心又俾佢吸引~~~~鐘意佢係因為佢細細隻都唔係好阻地方je~~~~好似係€10=83hkd~








我係香港整哥個枕頭寄到番黎澳門喇~
我星期五開始訓...
訓到依家訓左3晚~
我平時膊頭痛開哥個位無再痛喎~~~~
好神奇~~~~~個枕頭係我特登去香港按我頸型整架~
等我試多個禮拜再向大家報告~~
我好開心~~



2017/03/06的開心事:
朗仔今日請我食花生糯米糍~~
好好味~~多謝朗~~~~
**************************************
有同事係英國買左張Ozil bb既post卡...
然後係冰島寄俾我~~~~~
我今日收到喇~~~多謝~~~~~~~
仲要個郵票係我好鐘意既添~~~~~



報時:距離"七公子"帥帥出使釜山之旅2017仲有---37日~
報時:距離毛里裘斯渡假+馬達加斯加麵包樹之旅2017仲有---74日~
報時:距離與毛寶慶生快閃台北之旅2017仲有---205日~
下~~~公子之旅仲有個幾月咋~~~~~
好開心呀~~今年第一個旅行~~~~

46 則留言:

  1. 哈哈 一開始就已經購入手信啦
    你地好快進入旅行的狀態呀!!
    我都好想快點去旅行但很懶不想plan行程呀

    回覆刪除
    回覆
    1. 哈哈諗到冰島都無咩買~買下都無咩所謂~
      係呀有時真係plan到好糾結~

      刪除
  2. 香港D的士司機都好討厭,我有次要同隻狗狗出去,本身已經無其他交通工具可以去動物,有架吉嘅的士當睇我唔到就飛走咗,火都嚟。依家一係call UBER,一係call GOGOVAN。
    好勁呀你,除咗購物,食嘢飲嘢唔洗錢好勁正。

    回覆刪除
    回覆
    1. 最可惜係投訴無門..因為政府都監管不力!
      哈哈~~~好彩有申請哥張信用卡咋~

      刪除
  3. 買菜煮飯?(大新聞,要出號外 Post才對,哈哈哈)
    有阿Sam,無的士無關係!
    同 honey 去,好貼心喎!難怪越來越帥!

    回覆刪除
    回覆
    1. 使唔使呀~~~我有時都煮下個喎~~
      好彩有佢咋..
      哈哈~帥帥靚靚的我~

      刪除
  4. 一落機就買手信, 好勁呀!! 包咖啡好吸引呵, $20抵啦!

    回覆刪除
    回覆
    1. 悶就要搵d野做下....就係買野~~哈哈~~
      包咖啡我媽說不錯~又方便~

      刪除
  5. 小t提到我呀, 好開心, 要錫錫, 唔准閃(女色狼出沒注意)
    係冰島呀, 一定睇, 好心急, 好心急, 好期待, 好期待!
    芬航我好多年前搭過一次, 冇特別印象, 但睇妳介紹覺得唔錯喎, 唔知係咪因為係新機呢? 不過3-3-3呢種坐法我都好唔鍾意 >.<

    回覆刪除
    回覆
    1. 梗係~梗唔避~come on~~~~~~~~~~~~~~
      唔知係咪寫到第三次~~我寫得有d快今次~
      轉左新機舒服好多呀~~~但真係好憎3-3-3坐法.....我最鐘意2-4-2

      刪除
  6. 我都好想睇你報告個枕頭,吾知是那個牌子?

    回覆刪除
    回覆
    1. 0我~睇黎大家都有興趣~你可以上fb打寢室日和~我係哥度整~
      可以睇下佢d資料~我唔知係咪人人都岩架..我自己ok咋~
      我買左個枕頭同兩個專用枕袋大約20xxhkd

      刪除
  7. *。。゚❉🌟╠╣aΡpy話咁快週二✾
    好友♦・゚☁晚安呢🌜🌛甜夢安睡◇
    ✨O
       o
     .∧_∧・。💤
     ( ・ω・ )
     |⊃/(___¨°✬
    /└-(____/★¨☆

    回覆刪除
    回覆
    1. 🌈好友⛅・゚🌞我的早晨☕你的午安好☁*`☀
      ┏━┓ ┏━┓ ┏━┓💞
      ┃星┣━┫二┣━┫樂┃
      ┗━┫期┣━┫快┣━┛
       :┗━┛:┗━┛:💕
       💙  .💛  💚

      刪除
    2. 好友☁⊹*。☔早晨🌀。。゚♦午安好🌂
      💘・゚。💚。・゚゚💗・。。゚💝
      ╔╗╔╦══╦═╦═╦╗╔╗💞
      ║╚╝║══║═║═║╚╝║💙
      ║╔╗║╔╗║╔╣╔╩╗╔╝💓
      ╚╝╚╩╝╚╩╝╚╝═╚╝週四💖
      💟*¨◇💛∴º°¨💕¤*¨∵💜

      刪除
  8. 點解嘅,點解突然出冰島嘅?好開心啊!

    回覆刪除
    回覆
    1. 下~真係架~~~唔好氹我開心喎~

      刪除
  9. 唔驚,開心就真,我有兩個同事現在在挪威and finland, 希望看到北極光。

    回覆刪除
    回覆
    1. 下~~一定好正啦~~可以睇埋雪景~

      刪除
  10. 聽過好多人搭的士都係一肚氣...
    新飛機上個極光燈飾好盞鬼,同埋我都鍾意睇地圖,喱個地球地圖好正,個mon又有埋派餐時間和menu幾方便,讚!
    如果側側膊過咗三個鐘當唔記得咗走,唔知會唔會來趕人呢?
    都想睇枕頭報告喎^^

    回覆刪除
    回覆
    1. 的士一肚氣經驗我是有不少的~
      係咪好搞鬼呀~~~係呀其實我都成日上google map睇架~~~
      第一間難d...因為好少人係入面...所以我地都好自覺走左...到第二間我見我地入哥時佢無講明3小時所以我地就坐到差唔多上機先走~
      0我~睇黎大家都有興趣~你可以上fb打寢室日和~我係哥度整~
      可以睇下佢d資料~我唔知係咪人人都岩架..我自己ok咋~
      我買左個枕頭同兩個專用枕袋大約20xxhkd

      刪除
  11. 我都想知係邊個品牌 我朝朝起身都頸痛呀??

    回覆刪除
    回覆
    1. 係啦我之前又係肩頸痛!!膊頭位成日有一點好似有野鎚住咁超痛!!!成日起身都好攰咁...不過呢個幾禮拜好似好左少少
      0我~睇黎大家都有興趣~你可以上fb打寢室日和~我係哥度整~
      可以睇下佢d資料~我唔知係咪人人都岩架..我自己ok咋~
      我買左個枕頭同兩個專用枕袋大約20xxhkd

      刪除
  12. 您好!首次留言的。
    見新主題剛開始,未有太多野想問,
    不過都承認香港的士服務真係越來越差,
    其實你當時係邊度截的士?附近有冇巴士?

    回覆刪除
    回覆
    1. hello~歡迎光臨~~~~
      我係澳門人黎架~~我哥次唔係搭香港的士~~~我係澳門想係屋企去港澳碼頭搭船黎香港機場時架~(雖然我之前都有俾香港的士司機無禮貌過~)

      刪除
  13. 乖乖女今次帶媽媽再到冰島,媽媽一定超開心,好羨慕呀!
    我篇篇都有睇架,俾心機.

    回覆刪除
    回覆
    1. 佢好開心呀~佢依家都會攞番d小冊子猛咁話好靚好靚~所以我都好開心~
      多謝你咁忙都成日來看我呢~感動中~

      刪除
  14. 好睇~好好睇丫小t blog~突然出冰島blog XD
    個lounge好出色丫!

    回覆刪除
    回覆
    1. 哎呀~好衰架~氹得人地咁開心既~
      抵你阿媽生得你又靚又叻既!

      刪除
  15. 真係估妳唔度啦....出冰島
    用左枕頭無咁痛咪好啦.........

    回覆刪除
    回覆
    1. 哈哈~~毛寶都話估唔到~
      係呀~~~所以依家成日好想訓覺~

      刪除
  16. 哈哈,真係估你唔到,遊旅blog 又嚟喇!
    媽媽真係好勁呀,坐咗咁耐機,仲要等成八九個鐘等轉機,真係唔係個個得,如果係我,唔出去行吓真係悶死呀!!

    回覆刪除
    回覆
    1. 毛寶都話好突然~
      我都覺得佢好強~不過佢係幾難玩既人~總之有得去玩~乜都得~

      刪除
  17. 想問吓你去边間訂做枕頭,幾錢呀,我都想做返個^^

    回覆刪除
    回覆
    1. 0我~睇黎大家都有興趣~你可以上fb打寢室日和~我係哥度整~
      可以睇下佢d資料~我唔知係咪人人都岩架..我自己ok咋~
      我買左個枕頭同兩個專用枕袋大約20xxhkd

      刪除
  18. 係實一落機就買嘢都正常,睇完之前冰島篇又真係無咩好買,所以啱用就買係正確架!

    回覆刪除
    回覆
    1. 無錯!!我就係諗住接落黎時間無咩野買所以我先提早買~~wakakaka~

      刪除
  19. 香港的士都差不多咁衰,唔係點會做就到Uber
    正! 又嚟冰島啦~~~

    回覆刪除
    回覆
    1. 仲有350原來咁衰架?等我記住盡量唔搭先!
      呢張Citi咭好似用完Lounge後要碌夠幾多錢先得架喎, 係咪?

      刪除
    2. 其實澳門咪一樣~
      突然覺得自己好快手~

      刪除
    3. 個位係好坐左既...但我鐘意2-4-2坐法~
      澳門係citi卡申請....我用緊哥張2017全年都任入~唔使簽帳額~

      刪除
  20. 可否講講你個枕頭係香港邊度做, 等我都叫我父母做番個俾佢地自己.

    因為飛機和機場好乾, 我好怕係飛機中途去沖涼, 怕沖完皮膚上的油脂後, 再在乾燥空氣下, 皮膚會起紅班.

    回覆刪除
    回覆
    1. 我係寢室日和度整架~你可以上佢地fb睇下d資睇下適唔適合先決定~因為我都睇左好耐~
      我同你一樣...怕乾燥~

      刪除