2017年3月23日 星期四

冰島環島自駕遊之旅2016-11-07第三天Part 2(大雨)

星期二..呢日一起身....勁頭痛....但我很堅強的上班去~中午係屋企中午飯都食唔哂...訓醒晏覺一起身就嘔番哂出黎...慘豬豬豬~~~星期三...落雨天....起仲有少少頭痛..不過好彩食左粒藥...已經好番好多~~星期四chlo子不在我身邊....感到好悶~~口都臭埋隔離無人同我傾計~~~聽日星期五喇~~人弟厚想蟹米女以野哨呀~~~~~~



2016-11-07
Day 3---Part 2(冰島,海德拉 Iceland,Hella->塞里雅蘭瀑布 Seljalandsfoss->史克卡瀑布 Skogafoss->維克 Vik->史卡法特 Skaftafell)

睇完黑沙灘~今次我地無係個休息站食野喇~都無咩野食~借左個廁所之後就走lu~仲係落緊雨~真係無咩心情~





揸到去冰川附近雖然都係陰陰天~但起碼無落雨啦~~~黎到呢個四葉草既景點~Laufskálavarða...係一個火山熔岩嶺~




大家都會埋起石頭作祈福用~之前係首都附近去平格維爾國家公園(Þingvellir National Park)時會路過一個祈福石堆陣~但第二次去時已經咩都無哂..........唔俾再係哥度堆石~唔知點解






今次都有意思意思咁堆一個~不過我肯定我離開石堆唔夠一日就會俾風吹塌~




花仔幾得意~




離開左石堆陣又經過地衣寶寶區~~~~~~~~~~




上次番黎之後上網睇得知d地衣寶寶要生好耐先有咁大舊架~愛惜環境~只影相~不會踩地衣寶寶~一舊舊咁好有層次~好可愛~









你地係咪生花仔呀~




明明之前都係行呢條路架喎!點解今次行過先會見到呢個條勢咁勁既瀑布~~落車睇睇~都幾靚~不過唔知叫咩名~






經過個油站~去食下野先~都仲未食中午飯~求其食條熱狗算喇~ISK350=24.6hkd




順便食完野就入下油先啦~會入油的人最帥~(依家我都識其實~)




好簡單架咋~首先揀睇咩文...入油槍~然後入你張prepaid油卡..然後望下你架車個位係幾號....禁油槍入油~搞掂~重點係....記得唔好入錯油~~你地都知我地上次既醜事架啦~~上次入disel...今次呢隻車又入番95.....................仲有呀...呢架車明明係環保車...但係超食油!!!我地有時一日入兩次油!!!痴線架!!!都係上次隻車慳油d!!





終於揸到黎呢舊廢鐵景點度~第一次黎到呢度天氣仲係咁差!!因為係呢度望過去....已經會見到個冰川!!仲要有兩條冰川...但依家大霧到影都無!!!!!!風太大~叫阿媽同神秘團友自己落車望下舊廢鐵~我在車上等~想睇番之前睇到前面冰川係點既樣?請按我~





好喇~跟住直駛去呢晚既住宿~我地之前期待左好耐架喇~~因為呢間Fosshotel係最新既~係我地上次去浮冰湖路過見到仲起緊~外型幾靚~到今次同媽媽黎就可以住喇~呢間係叫Fosshotel Glacier Lagoon....地址:Hnappavellir, Fagurholsmyri, 785, Iceland.....我地係經過Hotels.com進行預訂~但.....我地訂哥時明明有要求要Adjoining room....但check-in時佢已經俾少左間房我...佢話我淨係講左一間房個預訂人個名喎...但我個預訂係同一筆紀錄度架喎....仲要明明有隔離房都唔俾我地要隔到超開!!要我再同佢講我地要求左相鄰房佢先死死地氣俾我地...重點係..你明明見到我地識既..都要俾間相隔10萬9千7的......為何?個reception做得好差!




房係好新既..但我地訂左最平哥隻房...所以係望停車場......每房每晚1137.37hkd....每人568.7hkd...都唔錯既間房...裝修夠哂新~我地換左之後兩間房可以打開房入面對門可相通~





check in時預約左時間食晚飯~我地好早到酒店啦...應該4點幾已經到酒店...所以我地係房休息下沖下涼咁~再去酒店餐廳食飯~餐廳環境不錯~






麵包熱熱的~牛油也很好吃~




神秘團友叫左Elderflower Cider...ISK1,100=77.2hkd...貴!但好好飲~佢話佢之前都飲過~香港有售~




我叫左冰島特產Egils既Malt~~~~記得記得佢呀~上次我飲完之後成晚狂放屁架~~~係d小麥既飲品~飲落似飲緊酒~但其實酒精含量少得可憐~對腸胃好的~一支ISK550=38.6hkd...好好味~甜甜地的~我好鐘意飲~




前菜叫左Cured Salmon with Gingerbread, Buttermilk and Toasted Almond....ISK2,990=209.8hkd....個前菜係有少少貴既..但好味呀~所有野加埋是如此的開胃好吃~




主菜叫左Artic Char with Glaze Carrots, Shallots, Lemmon Mayonnaise and Pearl Barley....ISK4,890=343.2hkd.....之前係另一間fosshotel都食過Artic Char已經整得好好味~~~~呢間好味之餘仲要有外表!!!而且都算幾大份下~




Beef Tenderloin and Slow Cooked Beef Cheek with Beets, Baked Mushrooms and Creamy Demi Glace....ISK6,790=476.5hkd.....真係好靚~好藝術~食落亦有實際...牛生熟度剛好~牛味好濃~汁好味~全部都好啦總之~~




Lamb with Baked Rutabaga, Red Cabbage Puree, Salsify and Beer Sauce.....ISK5,890=413.3hkd......羊也不錯~




好啦~佢個餐廳d野食係幾得~~救番頭先reception咁衰~




呢餐食左ISK22,760=1,597.2hkd...每人399.3hkd....er...係貴既.....但.....好味喎!(講得越黎越細聲..........................)...呢晚天氣繼續差...極光無影...算啦...早d訓啦...聽日報左團呀~








2017/03/23的開心事:
中午食左泡菜蔥油餅~~好好味~~
用食物黎麻煩自己既悶~



報時:距離"七公子"帥帥出使釜山之旅2017仲有---20日~
報時:距離毛里裘斯渡假+馬達加斯加麵包樹之旅2017仲有---57日~
報時:距離與毛寶慶生快閃台北之旅2017仲有---188日~

30 則留言:

  1. 妳又頭痛仲嘔.....快D去check清楚同照下個頭啦....Take Care
    妳好想睇美女與野獸呀.....過黎我請妳睇啦.....哈哈哈

    回覆刪除
    回覆
    1. 查實之前check過~
      唉呀~遲左睇到添~人地睇左喇~

      刪除
  2. 又黎報個到先~間酒店ok和~~~
    不過見到停車場景又令我諗返係美國住個啲motel~XDDD
    (咁當然你呢間個內籠靚10000倍啦啦啦啦~~~~~)
    同埋餐廳啲野食既presentation堅得和~~~~~~~
    雖然唔係平....(不過咁樣睇又突然覺得同澳門啲價差唔多lol最主要想帶出澳門啲野好很貴呀呀呀)
    係外國自駕遊最燒錢真係租車同油錢(嘆氣)~~~~
    我去個廿幾日美國真係差唔多全部都用曬係交通費到...肉赤到呢~

    p.s:好好聽呢~~~你講個個兩首我都有勁loop~~~
    搭車時或者夜媽媽歸家途中聽懂得快樂好有feel嫁呢~~~~

    回覆刪除
    回覆
    1. 係呀~~因為係新酒店~~~
      又幾似喎~~~~
      最緊要好味就得喇~得個靚唔好味都係無用~
      係呀其實真係澳門差唔多~所以我都係算了~
      我覺得係呢架車特別食油~

      哎呀~我今次番工前又聽兩次最安靜的時候~聽完番工都有力d~

      刪除
  3. 嘩...你又病了,好好愛護身體,唔健康點去吃喝玩樂呀,快看醫生

    回覆刪除
    回覆
    1. 好友♦・゚☁🌜瞓覺豬呢🌛💤
      ╔══╗────╔╗╔═╦╦╗─╔╗╔╗✨
      ║╔═╬═╦═╦╝║║║║╠╬═╣╚╣╚╗
      ║╚╗║╬║╬║╬║║║║║║╬║║║╔╣
      ╚══╩═╩═╩═╝╚╩═╩╬╗╠╩╩═╝
      ──────────────╚═╝🌟

      刪除
    2. 🌈好友☁・゚☀早晨🌞午安好⛅
      ╔═╗💞週末╠╣aΡpy💕
      ║╩╠═╦═╦═╦╦╗🦋
      ║╦║╬║╬║╬║║║☼╭══╮
      ╚╩╩╩╣╔╣╔╬╗║╭╯ΘΘ ║
      ────╚╝╚╝╚═╝╰⊙═⊙╯✿。。゚❀♣♧
      🌼🌷🌻🌳💒🌵🏡🌴🏠🌲🌸🌺🌹

      刪除
    3. 呢幾日好好訓~因為夠哂凍~

      刪除
  4. 個啲地衣寶寶有冇得摸下架?係乜野感覺架?

    你保重身體呀, 仲有好多地方等你去

    回覆刪除
    回覆
    1. 其實上次踩過~不過番黎之前知道佢地要生好耐先生到咁厚~所以知道唔好可以踩~踩係上面感覺好得意...好輕軟~好似係雲上行咁~~wakaak~比喻咋下~
      知道...休息左一日之後又好番

      刪除
  5. 個RECEPTION真係好差呀!咁都有既,特登玩野咁!
    睇返對上一次藍天白雲的廢鐵真係靚好多呀!哈哈
    幾時先還你們藍天呀~

    回覆刪除
    回覆
    1. 真係幾差....所以我有時唔係好覺得冰島人友善~
      係啦~~差好遠~~~~
      其實上次去天氣真係幾差

      刪除
  6. 哩啲職員唔得喇,完全無心做,
    簡單查下記錄就知個客訂房情況,
    只為方便自己,唔理客人感受,
    好在妳都醒目見到有相連房...叻

    回覆刪除
    回覆
    1. 都唔知佢搞咩...唔知我有兩間房都算...識既都唔俾近d既房
      係呀因為一入房見到有多對門~所以就諗係相連的~

      刪除
  7. 又係喎,上次晴天可以見到冰川,好靚!!
    地衣小屋都靚!
    相連房正好多,要據理力爭,唔知佢係咪留咗畀熟客?
    喱餐貴但好彩好食

    回覆刪除
    回覆
    1. 真係視覺上差好遠~
      地衣真係好可愛~
      點會呀哥間野新開~又唔算好爆既入住率~佢懶je~
      好似終於食到餐好既咁~

      刪除
  8. 有返D好野食啦,住宿都靚左喎
    你好似病得幾密,不過唔好太依賴藥物,試下改下生活習慣
    你哥邊冇得睇美女與野獸咩?定冇人同你睇?

    回覆刪除
    回覆
    1. 係呀~~呢間酒店新架~~~
      我有架~努力中~
      有得睇呀~~~上上個禮拜時間唔岩無得睇~上個禮拜五睇左喇~

      刪除
  9. 一唔去旅行就病,快D起行囉~~~~
    酒店唔錯,服務差咗D!

    回覆刪除
    回覆
    1. 今年真係好耐都未到旅行時間..好悶
      咪囉!

      刪除
  10. 愛惜環境,呢個訊息好緊要!
    喂!野食好得喎!
    所以你知我唔book定住宿嘅原因係乜,一就係貨不對辦,二就係呢D嘅態度,我一定走。不過你同埋家人去就無計。

    回覆刪除
    回覆
    1. 無錯無錯~
      簡直又靚又好食~~太感動~
      唉...無計....同媽媽去我唔想到時先慢慢搵~你知啦~老人家~

      刪除
  11. 唔講係地衣寶寶以為只係普通草地(唔識貨的人),真係從來無見過咁大遍地衣寶寶草地。
    個瀑布真係好壯觀喎。
    搞到我都想去冰島呀。

    回覆刪除
    回覆
    1. 真係幾壯觀~就係馬路邊~
      冰島其實都幾多呢種瀑布~好正~
      去啦去啦~冰島真係好靚架~

      刪除
  12. 以後食完去睏晏, 記著要斜坐著, 最少上身不能橫臥, 等胃可以消化和排去小腸. 就不會嘔了.

    那瀑布現在才見到, 是因為你去時是雨季, 才咁大咁壯觀, 你好天時去, 無水, 所以發現唔到.

    回覆刪除
    回覆
    1. 我其實哥日有d頭痛....同埋本身個胃唔舒服先咁~~~~平時唔怕的~不過一食完下午就訓的確唔係一個好習慣~
      噢!!你講得幾有道理喎!

      刪除
    2. 哈哈, 我生活在郊外, 常常見著大自然, 當然一定會想到.

      刪除
    3. 所以話..有事真係出外靠朋友~
      唔使自己識得野多~朋友識得多一樣受惠~

      刪除