2015年11月2日 星期一

Lucinda生日會2015@京澳璇宮

放3日假總是飛快地過.....其實星期五屋企發生左d唔開心既事...不過不在此多提.................天氣真係凍左好多~大家要帶多件衫出街~明天又再努力上班



今日要講既呢間餐廳其實我食左兩次~一次同屋企人+朋友去試~另一次就同我既唯4大學同學仔Lucinda慶生~咁唔分開兩次寫喇~~我將兩次d野食夾埋一齊寫啦~呢間餐廳叫京澳璇宮.....係一間扒房~~~地址:澳門北京街199號維景酒店26樓....電話:8790 3326....建議訂位(佢網站寫只接受預訂)...依家都幾多人食下~佢好似唔好中午架.....開18:00...到幾點就忘了...(個電話真係18:00先開始有人聽~~)....仲有好似星期一係休息...網址

呢間酒店以前係叫京澳架..依家改左名做維景酒店...但26樓既餐廳仲係叫京澳璇宮呢個名~




仲有一樣興奮既事~就係26樓係一間旋轉餐廳呢~~~~~~幾耐無未去過旋轉餐廳食飯呀!!!(記憶停在小時同家人係中山玩時去食飯既旋轉餐廳)...其實澳門仲有觀光塔個自助餐都係既...個景一絕!!但野食超級難食...我覺得浪費左個景..




iPad餐牌~




點左餐之後....第一件要做既事:就係申請呢張心享卡!!!因為係呢度食飯會有折~~~有9折!!.....免費申請架~一申請就即刻用得!!




好喇~跟住佢就會送包過黎~~~講真~佢d包唔錯~~而且牛油超級好吃!!唔知麵包係咪佢地自製呢~兩次都好好味~





等食中~~




仲有一支小紅酒送~~~但係無論你係2個人黎定係10個人黎...總之...一枱送一支~




香草牛油焗法國田螺 $58......第一次食好好味~~~超級香~下面墊底d薯蓉好正!!...第二次食又差少少~不過呢個價好抵~




帶子南瓜忌廉湯 $42.....唔錯喎~飲得出有南瓜味唔係死實實哥種忌廉湯~~~




野菌湯 $42.....堅真材實料~~~超級濃香菇味!!!推介~




百事吉龍蝦湯 $58......又係超香濃~佢d湯真係唔錯囉!!$58就有龍蝦湯飲喎~重點係全部攞出黎都超級夠熱!!呢點對我黎講好重要~




西班牙黑豚肉鞍扒(10安士/290克) $230.....都幾有氣勢的~~成大塊~~重點係...超級好食!!!!好耐無讚過豬既料理有餐廳整得好食~~~皆因佢厚肉得黎唔怕煮到好鞋~~~而且有肉汁味~~個面有脆脆地一層野唔知係咪麵包糠~~仲食到有蒜蓉加香草~~~真係好正~~~好好味~~我去兩次~兩都有叫~兩次都咁好食~




加拿大鱈魚配黑松露醬及日本柚子豉味牛油汁 $180....er...其實我個人幾鐘意食鱈魚....所以呀...好好味!!!!而且佢拌碟既薯仔製作好認真!!勁好味!!




肉眼牛扒(10安士/290克) $280...好味~~我真係覺得好抵~




紐約西冷(10安士/290克) $280....另外有14安士的......其實我鐘意食西冷多過肉眼~~~~重點係佢d牛扒生熟度掌握得好好~~~~~超滿意!!!唔會叫Medium rare出到黎變Medium哥隻~




特選七打牛柳(兩位用) $720.....我地超食得生的...所以叫左Medium Rare~係咪見到呢個畫面好驚??其實叫呢個生熟度真係剛好~~毛寶同我媽都話呢晚最鐘意就係呢個七打牛柳~牛味濃呀~我就麻麻地牛柳既質感~我都係鐘意西冷多d~($720超大碟..恐佈)




帶子黑松露野菌繪意大利粉 $138......都幾香既~但食多幾啖就好漏~




西班牙海鮮繪飯 $198(二人份).......絕對唔止二人份!超足料....大蝦有4隻....不過我覺得個味唔算出色~如果唔係同行有朋友唔食牛~唔會叫飯或意粉~




焗梳乎厘 $42.....一次叫君度橙酒...另一次叫朱古力味~都ok~重點我覺得好平~





估唔估到呢個係咩??????????超開心~~~我好耐無食過~係細個哥時成日食...係澳門好耐無見過呢個甜品!!!就係火焰焗雪山!!!!!!!$52我又係覺得好平~~大佬~~佢仲要係用Movenpick雪糕喎!!!!!!!




現場點火~~~~好正~~~~~








燒完超香酒味~食到酒味但又無哂酒精~~~正~




哥次我地係呢度為Lucinda搞生日趴~~好開心~~~用火焰雪山做生日糕~~有氣勢~祝你身體健康~心想事成~










wow~
星期日去左睇Tap Dogs呢~~
我地等左14年...
佢終於重臨澳門~~~~~
我地買左$280飛....但太少人睇..
臨開場時工作人員同我地講:你地隨便坐啦~揀你地鐘意既位啦~
於是我地行左去$680區...
揀左個超正中既位(仲要前面無人)
好抵!
真係好好好好好好好睇!!!!!!!!!
好精彩呀!!!!!!!!!!!
而且上次同我地搭同一架的士去香港機場既其中個tap dancer都有黎~~
正~~~~
做咩喎!!!跳跳下無啦啦脫上衣跳..
姐會面紅的!!(拍手掌大叫好抵睇)



我一定係痴左線!!!
我竟然係毛寶屋企因為試新電視而用電視播youtube時..
聽左幾首Big Bang既歌...
記左成日....
我噚晚竟然係屋企開Big Bang既歌聽..
我第一次主動搵韓文歌黎聽!!!!!!恐怖無?
唔好呀..千祈唔好呀
唔好迷上韓國男明星呀..
姐我不想一去無回頭...............
看旁邊的同事就知痴線的程度是萬劫不復...
我才不要變成花痴mode.....
Ozil bb~~~~~~~~~~~~~~~~~~~~~~~~~~~~~~~~~



我星期五終於睇左我的少女時代~
都幾好睇幾好笑~
不過d人話有笑有淚就真係唔太認同~
(唔通因為我的少女時候無出現過徐太宇有關?!)
不過俾著係我都會愛徐太宇多過歐陽非凡~
模範生一定不是我的菜~~~~~~~~~~~~~~~~~~
小幸運真係幾好聽~~我鐘意睇呢套多過那些年~
可能因為呢套講女仔卦~



2015/11/02的開心事:
到底發生左咩事?
咁快到11月????
我個10月幾時過左架?
今日食左好多野~又食興記~又食世記~



報時:距離台北跨年倒數之旅2015仲有---59日~
報時:距離南美洲4國新奇探險之旅2016仲有---103日~

28 則留言:

  1. 火焰焗雪山,細細個重好,香港個啲吓吓都大大件,重要百多元,一啲都吾抵﹗

    回覆刪除
    回覆
    1. 唔錯喎~我覺得佢整得幾好食~~~
      咁呢個真係幾抵~其實咁大個食唔哂~

      刪除
  2. 你個十月大半係旅行中度過左 haha
    我喊到癲左 但我都冇遇過徐太宇
    咁買貴飛果d人實dump哂心口啦 不過你地就勁lucky ah hahaha
    Baby 雖然唔知你咩事唔開心 但你要快d開心返呀 ^^
    我最近都迷上左韓國bb 日日係度睇 hahaa

    回覆刪除
    回覆
    1. 所以我真係好唔捨得今年既10月.....想念...
      哈哈~又真係好少有d咁壞既學生既~遇唔到都唔出奇~
      我都有諗..好彩無買貴飛咋~
      知道..我會盡量自己調整心情
      我話俾我自己知我係唔可以迷上任何韓國既野!!

      刪除
  3. 喂喂喂.......做咩個blog d字又大又細架,嬸嬸我睇到老花呀........
    係喎,你咁乖,放假都寫blog ^^
    以酒店restaurant 嚟講,呢d價錢又真係抵食喎,香港求其揾間西餐廳都要呢d價仲要未必好食!!!!!
    我迷咗韓星好耐啦,所以唔好睇咁多韓劇同KTV,好易中毒!!!!!!!!!!!

    回覆刪除
    回覆
    1. 我都唔知點解..我已經整左好多次都整唔番...
      哈哈~你看到重點了~我真係好乖~
      我都覺得好ok呀~而且又好坐~~~~仲要d野好食!!
      我話俾自己知係唔可以迷上任何韓國既野!!唔可以!!

      刪除
  4. 妳仲乜呀有咩唔開心既事、唔係同呀媽鬧交呀。~~~妳一定好唔開心啦、所以打d字時大時細。
    少女時代女主角、妳好似佢。令我記番起妳以前著起軍褲個樣~~~哈哈哈
    火焰蛋糕好正喎

    回覆刪除
    回覆
    1. 唔係呀...點會同媽媽鬧交...鍚佢都黎唔切...唔係呀我噚晚整左好多次都唔字大字細..
      無理佢喇
      點會似佢呀~~~~唔好再記起我著軍褲個樣喇忘記佢啦~~~~~~
      好好味~

      刪除
  5. 好開心丫,我都有同感丫!!我都係中意少女時代多過那些年,我仲要入戲院睇左兩次!係我第一套係戲院睇兩次嘅戲~我覺得d演員個個都好用心,好好睇!:)
    同埋我對言承旭改觀!我覺得佢演得超好,係實力派!

    回覆刪除
    回覆
    1. 姐,你嘅個blogger真係實在太勤力啦!今日放假你都出blog! 巧實派丫

      刪除
    2. 嫻都話少女好睇d呀~....華...咁你真係好鐘意呢套戲喎...我又無咁誇..
      對上一套我想再入場睇多次既戲...係begin again!!因為d歌真係好好聽!!
      我對言承旭完全無改觀..依然都係咁唔鐘意佢..而且覺得佢出現...完全唔襯做成年版既徐太宇....後生版正好多喎~

      刪除
    3. 梗係啦~我真係好勤力架~噚晚仲排緊冰島d相喇~

      刪除
  6. 呢間價錢合理,有景睇,唔錯!
    我鍾意肉眼多過西冷
    未睇齣戲,但大約知係點……言承旭我以前好鍾意扮俾佢睇架……

    回覆刪除
    回覆
    1. 我覺得又好坐又好食~仲要係酒店~真係好ok~
      肉眼我覺得太肥~
      你扮言承旭d咩呀....

      刪除
    2. 扮牙膏廣告個笑容同喺香港開演唱會唱春光乍洩個姣款

      刪除
    3. 其實仲有扮其他…………

      刪除
  7. 唔開心既事忘記它,立刻諗啲正能量嘅野!
    Great and blessed week ahead Tiffany !

    回覆刪除
  8. 快啲出旅遊卜啦,急屎人囉,乖女!

    回覆刪除
    回覆
    1. 我都好想快d出呀~~~但我岩岩先集齊d相咋~

      刪除
  9. let it go~~~開心事快快來^^
    我都好耐無去過旋轉餐廳,好耐好耐以前去過合和果個,個view都幾靚...
    火焰雪糕同香蕉船一樣係那些年文物XXXD
    我都好想好想睇你十月搞乜,D相係咪好靚呢?

    回覆刪除
    回覆
    1. 希望啦~
      我都好耐無去....澳門除左觀光塔外應該得佢有..但觀光塔頂級難吃!!
      要入世遺添啦~~~
      好靚架~~但我好努力排緊喇~~~

      刪除
  10. d字做乜樹幹.......係咪想check下我地有冇老花呢? 呵呵, 話時話, 要搞搞佢!
    睇到好想食甜品~~
    抵喎, 可以隨便坐^^

    回覆刪除
    回覆
    1. 唔係呀~~我整左成晚都整唔到佢呀~~唔理佢喇~~
      個火焰雪山真係好好味~~
      都ok呀~又好食又好坐又好服務~

      刪除
  11. 呢間望到都好想好想食呀~~不過我地相隔一河之遠呀!!

    我都睇左我的少女時代呀, 我覺得OK好笑, 但唔會喊囉。同埋我都覺得好睇過那些年呀!!

    火焰雪糕同火焰蛋糕係咪差唔多架, 我以前試過火焰蛋糕覺得無乜味, 就無再食過喇~

    回覆刪除
  12. 咁大大片黑松露,味道一定好香濃
    幾乎整個10月都在異地,當然開心啦
    Big Bang我淨係識一首咁大把

    回覆刪除
  13. 很久未叫西餐囉,正~~~~~~~
    無韓星?您不是有個都教授嗎?哈哈哈

    回覆刪除
  14. 我呢排反而迷台灣劇,鍾意睇一個叫台版都敏俊的演員拍的劇集..

    回覆刪除