2015年11月24日 星期二

冰島格陵蘭自由行之旅2015-10-01第五天Part 1(雨天及後轉晴)

哈哈~今日因為某d原因令我淨係接更時段先要做野~~~搞到我覺得今日好輕鬆~~~~~~~噚晚上網睇到香港某航空公司有特價機票嘛~又熱熱烈烈討論左成晚~~~~利申:聽晚同表姐吃歡送飯~不出blog~



2015-10-01
Day 5---Part 1(冰島,維克 Vik->史卡法特 Skaftafell)

呢日起身食早餐....發現.....已經俾人攞哂...無咩選擇...而且無補給~好姑寒呢~




上次行到我扯哂蝦既史克卡瀑布(Skogafoss)...今次其實無諗過再睇~但就係正酒店隔離嘛~咁咪兜去睇睇囉~齋影完呢張相~上番車~~~~~特點係:心型瀑布~不過要從高空望先會清楚d~




好喇~正式出發~黎到黑沙灘(Reynisfjara)~又落雨~





呢區天氣真係好唔穩定呢~果然出了名的壞天氣~第一次黎到呢個黑沙灘~大風大浪~




原來之前有本美國雜誌將呢個黑沙灘選為全世界十大最美麗海灘~大慨因為呢度既得意地形~







但呢度絕對唔係陽光與海灘俾你抖世界哥種囉~~~如果係咁認為而黎到就真係慘喇~~~聽聽d風聲~~




真係大風到要走入個洞口度避避~~此時我已流哂鼻水~~




其實呢邊都可以望番過去噚日提過既維克岸邊哥兩隻小精靈同埋哥艘三桅船~~~呢邊望過去加埋d一級級既地形一齊都幾有味道~~~




大浪到~~~~超恐怖~~~~~~~




行一步出去都行唔番入黎~~實俾浪捲走~~~



你為左影相可以去到幾盡??????




見到嗎?!?!?!?!?!?!d水已經去到佢膝頭!!!仲有一重巨浪行緊埋去佢身邊!!!!硬漢子!!!




經歷一輪既風吹雨打~要休息下先~食中午飯喇~餐廳就係黑沙灘停車場旁邊je~





自助形式~揀完去俾錢~大比同阿Sam每人叫左個牛角包...ISK890=55.6hkd......佢地話幾好味~




我呢...就.....人就總係重覆犯錯架啦...有咩咁奇!!!上次唔知大家記唔記得我千叮萬囑你地呀!!千祈唔好飲哥個Icelandic Traditional Lamb Meatsoup???話咸到我個唇上下都嚴重甩皮~~~~~因為佢有兩隻湯揀...另一隻係豆蓉湯我勁唔鐘意...所以我又再冒險要試呢個湯~~~~ISK1,850=115.6hkd...勁貴~~~~跟麵包~~~~~由於係自己係煲到整落碗既...一筆起哥時我淨係講左句:x街喇今次....好騷呀朕味~~~~~~~




基本上我係唔怕食羊哥類人黎既....但真係...我未聞過d比佢更騷既野囉~~~~~我嫌佢太多油~~所以整起佢~~點知~~我整左咁多出黎~~差唔多半碗湯~~但係仲係有好多油係湯入面~~~~~(咁先夠保暖呀~~你識咩呀~)




好戲總在後頭.......由於佢太多油...我根本飲唔落口.....(我都知我浪費......但如果我飲左我一定胃痛+瀨屎)......所以我淨係食麵包.............食左一陣傾左一陣.....發現........凍左既湯同埋整出黎d油.......已變成膏狀.......................如果入左我肚咪........................................呢個時候應該飲酒會唔怕醉~~~~我地話可以研究做護膚品~~~仲幫佢改左個名做"羊脂金膏"~~~~wakakakak~(好似楊枝金露既細佬咁~)





又再出發~雨停左~我有無錯覺~個天好似清左d咁既?




咦~~行行下~~~又俾我地發現左~~~個砌石堆黎左呢頭既~~~搬到咁遠呀~~~定還是呢度不嬲都有呀~~~







呀~點解你又用iPhone影~我又係用iPhone影~點解你d雲影得咁有層次既??




大比又黎喇~~~~~~~




姐姐....你會唔會覺得個氣勢弱左d呀??wakakakak





你睇下人地哥d幾有氣勢!!!




d人仲要砌到上山~~~





0我~姐姐砌完~又到妹妹黎砌喇~




a~呢個唔錯喎~(佢仲攞大比砌哥個石堆d石黎砌)




希望好運氣會跟住我地~~唔好再發生d蝦碌野喇~~




KIA~我地又幫你賣廣告喇~~




型仔到~~~我唔知有無係度講過呢~~其實我唔係咁鐘意呢架車隻色~~~我鐘意之前哥架多d~~~~白色咪幾靚仔~~~(不過佢地話幾好揸~~)




hehe~又出發~~~~~我真係覺得個天又清左d喎!!




係呢個時候又發現左d新野喇!!!!!之前哥次行呢段路公路兩旁都係啡啡地色架嘛.....依家公路兩旁換上鮮綠色呢!!!!!好靚~~~短片中一路行一路播緊既歌係冰島樂隊Sigur Ros既Hoppipolla~~覺得好有希望~~冰島音樂果然係襯冰島公路~



越行越多!!!!忍唔住係一個安全既位度停車落車睇!!!真係好靚!!!!我地見到喇!!!!係地衣(Moss)呀!!!!!!原來佢地係由真菌同藻類共生而成既複合生物體~~最鐘意圍住石頭表面生~~~之前去挪威都有見過...但無見過冰島咁大型的!!!!






之前挪威哥d係好跣的...要小心奕奕的行...但呢度哥d一踏上去......我從來未試過呢種質感!!好輕軟....好難忘....好似係雲上行的感覺(形容咋....我知雲無可能踩到架)...之後上網睇有d冰島人仲係呢度露營....佢地形容訓係呢度既感覺好正...搞到我都好想試下...





之前見到有好多model都有係d地衣度影相覺得好靚~~依家我都影到張我覺得好開心~





我發現唔同既相機影出黎既顏色又係唔同架喎~睇下大比部機都影得好靚~





佢地真係好可愛呀.....依依不捨的又再上路~~~我地依家去左搵酒店先~




好喇~到達~~我地將會係呢間Fosshotel Nupar度住3晚~~經Booking.com進行預訂...地址:Nupar, Kalfafell 880, Iceland

我要預告....我地係呢度...又有我地某個第一次



一入房~華~~~唔錯喎~~~呢度每房3晚€261.36=2,273.8hkd.....即係每人每晚379hkd....都平喎~~~我覺得個感覺好開揚~~~~~~~~仲有門可以出去~





一出去~好正呀~~~有一大片草地~~~~仲有靠山~~~寶寶表示好鐘意呀~~~(你個側面好可愛呀!!!!!!!!!!!!!好想錫錫~~)








2015/11/24的開心事:
經過過噚晚既熱烈討論~
雖然上網搵過香港某航空公司哥段時間係無特價機票的~
雖然佢無特價都好吸引人...
但加埋我地住澳門要再買船飛種種因素...
發現原來同澳門飛係差200左右~~~~
所以.....今日最開心事係...
我地買左機票出年10月去旅行喇~~~~~~~~~~~~~~~
詳情請看落少少既倒數~



報時:距離台北跨年倒數之旅2015仲有---41日~
報時:距離南美洲4國新奇探險之旅2016仲有---85日~
報時:距離"七公子"帥帥出使東京之旅2016仲有---311日~
我要特別標明係"七公子"呀!!!!!!!!
夾左咁耐終於最帥既七公子可以一齊出遊喇!!!!!!!!!!
好開心呀!!!!!!!!!!!!!!!!!!!!
仲要係日本東京!!!!!!!!!!!!!!!!!!!!!!
仲要唔使請假就可以出遊!!!!!!!!!!
而且國慶時節機票雖然唔算平但絕對可以接受!!!
可能我地早買~~~~~~~~
實在太開心喇~~~~~~~~~~~~~

43 則留言:

  1. 黑沙灘,同澳門有些緣份喎~~~~
    飲油?好可怕囉!
    風景好靚~~~~~
    嘩,七公子去旅行,好期待。

    回覆刪除
    回覆
    1. 哈哈~咁人地個地貌靚d既~~~
      真係唔會再飲架喇我~~~~
      我都好期待呢~~~

      刪除
  2. 好正呀 停不了的倒數 好開心呀 又去日本
    下年咁正唔洗請假都去到旅行 咁好既

    影大浪果個係你地定其他遊客黎架 我用手機睇 睇唔清呀 好危險咁呀><

    回覆刪除
    回覆
    1. 我都好開心呀~~~難得今次人齊~~~
      係呀放4日~~~
      傻豬我地梗係唔會咁危險啦~~~其他人黎架~~

      刪除
  3. 七公去旅行丫!!!!!!!好想快ddddddd到十月,,,但其實十月啱啱先過左~~~

    回覆刪除
    回覆
    1. 哈哈~~我地七公實在太保險喇一早買定~

      刪除
  4. 個碗湯完全吾掂,睇見啲油凍左結成膏,飲壞人>_<話咁快又有第三個計時器,開心好開心,好耐你們七公子一齊去旅行,我第一次睇小T個BLOG,就是七公子韓國之旅﹗

    回覆刪除
    回覆
    1. 所以咁貴我都放下~因為真係好貴~
      我都好開心呀未試過齊人架~
      好多謝你呀~~~你仲記得第一篇睇我個blog係邊個系列~感動中~
      之前去都係得6公子咋~今次集齊七人!!好開心~

      刪除
  5. 嘩.......碗湯十級得人驚! 嘥都冇辦法, 唔通飲落去咩, 身體緊要, 妳啱呀, d油幾吋厚, 驚驚!
    o個個人好搏, 但實在太危險喇
    我都好鍾意踏d地衣, 林林地, 彈彈下好得意 ^^

    回覆刪除
    回覆
    1. 你去哥時有無試呀???千祈唔好試呀~~~
      真係好驚.........唔知佢當時自己驚唔驚?
      係呀!!!!!!!好可愛~~~

      刪除
  6. 好友★☾°¨✫話咁快又一晚噃✬*¨☁
    。゚♦°¨* 你Gღღd Night 甜夢⊹º・。。゚Zzz
    ❥*¨❣我繼續❤開心萬事得喇喂ღ・。。゚♥

    回覆刪除
  7. 我有個奇怪感覺, D石堆係用來堆來紀念一些人和事, 更可能紀念一些轉生的人.

    回覆刪除
    回覆
    1. 那是冰島的傳統~越堆得高的人越幸福呢~

      刪除
  8. 好恐佈嘅肥油湯,又諗...佢地生活喺極地,
    我地南方人至覺得唔掂@@

    回覆刪除
    回覆
    1. 可能係啦~~~但係真係好恐怖
      但係應該幾保暖~

      刪除
  9. HiHi,我返嚟啦,去咗七日都係唔夠時間行街,所以我無乜買到嘢,尤其係d得意嘢,我去嘅目的係睇紅葉但失望而回,因為太熱了><,葉未變紅,頂...................
    我去outlet仲見到你件民族褸,真係好貴,我諗咗一輪都係無買,而家HK好似無冬天咁,買咗無乜机會著,但真係勁靚,而你另一件風褸就唔見,如有我一定買!!!!!!!
    你d相真係好靚,好有格調,型都不得了,特别係高d 嗰果女model,超正,真係拍廣告咁款,當然都要讚吓影嗰個,堅堅堅(因為真係堅,所以重覆三次^^)
    嘩,七個一齊去東京肯定好癲 !!!!!!!!!!!!!!!!!!

    回覆刪除
    回覆
    1. 喂!!!!!你番黎喇~~~~掛你呢~~~~~華~去左7日都唔夠呀???不過大阪我上次去左8日都覺得唔夠~下?!咁慘!!!!!會唔會去北面d既會好d?
      哈哈~~其實如果唔係為左去冰島我都唔會買~因為港澳真係無機會著~~因為毛寶話要幫我影靚相嘛~要著件雪褸靚d~所以先捨得買~事實證明無買錯~件風褸真係好抵~
      wakakakakakak~多謝你既讚賞~我要去話俾毛毛蟲知先~*3*...今次冰島旅行d相我真係好鐘意~
      hehehehehe~期待中~

      刪除
  10. 啲湯油係咪主要愛嚟點麵包食架?
    毛寶會唔會太過勇猛呀?????你哋唔制止佢嘅????咁影出嚟啲相你整上嚟俾大家欣賞吓?似戰地記者搵命搏影嘅相喎!!!
    好多公路相影得好公路電影feel,真係好靚好靚好靚,sam哥企喺山頂啲風吹住個頭,加埋嗰幾隻字好似外國唱片封面......

    回覆刪除
    回覆
    1. 澳門黑沙灘係咁靚就好,呢個如果有肥佬燒烤亦夠好.
      間房個景觀真係無敵

      刪除
    2. 睇完呢篇,先第1次有去冰島衝動

      刪除
    3. 見到都唔想食~~~
      痴線~~~你唔記得毛寶同我件褸一樣既咩???呢個都唔係佢!!係其他旅客黎架!!如果佢咁做一早俾我鬧到癲左啦~
      冰島既公路真係好不得了~

      刪除
    4. 咦~即係我地既黑沙同埋冰島既黑沙灘係各有長處喎~
      你搞到我依家好想食肥佬燒烤~
      間房真係好ok!訓得仲要好舒服添~

      刪除
    5. 好野~我又感動到多一個人去冰島喇~

      刪除
  11. 黑沙灘啲六角柱石好靚,最啱影poster^^
    碗湯真係.......似豬油糕XXD
    地衣影出來好靚好有奇幻電影feel
    7個一齊去,一定勁熱鬧勁嘈kakakakaka....

    回覆刪除
    回覆
    1. 係呀~真係幾特別~我好鐘意~
      哈哈我諗我地南方人真係唔會想飲囉~
      好靚靚架地衣現場睇~
      你講到重點了~~~就係會好嘈~

      刪除
  12. 妳都影得成個模特兒咁啦,靚到吖 <3 !

    回覆刪除
  13. 果個影浪嘅男人唔係Sam哥呀?真係好勇呀佢,唔怕濕身同番浪捲走.
    啲地衣可愛到暈,肯定係無污染同空氣清新.
    7公子可以一齊去旅行真係好好好難得呀!好鄧你地開心同興奮!

    回覆刪除
    回覆
    1. 梗唔係!!!!如果係佢實俾佢老婆扭耳仔啦~
      無錯呀~~真係好得意呀佢地~質感仲正~
      係呀!!!!我期待左好耐喇~終於集齊七個人一齊去喇~

      刪除
  14. 妳食番D咖哩補下、唔使老人痴呆~~~哈哈哈
    D石仔砌完幾靚.肯定唔係妳砌啦~~~
    下年10月得3日假喎~~~妳地只去3日???

    回覆刪除
    回覆
    1. 點解既點解既點解既~點解食咖哩會醫老人痴呆既?
      哈哈~梗唔係我啦~
      我地澳門有4日呀~

      刪除
    2. 可能食咖哩辣都飛起、所以咪唔會有老人痴呆囉~~~~不過都唔係我講呀、係食店寫呀。

      刪除
  15. 碗湯真係頂唔順⋯
    為左影相簡直瘋狂,好彩我無咁著迷jet~
    嘩! 有三個行程倒數緊,真開心!

    回覆刪除
    回覆
    1. 你見識咁廣都頂唔順...我唔飲都係正常~~~~~~~~~~~~~
      我都唔會囉...痴線咩~~真係會俾浪捲走架~~~
      我都好開心呀依家~~~

      刪除
    2. 小T又係度笑我⋯ 當你去到我呢個年紀,累積了咁多旅遊經歷迷同我一樣囉~

      刪除
    3. 唉唷~你咩年紀唷~可能大家一樣年紀咯~wakakakakkaka~

      刪除
    4. 比番D青春我⋯ 比番D青春我⋯

      刪除
  16. 你地好似去左魔戒個啲景地咁, 好似精靈住既地方, 真係真係超正呀!!!

    個湯真係好誇張...啲人飲左真係會無事既咩!!!

    回覆刪除
    回覆
    1. 冰島人真係信有精靈的~~~<3
      er...可能好保暖既~~~

      刪除
  17. 果兜咁既湯, 飲咗=胃痛+瀨屎,你講得實在太好啦。係咁凍又咁唔方便去廁廁既情況底下,你做咗絕對正確既選擇。

    回覆刪除
    回覆
    1. 不過好似有d浪費..但我真係無辦法~

      刪除