2015年11月23日 星期一

冰島格陵蘭自由行之旅2015-09-30第四天(下雨天)

星期五臨放工前哥半個鐘真係驚險半小時....攰到我呀....好彩都叫做因為賽車都係遲左少少收工~~放工後去COD間意大利餐同凱公子慶生~~真係笑爆肚~星期六悠悠閒~~諗住係毛寶家訂下d南美機票...點知又失敗~~~~~夜晚去左小小公子的百日宴~~~你真係好可愛呀~~~尤其係你既髮型*3*....星期日去左睇賽車~~多謝朋友給我的票~~~~好刺激呢~~~夜晚同左屋企人食齋~好開心~




2015-09-30
Day 4(冰島,金圈之旅 Iceland, The Golden Circle->塞里雅蘭瀑布 Seljalandsfoss->維克 Vik)

哈哈~好喇~噚晚帶住臭臭的身入睡~一早起身梗係有沖涼啦~~~~噚晚臨睡前就有偷偷的望出窗外~睇下有無北極光~但係...望上天淨係得一片有雲既天~起身~都係一個大陰天~唔理啦~去食早餐先啦~酒店有包早餐~地方望落唔錯~





雖然望落係簡簡單單既早餐~但我已經好滿足~~~(d包極好味!!!!烘一烘佢然後搽d牛油..已經好味到癲)....其實呢碟只係我第一碟既早餐~~wakakaka




噚晚到步時太黑~無影酒店外觀~依家補番~呢間酒店其實除左係夜晚好難搵之外....無咩缺點~幾好訓早餐好食~




好~出發!架車行緊哥時都仲係有發出怪聲....令人不安...不過阿Sam話都係正常的..因為之前d油可能未排走哂~




到達今日第一個景點~塞里雅蘭瀑布(Seljalandsfoss)~




講外觀~其實佢又真係無咩氣勢~不過佢真係有少少特別野架~



呢張真係算係正常...wakakaka~






佢既特別你係要行近先會睇到架~




條瀑布真係唔算水多又唔係宏偉...咁到底佢有咩吸引我地去呢?????唔知點解呢張相覺得毛寶既身影好八~~




再行近d~~~見唔見到右手邊有條樓梯呀~~~~其實係可以繞去佢後面由另一個角度睇呢條瀑布架~




即時唔同哂~~~可以係後面兜一圈再出番黎的~~





有時由另一個角度去睇一件事都唔錯架~我好鐘意呢張相~




係呢個位影相真係成個人會堅濕....濕到件雪褸裏面都有d濕~(喂~人地係雪褸唔係下褸黎架!)




講真...我真係堅有形.....又要問columbia收番代言費~賣功能野都賣得我咁形~毛寶真叻叻~




行番出黎~佢隔離仲有d細細既小瀑布~~~kawaii~




在毛寶的眼裏看世界~所有野都好似變得不一樣~好藝術~我真心欣賞你影既相~







由於吸收左噚日既經驗~唔想入夜先搵酒店~所以我地調動左d行程~去搵左酒店先~相入面唔係酒店既外觀~不過都係呢區~酒店就係正史克卡瀑布(Skogafoss)既旁邊~條瀑布係張相既最右手邊~




幾好~未夠兩點都有房攞~間酒店叫Hotel Skogafoss...經Expedia進行預訂....一晚4人房為€152=1,322.4hkd...每人每晚為330.6hkd~算幾平下~雖然係有張碌架床~(我地笑我地係3等倉既人~大比兩個頭等倉既人~)....但其實我同毛寶哥晚訓得超舒服~係個廁所麻麻~坐廁超高(適合歐洲人身高)....我坐都只可以用腳尖掂地......沖涼位d水好容易整到成個廁所地下都濕哂....設計真係聰明到飛起~





攞左房然後出去搵下食~本身想去附近d酒店睇下有無咩餐廳吸引~(自己間酒店又唔睇喎~~~)....點知見到...




無啦啦路中心有架餐車仔既~~~仲要係賣fish and chips??梗係要去試下啦~獨沽一味架咋~無其他野揀~





我地買左3份share黎食~一份ISK1,800=112.5hkd....個樣唔係幾好呀可?事實上其實幾好食~~~~~薯角也很正~而且食哂成盒也挺飽的~




依飽飽係酒店休息左一陣又再出去玩喇~~~又開始落起雨來~




我地呢個景點就好近我地酒店既~不過就無地址可以輸入GPS既....因為...............係公路既某一個口就咁駛入去......個人覺得係夾硬駛入去既........而且唔算係一條路....




周圍都係碎石.....我諗一定要四驅車先可以入到黎....因為我地見到有架旅遊車駛到公路旁已經入唔到去....要遊客途步入.......用腳行我都唔知可以點樣行到去..............完全無方向無指引.....而且車行都要15分鐘左右喎!!!!!!!!周圍就好似咁樣喇.....




終於都到喇~~~~佢就係DC-3 Plane Crash Site!!其實係一個飛機殘骸......呢架飛機係1973年係呢度墜毀...神奇既係...無傷亡!!.....我話無地址你地點知道點黎~大比話有d好心人係網上放左個座標係度~輸入座標係GPS就會搵到~好啦~我都要繼續分享開去~呢個DC-3 Plane Crash既座標:(63.459523,-19.364618)......第一眼見到...好似太空船登陸左係某星球咁!!




我心諗:好彩呢日係陰雨天....因為我覺得....其實呢個殘骸係襯陰天多d....有味道好多!!大家覺得係咪?




而且換上灰白階特襯!!!有點點的哀愁....




裏面已經無哂其他野





再行前d就已經係駕駛倉...但我真係唔敢再行前!!




d儀器仲有線係度我覺得好勁.....




毛寶!!t!!你地好有型呀~~~我永遠支持你地~~






我記得呢~之前咪有個人用40萬租直升機同佢女友求婚既~佢地之前都有黎冰島影婚紗相~其中一個景就係呢個~





離開爛飛機我地就向另一個景點前進~本身諗住去呢個區既一個燈塔既....點知燈塔就見唔到~~淨係見到勁大浪~~~







聽下d浪聲同風聲~~~~~




再上另一條小路睇睇....上到去真係大霧到咩都睇唔到....係大霧到咁!!能見度極低...我諗10米視野都無.....相信個燈塔都俾霧遮住左~兩次想睇燈塔都睇唔到又係太大霧~另一次係塔斯曼尼亞~佢地個樣無奈得黎好樣衰~~~~呢條小山路落去超危險!!!!!又窄又大霧~~驚驚~




睇唔到就算囉~直駛去維克(Vik)......已經差唔多天黑~之前哥次黎無上到黎睇呢個教堂~今次上黎睇下~





維克既壞天氣係出左名既~如果你黎到係好天既先奇~黎到維克要睇既係佢既海邊...相傳好耐之前既一個夜晚...兩隻小精靈想拉一艘三桅船埋維克岸邊....點知到天光都未拉到....於是兩隻小精靈同埋哥艘三桅船就變成化石豎立係維克岸邊....今次企係教堂位高空望....另一角度....不過天開始黑...睇得唔係好清~上次係岸邊睇..超大風~Chlo子說佢3月黎時直情大風到落唔到車!!(事實上我地落車影相哥時都係大風大雨的)




睇唔睇到呀?佢地係呢度....似唔似小精靈同船就見人見智啦~跟住我地就番左酒店~係酒店入面食自己d乾糧喇~(即係杯麵~)







2015/11/23的開心事:
感覺上今日有好多野食~
有人請我食木瓜雪耳糖水呀~多謝~
姑媽煲左菜乾湯俾我地~多謝~
媽媽整左蝦醬蒸豬肉呢~多謝~好送飯~~~
好緊張呀~~快d開飯啦媽媽~~~~~~~~~
好開心成日都可以食飽~那是我的福份~



報時:距離台北跨年倒數之旅2015仲有---42日~
報時:距離南美洲4國新奇探險之旅2016仲有---86日~

31 則留言:

  1. 有時由另一個角度去睇,咁樣睇個瀑布好有氣勢^_^個架飛機我覺得有點恐怖﹗

    回覆刪除
    回覆
    1. 無錯~係後面睇真係別有洞天呢~
      唔恐怖架~哥次無人傷亡~好淒美~

      刪除
  2. 我見冇路就唔敢行, 所以冇去過架飛機殘骸度, offroad o個15分鐘個路況有幾差? 會唔會有好多大洞細洞? 如果再去我都想試下揸入去, 但我知我地一定唔會租4驅, 咁大架我揸唔掂

    回覆刪除
    回覆
    1. 唔.....洞就唔會有~不過好多無數細石!!大石都有好多...所以一定要四驅車先行到~
      點會呀~~~~我見毛寶同埋唔係成日揸車既大比都ok~

      刪除
  3. 簡簡單單既早餐?對很多人來說,是超級大份囉,哈哈哈
    嘩,您記得同我問過靚模取簽名相喎~~~~~
    毛寶係有藝術氣質的小朋友!

    回覆刪除
    回覆
    1. 哈哈~~~~我都知會俾人話架喇~~~
      wakakakkkakaka~好呀~
      無錯!!

      刪除
  4. 影到D甫士咁pro,唔駛講咁多,Macau next top model一定係你XXD

    回覆刪除
  5. ★☾°¨✫又係時候♦º✬瞓覺豬了⊹*¨☁甜夢安睡
     °∧_∧ ・。。゚Zzz
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄・。。゚Zzz

    回覆刪除
  6. 個早餐有我鐘意食既窩夫呀~~~~
    瀑布好有氣勢呀~~~~
    坐係飛機上面咁型果位係邊個呢呀~~~

    回覆刪除
    回覆
    1. 不過呢度d粉漿較得麻麻~~
      無錯~好正~
      唉呀~~~唔好意思講出口添~

      刪除
  7. 有次我想去美國北極圈內的阿拉斯加, 但一睇當地環境好荒蕪, 會好辛苦, 就打退堂豉了,

    冰島跟阿拉斯加環境都係差不多,

    回覆刪除
    回覆
    1. 哈哈~我覺得好正~可能因為我地既居住環境好迫~~

      刪除
  8. 細果在澳門時好鍾意睇賽車,只因為有美洛飲,同有紙帽子戴,童年回憶真係開心!

    回覆刪除
    回覆
    1. 你係澳門有美好的時刻呢~~太好了~

      刪除
  9. 去到瀑布後面我諗起侏羅紀公園.......
    呢次旅行你影相個樣chok X到呢......我鍾意.

    回覆刪除
    回覆
    1. 點解既~~~有邊個畫面有呀~~~
      我本身個人咁係咁x chok...我真係好有型

      刪除
    2. 呢,匿喺瀑布後面,暴龍咬咗個人走,瀑布啲水變哂血水嗰幕.
      你真係好x有型,係呢次旅程入面.
      架爛機係咪suede第1隻精選碟封面嗰隻?

      刪除
    3. 咦~即刻有印象~
      不嬲都型~係你唔覺~
      咦~我唔知喎~~~~你搵黎俾我睇下~

      刪除
  10. 每一日所見所聞都唔同,就算係曾經到過再訪都有唔同體會,真得意!

    回覆刪除
    回覆
    1. 係呀~~~同埋可能每次去既心情都唔同亦都有關~

      刪除
  11. 飛機殘骸,呢個景點好特別。

    回覆刪除
  12. 小T,原來你之前一晚嘅住宿我都有住過架!
    你地租車為何仲要book定酒店呀? 冰島沿公路有咁多住宿,去到邊搵到邊迷唔怕搵唔到預定好嘅酒店囉~

    回覆刪除
    回覆
    1. 唔知呀~可能我地慣左定好哂所有野先出發~咁樣我地安心d~
      做唔到說走就走哥種有型~

      刪除
    2. 我十年前同ex分手後,第一次膽粗粗一條友出走埃及,唔book住宿唔買定車票,去到邊,睇啱先住到邊,由當時開始確立了我的旅遊風格了。

      刪除
  13. 飛機殘骸這處絕對是攝影人夢想到的攝點之一

    回覆刪除
  14. 毛寶影相真係好靚, 不如佢開個PHOTOBLOG啦!!
    架飛機殘骸超級正, 呢啲景真係唔多地方有, 我都好想好想去呀~~
    你地仲可以咁樣入去機倉同爬上去影相, 超型..... 當日除左你地仲有無其他人去到呀??

    回覆刪除
    回覆
    1. 哈哈~唔知佢有無興奮呢~
      呢個真係幾正~值得去呀~
      其實有超多人去~我地咁岩避開d人影相~如果無人...更神秘~

      刪除