2015年11月16日 星期一

冰島格陵蘭自由行之旅2015-09-28第二天Part 2(雨天及後晴天)

好開心星期五同小青蛙打左個邊爐~~~我仲同佢講話:其實我識得哈利波特~~~......跟住佢仲叫我下次影佛地魔張相俾佢睇;目.....好開心呀~~星期六同左公子去試新開的新濠影匯個中午自助餐~~依家網上及電話預約有8折優惠每人$218~又唔算好好食但係就野食都算多~~之後仲去左玩Batman~~~仲有去試左Pierre Herme~成日聽人講話佢好味過Laduree~但我個人都係鐘意食Laduree多d~唔知點解我覺得少女味d~又試左間新既撈米好好味~~~~~~佢d蘿蔔同埋豬扒真係引屎人~~~~~星期日食左麥當勞哥個有菠蘿既漢堡...極難食...下午好乖咁樣係毛寶屋企plan行程~~夜晚食左日本野~



2015-09-28
Day 2---Part 2(冰島,雷克雅未克 Iceland,Reykjavik)

行完一輪手信舖~就順路行上去哈爾格林姆教堂(Hallgrimskirkja)....上次我地想行哥時已經關門大吉~發誓今次黎一定要行到入黎~




行入教堂參觀就唔使錢既~但如果要上教堂頂就要俾錢~講真以參觀過咁多大大小小既教堂黎講~佢就未算突出既~






特別在應該就係呢個好大既琴啦~幾靚~




咁難得入到黎~梗係要上埋去睇下啦~~~成人每位ISK800=50hkd....華..幾貴喎....小童7至14歲就ISK100=6.3hkd...反差太大~~~~不過算啦~呢個貴為全冰島最高既地標~有(車立)搭喎~~~~~唔係唔俾錢想行呀下~~





搭到(車立)上去....仲要行少少樓梯...唔知點解我覺得呢段樓梯幾有味道.....令我覺得自己行係上面都有d味.....(講咩呀..)




上到黎就係咁~~~好簡陋呀~~~哥日落雨仲有d漏水~~~~




仲有d木箱俾你企係度望出去..............真係簡陋到.....不過...你看一眼就覺得值得的!




從這個角度看首都!很讚呢!!!!佢地d屋仔真係好靚!!!色彩鮮艷~~~~~postcard都係呢個景架咋~~~







落番黎又行過對面再影教堂~加多棵樹真係又有一番風味~




影完教堂...望去後面....咦....Cafe Loki喎...又寫話Icelandic Traditional Food喎....咁...天氣凍嘛....入去下午茶咯~~~~地址:Lokastig 28, 101 Reykjavik







我叫左Loki Tea(Icelandic Birch, Arctic Thyme and Iceland Moss)...ISK460=28.8hkd.....moss都可以沖茶飲?!...不過飲落似普通花草茶咋喎~未見特別難飲~




大比叫的Swiss Mocha & Brennivin....ISK1,490=93.1hkd....華~~~~~~咩mocha咁貴呀~~~成舊水一杯~~~~後來先知原來呢杯mocha有加入酒~就係Brennivin呢隻酒~上網睇原來Brennivin好出名係冰島名產~用馬鈴薯蒸餾成烈酒~失覺哂~~~加埋入Swiss Mocha好好飲呢!!!!!!我地成個旅程都為Swiss Mocha著迷~~連唔飲咖啡既我都追住黎飲~~~但係點解淨係冰島先有Swiss Mocha既?我係澳門同埋芬蘭丹麥都見唔到......巧巧味呀~~~(可能Swiss Mocha係普通Mocha上加一大舊cream~)...呢杯好飲~推~




Pancake with Skyr & Caramel Sauce....ISK640=40hkd...就係用冰島哥隻乳酪做內餡~~~pancake面加上焦糖醬~~唔~~~~~~好好好好好好好好味~~(因為佢個乳酪有點酸酸~中和了焦糖醬的甜~~好幸福~)




Homemade Rye Bread with Cheese....ISK850=53.1hkd....麵包黏黏的~~其實幾過癮~~~~加埋哥隻芝士~~好好味~




好開心渡過一個悠閒下午~




嘆完啡下一個節目係去全雷克雅維克最大既shopping mall-Kringlan~好似有接駁車來回市區....想知接送地點係邊可以上Kringlan網站看看~真係第一次去冰島既shopping mall~~(不過諗下都覺得無野買~~哈哈~)




其實佢都幾大下既~有成150間商舖~又有food court~不過d牌子就真係唔係好岩我買囉~





行行下抬頭一望....落左成日雨....依家竟然有藍天~~~




我淨係對佢d北歐雜貨店有d興趣睇下~




佢呢度有間Bonus咸濕豬~最底哥層又有一間大型超市~




發現寶物~~~~我最鐘意去旅行睇下唔同地方有無唔同味既Lay's....倒如內地有出過乳豬味~~~西班牙有火腿味~~~華~~~呢度有Sweet Mustard呀~~~ISK389=24.3hkd~~同澳門差唔多價~~~呢隻味我地4個都話好正呀~~~




我發現佢地仲係好興夾糖喎~~~各大油站都有....呢個超市仲有個區專係夾糖.....




呢隻你真係確定有人想食而入貨?????????????????




見到唔再落雨~即刻衝去珍珠樓(Perlan)~




如果你係我地...你見到呢4隻公仔..你會點做?




行入去睇睇~其實佢係一個博物館黎既~不過我地去到哥時已經收左....入面有兩間餐廳仲有開~一間類似cafe既...一間就貴d既....貴d哥間哥一層就一定要係食飯先可以入....cafe哥層就隨便上~因為佢有個觀景台可以行出去睇睇~因為珍珠樓起係山上~咁就可以飽覽首都既景~





而且可以遠眺哈爾格林姆教堂(Hallgrimskirkja)添~




我地咪就係會咁囉~~~~~呢d梗係自拍唔好叫人影啦~~~~醜呀~~~




好喇~玩完一輪~天黑喇要去搵飯吃~




揀左呢間Apotek....地址:Austurstraeti 16, 101 Reykjavik...揀佢全因佢出面有個牌係度話有青口食...仲係寫住係Traditional既煮法~去試咯~




呢餐係為左慶祝有人聽日生日呀~~~~餐廳裝修幾靚...但係我最憎咁黑munk munk食飯~~~~而且我地睇到成個餐爛哂都見唔到有青口字樣...搵人話黎問問...佢話依家無喇喎...因為阿大廚話不時不吃喎....依家d青口唔靚所以唔整喇.............我明......但你唔好有個牌係出面話你地有青口食啦....





先送上麵包~麵包個質地幾得意..好味~牛油都好味~




Free Range Chicken....isk4,990=311.9hkd....依家計番先知咁貴~~~~唔算大碟....仲要係雞胸~~~不過相反..好彩佢個雞胸唔怕好鞋...味道都唔錯




60 Days Dry Aged Rib Eye....ISK6,890=430.6hkd....呢個又反差好大塊扒不過好鞋...但牛味幾重~




Giant Scallops...ISK2,690=168.1hkd....好味~生熟度剛好~但個汁.....好似同個雞胸一樣咁既?




Beef Tartare....ISK2,390=149.4hkd.....呢個唔貴既...不過唔好味...因為又係同雞胸個汁一樣既?




查實呢間唔算難食....但我求其亂點....牛又有雞又有海鮮又有...咁都可以撞到同一口味既汁?加上...serve我地哥枱既侍應d面口真係好衰...不推介




臨番酒店時見無落雨去影一影夜景既教堂~好可愛呀~屋企都有小燈~我問:點解我地上次無影夜景既教堂既??(天真問)......眾團友:上次夏天黎都無夜晚!!!!.............我:....係喎




今日既收獲~耳罩同埋可戴住黎用智能電話既手套~耳罩20hkd.....手套大約二百多hkd~




話過上次係冰島已買磁石發誓今次唔會再買之我發誓當食生菜篇~真係幾靚呀嘛~~d屋仔畫得好靚呀~巧貴~成60幾hkd一個~




買postcard寄俾朋友仔~我好鐘意呢張呀~(理性寄postcard~上次寄過今次應承自己只寄一張~)




今次張郵票唔同左~~~~~好開心~~~係火山爆發~~~




呢晚既餘興節目:為小朋友倒數其30大壽~~~~~條旗我整過去同佢慶祝架~~~~有無氣勢~~~祝小朋友生日快樂~~身體健康~~~開開心心~~~許既願要靈驗呢~聽說在冰島許的願特別靈驗~(胡說八道~)......有邊個估到你已年屆30??







講開Batman...
記得如果出示澳門居民身份證有85折~
即係$125(原價$150)
開頭上網睇以為佢係Bcak to the Future咁..
即係無咩郁動....
點知原來都唔係丫~~~~我覺得有d類似Spider Man喎~
都算ok~
不過是不能和哈利波特比~~
仍然係我心中4D遊戲第一位!!!!!!



2015/11/16的開心事:
我今日換冬季制服...
發現我舊年件恤衫已經扣唔到鈕(風吹)
即係代表我今年又強壯左喇~
可喜可賀~可喜可賀~



報時:距離台北跨年倒數之旅2015仲有---49日~
報時:距離南美洲4國新奇探險之旅2016仲有---93日~
好喇~終於係星期日訂左另一張中型機票~
就係去復活島哥張機票喇~
由於技術問題(實際上係因為我地遲左book)...
所以比原定時間要係復活島玩多日~
唉呀~人地要去同艾摩像玩遊戲喇~~~~
(但仲有好多機票未book~~哈哈~)

26 則留言:

  1. 我都估到你地會跟住黎影架啦 haha
    磁石仔好得意 色彩繽紛的屋仔真係好靚靚
    我又感到好榮幸啦~~~love u baby
    Batman係好似環球影城果個蜘蛛俠咁?
    講開呢樣 我想講話新加坡transformer都係咁 但transformer果個 chok到我條頸好痛
    復活島感覺好宏偉呀 未睇完今次呢個遊記 我已經期待果個啦 haha

    好耐冇打過咁長晚留言啦 希望我日日咁精神打咁多字啦 yeah

    回覆刪除
    回覆
    1. 哈哈~原來我地真係咁變態~
      我都覺得好靚~不過真係幾貴~
      錫錫~你是我的vip~
      係呀!!類似啦~
      我未玩過transformer我未玩過呀~不過我覺得batman還好~又唔算太激烈~
      哈哈~~其實我心理上仲未對冰島抽到身..仲係好掛住~

      多謝你咁攰都留言俾我呢~*3*

      刪除
  2. 嘩,唔該晒你呀,仲幫我揾埋website,錫晒你^^ 佢個網站幾好喎,我朋友想買pump,佢會show晒边間有pump賣,幾好,唔使去錯^^
    我係coffee 精,有机會去一定試.......
    個教堂頂真係..............有d嚇人,好彩有lift,如果要行上去會有d失望
    如果要人幫你地影呢想相,我諗會笑到手震影唔到.............
    我明天出發大阪喇,遲d 見啦^^

    回覆刪除
    回覆
    1. 不客氣^^舉手之勞je~~~~
      swiss mocha真係大讚~好好味~
      8層樓高我真係無信心挑戰~~~~
      wakakaakak~如果真係叫人幫我地影~我諗我地真係會好唔知醜~
      華~~~玩得開心d啦~番黎見~

      刪除
  3. 嘩~~~~妳呢幾日都食左好多野喎.........唔怪之得新製服扣唔都扭啦......
    真係要改名叫妳一聲 小肥t 都唔得啦~~~~哈哈哈
    妳現在睇到D屋咪好啦.........遲D冰島可能陸沉呀

    回覆刪除
    回覆
    1. er....唔好咁啦~做人最緊要係開心同健康嘛~
      都仲有個小字都唔錯啦~
      ???真的嗎???

      刪除
  4. 成人50小童6.3,真係差好遠喎~
    雖然簡陋,但一望出去,堅靚呀,天氣好D一定靚爆
    超市D夾糖多到好誇張,有選擇困難症就好麻煩^^

    回覆刪除
    回覆
    1. 係囉~反差太大~~
      我有時覺得冰島某d景係陰天好睇d~~~~
      但佢d夾糖真係好醜~

      刪除
  5. 點會估唔到你哋會跟住影吖?唔影先奇
    恭喜你健康又強壯,祝你一年壯過一年,年年換新衫

    回覆刪除
    回覆
    1. waakakak~原來我地係大家心見中都係咁瘋~
      咁......又唔使.....雖然強壯係一件好事~
      但...唔使年年既~

      刪除
  6. Well,呢個菠蘿既漢堡我都中左伏...comment都係極難食!
    呢度啲磁石超靚呀,係咪你taste水準高呢!

    回覆刪除
    回覆
    1. 真係極難食...唔係一般既難食!!
      唔.....應該唔係~~~我成日咩磁石都買一餐架~~呢個我係跟毛寶買的~

      刪除
  7. 我看過您的相片,就不用俾錢上教堂頂啦,哈哈哈(不過D七彩屋又好靚。)
    那個下午茶好正!
    買好多嘢,大豐收喎~~~~~
    我以為毛寶未成年囉,哈哈哈(補祝她生日快樂!)

    回覆刪除
    回覆
    1. 其實幾靚既~
      覺得好悠閒好開心呀~
      都唔算多既~~~小小je~
      佢簡直得8歲添啦~

      刪除
  8. 雞胸係貴肉嚟㗎,啲屋頂咁五彩繽紛好靚呀!

    回覆刪除
  9. 好有心呀, 整晒旗去慶生, 小朋友一定好開心!
    間餐廳又幾離譜喎, 碟碟都係o個個汁
    教堂外觀好靚, 但入到去已經覺得好平凡, 估唔到上埋去係咁樣o既, 收得錢, 俾番d誠意好喎 >.<

    回覆刪除
    回覆
    1. 哈哈~~~唔知呢~~~要問下小朋友先~
      又唔係難食既...但就...加埋服務麻麻我就唔推介喇~
      下~~你去過冰島3次都無上過去呀??

      刪除
    2. 第一次直情冇得入, 成幢維修緊, 外牆都圍住晒
      近呢兩次冇乜留o係首都, 機場直接揸去玩, 首都俾我印像深刻d係harpa同perlan

      刪除
    3. 下~~~係呀~~~~
      一落機就揸咁耐車去第度呀~~~~~~好強呢~~~~~
      珍珠樓其實有咩睇呀??因為我地去哥時已經收哂~~~~

      刪除
  10. 咦~~~??@@唔見咗個留言.....咁再打過啦!!
    一場去到雖然上鐘樓頂係貴D都照上啦,幸好個view真係唔錯喎,屋頂好色彩繽紛好值得一看.....不過正如你講,收得入場費好心就執靚返少少唔好似個荒廢大樓咁啦XXD
    火山爆發果個郵票幾靚!!!
    食肆侍應d面口差真係會扣好多分,甚至不想再去幫襯...
    「強壯」咗咪好囉,可以為明年南美長征貯定多啲energy丫嘛^^

    回覆刪除
    回覆
    1. 係囉有時個blog會唔見左留言唔知點解??@@
      佢d屋頂真係幾靚~唔知北歐d屋係咪都係咁靚~~~
      同上次哥個唔同~~~今次哥個我覺得好正~~~
      無錯....你咁衰我咪唔去囉做咩俾錢買難受~
      哈哈~~~~去到南美真係一個新既挑戰~~~

      刪除
  11. 嘿, 麥當當個菠蘿漢堡, 我在香港時都有食, 簡直超難食, 立刻感到電視廣告上個肥仔超樣衰, 呃左我來食D咁難食的野.

    我覺得幢樓梯好似細時學校裡的樓梯, 你影這個角度, 令我想起每次小息完畢, 回去課室受苦受難的情境, 嗚嗚......

    回覆刪除
    回覆
    1. 係呀!!!我都覺得俾肥仔廚師呃左...超級難食!!
      哈哈勾起你傷心事添

      刪除
  12. 個磁石真係好靚呀!! SWISS MOCHA....真係咁好味?? 我都好想試下飲呀
    我都好鐘意行雜物舖架, 而家最鐘意就係行日本100YEN店, 因為啲野好平, 又好得意!

    回覆刪除
    回覆
    1. 係呀~~~~我好鐘意磁石~~
      好好味架~~我係冰島成日飲~~~
      其實........我都好鐘意100yen店~

      刪除