唔.....噚日同個朋友仔交流下現時機票價位.....俾佢搵到出年瑞航$61xx連稅蘇黎世入巴黎走......睇到我兩眼發光!!!瑞航喎.....$61xx咋喎...............阿提哈德都要$63xx啦.......仲要用多d時間轉機.......搞到我都心郁郁.............................好野~聽日星期五喇~~~~開心~~~~~
2015-09-28
Day 2---Part 1(冰島,雷克雅未克 Iceland,Reykjavik)
第二朝起身~精神爽利~~~因為終於可以平躺咁訓覺真係唔同d~~~~攞哂我地d裝備出黎著啦~~~爬山鞋雪褲雪褸防寒咩都放上身~因為佢吹埋黎d風真係幾凍~我地d爬山鞋真係好有型~
我和毛寶的~帥帥~我地兩個都係第一次著~(聽說...爬山鞋係著之前最好係家鄉試著下周圍行下踩鬆d佢先....但我地..)
結果哥日隻鞋極痛~~~~
拿~我地要出去食早餐喇~~~我地又發生神奇事喇~話說我地出門口喇~第一個人拉開左對門...我行第二...我就大叫:喂!攞鎖匙呀!.....於是另外兩位就周圍搵鎖匙出去喇...搵呀搵...搵呀搵.....然後拉住對門既人驚呼:原來條鎖匙我地插左係出面成晚無攞番入黎呀!!!!!...........................................冰島治安好成咁????????????????????????我地真係勁低能~~~~好彩打開對門先話搵鎖匙~~如果唔係關埋門哥時搵真係有排搵~(誤)....今次唔衰係保安警報器..衰係呢樣真係唔抵~~~
好喇~~揸車出發泊好位~~記得要入錶!!除非你係星期日泊街位唔使入之外...星期一至六都要.....星期一至五就09:00-18:00...星期六就10:00-16:00.....係大城市先要入....郊區無見過~其實好易用~ISK230=14.4hkd一個鐘...咁你入幾錢佢就會係螢幕顯示你可以泊到幾點...當你入既錢睇下個時間如果已經夠用.....咁就按綠色按鈕....佢就會出飛俾你架喇~佢有得用信用卡...但我對呢d街機無咩信心~~我好驚佢唔吐番出黎~
張飛係咁既.....然後你就將佢放入你架車個車頭位當眼位置就ok~(我講車入面呀下!!!唔係俾雨淋濕俾人抄牌唔關我事呀下~~)
望住個咪錶時你有無覺得背景好繽紛???出發前係instagram度睇到有人post出黎~~~哈爾格林姆教堂(Hallgrimskirkja)前面其中一段畫左條彩虹路出黎呀~~~~~~好彩趕得及睇到同影到~~~~今次咁樣影首都地標!!我覺得好特別!!!因為有可能下次影唔到架喇~~~
呢個時候雨開始落得好大~呢個時候雪褸雪褲真係好有用~因為防水嘛~如果背包都有雨擋就最好啦~無既話都另外買個啦~因為冰島太風係唔適宜用傘架~實吹反~~所以只可以成身野都防水~先可以抵擋風雨~
好~開始周圍走走~~~
其實第一站我地就係要去Tourist Information Center度問野同埋book野~~~~地址:Bankastraeti 2,IS-101 Reykjavik Iceland.......上次都係去呢度訂野~其實佢附近有兩三個Tourist Information Center...不過呢間最大~
記得攞籌呀~咪傻更更呀~工作人員都很友善~而且努力幫我地解決問題~讚~(即使我地有100個問題~)
其實我地最主要係想佢幫我地訂係Husavik既觀鯨活動同埋後幾日既行冰川活動....點知冰川我地想join哥個活動爆左~問佢哥日天氣點佢笑哂話nice~咁呀~訂另一個簡單d既行冰川囉~(其實即係同我地上次行哥個差唔多~所以我地今次先想join個難少少既~點知無~又話冰島既旅遊旺季係6..7..8月既~~~~~).....而觀鯨活動又無我地想參加哥個由於月份問題又無......咁.....我地去到至算啦~橫掂之前去開哥個位好多而且唔知咁多日後既天氣點~
呢度仲有好多其他唔同類型既活動~仲按首都~東南西北部咁樣劃分~有興奮不妨去睇睇~
之後就係去醫肚喇~~~~~~呢間American Style其實係頭先係Information Center度攞住本小冊子睇時發現有呢間野既廣告~~~幅相實在太吸引~俾佢吸左黎~~(原來係旅客指南度賣廣告真係有用架~~)...地址:Tryggvagata 26, 101 Reykjavik......其實佢係食快餐架~至於點解我地要係冰島食American Style....你理得我jack~~~~~~~~~~~~
我地就係俾呢樣野吸左黎架~~~~~就係龍蝦漢堡包Loster Style~~~單點就ISK1,795=112.2hkd....我地就叫左餐~ISK2,695=168.4hkd...有個龍蝦包~有薯條~同埋任飲汽水~食快餐都富貴過人~~~~
有關於龍蝦呢班團友都係唔會放過既~~~好啦..講番個包...個人認為.......龍蝦部份....其實就唔係好食到味既~不過個漢堡就確係整得幾好味既!!!!!!!!!塊扒勁有肉汁~下次可以齋食漢堡唔使加龍蝦都ok~薯條好吃~
上面食哥間漢其實同全歐洲最棒的熱狗攤Baejarins Beztu Pylsur(冰島語中意即:The Best Hot Dog in Town)係同一條街~~~~~地址:Osthusstraeti,101 Reykjavik......佢好似係首都有6間分店~有興趣上佢官網睇睇~
佢淨係得熱狗同可樂賣......熱狗ISK400=25hkd...可樂ISK200=12.5hkd....熱狗算係咁~係冰島黎講真係好平~其實我地岩岩食完龍蝦包架咋.....行唔夠200米又再食過真係過份......
連克林頓食過都話好好味好好味好好味既熱狗~(因為很重要~所以要連續說3篇~)....有隻熱狗叫克林頓熱狗~就係淨係加芥末醬既~其他都唔加~~~~~我就梗係咩都要啦~佢地個芥末係真係同其他地方的不同..好味!!!!(上網聽聞佢條腸係用羊肉整成...又有說是鯊魚肉~唔知邊樣真~)......佢個包特別軟既~加上茄汁芥末炸洋蔥生洋蔥~成就左呢個好好味既熱狗~繼續大推~
食飽飽又再行街街~
如果黎到唔夠裝衫著~試下黎呢間66North睇睇~~~冰島老字號~上次毛寶唔夠衫都係係度買左件外套~佢話好暖~
呢日真係好悠閒~我好鐘意~行多一陣手信舖無咩野買(其實未用心睇)~就去左咸濕豬Bonus超市入貨~佢係一間平價超市~我最鐘意平價架喇~雖然佢係全國都有分店...但偏遠郊區有d地方真係無架囉....唔係淨係無Bonus...係咩超市都無~所以買定d乾糧傍身都ok架~(麵包之類~)
不過呢間係市區既我覺得算細喎~~~不過都可以買住先既~營業時間間間不同~又日日不同~自己上網睇睇佢~
咸濕豬都有自己品牌~~(即係好似百x牌咁~)....你地話喇~係咪真係好咸濕喇~~~~~~又咸濕~又離魂眼~雖然我成日話佢...但真係覺得呢個商標好易認~
記得喎~揀凍櫃既野要著夠衫喎~因為你自己成個人要走埋入凍櫃度喎~wakakakaka~
首先就係唔使咁低溫既蔬果部~
極香的冰島產士多啤梨~ISK498=30.6hkd...真係估唔到冰島會有士多啤梨出產...仲要極香!!!!無理由唔支持本土貨下嘛~
個檸檬係咪基因有變異呀............我生到咁大個人都未見過咁大個檸檬!!!!!!!!!!!!!!!!!!!!!!!!!
救命呀~~~係我最趨之若鶩既冰島蛋!!!!!!!!!!!入手pls!!!!!!
巧喇~過第二度門喇~~~~入面仲凍~~~因為係放乳製品同埋凍肉之類~
呢隻乳酪一定要吃!一定要吃!一定要吃!...(因為很出名!所以要連續說3篇!).....呢隻乳酪真係好好味~(不過小心唔好買到好杰哥隻...因為真係好杰~)..最好買瘦長杯身哥隻~因為可以就咁飲~呢隻牌子真係好出名~連芬蘭同丹麥d cafe之類都係用呢隻乳酪黎整甜品~
見到冰島牛奶...我心動<3...不過太大支..唔知團友飲唔飲~放下~就是擁有~
之後發現呢隻smoothie叫Froosh....超精彩的混合味~忍唔住買黎試~但佢唔係冰島出既~應該係丹麥出~ISK298=18.6hkd
仲有好多凍肉呀~~肉製品咁樣~(其實佢d肉製品好貴...我試過見到包煙肉要300hkd)
上次失敗!!我今次要再搵!!!!我要搵羊肉做既火腿片!!!!(火腿唔係豬肉做既咩?)
睇到姐姐我眼都花~~~終於俾我搵到~~~v*-*v~
兩隻入面揀左呢隻!!!!!!好開心~~~~~~ISK279=17.4hkd...好彩呢隻唔貴je~~~~
冰島除左蛋之外仲有一樣我又係趨之若鶩既..就係呢隻Smjor牛油~~!!!!!超大磚的只售ISK395=24.7hkd...真係極平~~~澳門買哥隻丹麥好好味既牛油細細盒都要$40....真係....我住係冰島實肥屎!!呢隻真係好好好好好好好味!!!
抬哂d野上車~又行下商店街~上次星期日行係咩都無得行...今次星期一行即刻成區活起來~不過仍在下大雨中~好彩唔使打傘咁煩~(人地成身由頭到腳防水架嘛~)
上次哥個長頸鹿壁畫兩年後佢仲係度隔離仲要俾人繼續畫花~~wakakaakak~我地行左入去Orr左邊哥間手信舖行下~
一入去個店員就話要開野俾我地試~我諗住佢倒少少俾我地試....點知佢諗住一人開一支~~~太客氣了吧~~~~~~於是我地唔貪心....要左兩支算~我要隆重介紹呢支係冰島既傳統飲料!!!!!!係對腸胃好既!!!!但佢有酒精成份架喎~~~~~重點係:佢極好飲~~~~~~~~~佢話以前酒精度仲要濃d...依家改良到得番零點幾vol......真係..好好飲呀~~~~~~(阿sam同人傾多兩咀...又交換左fb...但重點佢係同男人好傾d...溝仔高手~)
呢間鋪我最有興趣就係不同種類既鹽~~~有d係Black Beach Sand Salt..有隻係Iceland Moss Salt~仲有Grey Lava~幾得意~
0我~有Santa Mail Box呢~~~但同聖誕老人講咩好?我希望你......送個Ozil BB俾我做聖誕禮物~~(諗起都流口水~~)
2015/11/12的開心事:
過左光棍節第二日先睇到...
Ozil bb為何今季咁積極....
原因係疑似同2014土耳其小姐女友已訂婚....
我將條link send俾Chlo子睇...
我:佢係咪想激死我呀....
Chlo子:你唔好激心到訓唔到晏覺呀!!
於是乎..........
我訓左呢4個工作日中.......
最好既一個晏覺~~~~~~~~~~~~~~~~~~
係咪好反高潮呢~~~~~~訓醒番工最爽~~~~~~~~
Ozil bb永遠屬於我呢個差一點點就完美的人~~
愛愛<3<3<3...wakakakakakakaka~~~~~~
報時:距離台北跨年倒數之旅2015仲有---53日~
報時:距離南美洲4國新奇探險之旅2016仲有---97日~
最鍾意呢啲冇配料嘅熱狗,一次食兩三隻都得
回覆刪除個檸檬有冇買到?
牛油好抵,有冇買啲返去澳門?
真係好好味~~
刪除梗無~都唔知做咩好~~~
無呀~實溶哂啦...不過下次試下搵個硬盒入住佢番黎先~
傳統飲料係咩味?我好想好想好想食個熱狗丫!!!!(因為真係好想食,所以要講三次)
回覆刪除都幾重小麥味哥種~好似黑啤咁但甜甜地的~幾好飲~
刪除真係好好味~~~~我真係好欣賞佢~
買咁大舊牛油做乜?
回覆刪除係旅程中食囉~~~~~我地好多餐煮野食有用到~同埋食早餐時都用~
刪除好有親切感, bonus豬豬差唔多日日行
回覆刪除原來佢係咸豬, 妳講起我又覺佢個樣真係咸咸地, 呵呵
哈哈~~我都又無你咁勤力~我地應該今次行左一次咋~
刪除我地係米湖同埋husavik係第d超市買~都唔錯~
係咪睇睇下有d咸濕呢~
我都好鍾意行超市~係旅行特別愛行的
回覆刪除我好羨慕不挑食的人 我好想吃你說好吃的熱狗 但我知我接受唔到芥末同埋生洋蔥呀
唯有你幫我吃多點啦 嘿嘿嘿
首都地標那張相片好美好美呀 靚靚靚靚靚 Y(^_^)Y
無錯~仲要係平價哥種~~~
刪除但係炸洋蔥好正喎~~~~~我依家連唯二唔食既苦瓜同埋青椒都會食少少~
我都好鐘意呢~~
彩虹路出....依睇到最後都無彩虹路出既相,定係無行去呀
回覆刪除真係估唔到有士多啤梨出產
d鹽都靚過人,好似好純正
有呀~~咪係第6同埋第7哥張咪彩虹路囉~~~
刪除係囉我都知唔到仲要幾香幾甜下~
佢d鹽加埋落d牛油度食超好食~
連入超市都要著成咁,咁出親街基本上就要全副雪裝喎!
回覆刪除哈哈~~我形容得誇張左d je~~~~~
刪除想像緊如果成條彌敦道都油成彩虹一定好壯觀@@
回覆刪除新鞋我通常紮鬆少少啲鞋帶好D
個檸檬真係好大個,我諗係因為冰島火山土壤營養豐富,夏天又有很長日照有關...
賣酒地方男客居多,所以易有話題啩?!
哈哈~一定好靚~
刪除我哥日又係衰既~~~紮到對爬山鞋好緊~
我覺得外國d農作物係生得大d高d咁既~
哈哈~其實哥度係一間手信店~
您對爬山鞋好搶眼喎......
回覆刪除「原來條鎖匙我地插左係出面成晚無攞番入黎」,起級蝦碌,哈哈哈
嘩,正!我都想去咸濕豬度 shopping囉!
「光棍節」是「佬節」,女的是「七夕」嗎,哈哈哈
靚呀靚呀靚呀~~
刪除我地真係好搞笑~~~
咸濕豬d野都唔算貴~~唔錯~~~
係咁分架?我唔理喇~
Hi 無意中見到你個blog, 想請教下而家冰島凍唔凍?因為我下個月就出發冰島想打探下天氣如何,仲有你對爬山鞋邊度買ga? 刮腳?
回覆刪除我地9月尾至10月中時其實氣溫ok既~不過一大風就無得講....好凍~又會吹到塊面超痛~記得帶頸罩~無都即刻上淘竇淘淘~
刪除我哥對係日本買架~d爬山用品鋪~
羨慕你12月去~靚景加上雪景一定好正!!
好凍...... 有d怕,
回覆刪除你梗係啦~你長期都咁凍~
刪除寫得好生鬼!XD~睇到克林頓同Ozil嗰度笑咗出嚟!btw,Ozil今季真係好fit,基本上成隊阿記都係(其實係咪真係講緊踢波個大眼仔Ozil?( ̄∇ ̄))
回覆刪除哈哈~~多謝~
刪除無錯呀你講岩了~~就係阿仙奴的大眼仔~~~~~~
D彩虹唔會走呀、下次妳再去可能多幾條呢~~~~
回覆刪除我都話妳大食啦~~~食完漢寶包再行多一陣又食熱狗
Ozil結婚~~~妳咪又失戀囉~~~( ̄∇ ̄)
下~~真架~~~~又好喎~
刪除去旅行嘛~~~~
佢未呀佢未呀佢未呀!!
santa claus ahhhhhhhhhhhh
回覆刪除唔知你想叫聖誕老人送咩聖誕禮物俾你呢~
刪除真係要諗清楚先,因為太多啦,咁貪心 XDDD
刪除wakakakak~貪心mommy~
刪除$61xx好扺呀,仲可以巴黎走,正呀!!
回覆刪除行山鞋本身硬少少,所以早個零月買鞋,之後日日著,著到去旅行就差不多
條街好靚呀,响果度行街心情都好d,人都靚d
咁食hot dog 抵好多^^ d 蛋唔同盒有咩唔同架??
我想問吓你有無响大阪見过reebok專門店呀,朋友叫我幫佢買鞋,日本先有喎.........
我都覺得好抵呀~~~~
刪除哈哈~~我早左成年買~但真係成年都未著過就咁就去冰島~我真係好勁~
係呀~加上今次d舖頭開齊~行得好開心~
真係好好味~~~大愛~....我唔知呀無留心睇~淨係揀要幾隻咋~
我無見到呀不過我上網幫你搵左地址..都有好多間呀你去睇睇~
http://www.reebokjapan.com/store/store_all.php?page=0
我阿仔去旅行, 我都驚佢買埋D唔三唔四既野俾我,所以我叫佢買當地出既海鹽,以為好掂檔,點知..... 佢走去買咗樽醃肉既香草鹽返黎俾我。
回覆刪除哈哈~~~~香草鹽都ok呀~我媽個fd以前係加拿大買過俾佢~愛黎醃雞好好味~
刪除你係超巿入面啲野樣樣都好似好好食, 好想食下呀!!
回覆刪除點解啲蛋同牛油咁好味呀?? 係有咩特別既味??
我去旅行唔敢飲咁多奶類製品, 成日驚肚痛><
我最鐘意蛋同牛油<3
刪除好濃蛋味~好難形容~(恕我詞彙不足~)
我地就係想booboo~
其實唔買乾糧,買火腿個啲帶上路都得啦。
回覆刪除凍成咁,點都唔會變壞啦~
呵呵呵呵~~~~
其實我地都有買~~~不過豬肉製品哥度都好似比較貴~~
刪除