2015年11月10日 星期二

冰島格陵蘭自由行之旅2015-09-27第一天Part 1(陰天及後晴天)

無啦啦今日放工覺得個天色真係似冬天~~因為5點半時已經個天就黎黑齊.....但係氣溫仍像夏天....好熱好辛苦~~~快d涼浸浸~~~



今次既相我部iPhone有2653張+我的Canon有508張+毛寶iPhone1897張+大比相機1710張+阿sam1789張=8557張相~咁當然我唔會用哂全部相出啦~~不過我真係有睇哂咁多張相~~~~我無咩用相機影相呀~~因為冰島d景...有時係靚到用手提影已經覺得好靚~~~~~~~~~(好多謝以上人士提供照片我寫blog~).....yoyoyo~小t旅行團出發了~~~~~~~~~~~~~



2015-09-27
Day 1---Part 1(澳門 Macau->香港 Hong Kong->芬蘭,赫爾辛基 Finland,Helsinki->冰島,雷克雅未克 Iceland,Reykjavik)

哥日班機係凌晨機黎既~~所以我地要前一晚過香港~最開心係有得搭機場船~~~我地搭夜晚7點鐘機場船直達香港國際機場~~(好多謝阿sam自己有份出發都車我地同埋行李出機場!!因為哥日仲要天陰陰想落雨的~)...咁我地要再攞行李check in架嘛~一過磅哥時.............我件行李已經24.4kg~~~~~~~~~~~~(如果有睇旅行前準備哥篇就知我有幾多野啦~)......好彩地勤姐姐只係講左句:李小姐~要記得注意行李重量呀~.....咁就放左我走~多謝你~因為我真係唔想去程就要執行李出黎~~~~(有無人去程就會超重的?)



到左香港機場check完in之後~我地過埋安檢~大家要記得攞番120hkd既機場保安稅呀~因為可以用黎係禁區食飽飽~~今次終於食到勝博殿~~~~可惜佢趕收工...炸到過哂火............好啦食飽飽我地去買埋雜誌就等上機~我想問下有無人留意到???????應該無.....................我又係飛36號閘口喇~~~計埋上年飛哥3次~我已經係第4次係36號閘口上機~~~~介紹下團友們先~~~有我啦~~毛寶啦~~毛寶姐姐大比啦~~仲有大比老公阿sam~~~睇開既朋友應該對我地呢個冰島天團唔陌生啦~~(呢幾個人真係好唔正常架~~)





我地係搭芬蘭航空Finnair AY070既00:25班機...由香港直飛芬蘭赫爾辛基~點解要揀芬蘭航空?因為佢係最快去到北歐既航空公司~~由香港去芬蘭只需10小時~芬蘭去香港只需9個多小時!!好快!!!不過呢日Delay左半小時左右先登機~




我真係幾鐘意係香港機場飛~因為設備真係唔錯~~因為成日睇d書講...d空姐過飲機上d熱水好唔衛生~我地今次醒呀~~帶左個吉既暖水杯入禁區~~佢有好幾個閘口有設置冷熱水機!!方便!!!好似其他機場就唔多見~~我記得其中一個係24號閘口~




我今次醒呀~~明知自己帶公仔去都淨係影張護照相就唔會再攞佢出黎影~~(費事俾大家笑~).....所以我今次無帶~~但係阿寶就一定要帶啦~~~~佢都未去過格陵蘭~




飛歐洲唔使填入境表既~又少樣野做~咁唯有寄託係飛機餐度打發時間~~我揀左齋意粉~~幾好食~~~好香草味~~~同埋要左白酒飲~~~~前菜清新好正~~~甜品太甜試左一口後放棄~




毛寶的牛肉米粉~睇個樣就唔錯喇~




佢隻芝士同餅乾一齊食幾好味喎~~~係細細粒既細波芝士~~





隻機都唔算少戲睇....但好可惜既係佢好多戲都無中文字幕....er....我英文差..無字幕既西片我係唔會睇..........就算睇哥套戲我一定係睇到爛熟....好鐘意先會當學英文咁睇...........最後有字幕的選擇....我揀左我有睇過既引力邊緣(Gravity).....當我睇完之後....就揀左我無英文字幕但我睇過既Bucket List....但我睇到一半...訓著左..............................我其實依家大個左好少坐長途機會訓得著...多數戲駁戲咁過....所以一間航空公司個娛樂系統對我黎講其實好重要.......可能我真係好攰~又加上飲左酒~又加上無咩戲睇~我訓左好多個鐘.......一起身.....就迎黎一道日出~~~~~~~~(所以我成日上網揀位好鐘意揀埋咩方位~我真係會計埋隻機既航機飛既東南西北位...好癲~)






睇完一陣日出又訓番.....睇黎我真係好眼訓~~~訓到咁上下又開番套Bucket List睇.......跟住就有早餐派喇~~~不過個早餐極極極難食...好少可我會話難食...但係舊蛋真係難食到不得了~~~~~~~~腸又難食...連薯角都超難食~~我都食唔哂~感覺上Finnair無以前咁姑寒~~兩餐中間d位都有snack提供~我記得我之前搭要俾錢的~




係機上睇日出真係好靚~~~~(因為我係機上既另一娛樂就係影相~不過我又鐘意成日行黎行去~最鐘意睇兩人位但靠窗哥種坐法~我就坐走道位~毛寶坐埋邊又可以幫我影相~~)





大約清晨6點半我地就到左芬蘭赫爾辛基萬塔機場(Vantaa
Airport)~~~




望出窗外~發現超超超超大霧~~~這是剛帶我地黎到芬蘭既機~




發現之前網上見到傳說中既訓覺蛋~~~~(但應該係departure哥邊既禁區入面先有~~依家只係arrival既玻璃哥邊見到~)..幾正呀~~可以拉閘落黎變成一隻蛋等人可以唔使睇到你訓覺個樣~~~應該..就免費既..因為我地之後走既時候見到有零散幾隻係某d閘口~但呢個咁大個空間我地就搵黎搵去都搵唔番~




如果你唔出境其實唔使出去既~直接轉transfer哥邊就得(行李直到冰島)....因為我地下一班飛冰島既機係大約8個鐘之後唔想係機場過~所以我地決定出境行下~~(因為機場出市區車程唔長)....過海關問左好多問題...不過都係哥d黎芬蘭做咩...留幾耐之類哥d問題~一出到黎....唔通呢班機d人淨係轉機用既???勁少人出境......同埋7點呢個時間機場超級少人




出芬蘭市區無電車火車既~得的士同埋巴士~巴士有兩種...一種係Finnair機場巴士另一種係普通615號....機場巴士快d但貴d....不過都係快615號5-10分鐘....所以搭平d哥個都無咩所謂~~~兩種既終點站都係Helsinki火車站~一出去搵巴士站....wow....好凍~~~~得2度~~~~行到12號巴士站就有615搭~




有埋自助售票機~~不過玩左好耐先識用~~~€5=43.5hkd一個人~大約30-40分鐘出到市區~





巴士站有埋時間表~不妨影定回程時用~




真係幾凍~~~好彩有太陽~~~我地等巴士哥10幾分鐘...可以全部站一個人都無~~~




去機場既巴士..但係又係無地方放行李架喎~~好彩我無大型行李跟身je~~~~(一上車d團友就昏昏欲睡~~)




好喇~到左Helsinki火車站~




周圍影下~同埋我地係機場攞左地圖諗住同圍行下~





星期日早上的赫爾辛基~清靜~





第一個景點就係同火車站5分鐘左右距離既赫爾辛基主教座堂(Helsingin Tuomiokirkko)....曬到開唔到眼~


件風褸好sharp醒呀~~~~~



喂!好喇喎!!




點解d歐呀~雀呀~咁鐘意企係人地個頭頂?




跟住行到海邊~




黎到上次黎芬蘭旅行時都有黎過既碼頭~





佢有d市集~周圍行下~發現其中一檔d豆俾d麻雀起勢咁食~但檔主又唔會趕佢地走喎~




黎到另一邊既老農貿市場(Vanha Kauppahalli)...因為之前黎係呢個街市入邊有蔬果賣有熟食賣~其中一檔有龍蝦包的~點知行埋去一睇............佢星期日唔開.............................




好彩頭先個市集除左有紀念品同蔬果賣之外都仲有幾檔熟食既~~~~~





我地叫左幾個包一齊食~~有d係煙三文魚有d係熟既三文魚有個就加埋香草和檸檬汁~~~~3個包都好好味~~~~~三文魚超級的肥美~~~~~~~~~~~好有魚油香~~~每個€4.5=39.2hkd....而且我發覺整個北歐都好興食呢種Rye Bread...係咪裸麥黑麵包???我覺得幾好食喎




仲叫左個Lohikeitto~€7=59.5hkd...即係Creamy Salmon Soup....超級熱辣辣~超級多料~不過我想佢湯多d~凍冰冰的早上~飲一口熱湯真係幾開心~




阿sam係第二檔買左個漢堡餐食...佢話好好味~




我寫緊呢個blog時睇到呢張相之後.......表示想回到當時~~~~~~因為哥時旅行剛開始~~~~~~哥種超級興奮同放鬆既心情真係.....好正~~~~~~~~~~~~~




呢兩個人第一次黎芬蘭...出黎芬蘭市區一陣....忍唔住話:呢度好悶:目...(其實我都覺~)




又出黎商店街哥邊逛逛~




竟然行番入上次都有入過既手信店~~~有人好欣賞呢兩條魚~佢當時放左呢張相上網~竟然有人話以為佢真係攞左兩條真魚~~~~~~~~~~~~~~~~~~~~~~




由於星期日都有好多舖頭唔開門~所以都係隨便行行影影~件風褸真係好靚呀~~~




又行左一圈點到火車站~準備回機場~




係邊度落車~就係邊度上番車~見到嘛~12號巴士站~615巴士有飛機圖示~呢度無自助買車飛既機~所以直接上車向司機叔叔買好了~(司機叔叔叔超不友善)



(圖中巴士為614~並唔係我地要搭既615~純為俾大家睇下芬蘭巴士外貌~咁點解唔直接影615?咁如果大家上哂車得我一個影相架巴士開走左咁我點算喎~~~~~~~~~)



芬蘭市區最後兩張相~有癡漢偷影我等巴士呀野~~~~~~(內心感到一陣小鹿亂撞~)





番到黎芬蘭機場喇~禁區外無咩行~所以就早d入禁區坐下又好~行下又好~(係機場既廁所你會聽到小鳥的叫聲~好森林呀~)....過安檢哥時我身係一件金屬野都無...佢部機都bit我~~之後佢搜我一次身之後攞張試紙抹我隻手...跟住攞同一張試紙high埋我褲頭......之後放入一部機做測試~部機check完無事就放我走.....er....其實佢想測試我個身有咩呀????




點知入到去~都係無咩行~




我最想行就係呢間~~~~~既然小肥肥一族係生於芬蘭~無理由唔去拜訪下佢地架~~~~~




但最後結論:其實出精品既精美度同埋引人購買方面佢又真係唔夠日本黎~




最出色係呢幾隻~應該係幫自己按摩哥d~個樣好醜~我好鐘意~




行另外一間賣野食既紀念品店精神d~~~~呢個泡茶方便裝幾得意~~隨時隨地都可以泡~因為可以直接倒熱水入袋~一次可以有兩杯~





呢個好吸睛呀~~~~~~焦糖夾心窩夫~~~另外仲有一隻係蜜糖夾心窩夫~~~~~之前大比話見到網上有代購賣緊呢隻~不過唔係來自芬蘭~係來自丹麥~





見有細盒的~~即場買黎試試~~~~~一盒好似有4小包~每包有3大塊~




鐘意食焦糖的~~真係不能錯過~~~中間的厚焦糖被脆脆的窩夫夾住~一吃就覺得自己活在幸福中~(好誇張)....連毛寶咁怕食甜野都話覺得好食~




臨上機前~整多個包先~







2015/11/10的開心事:
事隔兩日~我又可以見到你*3*
***************************************
唔知大家有無睇Do姐呢?????
我覺得幾好睇喎~~~有可能佢介紹d豪野唔岩我去~
但睇佢同農夫既互動真係笑到我就黎反艇~~~~
好好笑~~好期待今晚再睇~
陸永話:我覺得得Do姐對我有d野~~~~~



報時:距離台北跨年倒數之旅2015仲有---55日~
報時:距離南美洲4國新奇探險之旅2016仲有---99日~
雙位數!!!!今個星期要做野喇~~~~

44 則留言:

  1. 你講到咁好食,呢個窩夫我都有興趣試下。

    回覆刪除
  2. 尋日睇完準備篇!我已經準備好了~~yoyoyo跟著你t blog~~出發!

    回覆刪除
    回覆
    1. 係!件衫真係好靚~個女仔著得好靚!
      你同毛d想真係好靚丫~~~
      周六又可以見到你了。。滿心歡喜~~

      刪除
    2. 野~~~好衰架~~~
      唔知我地幾時可以再一齊去旅行呢~我好想7公一齊去~

      刪除
    3. 我都好開心呀~~~我都有期待哥日~~~~~~~
      野~~~~讚人既~~~~

      刪除
  3. 一開波啲相已經好靚,期待

    回覆刪除
  4. d 三文魚包好吸引,仲要唔貴,呢d款包在HK賣就貴囉
    好期待明天嘅blog ^^
    係呀,我份人都幾八卦架,一有朋友講開旅行嘢我就會八八卦卦咁幫佢留意吓有咩資訊,我又留意到今期果本旅遊書-新假期,呢期介紹台北人氣火煱,你睇咗未呀...

    回覆刪除
    回覆
    1. d三文魚好正呀~~~好肥呀真係同我一樣~~~
      野~~~好衰架~~~期待人地既~~怕醜~~~(掩面而逃)
      其實我都好鐘意睇d平機票網頁~得閒幫人留意埋~~~
      咦~~~係咩~~~我媽應該有買~~我睇下先~

      刪除
  5. 妳好似包包面喎~~~~
    飛機餐好似麻麻哋~~~~
    妳食個果麥包煙三文魚好好食咁喎
    窩夫我至愛~~~

    回覆刪除
    回覆
    1. 唔係好似啦~~~直頭啦~~~
      係早餐衰d~晚餐其實ok~
      好味呀同我一樣咁肥美~
      如果香港有值得買黎一試~

      刪除
  6. 泡茶方便裝,好盞鬼,又方便﹗

    回覆刪除
    回覆
    1. 另外有一種係沖咖啡的~都幾好~仲要係有唔同產地的~

      刪除
  7. 係機上睇日出真係好靚喎

    回覆刪除
  8. 我吃飽回家★☾°¨✫好友♦º✬瞓覺豬了⊹*¨☁甜夢安睡
    ✾¤º°¨- ҈ -ღೋ۩۞۩ஜ◇┈ೋ✱❤Ϡ₡۩۞۩ഐ❉Zzz

    回覆刪除
  9. 好長呀篇blog好開心呀heheee
    期待之後更多靚相呀
    我都已經旅行癮發作了 好想再買機票飛呀飛呀

    回覆刪除
    回覆
    1. 哈哈~原來大家都愛看長篇~~~
      希望唔會令大家失望~
      唉~成日見到d平機票......個心好痕~

      刪除
  10. yeah, 小t相片加左字喇, 仲加到好有藝術美添, 讚!
    helsinki d景點真係好快行晒

    回覆刪除
    回覆
    1. 多謝你既推介呀~~~不過呢批係用手機加的~因為用手機影哥d我用手機加~相機的就用你推介哥個加~~~~好方便可以一次整好多張!!再三多謝你既推介~~~~~~*3*錫哂你~
      不過我地又懶既~無咩行去遠地方~

      刪除
  11. 你寫blog寫得很用心,雖然是長篇了點但也不覺怎悶啊,而你說你的英文不大好,那你是謙遜了罷!

    回覆刪除
    回覆
    1. 好多謝你既讚賞呀~大家睇得開心我都好開心~~
      er....唔係呀...我d英文真係麻麻~

      刪除
  12. 正常正常 XD !
    我都鍾意食麵包㗎,我女女都去過芬蘭睇光,但係我冇睇過啲相,你們嘅一定好正,多謝妳。

    回覆刪除
    回覆
    1. 哈哈~~~~
      我都鐘意呀~~尤其麵包加牛油真係不得了~~最好個包熱既...咁我唔使要其他野架喇~~
      問你女女攞黎睇下嘛~~~~~

      刪除
  13. 睇你寫blog最開心之處係可以好投入,直情好似跟埋你去一樣,心情興奮又有啲緊張XXD
    有冇外國人會以為你地係三姐妹?個髮型同樣都似....
    賣野食果個market我都有去過喎,好似去親赫爾辛基都必遊~~~~
    焦糖夾心窩夫唔知HK有冇人見過有得賣呢?

    回覆刪除
    回覆
    1. 件風褸真係好靚呀<===喱輯想覺得最靚係喱張,又係似時裝雜誌相
      p.s.忘了提下個袋裝茶壺,如果去露營我諗係幾方便嘅

      刪除
    2. 野~~~~好衰架~~~讚人既~~~~~~~~查實我自己有時睇完~都覺得好似去多次旅行咁~
      其實真係有~~~哈哈~~我同佢地個樣唔似~佢地靚d~
      係啦~~~我之前跟團又係有黎過~~~~~~我諗去親赫爾辛基既都會去~
      我淨係知澳門有人代購咋~香港有真係唔奇~~香港咩都有哥下好嘛~

      刪除
    3. 但無模特個身型咁脹~~~~~~wakakakaka~
      我有買黎俾人做手信囉~幾得意呀~

      刪除
  14. 睇小t寫卜有種一齊去嘅感覺,我覺得我就係你每次帶去嘅毛公仔咁.
    仲有,你件風褸真係好靚,再重覆多幾次.........件風褸真係好靚.......件風褸真係好靚......

    回覆刪除
    回覆
    1. 呀~~~~你係阿寶呀~~~好可愛呀~~~~~~~~*3*
      我都覺得件風褸好靚好靚好靚!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
      勁欣賞!!好彩係日本有買咋~

      刪除
  15. 回覆
    1. 我都覺得好靚~好彩係日本有買~~~

      刪除
  16. 最開心是同一大班朋友去玩囉~~~~
    D飛機餐唔錯喎!
    芬蘭風景很美。

    回覆刪除
    回覆
    1. 咁又係~~~同佢地一齊去旅行又真係幾開心既~
      係早餐差d~晚餐ok~
      不過好悶~

      刪除
  17. 小t張風褸相好似賣緊廣告咁,好正~

    回覆刪除
    回覆
    1. 另外小t原來係澳門人,真羨慕,正苦年年送你一張雞票⋯

      刪除
    2. 我都愛呢件風褸~好sharp醒~

      刪除
    3. 茅錯~我是澳門不折不扣的一個傻婆~

      刪除
  18. 哈哈, 而家唔洗返工, 好似失哂魂..連追開你個BLOG都唔記得左上黎睇.... 我個靈魂唔知去左邊呀><

    我都係成日帶左隻公仔, 淨係開頭出現渣, 跟住就唔見左..不過我仲會載佢地去旅行, 希望下次可以影多啲靚相。

    你地都幾好吖, 可以去埋芬蘭, 起碼叫去過嘛~~

    小肥肥一族我都好鐘意, 但係日本個啲好貴.... 貴到我都唔敢埋去睇呢~~
    我都有睇DO 姐呀, 我係佢個小FANS, 日日都聽佢收音機節目添~~

    回覆刪除
    回覆
    1. 唉~岩岩去完旅行咪休息下先囉~慢慢再上黎~~~~
      wakakakakak~我都係~~有時影完個景影完自己~又懶攞佢出黎影~~~
      假去咋~出去食少少野~費事係機場咁悶~
      但日本哥d真係靚好多~
      你就好啦~我坐counter無得聽~

      刪除