2015年9月26日 星期六

關西哈利波特之旅2015-06-28第八天(晴天)

野野野~~~~終於到左呢日~~我想左好諗既呢日~~~儘管噚日番工唔係幾順利...一日做番哂前四日既野~~但我還是很利害的挺過來了~~~~~~~~噚晚放工仲同媽媽去左食提早的中秋節飯~~~~~好好味好開心~~一家人最緊要團團圓圓~~~番到屋企我其實係差執番個背包架咋...但都執左好耐呢~~~好興奮好興奮!!!!今晚凌晨機!!!!依家好大雨...希望因間出碼頭時唔好落雨啦~~~



2015-06-27

Day 8(日本,大阪 Japan,Osaka->香港 Hong Kong->澳門 Macau)
好喇~要走喇~~~~~~之前第二日哥時講過~我地酒店既斜對面就有個機場巴士站~好近的~不過呢~就無得預約或者先買飛~要當天先可以係自助機購買~所以我地呢日一早出發~我記得我地好似搭7點幾左右既車~





好似大約一個鐘就到左機場~~~~關西空港~~




第一件事就係想放低左d行李先繼續我地最後一個行程~本身想放係Locker的....但發現原來有人幫你放存放好哥種都係差唔多價錢~(不過要留意佢係以件數以及行李大小計...如果你有gip再加一件hand carry既話就要收你兩件錢~咁就Locker會抵d~)..佢營業時間係07:00-21:00....俾一個價錢就可以放到佢收工前為止~舉例我哥個gip都係收中型既價錢~620円=38.8hkd~我覺得ok~





如果租Locker就係咁囉~都抵既~大哥d一日先600円=37.6hkd......如果你一人除左gip仲有隨身行李咁就抵d~另外有3個鐘既Locker~




放低行李其實我地呢日既行程就係要去Rinku Premium Outlets喇~~~網址.....由於佢係機場有Sky Shuttle巴士可以去到~所以d人就鐘意最尾一日臨走去或者第一日早機到時就去左先~係12號牌度等上車~~~~~




平日同假日巴士班次有唔同架~同埋都幾多人搭下!!要自己預時間喇!!!!大約單程搭23分鐘左右~~記得唔好買到忘記番機場check in~~~~平日一個鐘得一班車架咋~之前睇舊年既旅遊書仔仲係大人車費100円=6.3hkd的~依家已經係大人200円=12.5hkd...雖然都唔算貴..但加幅係百分之一百~




到左之後記得睇埋回程有幾點鐘既車番機場呀~




到左喇~呢日幾好天喎~日本d outlet裝修都大同小異~通常都係比較歐陸風~







咦~原來係Rinku Premium Outlets過對面就係Seacle Outlet Mall喎~因為認得佢個摩天輪~




個outlet仲望到海架~~好靚~~我諗起沖繩呀~~~




揸哂地圖第一站要去既係:美食廣場食野先~因為當人人開始瘋血拼時...我地就揀個無人食飯既時間食飯~咁先唔怕同人逼嘛~





海鮮3色丼....980円=61.3hkd...好平...但唔好食




海鮮蕃茄意粉....750円=47hkd.....都幾平~正常味道~




牛丼....570円=35.7hkd......夠熱又夠好味!!!!讚!!!!仲好平~




食飽飽就行呀行呀行....有人好鐘意既Beams呀~~~平時我都有影人衝入去既畫面~今次快到人影都唔見埋~~~~前半段行Outlet我勁眼訓...我坐左係出面d櫈等d女仔睇衫(我好似d男人陪女人行街買衫咁)...我仲要坐係度訓著埋~(可能諗起自己係日本番到澳門第二日就要番工...另外兩位團友都係繼續放假)......到後段精神哂~因為.....我買左件雪褸去冰島旅行時著!!!!!!!!!




回程車買左個Family Mart既三文治加呢支乳酸飲品~三文治唔使講啦~~超好味~呢支乳酸味飲品都係一絕!!下次去再飲~




去到機場攞番行李~將件雪褸放埋入去~臨check前見有磅試下磅....明明個gip好重喎!!得21kg???我以為個磅壞...點知過航空公司時都係21kg......等我仲買左25kg添~~~




check完in又諗住搵野食...點知原來關西空港超多野買!!!!!!!!超多賣衫店舖!!!!!超好買!!!!!!!早知預多d時間係度睇!!!




買完一輪又搵野食~~揀左呢間~




一見季節限定我就忍唔住叫~~~豚肉定食...1,180円=73.9hkd...不過d豚肉超厚超鞋..好失望...好掛住沖繩d豚肉呢!




貞叫的西京燒銀鱈魚定食...980円=61.3hkd....好味就幾好味既~不過舊魚好細舊~貞你真係好鐘意食西京燒銀鱈魚呢~其實我都好鐘意~




毛寶叫的才是王道呢!!天然紅鮭茶漬飯定食...880円=55.1hkd...好抵食~~而且我食過好好味呢~




入到禁區又係另一個迷暈陣~有個女仔又敗左係duty free~~~我就俾一個白之戀人既白朱古力雪糕吸左去既...但就快上機...唔夠時間買放棄了.......................




關西空港都好大呢~~~~~~~~而且都幾靚~




我地搭Jet Star Japan既GK63號班機...17:20由日本大阪直飛番香港~




拜拜~~大阪~~下次再黎~~~~~~~~~我好唔捨得呀~~~




我真係好鐘意坐窗口位架~成日劃位都揀窗口位架~~~好靚呀個天~








有無人會好似我咁影埋片???我真係好鐘意坐飛機望窗~d雲好靚~可以打發我好多時間~~~




咁岩線影埋日落景~~~好靚~





番到香港上空8點左右~~~~~差唔多黑齊~~~一落機喪跑!!!!因為大約20:15落到機~~~要趕到20:30前買到21:30由香港機場回澳門的船飛~~~(因少於一小時唔俾買..呢班係最後一班...買到就慘喇..要自己抽行李出港澳碼頭再搭船~).....好彩最後俾我地跑到~~~~~~~舒舒服服番澳門~~~




hehe~~介紹下先~我係columbia outlet既收獲~~~~買左件新出既雪褸同埋風褸~~~勁靚呀d花!!!!!!!!因為係堀江哥時都有行columbia既專門店..但完全無呢兩個款!!!勁靚!!!!




件雪褸會今次著去冰島~~~~~~勁醒目~~~好似要$3xxxhkd....唔好問我喇~~~隻色唔會係澳門搵到~~~唔理幾錢喇~~~好民族呀d色~~~~




呢件風褸d色又係勁靚~~唔使400hkd~~~~~好抵~~




我番黎哥時我媽就出發去左大阪玩~係呀~我地前後腳去~我媽仲要有買禮物送我~這個超靚的田崎真殊頸鏈~~~謝媽媽~~~~~*3*





我媽還帶了個超甜的日本蜜瓜回來~~~~~~~真的超甜~~




然後我媽的團也有到訪哈波的世界~~~我跟我媽說:媽媽~我買漏了哈波的圍巾和哈波的領呔~~~~~~~~~(我突然覺得我很奸~~~)....哎呀~~~成套造型都係哂度喇~~~~~~我真係好想變身成為哈波喇~~~





總結:

1.使費:1,254hkd(特價機票)+2,562.3hkd(酒店)+186hkd(保險..我買左一年旅遊保..平均除開)+404hkd(船飛)+20,000hkd(食買玩交通)=24420.3hkd...8日呢個價都算靚既~
2.同8年前既印象一樣......關西既人...就真係...比較無禮貌..認真的.........係真係超無禮貌哥種...好難相信係日本有d咁既服務~
3.今次係為左去哈利既世界而去大阪的~~~真係無令我失望~~希望好快再有機會投入哈波的世界~~~~好多謝毛寶和貞陪我一齊癲~~~
4.好耐未試過去咁多日日本~仲要番黎第二日就要番工~仲係3個入面得我一個第二日要番工~~~~~
5.關西都有好多地方好好玩~但毛寶說如果想買野~都係東京多款d~.....但係如果同屋企人一齊去~我就覺得關西會好d喇~因為有景睇又有野買~(雖然無東京咁多野買~)
~The End~
~多謝收看~





2015/09/26的開心事:

梗係出發去旅行啦~~~仲使講既!!!!!!
番左工之後第一次放咁耐假咋!!!!
放一個月~~~~~~~~足足30日~~~~
我要好好的放鬆和去玩~~~yeah~~~~~



報時:距離冰島格陵蘭自由行之旅2015仲有---0日~

報時:距離台北跨年倒數之旅2015仲有---97日~
報時:距離南美洲4國新奇探險之旅2016仲有---139日~
天呀~~~~~~~~~~我因間就會搭機場船過香港~~
開展我地呢個25天既冰島格陵蘭之旅~~
希望樣樣都順順利利!!!!
希望睇到極光~希望冰島同格陵蘭都睇到~~(會太貪心嗎?)
希望大家都平安大吉身體健康~~
希望.........大家都會有少少的想我~(我真的很貪心~)
預祝大家中秋節快樂~國慶快樂~
一家人團團圓圓~~~~~
想大家呢~遲d見~~~~~~~~~~~~~~~~~~~~~~~~~~~~
要等我呀~

46 則留言:

  1. 一個月後再見^^
    件雪褸正呀,去到冰島格陵蘭影相一定最sharp係你

    回覆刪除
    回覆
    1. happy完返來未呀,有冇見到冰山^^

      刪除
    2. 依家已經一個月後喇~~過得實在太快~~~
      hehe~~使講~

      刪除
    3. 番黎喇番黎喇~~~~
      有呀~~

      刪除
  2. 過來香港坐機出發,香港現在好大雨,希望無影響到你,去25日咁多好開心呀,我咁大個女都未試過去咁長的旅行,太羡慕你啦,你回來又到我出發,祝你旅途愉快﹗見到今年超級大月亮﹗及極光﹗

    回覆刪除
    回覆
    1. 好彩又無咩野~~~因為我上左船就唔會係室外~所以都無咩影響既~~
      我都係第一次去咁長咋~~~~~
      多謝你既祝福~~~~
      我都祝你旅途愉快

      刪除
  3. 個 outlet 風景都好正!牛丼好平好抵食。
    中秋節愉快!

    回覆刪除
  4. 好友♦・゚☼早晨&午安*☁`☀快樂星期六
    - ҈ -•*¨¤齊齊❉*´¨⊹開心萬事得 ೋ✱。Ѽ
    ┏┓┏┓。・゚゚・。。゚♥
    ┃┗┛ a Ρpy⊹中秋節
    ┃┏┓┃❥・゚♡
    ┗┛┗┛❤*¨`*•❣ღ
      *゚*°•♩¤。♪.♬。•:。⊹♫*。.•:。
    ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı
    Ϡ₡۩۞۩ഐ۩۞۩Ϡ₡

    回覆刪除
    回覆
    1. 多謝多謝~~~
      我都希望你開心快樂~~

      刪除
  5. 齊齊節曰◇。゚窩心錫錫又快樂抱抱享受幸福開心人生
    小t 你╠ ╣ a Ρpy去旅遊°¨玩得開心°¨番黎再見喇喂

    回覆刪除
  6. 兩母女前後腳去旅遊...仲要有買禮物送你
    媽媽真可愛呢...這個超靚的田崎真殊頸鏈

    回覆刪除
  7. 中秋節快樂 ! Have a great trip

    回覆刪除
    回覆
    1. 多謝你呀~~~~~
      我今次玩得開心呀~~~~

      刪除
  8. 玩得開心啲,祝心想事成

    回覆刪除
  9. columbia件褸靚呀)))))有點YAMA GIRL 感覺^^
    25日咁耐......一切順順利利,影多D靚相呀

    回覆刪除
    回覆
    1. 係呀係呀~~我都覺得係呀~~~~
      多謝你地~~我今次玩得好開心呀~~~

      刪除
  10. 開開心心去享受假期啦!
    呢篇關西大板遊寫得超好睇呀!

    回覆刪除
    回覆
    1. 好多謝你呀~~~今次真係好開心~~~
      0我~多謝你既讚賞~~~

      刪除
  11. 哈哈哈, 小T 你玩得開心D, 不過你隻雪褸好薄咁喎, 你裡頭要著多D衫了. 那裡應該得幾度, 你自己小心身體,話哂係長時間去咁冷的地方.

    回覆刪除
    回覆
    1. 我有呀~裏面我再加野架~~放心~~~~我去格陵蘭負10度~~都幾凍~~我第一次去咁凍既地方~~~
      好開心呀我~

      刪除
  12. 好友♦・゚☼早晨&午安*☁`☀快樂星期曰
    ・゚齊齊.✿2Ѽ15❀團圓╠ ╣ a Ρpy歡欣
    ╔════ ೋ•*¨ღೋ♦ ════╗¸„ø¤º°¨ƸӜƷ
    ❀█▄█.█▀█.█▀█.█▀█.█▄█•°♬。・゚♫*¨❀
    ✿█▀█.█▀█.█▀▀.█▀▀.─█_⊹中秋節・♪♩•*✿
    ╚════ ೋ♦•*¨ღೋ ════╝¸„ø¤º°¨ʚïɞ
    (。◕ヮ^)つ━- ҈ -*時刻開 ❤ 萬事得♡*¨`*❣♥

    回覆刪除
  13. 點解你次次啲機票都可以平得咁緊要架!!! 大板機場超正喎, 有咁多野可以買~~
    冰島之旅一路順風~~~

    回覆刪除
    回覆
    1. 今次諗住6月去..點知年頭見有平機票即搶!!!!又擔到喎~hehe~咁好彩咋~
      我都覺得好正~好多平野買~
      多謝~

      刪除
  14. $400件褸堅抵喎.....1個月後見啦....

    回覆刪除
  15. 祝旅途愉快!心想事成。

    回覆刪除
  16. 一個月後見,祝你旅途愉快,睇到極光 (給力)

    回覆刪除
    回覆
    1. 好多謝大家既祝福~~~~我番左黎喇~

      刪除
  17. 我番左香港抖左一排喇, 過o黎話聲妳知我等著妳回來呀 ^^ 有人掛住o既感覺係咪好好呢?
    祝妳旅程順利愉快, 之前兩日我個極光app都彈晒alert出o黎呀, 有成kp5, 希望妳個trip可以影到靚靚極光相 ^^

    回覆刪除
    回覆
    1. 係啦梗係~多謝你~我成日都有睇你個fb專頁架~見到你見到北極熊都即刻俾毛寶睇:venus見到北極熊~~~~
      今次真係玩得勁開心~~~~~~~又一難忘旅程~

      刪除
  18. 小t祝妳旅途愉快,等妳嘅遊記啊!

    回覆刪除
    回覆
    1. 好多謝大家既祝福~~~~我番左黎喇~

      刪除
  19. Hi 小T!我終於可以留言比妳喇!有冇影到靓極光呀!祝妳旅途愉快!!

    回覆刪除
    回覆
    1. 好多謝大家既祝福~~~~我番左黎喇~

      刪除
  20. 小t, 我又黎你度睇你啲blog plan 行程呀~~我等緊你返黎睇你個冰島之旅呀~~^^

    回覆刪除
    回覆
    1. 我努力排相中~~~~~~~希望快d出到~~~
      多謝你黎我個blog plan行程呢^^

      刪除
  21. 今日19號祝你生日快樂、身體健康、心想事成、夢想成真、吃得肥肥白白。

    回覆刪除
    回覆
    1. 好多謝你呀~~~仲記得我生日~~~感動ing~~~
      好多謝大家既祝福~~~~我番左黎喇~

      刪除
  22. 係米。。周一先復工丫😗?

    回覆刪除