2015年9月9日 星期三

關西哈利波特之旅2015-06-25第五天Part 5(晴天)

今日呀~今日又真係無咩特別喎~~~~~淨係個心情仍然在頂尖囉~~~~~~~我好想快d去旅行呀~~~~~~心已飛走~~~~~~



2015-06-25
Day 5---Part 5(日本,大阪 Japan,Osaka->京都 Kyoto)
好喇好喇~~~搭左車黎嵐山玩左一陣都成兩點幾喇~~~乖喇要去搵地方食飯喇~~~今次呢~無睇書仔搵食呀~諗住憑記憶帶貞去食一間豆腐料理專門店既食店食~因為哥度個景好靚架~~~室外位可以到渡月橋哥條河食飯架~~~同埋貞又愛食豆腐喎~點知行到去門口.........冷風一吹....哥間野執左~好彩隔離都有一間食豆腐料理既je~~~~~地址:京都市佑京區嵐水渡月橋北詰西二軒木.....網址
呢間原來係老店黎架~我上網睇呢~同佢隔離相鄰哥間食蕎麥麵專門店黎架~哥間坐2樓都可以望住條橋食飯架~好靚!




侍應姐姐帶我地去坐.....有好幾part望唔同景既房架~有d望內園景....我地呢日坐既係呢度!!講真!!好靚~~~~~~前面個景哥度就係無玻璃的~~~~左邊望景哥邊就有玻璃的~所以幾熱都係照樣有冷氣~但又可以懶係坐緊室外咁~~~~好舒服~(我地一入去哥時好多人食緊~呢張相係我地食完哥時d人走哂我先影的~)




我覺得得佢砌到個庭園好靚!!!!!




呢個去廁所時望到既另一個內園景~我鐘意我地哥邊多d~




拿~唔好怕開口問~因為又真係有中文餐牌架~好似有3款餐~我地咁岩有3個人~咁由平到貴都叫黎試試吧~~~~~雅:2,000円(稅拔)=125.2hkd....前菜,小菜,豆漿,煮豆腐,雛魚飯,京味醬菜




宴:2,800円(稅拔)=175.3hkd.....前菜,小菜,豆漿,蔬菜天婦羅拼盤,煮豆腐,雛魚飯,京味醬菜




松之竹:3,500円(稅拔)=219.1hkd....前菜,京都家常菜(京都一品),豆漿,天婦羅拼盤,煮豆腐,蒸籠蕎麥麵(冷),蕎麥湯,甜品

簡單黎講最平哥個同中價哥個基本上一樣...係中價哥個多左個蔬菜天婦羅拼盤.....最貴哥個同中價哥個比較就小菜變左做京都家常菜~蔬菜天婦羅拼盤變做有蝦既天婦羅拼盤....雛魚飯加京味醬菜變做蒸籠蕎麥麵(冷)同埋蕎麥湯~同埋得貴餐有甜品~



要黎食煮豆腐呢款料理點既醬汁~




前菜~3樣都勁好食~~右邊既係腐皮~中間個味噌麻糬勁好味!!!!!!左邊哥個好得意的...請睇下一幅相~




夾起佢覺得好得意~~~~呈T字型~而且外面有一層透明野包住~第一次食~~好得意~




小菜...唔錯~




京都家常菜~唔記得係咩~但應該係好味的~




豆漿....好好味!!超香豆味!




煮豆腐~可以揀冷豆腐或者好似火鍋咁熱食~我地揀左兩熱一凍~白色哥邊係普通豆腐...綠色係綠茶味的~我本身幾期待食綠茶味的~但又唔係好食得出喎~而且凍豆腐質地都幾鞋十十...唔係幾鐘意~(綠茶豆腐又比普通豆腐鞋多兩倍)




熱食的煮豆腐~好靚~棋盤咁~~~熱食好好多~唔知點解滑超多~~~~~~~





(上圖)蔬菜天婦羅拼盤.....(下圖)天婦羅拼盤.......佢d天婦羅做得唔錯~幾好味~





雛魚飯加京味醬菜....呢個飯超級的香魚仔味!!!!而且好得意喎...食落唔知咬左d咩....個口會麻麻地~~~~~但真係好味~醬菜很很很出色!!





蒸籠蕎麥麵(冷)加蕎麥湯.....蕎麥麵好正~~~同埋佢地真係好鐘意食哥d灼完蕎麥麵d湯架喎~話好有益~(其實食到呢個我個肚就黎爆開~)





貴餐個甜品~~~~個球雪糕好正~~~有d好細既果仁碎係入面~~~~~~仲有哥條餅乾條超超超好味!!!!硬硬的~有黑糖味~

估唔到食豆腐都可以咁飽....不過煮豆腐哥度好難食得哂~~~因為食黎食去都係豆腐好鬼悶~不過體驗左特色餐~鐘意食豆腐料理既朋友不妨一試~



臨走見到收銀哥度有頭先雪糕上的硬餅乾賣~~~二話不說~~即買~~250円=15.7hkd...唔算平唔算貴但真係好好食~




多謝毛寶幫我地拍了張有意境的美照~







2015/09/09的開心事:
由於噚晚答中左老闆既問答題~
贏得3包大大大薯片...
我真係覺得好~開~心~~~~
多謝老闆~~~~~~~~~~~~~~~~~~~~~~~~~~~



報時:距離冰島格陵蘭自由行之旅2015仲有---18日~
報時:距離台北跨年倒數之旅2015仲有---112日~
報時:距離南美洲4國新奇探險之旅2016仲有---156日~

26 則留言:

  1. 個花園都好靚,食完有冇落去散吓步當消化下?(你話食到個肚就黎爆開,有啲驚XXD)
    張黑白相好有意境

    回覆刪除
    回覆
    1. 無呀~我諗應該唔俾行出去~~~哈哈~~其實我地公子食飯成日都係咁架~
      毛寶影得好~

      刪除
  2. 好後悔冇去京都呀 好靚好靚 呢個成為我下次去大阪既動力同目標 hehe

    回覆刪除
    回覆
    1. 都唔錯呀~我地都玩得好開心~不過可惜我地有一個景點去唔到~

      刪除
  3. 你都夠飽???唔係呱???我都鍾意食豆腐......

    回覆刪除
    回覆
    1. 真係堅飽~因為除左豆腐其他野都好重料~~

      刪除
  4. 我都好期待生日果日過澳門食嘢~~~
    妳仲食咁多薯片

    回覆刪除
    回覆
    1. 下~你生日會過黎呀~會食咩好野呀~
      我無食~我收埋左je~

      刪除
    2. 仲咩咁大反應呀、我諗住同我成日去食野同事四圍食下街邊嘢、同去MGM食自助餐。

      刪除
  5. 好友✫☾.•*☁good night 甜夢✬*¨★
    我精神番哂Ѽ*。又來天天忙樂噃*◇
    ・゚゚❦今天冇時間上網回覆大家喇喂

    回覆刪除
    回覆
    1. 做咩事咁忙呀今日~出去玩呀~

      刪除
  6. 我最鍾意食日本的豆腐﹗

    回覆刪除
    回覆
    1. 水煮哥個係唔錯既~不過凍食哥個一般~

      刪除
  7. 18日^^^^^^^^^^
    連續三日都有出blog~好勤力嘅t!!!
    多謝你為左要係旅行前完成大阪哈波blog丫~~aini~

    回覆刪除
    回覆
    1. 好緊張呀我~~~
      係呀我呢個禮拜真係超勤力~~
      其實係之前懶得太多~

      刪除
  8. 豆腐料理我都食過2次,食完都覺得好飽同埋覺得唔多啱我食....

    回覆刪除
    回覆
    1. 係啦~我諗我下次都唔會食lu~因為我真係麻麻~不過叫食過下特色餐啦~咩都試下嘛~

      刪除
  9. 餐廳內的園景好靚!
    豆腐料理唔錯。
    最後一張照片,好似五、六十年代的日本劇照。

    回覆刪除
    回覆
    1. 係呀好靚~
      都ok~不過試過一次就算lu~
      哈哈~~唔通我地咁似日本妹妹~

      刪除
  10. 小T,請問最近上blog有無問題?我好多時都上吾到﹗

    回覆刪除
  11. 你有買到餅乾條,咪可以扮晒野整特色甜品俾家中靚女食咯。

    回覆刪除