2015年9月15日 星期二

關西哈利波特之旅2015-06-25第五天Part 8(晴天)

噚晚無啦啦訓到4點又頭痛痛醒.....起身啪兩粒必理痛再訓....坐係度等到個頭無咁痛諗住再訓.....點知好似飲左咖啡咁個心跳得好快......所以4點到8點......我完全訓唔到....咁就直接去上班了~~~~~~~~~~~~~~~真刺激~我今晚要早d訓先得~



2015-06-25
Day 5---Part 8(日本,大阪 Japan,Osaka->京都 Kyoto)
左揀右揀.....終於揀左要食呢間卯柳喇~揀呢間一黎佢有燈籠掛住有鴨川納涼床啦~二黎....其實係之前有好多間都想食...但無哂位....三黎就係呢間係食懷石料理架!!我未食過~




納涼床不大~(記得你要坐納涼床呢個動作已經係要另加收費用架喇~)




但咁好彩我地坐到靠近鴨川既位可以慢慢望~幾舒服~好彩唔算太熱~~不過好多飛鵝既小昆蟲~





生啤....650円(稅拔)=40.7hkd




Kyoto Beer...800円(稅拔)=50.1hkd...味道幾得意~




其實佢餐牌得兩款懷石料理揀架咋.....先斗町懷石...7,000円(稅拔)=438.2hkd.....另一款係鴨川懷石....10,000円(稅拔)=626hkd.......我地諗住叫兩個7,000円的叫一個10,000円的試試...點知被告知全枱要叫同一個餐...................我地係咪好大鄉里呀?因為我真係唔知.........只怪我食野太少~咁梗係唔全部叫一萬円個餐啦!!!!好貴嘛!!!!@@"...所以我地3個都係叫左7,000円先斗町懷石




先上前菜~哥杯綠色野幾得意..甜甜酸酸咁~前菜都唔錯地幾好味~





跟住上刺身~好好味~好新鮮~不過個量極少~~~~前面個白身魚唔知係咩魚~有個好友善既侍應用日文答左我地係咩魚~但我地唔識聽~佢仲要有動作模仿條魚~




d餐具幾靚~~~~之後到溫物~話實在我係唔記得左呢個係咩~





跟住到燒物~好好味呀條魚!!!!!!!!!!!!!!!!!!




呢個唔記得係咩~黏黏地咁既~




之後係砟物...好味~




之後就上飯......同埋有麵豉湯...其實..個飯可以大少少...我係完全未飽肚............................




甜品是蕨餅~好味~蕨餅個質感軟軟黏黏的...好少女~




呢餐食左成27,620円(稅込)=1729hkd...每人要576.3hkd....講真....係食個風味囉....坐係鴨川納涼床喎!!食懷石料理喎!!食人地d服務喎!!.....佢真係等大家食完同一道菜先再上後面的...難怪成枱要叫同一個餐....可惜佢服務唔算實在太好...得個得意介紹魚類既侍應姐姐幾好人...其他都黑黑地面.........總括黎講...食左陣風...你問我會唔會再去食...我可以答你:唔會!!




最後忍唔住去佢隔離買左盒章魚燒解餓(好誇張)....300円=18.8hkd.......有4粒...但唔算好味~


呢日搭左6次巴士~張一日巴士飛賺哂啦~



番酒店前行下便利店~見到呢個凍食既杯麵幾得意~但無人支持我一齊試~




今晚既酒店係京都新阪急酒店New Hankyu Hotel Kyoto....一晚房價18,200円=1,136.3hkd..每人379.8hkd...唔算太平....但係位置好..就係京都駅巴士站對面~不過講真全酒店d服務人員面口超衰....係俾面色我睇衰到既程度我係用廣東話話番佢轉頭~(佢一臉疑惑的~)....大慨:睇下佢個表情衰到.......但房間就無野好講~一推門入內...好大~不過就有d舊喇~網址




買左3隻新味~~~~~~~~最好食都係左邊的Jagabee~~~







2015/09/15的開心事:
是你~~是你~~最開心就係見到你~~~~



報時:距離冰島格陵蘭自由行之旅2015仲有---11日~
報時:距離台北跨年倒數之旅2015仲有---108日~
報時:距離南美洲4國新奇探險之旅2016仲有---150日~

36 則留言:

  1. 你今日都有見到我喎~~我會對號入座架喎~~
    早早訓~~乖波~

    回覆刪除
    回覆
    1. 是你~是你~我開心的就是你~
      你都要早訓呀~今晚都要!!多d休息!!

      刪除
  2. Hi,又有一輪無留言喇,有無掛住我先^^
    前排搞好晒京阪神d机票,酒店及行程,呢排又搞緊出年4月名古屋+立山黑部+白川鄉自駕遊d行程,琴晚'部'住HK express 零晨推半價机票,好彩我想揀嘅日期都有半價,加埋税及加重回程行李$1,682埋單,好过無得平喇^^
    吓,乜d日本人唔係好好禮貌既咩,仲係服務行業,点得咁架,係咪歧视中國人先:(
    我想問吓咁四条原町站係咪有巴士去嵐山呀,我會住响呢個站附近

    回覆刪除
    回覆
    1. 梗有啦~~~~成日唔見左你~
      wow~~好有效率喎~~~~我都好想去立山黑部呀~~~~一定好靚架~~~不過仲未分配到時間去~~~~你會唔會放相上fb架?我都好想睇呀~~如果你唔介意你add我fb啦~~同我個blog個名一樣架~張相都一樣~等我都可以分享下你旅行d開心野~~~最叻係你買到平機票先係最醒~~~其實1682真係好抵~~~~~~
      其實我覺得關西d人既禮貌係差過東京同沖繩架囉...
      我地係嵐山黎呢度的~所以應該佢會有巴士去既...我俾個網站你丫...你打出發個站同埋到達哥個站佢會話你知有無車去或者搭咩車去~仲有埋時間添
      http://www.arukumachikyoto.jp/

      刪除
  3. 4點到8點訓唔到,好慘囉!
    夜景好正,可惜宇文公子不出鏡。
    先斗町懷石看落都很ok,但份量真是十分小。
    日本人趕客喎~~~~~

    回覆刪除
    回覆
    1. 係呀...真係好訓...想訓都訓唔到~~~
      哈哈~~黑夜戴黑超會俾人笑架~~~
      真的超少份量...完全唔夠飽~

      刪除
  4. 妳旅行病又嚟、仲有11日就去旅行喎。

    回覆刪除
    回覆
    1. 係囉...好似次次去旅行之前都係咁

      刪除
  5. 好慘呀 訓唔到又要去返工 :(
    小心身體呀baby

    回覆刪除
    回覆
    1. 知道~~~噚晚訓左覺靚既~今日好好多~~~

      刪除
  6. 我最想知道前菜裡那條綠好似一個 TICK, 又有淺色横紋的東西係乜來的, 食唔食得咖? 還是裝飾?

    回覆刪除
    回覆
    1. 食得架~~~佢用葉包住的~~~不過裏面係咩我就....唔係好記得~~~~我記性好差~~

      刪除
  7. 原來3人要叫同一個餐,我都唔知^^
    食風味有點貴,如果同大爺去,佢實媽媽XX.......
    馮係日清杯麵都值得一試

    回覆刪除
    回覆
    1. 係呀...想試一個貴少少都唔得....
      其實我都想媽媽xx..不過算啦...第一次去~~叫做試下囉~

      刪除
  8. 原來...這是納涼床
    曰本食野...真係好看

    回覆刪除
    回覆
    1. 係呀d野食放得好靚~不過份量太少

      刪除
  9. 你噚晚無啦啦訓到4點又頭痛,痛醒
    其實長時間食必理痛都唔係好方法...還心跳得咁快
    下次用熱毛巾放在面上...直到無咁痛...放到再訓番...不用來起熱毛巾
    或用退熱貼又得

    回覆刪除
    回覆
    1. 我都知呀....不過唔食又真係好痛...訓唔到...
      我其實訓之前都係用緊退熱貼~不過都係痛醒

      刪除
  10. ♦*¨*✫好友☾º°¨☁天天安睡甜夢呢★*¨✬
    你見周公子時⊹•・゚¨*◇我就預備去煲湯嚟

    回覆刪除
    回覆
    1. 好啦~去煲啖靚湯再覺覺豬啦~

      刪除
  11. 頭痛到痛醒,無理由會咁架,你要多留意,最好去檢查一下﹗好快就出發旅行,記得要帶藥,冰島好凍,要戴帽,吾好比風吹到個頭﹗

    回覆刪除
    回覆
    1. 知道~~我會帶定好多藥去傍身架喇~~~~~
      係~~~我會架喇~~

      刪除
  12. 日本人唔係不嬲有禮?乜衰咗咁多
    呢餐食落肚嘅都唔知係乜嚟?好似冇主菜……貞公子遠眺夜景幅相好有味道

    回覆刪除
    回覆
    1. 關西d人d禮貌係差d架我覺得...但東京同沖繩哥d超有禮貌~
      哈哈....我無記性記唔住食左d咩~~亦可能因為太細舊~食得唔清就記唔住~
      梗係有味道~我影架嘛~

      刪除
  13. 睇個餐就知唔會有下次....快啲好返去玩

    回覆刪除
    回覆
    1. 實在好難有下次...貴唔緊要...我最驚就係唔飽

      刪除
  14. 你要去旅行啦,多啲休息先

    回覆刪除
  15. 500幾蚊食呢餐好貴吓,主要因為食唔飽.完全係食環境氣氛.
    望吓個計時器,冰島格陵蘭之旅仲有11日就到喇!

    回覆刪除
    回覆
    1. 真係好貴呀...你知我平時食量架啦~~~點會夠飽~~~
      係呀~~~我依家又興奮又緊張~~

      刪除
  16. 4點到8點眼光光?咁有冇起身睇下書或者電視?
    懷石料理通常都係講求精緻,不過喱個份量又好似少咗啲,如果男士一定唔夠飽,佢係咪預人會灌好多啤酒?
    仲有個零禮拜就出發啦喎!!

    回覆刪除
    回覆
    1. 無呀~~因為我想儘快訓番~~~但一想...就8點了~~~
      我地3個都唔夠飽....唔好講男仔.......我地都有飲啦~~不過唔係狂飲je~~~
      係呀~~好緊張呀我~~~

      刪除
  17. 碟碟咁細碟,點食得飽呢!
    頭痛,睇醫生啦!知道咩野事好d嘅。

    回覆刪除
    回覆
    1. 係呀完全唔夠飽~~~
      之前睇過好多次架喇...都係話我偏頭痛...

      刪除
  18. 左邊既係sour cream onion ,中間係cream cheese ,右邊係牛油味。香港只有牛油味果款咋。

    回覆刪除
  19. 我未黎得切寫留言,你已經有下一篇喇~~
    個餐真係好少野食呀,好貴添呀,但叫做試下咁啦。。。

    點解個間酒店啲人咁衰架,你地又無得罪佢地!!!!
    你好返啲未呀???保重呀!

    回覆刪除