2015年9月17日 星期四

關西哈利波特之旅2015-06-26第六天Part 2(雨天)

我今日成朝都有噴喉痛露噴劑...同埋狂飲水....一朝就已經飲左成6-7杯水....但係成朝過後我feel到無咩好轉~~最後自己中午放工去左買消炎藥食~~我唔知原來依家消炎藥已經要成$60一盒!!!!!幾時都話...無錢就唔好病...原來係真的.....下午chlo仔俾左d羅漢果我沖水飲~有好少少~多謝chlo~



2015-06-26
Day 6---Part 2(日本,京都 Japan,Kyoto->大阪 Osaka)
好喇~我地行左咁耐都未食正餐架~~要坐低食下野先喇~~~因為之前上網睇定有間有蠔食既~~唔知原來佢係有得坐添既~~仲好~~~叫大安~~~地址:京都市中京區中魚屋町509......其實行到錦市場既尾尾就會見到佢~~~要留意的是星期三會休息~營業時間係12:00-20:00(L.O.19:30)....叔叔在門口努力的開蠔~~~~






餐牌有英文睇~~~~~




叫左杯可樂呷呷~~~300円(稅拔)=18.8hkd~~~凍冰冰好正~~




呢度有兩款蠔揀~這個是長崎縣產的~~~580円(稅拔)=36.3hkd/隻.....不便宜呢~(後黎番到澳門睇又覺得呢度食好平~




京都產的~~~~(我唔知原來京都都有出生蠔呢~~).....580円(稅拔)=36.3hkd/隻




兩隻都好好味~~~爽爽脆脆肚肥肥~~~~好彩唔係creamy哥隻~~~~雖然好好食~但我都係鐘意澳洲的pacific oyster多一點~尤其係哥次係tasmania某公路經過的某蠔場食到的仍是此生暫時食過最吃的~~~想回憶pacific oyster的請按我



貞不太吃的~都話今餐的生蠔不錯吃~



燒扇貝....600円(稅拔)=37.6hkd/隻.....價錢不便宜~但係都幾大隻...而且生熟度剛好~~唔怕鞋~~~好好味~~~值得~




其實我好開心我d朋友同我一樣咁癲~去旅行又唔計較食野既價錢~大家想食咩都會支持大家~~~~~~~(誤).......所以七公子出行食野可是超誇張的~~~(重點是我地可以吃光光~~)




燒大蜆.....680円(稅拔)=42.6hkd...由於覺得燒隻蜆都咁貴就問下佢到底大到點...佢用手大慨話我知有幾大....我又覺得唔係好大......諗緊叫唔叫好.....但大家都說:咩事je~貴都叫黎試下啦~(公子本色)...黎到......




侍應姐姐你做細左d喎.......真係好大隻喎!!!!!唔叫殼大...仲要爆肉喎!!!!!!!!!!!!!!!!!!!!!!!!!!!極鮮味!!!而且d燒左既蜆汁超好吃的!!!!!!!!!!!!!!!!!!!!!!!!!!!!!!!!!!!!!!!!!!!!!!!!!貴都值得叫黎食下喎~~~佢咁大隻厚肉都控制生熟度得咁好先令人佩服!!






又有叫燒魚食~呢條叫Ayu Yaki...500円(稅拔)=31.3hkd...好好味~~~以前細個覺得大魚啖啖肉好食~但依家大個左覺得小魚都好正~




另外仲叫左Saba Yaki.....780円(稅拔)=48.8hkd....好大條~但唔好食..好乾好鞋~




最後結尾的是燒蠔~780円(稅拔)=48.8hkd........救命~~超好食~~~~~~上層黏黏的好像是淮山蓉~~~下層的蠔燒得嫩嫩的~~~超正~~~~~~~~好想食多隻~




食飽飽又行多陣~錦市場有間賣零食既鋪頭~都幾多野賣架~我有d公司既手信都係呢度買架~都幾經濟實惠~




呢隻睇好多個blogger都說要買的呼吸朱古力~點解叫呼吸朱古力...我諗可能因為佢質感好輕柔~入口即溶又滑...食左等如無食咁解卦~~~~~~~~~~~~我買左綠茶味的~~~好好味呀~~




真係好羨慕人地d街市咁多野買~~~~~




落好大雨呀~假行完一陣商店街我地就走人了~




搭番巴士去酒店哥頭.....因為落太大雨.....所以求其走入一間商場度行下避下雨~我地本身諗住坐JR去伏見稻荷大社架....哥個有千鳥居哥個呢....我好想去的...但係點知我地坐係度等毛寶試鞋時我無啦啦睇番本書先知...原來佢開放時間到16:30...但哥時已經....16:00.......................噢...無緣去了~或者等我下一次再去啦~~~~~~咁就係商場行耐d啦~橫掂咁大雨~本身想睇下d行山野既~不過無咩岩~




最鐘意既扭蛋陣~~~~






呢部機好正~~~一影就可以影到360度既野~~~仲可以拉黎拉去唔同角度睇!!!!!我覺得幾得意~但唔知點解無買到~其實唔係好貴~(可能我都係覺得係外地買電器壞左既話唔知點算~)




之後去便利店Lawson買d野食坐係酒店大堂食~因為有d肚仔餓~個芝士腸超好味~~~~~左邊就係我地話哥d好好味既三文治~~~~~不過Lawson哥d貞話無咁好食~最好味都係Family Mart哥d~~~~~~~~~~~~~~~食飽飽我地就經地下街去到JR京都站踏上番大阪既歸途了~

講明呀~呢餐係下午茶黎架咋~真可惜~呢日淨係得錦市場一個景點~都怪我無留意伏見稻荷既開放時間啦~





噚日中午臨番工時呀~
人地上網睇左欣宜叫人多d番屋企食飯哥條片呀...
早知就唔中午睇啦....
搞到人地喊到鼻紅紅先番工~
記得5年前.....我同爸爸既最後一餐晚餐...
我仲記得你整既哥味餸!
你同我講:係匈牙利豬扒!!唔係斯洛文尼亞豬扒!!
係~哥味匈牙利豬扒...
可能係我永遠食唔番...而且係世上最好味既豬扒!
好慶幸當年我朋友取消左當晚飯局...
好慶幸我可以同你食到一家人既最後一餐飯
哥味匈牙利豬扒.....我地仲有食淨...
媽媽將佢裝好...放左入冰箱
直到現在....
當然依家無可能再食.....
只係呢一個餸........一直都在
一直都在我家...一直都在我心中
所以我都鼓勵大家~多d回家吃飯啦~
爸爸飯媽媽飯要多吃先可以永遠記在心中架~
到無得食哥時.....係可以係一個好突然既情況黎架~
我好感激上天俾左個機會我....食到最後一餐!
你....還有不回家吃的理由嗎?
記住學欣宜話齋:唔好諗自己無d咩~
而係要感恩自己有d咩~
(p.s.我娘親今晚整既炸菜蒸牛肉超級讚!!)
(p.p.s.我頭先俾我娘親睇欣宜條片...搞到佢都喊埋;P)



2015/09/17的開心事:
一黎就期待旅行既興奮心情啦~
二黎就係聽日就係星期五喇~



報時:距離冰島格陵蘭自由行之旅2015仲有---9日~
報時:距離台北跨年倒數之旅2015仲有---106日~
報時:距離南美洲4國新奇探險之旅2016仲有---148日~
頂~~~~單位數喇~~~~~
有不大叫的理由嗎??!!?!?!?!?!!?

38 則留言:

  1. 呼吸朱古力真係好好味
    勁想試埋士多啤梨味囉 我覺得呢個係必買手信 hehee
    鳥居我都好想去呢 下次都要去 ^^

    回覆刪除
    回覆
    1. 係呀好滑~~
      下~~~乜有士多啤梨味架~~
      我都要mark低下次要去~~

      刪除
  2. 小T呀, 父母煮的, 大多都是為兒女度身煮的. 我現在雖然煮得比父母更好食, 但我都係覺得, 食完佢地煮D野後, 身體少毛病D.

    回覆刪除
    回覆
    1. 我永遠都覺得爸爸媽媽味係最珍貴~

      刪除
  3. 睇到咁多海鮮想引死我咩~~又唔可以食
    其實我都係記住爸爸煮的蠔油雞翼味道、仲有媽媽的生炒排骨呀、所以我現在盡量都煮比佢食。

    回覆刪除
    回覆
    1. 哈哈~~你有時都會食下蝦啦~~
      我永遠都覺得爸爸媽媽味係最珍貴~乖仔~

      刪除
  4. 幾時都話...無錢就唔好病...係真的
    好友✬*¨✫早唞喇喂・゚。Zzz*¨
    .⊹*¨`*•★你又係時間瞓覺豬♦・゚*◇
     ¸.•*¨`*•☾我開開心心食飯做節喇
    •*☁

    回覆刪除
    回覆
    1. 係呀...所以真係要好好保持身體健康~~~~~~

      刪除
  5. 你呢篇BLOG,啲野食引死人咩。。。海鮮我最鐘意食。。。。見到都流哂口水!!!
    個部360相機,我記得香港都有得買架,RIcoh嘛,你有興趣上網搵下。

    你好衰架,臨尾都搞到人眼濕濕。。。你要加油呀!

    回覆刪除
    回覆
    1. 我都好鐘意食海鮮~~~~~可惜我年紀大喇~無咩quota~~~
      我知香港有得賣呀~~~~不過唔知日本係咪平d咁解je~~~

      我知架喇~~我一直在努力~

      刪除
  6. 呢條Ayu Yaki...500円(稅拔)=31.3hkd 燒就一定好食

    回覆刪除
  7. 距離冰島格陵蘭自由行之旅2015仲有---9日咋...你快步看醫生先呢

    回覆刪除
    回覆
    1. 我無睇呀~~~自己買左藥食好番喇~~~

      刪除
  8. 真係要珍惜眼前人<3 .

    你真係要快看醫生

    回覆刪除
    回覆
    1. 知道!!
      我無睇呀~~~自己買左藥食好番喇~~~

      刪除
  9. 我都有睇段片,我覺得回家吃到媽媽煮的餸是幸福的事,你爸爸煮餸菜的味道一直在你心中,回憶是美好的,我們要珍惜現在哦!

    回覆刪除
    回覆
    1. 我知道架喇~~~~~我好珍惜同媽媽一齊既時光~

      刪除
  10. 嘩﹗到數出發好興奮^_^ 其實我好開心我d朋友同我一樣咁癲~去旅行又唔計較食野既價錢~大家想食咩都會支持大家~這樣夾的朋友仔要珍識呀,如果甚麼都跟跟計教,去一次都吾會有第二次﹗

    回覆刪除
    回覆
    1. 係呀我都好怕同呢d人一齊去旅行~~~~真係去一次就算~無下次~~
      好緊張呀~~

      刪除
  11. 生蠔,帶子,大蜆,好過食鮑魚啦!

    回覆刪除
  12. 如果你無咳無痰,試吓飲蜜糖喇,我仲會食埋牛黃解毒九,我次次食完熱氣野就喉龍痛,都係靠佢搞掂!!
    除咗多d返屋企食飯,仲要多d陪佢地^^

    回覆刪除
    回覆
    1. 我明明之前去澳洲買左罐蜜糖...但真係唔知飛左去邊~~~~~
      牛黃解毒丸個名好雷呀~~~~
      係~知道~

      刪除
  13. 小t你有一班咁嘅兄弟,真係好幸運呀,好似我咁活左一把年紀,都係得1至2個可以叫做知心朋友,有時兄弟姊妹都唔一定投契,你要珍惜呀!
    之前睇過你講爸爸出事前嘅事,我都記得你有提過爸爸講呢味匈牙利豬扒,我好明白你嘅感受,所以我伊家一有機會就會教個女邊樣菜色應該點煮,就係怕我有一日走左,佢自己食唔番個味送.

    回覆刪除
    回覆
    1. 無辦法啦~兄弟姊妹成家後都有各自的家庭生活~成長左就係咁架喇~咁其實真心朋友真係唔使多既~有1兩個都ok~~
      回憶的味道永遠是最好的~佢既名菜~佢既笑聲~佢對我既疼愛~永在我心中~

      刪除
  14. 仲有1個禮拜左右就出發,要快D好返呀~~~~上次新加坡買果隻喉痛藥食晒未?
    喱個即開即食夠晒新鮮又大隻,3-40蚊抵食啦,桶蠔果D雪咁耐都要百幾蚊得細細5-6隻咋!!
    所以依家我幾乎日日返家食^^因為以前份工無得返

    回覆刪除
    回覆
    1. 上次哥d食哂喇~~我送左幾粒俾毛寶呀~~~~如果下次有人去新加坡都叫佢幫我買定d先~~你真係叻呀~仲記得新加坡哥隻藥~~~
      咁你又講得岩喎~~~突然又覺得好抵~
      番屋企食好呀~又可以見家人~又慳錢~

      刪除
  15. 你說得很感動......我都冰封咗一樣和她的食物在雪櫃冰格,都應該永遠唔會食......

    回覆刪除
  16. 下次我都要去錦市場逛下睇下食下買下,地方好似唔錯
    我都好乖架,一星期返媽媽家食飯2次

    回覆刪除
    回覆
    1. 好正呀好多試食~~~
      乖喇~你最乖~

      刪除
  17. 羅漢果沖水飲,正呀!
    兩款蠔和燒大蜆超級大喎~~~~~~~
    伏見稻荷,下次再去啦!

    回覆刪除
    回覆
    1. 好好飲喎~~~
      好好味架~~~~~
      係呀...諗定下一次再去~~

      刪除
  18. 嘩你好似病得唔輕,
    真係要多啲留意身體~~~~
    欣宜個段video我都喊左出黎,
    真係好感動,人越大越覺得屋企飯好味...
    味道方面當然都係其中之一啦,另外重點係個種溫暖:)
    anyway,take care!!!

    回覆刪除
    回覆
    1. 無事喇我自己買左藥食~~~~~好番喇~~~
      無錯~番屋企食飯永遠都係最好的~~~
      仲可以同爸媽傾傾講講好幸福呢~
      多謝關心~

      刪除