2015年9月16日 星期三

關西哈利波特之旅2015-06-26第六天Part 1(雨天)

哎呀~~今日開始發現喉嚨有d kick下kick下呀~~~已經喪飲水~~~(所以每個鐘要去一次廁所~~~).....又未去到痛既...不過我知衰頭先一食完飯我就用喉痛露噴劑狂噴個喉嚨~~~~希望快d無事~~~~~~



呢篇係其中一篇由兩篇blog合成為一篇既長blog~希望大家頂得順~


2015-06-26
Day 6---Part 1(日本,京都 Japan,Kyoto->大阪 Osaka)
呢日一起身....就落雨了......仲要唔細既雨~一早起身check左out就寄存行李係酒店然後又買一日巴士票喇~又去到噚晚食飯既四条河源町呢個巴士站~一落車~仲係落雨中~仲要唔知點行去目的地~




跟住問路人點行~好彩係行d有蓋既商店街~~咁呢..行過有間鋪就好早開既....類似d出口成衣既服裝店......唔小心買左幾件衫~~~~每件才百鬆蚊~~好平~~~~有d仲要有牌子的~




其實我地都係撞下撞下咁去到咋~你依家問番我都唔會記得點去~~~~到喇到喇~~~~我地要黎既就係呢個京都廚房錦市場喇~~~地址:京都市中京區河原町通三条下東側....網址




反方向一望~就會係錦天滿宮了~地址:京都市中京區迎京極通四条上了中之町537






排燈籠好有氣勢~~~~








我有行入去望望~因為哥時毛寶睇緊眼鏡~好大雨~






祈福都好機械化~~~~~








正式衝入錦市場~~~~~~~






wow~~~~~又見到胡瓜漬~~要吃~~100円=6.3hkd....天呀!!!我食番當年係大阪食過很好吃的那種味!!!!!!我地之後番轉頭哥時我買多一條再食~~~~~~~~水茄子我地都有試~200円=12.5hkd.....我麻麻地~




好多野賣呀~~~





上圖的小魚是按一杯咁買~都幾多喎~成個杯爆開狀~



跟住見到檔好多人都有食~就係呢個大大八爪魚~一串300円=18.8hkd






佢特別既原因係....佢裏面加左粒鵪鶉蛋的!!我地3個都覺得好好味.....不過食哥時又覺得有少少殘忍喎...試諗下...人地要食你都算.....仲要係你個頭度放粒鵪鶉蛋先食你...真係...






另外又見到一檔~好似好香咁~又試試~呢d叫棒串天婦羅呀~~~應該係d魚丸蝦丸類既物體攞去蒸的~






我地叫左個蝦餅咁既...入面有芝士既.....450円=28.2hkd...都唔平~但都幾大舊~~~而且好好味呢~~~




上次同媽媽去東京時係築地既松露買過玉子食超好吃~所以念念不忘想再吃~今次係呢度見到有一間雖然唔係松露但都唔諗即買!!1,050円(稅込)=65.7hkd......一個字:好難食!!!!!!!!!(實在太激動).....個質感同味道太不對勁!!!!






食完一陣野~又參觀參觀各店舖~~呢個真係幾靚~不過唔敢買黎食~怕太甜~




呢間...有雕左花既蕃薯?!?!?!?!羊黎架!!!!誇張不誇張?




發現左我地之前呢~係嵐山哥度食豆腐料理時有個前菜....話哥種蔬菜呈T字型出面仲有一層透明既野包住既呢!!!係呢度見番佢~~~原來佢叫順才~~~




呢d好似幾好送飯喎~




d麵極幼極幼!!!有人忍唔住帶左兩包番黎~~~~其中一包買左梅味的...超!級!好!食!!!!!!!連煮麵d水都超好飲~~~~唔放湯都有味!!!!!!!!!!我地用黎做左冷麵!!超正!!!




錦市場最多店舖賣既係:京漬物!!!!!真係令人睇到目不暇給!!!!!!!!!五顏六色的!!!!超靚!!!!!!!!










重點是:請任意試食~~~~~~~~~~~~~(我哥日真係食左好多~~~~~~~~)...試食都擺到咁靚...真係心都軟埋~~~頂~~全部都好好食呀~~~~~~~可惜既係.....佢好多都要雪藏.....我買唔到番黎;[;[;[




我勁鐘意蕃茄~~~~隻色好靚呀~~~~




呢個係期間限定!!!!夏天京漬物!!!!!!真係超超超好食!!!!!!!係wasabi味既淮山!!!!!!!!!爽爽黏黏!!!!!!!雖然我地呢刻無買...但係我地番左大阪之後有買黎食~~~~~~~~~~~~~~




呢隻紫色我又覺得好靚~~~~~~~




咦~~~仲有奈良漬呢~~~真係完全唔同style~~可惜無得試食~~~~






試左呢間既串燒鰻魚!!






一串500円=31.3hkd.......我以為我俾完錢佢燒番熱佢再俾我地食...點知原來只係叮一叮....但都係哥個字:好難食..又鞋又無味~




超大隻生蠔.....我真係有心動過...但唔知點解之後又放下....最後依家睇番又後悔無試~




行過有間賣酒既.....呢隻純米酒超好飲!!!!甜甜地架~~~870円=54.5咁大支其實幾抵~~~~~~~毛寶都有買番黎飲~~而且都一早飲哂~~~




行過有間賣綠茶甜品的~~~~~仲要係有蕨餅的...即刻衝入去買~~








呢一杯120g的300円=18.8hkd......一咬入口....QQ的感覺湧至.............質感很好呢!!!!再咬........綠菜味飄出黎~~~唔係假綠茶味~~~~~而且不太甜~~~~超超超推介的超好味!!!!!!!我地之後行過又再次翻食多一次!!!!!!!!真的超讚~~~~如果去到記得要食~~~







2015/09/16的開心事:
今晚毛寶上左黎我屋企食飯呀~~好開心~~~
你都照顧得我多喇~~等我阿媽照顧番你~~~
仲有好多謝阿貞今日咁急尿都要衝入黎我counter同我say 個hi~



報時:距離冰島格陵蘭自由行之旅2015仲有---10日~
報時:距離台北跨年倒數之旅2015仲有---107日~
報時:距離南美洲4國新奇探險之旅2016仲有---149日~
呀哈哈哈哈~
我要俾心機呀~~~~
番埋下個禮拜工我就威威啦~~~

38 則留言:

  1. 嘩,第一個留言呀。

    "一個字:好難食!!!!!!!!!" 喂喂,物唔係3個字咩?😂哈哈哈

    回覆刪除
  2. 首先多謝你俾我條link完,THX
    我fb add 咗你喇,名係Agnes TAM,相片係一隻熊同長頸鹿公仔^^ 去旅行嘅相我都會放上fb架,多數都係影景多过影自己
    hehe 咪同你一樣,呢個旅行都未去就plan 定下一個:)
    純米酒,好似唔錯喎,我都想買返嚟送吓禮,夠晒大方唔失禮,價錢又夠平!!!!!!!!!!
    個梅麵我都想試下,係咪就咁用水煮熟就得唔使落味粉或湯

    回覆刪除
    回覆
    1. 不客氣~好資訊要大家分享~
      add左你啦~~~好野~可以睇你去旅行d相喇~~~
      哈哈~~我覺得咁樣番工先有動力嘛~~~
      呢個甜甜地好正呀~~~有好多隻酒可以試架~~~試哂先買啦~~~
      係呀~我地咩都無落過呀~~但個煮麵水超重梅味~~

      刪除
  3. 蝦餠超大巧想食喎~~~~引死我啦
    妳旅行病又嚟、快d乖乖地唔好食煎、炸野啦

    回覆刪除
    回覆
    1. 呢個唔錯幾好味呀~~~
      係咪呀?我都開始發覺旅行前又開始病......

      刪除
  4. 買衫每件才百鬆蚊,起級平,大有收獲啦!
    錦市場好多嘢買!咦咦咦,點解有三個O嘴的公子架,哈哈哈

    回覆刪除
  5. :D :D :D
    一次過見到兩個~小寶貝~我都好開心:):):)

    回覆刪除
  6. 試食都擺得咁靚,日本人真注重外觀﹗

    回覆刪除
    回覆
    1. 係呀~~~~搞到我呢....唔係唔好意思試.....係試左超多款~~~~~~

      刪除
  7. 係呢・゚゚∵小t。✾ 香港食野平過澳門喇
    ╓────╖  ✬*¨✫
    ║─╓╖─║唞喇喂・゚。Zzz*¨
    ║╙──╜║
    ╙─╖╓─╜.⊹*¨`*•★
    ╓─╜╙─╖ ¸.•*¨`*•☾
    ╙─╖╓─╜•*☁
    ──╙╜♦・゚*◇又係時間瞓覺豬
    Ϡ₡۩۞۩ഐ۩۞۩ഐϠ₡

    回覆刪除
    回覆
    1. 係啦~~~所以我成日覺得香港有好多又平又正既野食~

      刪除
  8. 仲有10日就出發去冰島格陵蘭了...你真係要好好打理好自己身體啊

    回覆刪除
  9. 全部都好好食呀...真係好可惜既...要雪藏...買唔到番家黎

    回覆刪除
    回覆
    1. 係囉.....好羨慕日本D人可以買番屋企慢慢嘆~

      刪除
  10. 幅幅相都好靚……試食,賣嘅,景,乜都靚

    回覆刪除
  11. 煮啲涼茶飲先啦, 去旅行時帶啲藥傍身呀

    回覆刪除
  12. 呢個錦市場值得一行,唔係,應該行多幾次試哂佢啲野,好正呀!

    回覆刪除
  13. 大阪真喺多好嘢食,又平.....漬物至like

    哈哈.....順才....原來日本從中國引進後咁叫,.多謝妳分享
    原喺中國杭州特產佢叫「純菜」,杭州有一個名菜叫「西湖純菜魚滑羮」,口感好順滑。

    回覆刪除
    回覆
    1. 係呀漬物真的讚讚讚~
      0我~~~~~~~原來又係中國引入架~~~~~~你好勁呀~~知道呢樣野叫純菜!!~~~

      刪除
    2. 客氣....邊夠妳勁呀!
      只喺N年前旅遊杭州吃過咋!

      刪除
  14. 我又出現啦,SO HAPPY你仲記得我個名又真係貢勁冇串錯AR!
    2篇合成一篇好OK AR,一D都唔覺長AR,話貢快又睇完..因此內容豐富AR!!!
    WOW..仲有一個禮拜就去睇極光LA.....堅威威AR!!!

    回覆刪除
    回覆
    1. 梗係~~~~我超有記性的~~(某方面)
      係咩係咩~~我仲驚大家嫌我煩添~~咁我下次遊記可以出長D唔使咁多PART~~
      好緊張呀~~~~~

      刪除
  15. 靚女多D休息, 再過多個星期就要改時間和搭長途機.

    回覆刪除
  16. 錦市場真係齋掃街都可以食到好飽^^實在太多好嘢食....
    好送飯果D我都有買一袋返來送飯wakakakakaka...
    漬物醃菜果D多到好似零食咁,顏色好靚
    友人有食生蠔佢話ok新鮮

    回覆刪除
    回覆
    1. btw,綠茶果個我都有食到,你無誇張真係好好食!!

      刪除
  17. 睇完好多都想試呀
    好有勇氣買梅味幼麵,既然話好食,下次一定要買嚟試下先,我都愛極幼麵
    最後一相抹茶睇完勁想食

    回覆刪除