2015年9月8日 星期二

關西哈利波特之旅2015-06-25第五天Part 4(晴天)

哈哈~~我噚晚都有諗....到底我應該呢3個禮拜....每個禮拜出多一篇好丫....定較定時間係我旅行時照出好~.......但我又唔想旅行時出blog大家無咩對話咁~~~我最後決定左.....將其中4篇blog.......結合做兩篇長blog咁樣出~~(辛苦大家睇長d啦~~~)~~~然後出發哥日又亮一亮相~~~搞掂~我真係好聰明~~~(好喇...唔使咁苦惱喇...無人期待你既亮相呀~~~~)



2015-06-25
Day 5---Part 4(日本,大阪 Japan,Osaka->京都 Kyoto)
影完一大輪相就沿住樓梯向下落啦~~~




拿~就係前幾篇講話係高處望落去既地方喇~~~就係攞個勺裝水洗手......仲有d人會飲的~




咁我地就乖乖排隊去洗洗手啦~(其實呢樣唔係應該係我地入廟前做既咩~~~~~~)點知原來依家先進到呢......用之前有紫外光殺菌添喎~~~~~




毛寶好好呀~自己無去洗手幫我同貞影相~不過要留意....個勺好長.....而且伸出去裝水都幾遠....水流落黎既速度又快....咁樣伸出去盛水其實無啦啦會個勺好有重量...我差d跌左個勺落街....要小心攞好呀~~~~






華~~~發現左有個0靚模係度影相呀~~~~行上前面睇睇先~~以前同杯係呢度食過tea架喎....依家無哂枱既?!




呀~~~原來係毛大師幫個新進0靚模影相架~~~~好靚呀~~~




好喇~行完喇~行另一條斜路落山~~好似幾熱鬧咁~




呢條斜路好邪惡架~~因為好似澳門d手信街咁~好多野試食~我地走左入一間手信店睇睇...有凍綠茶飲有無限試食手信~(汗).......(記起上次8年前行呢條斜路...我地狂歡三寶因為太多茶試飲....飲到差d賴尿先番去京都駅解決.....我記得我係JR京都駅去完廁所一出黎唔夠兩秒....隨即再同毛寶同杯講:我唔得喇我想再去多次.............係急到咁既程度....係我人生中最急尿哥次~)




未行到落街尾又想坐低~~~~淨係記低左個綠茶泡芙係300円=18.8hkd....其他都唔記得~~~唔貴但勁唔好食....支綠茶都好難飲....雪糕係最正常不過一般~






好喇~本身我地想係清水寺直接去嵐山既~但係原來要轉車...與其去一個我地唔識既站轉車...不如係頭先落車既對面站坐番去京都駅個巴士站再去嵐山好過~時間差唔多~又多d車揀~而且大站唔識可以問人嘛~我都唔記得搭幾號車lu~反正都係問站長叔叔~~呢架車就比較舊喇~得細細一行顯示屏出點點紅紅色字顯示~要留心d睇~今次黎京都就誓神劈願話要去嵯峨野度坐小火車架喇....但見有朋友岩岩去完問佢點...佢話一般般唔坐都得~咁就....由佢啦~




好喇~~~~~到左喇~~~~~呢程係第三程巴士~一日票已回本~地址:京都市嵯峨中之島官有地




一落車望過對面~就係渡月橋了~(秋天時一定更靚~因為有滿山紅葉~)






點解叫渡月橋?又要聽t說故事喇~就係夜晚呢個月亮係會沿住條橋既上空行既...咁咪好似月亮過緊橋咁囉~所以就叫渡月橋喇~唔岩唔關我事架~我上網睇架咋~






地靈人傑算這種~







噚晚上網睇到冰島既第二大城市Akureyri...
係上個星期已經出現今年秋天既第一道極光喇!!!!!!!
仲要上個星期出現左4次!!!!!!!!!!!!!!!!!!!!!!!
興奮到我一早訓左!!(好唔合邏輯~)
然後今朝係7點都未夠就彈醒左~~~~~~~~
一起身就睇番100毛哥個毛記電視..
搵左娃娃舜唱"舜"自己!!!!!!!!!!
笑到我呀~~~~~~~~~~
尤其佢唱:I Believe in都市! I Believe in閒情! I Believe in江!華!
哥時....................我係笑到失哂控~~~~~~~~~
有興趣就快d上網睇啦~~~真係好好笑~~~~~~~~~
"舜"自己!!



2015/09/08的開心事:
有人去大阪嘛咁岩線~
又俾我知道佢去環球片場喎~
hehe~咁我咪拜託佢幫我買隻巧克力蛙番黎囉~
今日就收到喇~~~~~~~~~~~
好多謝山長水遠幫我攞番黎呀~~~~~~~~~~~~~~
唔知會抽中邊個魔法人物既閃卡呢~~~~~~~~~~~
好緊張呀~~~~~~~~~~



報時:距離冰島格陵蘭自由行之旅2015仲有---19日~
報時:距離台北跨年倒數之旅2015仲有---113日~
報時:距離南美洲4國新奇探險之旅2016仲有---157日~
點算呀點算呀~~~仲有兩個幾禮拜先出發~~~
但係我真係心情已經上升到頂點喇~~~~~~~~
好興奮呀~~~~~~~~~~~~~~~

32 則留言:

  1. 你真係照顧粉絲嘅感受,未睇完日本就飛咗去冰島我哋會囉囉攣架嘛,而家俾你諗掂咗,真叻

    回覆刪除
    回覆
    1. 係呀le~~~~~雖然你呢段留言字字誠懇...
      但唔知點解...我都係覺得你窒緊我既....係咪我有問題呀?

      刪除
    2. 梗係你有問題啦,好真誠咁讚頌你架我......

      刪除
  2. 好友♦・゚✫☾.•*☁傍晚好&晚上好✬*¨★
    今日唔使休息多D呀・。我無事喇喂*◇藥到病除了
    我今天回復哂精神Ѽ*。準備買餸菜今晚煲湯喇

    回覆刪除
  3. 好喇...你唔使咁苦惱咋...不是...無人期待你既亮相...呀

    回覆刪除
    回覆
    1. 哈哈~~~我是一個期待人地想我亮相既人~~~好變態~~

      刪除
  4. 不是...呢條斜路好邪惡~因為...好似澳門咁~好多野試食...就太開心呢

    回覆刪除
    回覆
    1. 又真係好似~~~~澳門哥d又係要請你食蛋卷呀牛肉乾呀杏仁餅呀~~~~

      刪除
  5. 邊個????係邊個巫師買巧克力蛙比你~~~~
    一定係鄧不利多喇~~~

    回覆刪除
    回覆
    1. 我唔肯定佢係唔係巫師~但佢肯定係個大善人~~~
      我都好想抽中校長呀~~~~

      刪除
  6. 綠茶似苦瓜汁喎~~~
    點解相中有隻猩猩女係度???^_^

    回覆刪除
    回覆
    1. 我覺得苦瓜汁好飲d~~
      個猩猩女真可愛~v*-*v

      刪除
  7. 好想知你抽到咩卡呀 :)
    希望你抽到正野

    回覆刪除
    回覆
    1. 我未開咋~~我想留番星期六同毛寶一齊開~~~~
      我都想~~最想抽到鄧不利多~

      刪除
  8. 好邪惡的手信街,有試飲?我去個時無呀﹗

    回覆刪除
  9. 我都有食過果間綠茶PUFF, 真心麻麻~~

    回覆刪除
    回覆
    1. 皮皮~~~好耐無係blog度見~~~引得你留言證明真係好難食~~~~~

      刪除
  10. 我果次係秋天去到嵐山, 不過, 紅葉一般, 不及我這裡咁盛況.

    回覆刪除
  11. 咁你俾你兜番巧克力蛙返黎,好野呀你!

    回覆刪除
    回覆
    1. 哈哈~~係個大善人好人幫我買番黎je~~

      刪除
  12. 俾妳講到我都好想去冰島....
    但....想問吓依家啲0靚模變到咁樣架?

    回覆刪除
    回覆
    1. 冰島真係好靚~~~~
      因為佢係走搞笑路線既0靚模~~~~~

      刪除
  13. 0靚模坐果個位我都有坐過喎^^
    其實會唔會真係有人試過跌左個勺落街?係咪要自己落樓下執返,定係會不顧而去架呢?
    仲有半個月就出發啦喎,開始執篋未?XXD
    我都覺得有對話好啲.....

    回覆刪除
    回覆
    1. 真係架~~~你哥時仲有無得食甜品呀?
      我都想知~~~~如果真係當時真係會好瘀~~~~~
      未呀~~不過開始買緊野~~~
      我會加油出~~

      刪除
    2. 無呀,同你一樣齋坐咋,因為落雨,要去避一陣雨:P

      刪除
  14. 毛寶較晒老友!
    嘩嘩嘩,可唔可叫毛寶幫我向新進0靚模取張簽名相呢,等我去炒賣炒賣,哈哈哈
    綠茶泡芙好正喎......

    回覆刪除
    回覆
    1. 哈哈~梗係~
      咁呀....不如你問我啦~我幫你搵佢啦~~~~~XDXDXDXXD
      一D都唔正~唔好食架~

      刪除
    2. 哈哈哈,好難得綠茶泡芙可以綠到好似乳膠漆一樣喎......
      那麼,要麻煩您囉!

      刪除
  15. 間豆腐店好正喎~個景都值回票價啦!!
    估唔到啲綠茶泡芙唔好食,睇相好鬼靚

    恭喜妳得返隻朱古力蛙呀~

    回覆刪除