關西哈利波特之旅2015-06-25第五天Part 3(晴天)

周末大大大出血~人家慳緊錢架嘛...不過無計啦...因為我地要買去旅行要用既野喇~暖包都買3包~~共有30個暖包...唔知我用唔用得哂呢.............................星期日晚為左清一清個相機既記憶卡...我就睇番自己有咩相係機入面~點知最多原來係上年去澳洲d相~睇番都好開心~~~~~~~



2015-06-25
Day 5---Part 3(日本,大阪 Japan,Osaka->京都 Kyoto)
黎得地主神社呀~d女仔梗係又要買符啦~

我推介少女買呢兩款呀~我8年前有黎買過呀~

地主神社有好多唔同既地方參拜~~~

我想搵健康架~不過佢無~唯有選開運~~~~洗過手手~開運大吉~

點樣係正確既參拜呢???其實我都唔知~我偷睇完前面個學生哥參拜完之後我跟做的~~~~~~~

跟住去左搵呢舊石~係哥個空地有兩舊架~玩法就係係石既一邊合埋眼行過去石既另一邊..........如果合埋眼都可以行到去掂到...咁就好快搵到你鐘意既人架喇~(其實合埋眼行真係好難架~)

轉下眼~係舊石旁邊.....有男仔求婚呀!!!!!!!!!好浪漫~~~~好多人大叫：渣幾他~渣幾他~渣幾他~渣幾他~(台灣人來的).......哈哈~好熱鬧~好搞笑~個女仔應承左之後周圍d朋友話︰太好了~可以去吃飯了~肚子很餓~(笑)

祝福你地甜甜蜜蜜~白頭到老~



呢個我之前無做過喎~又過去八下先~

自己入錢落箱~攞張人形紙....寫上自己個名..幾歲...想消除咩災難

寫好就攞過去佢隔離個盤~放佢入水~你既厄運就會即刻跟除呢張人形紙溶哂~

溶得好快~舒服哂~

行到黎呢度黎呢度原來已經係掘頭路~沿路行番出去~

地主神社行番出黎再行過一條路~就可以係呢邊影番過對面呢個主殿啦~~~~好靚呀係呢度影過去~~~如果有埋紅葉一定會仲靚囉~~~~~~~~~開始以為係呢度維修包住哂...點知唔係~好彩je~~~~

我噚晚粗略計過........
按照我依家每星期4篇blog既話....
我係去冰島之前.......
日本blog應該係寫唔完囉.................................
我應該點做..................
(因為我唔想去旅行前完成唔到上一個遊記)



2015/09/07的開心事：
今日係星期一~但今日既工作量唔係星期一既工作量~



報時：距離冰島格陵蘭自由行之旅2015仲有---20日~
報時：距離台北跨年倒數之旅2015仲有---114日~
報時：距離南美洲4國新奇探險之旅2016仲有---158日~
我個心情又開始high喇~~~~
冰島呀冰島呀冰島呀!!
龍蝦呀龍蝦呀龍蝦呀~
熱狗呀熱狗呀熱狗呀~
可樂呀可樂呀可樂呀~