2015年9月1日 星期二

關西哈利波特之旅2015-06-25第五天Part 1(晴天)

唔知點解呢兩日放中午食飯時番屋企都係全日落最大雨既時刻.....我媽話:點解!!點解落咁大雨淋親我個女!!!.......但我係唔會答:唔通連個天都唔鐘意我?.......係我既世界一定係答:阿媽~無計啦~鬼叫我係貴人咩~~~~~~(瘋子的世界難以理解~).....咁點解我會咁瘋癲?.......我一入到房見到我媽...我作狀指住我媽大叫:OMG!!!點解呢度有個咁靚既女仔係度架??....正常既阿媽一係會怕醜笑一係會講痴咩線......我媽係答:(指住我)你識貨呀!........大家初步知我點解個人short得咁交關未???????



2015-06-25
Day 5---Part 1(日本,大阪 Japan,Osaka->京都 Kyoto)
hehe~我地呢日~出發京都!!!!一早出發~Check out左我地就出發啦~大件行李放係大阪酒店....第二日再黎攞番~隨身只帶細行李袋入一日用既用品~因為我地只留京都一晚~今次好方便就咁搭JR既東海道本線(京都線)...由大阪駅直到京都駅~唔記得好似係560円=35.1hkd車費~大阪往京都時刻表....要注意既係時間有分平日同假日~又係有分"普通..快速..新快速"咁樣...記得"特急"要再加錢的...但快"新快速"3分鐘到京都架咋~佢有個"詳細"字樣你click入去可以睇到多d班車幾時開幾時到既訊息..好準時好方便~我地就搭"新快速"....大約30分鐘就左京都喇~




一出京都駅~就係個大大的京都駅巴士站~(其實我地去左酒店放低左d行李先再出黎既~我地今次住既係京都新阪急酒店~就係正巴士站對面~好方便架~下幾篇先介紹酒店~).......因為京都d景點最方便既方法就係搭巴士喇~~~~~所以今次又黎搭巴士~~~之前係杯上網研究的~(8年前)...今次到我自己研究....都好彩搵到d有用網站~我搵到個巴士乘換案內既網站~可以入你既出發巴士站同埋想到達既巴士站...佢就會話你知搭咩巴士搭幾站搭幾耐架喇~~~~好好用~




咁跟住就要諗買唔買巴士一日劵好喇...一張500円=31.3hkd.....可以係特定區間使用...遠至嵐山都用到~一日任搭...咁講番先...單程無論搭幾多個站(特定區間)..一律230円=14.4hkd....如果你搭3次...就已經回本~其實係我世界入面...搭兩次都一買無妨!!你諗下...兩次都成460円=28.8hkd咯....只差2.5hkd.....好過你次次搵零錢去入啦~~~(因為係落車俾錢的...如果後面有好多人等你落車數零錢哥種無形壓力我覺得幾大~~~)...你話係咪喇~(除非你睇2.5hkd係拳頭咁大啦...咁就唔好喇~)....好方便架~自助係車站入500円買就得架喇~~~






買左就排隊搭車去我地既第一站~~!!清水寺!!!!!!地址:京都市東山區清水1-294.......留意開放時間為:06:00-18:00....上網睇左搭100號巴士就去到~呢條隊最多人排~原來100係"急行"來的~大約4站16分鐘左右就會到~其實如果唔識搭車~呢個站好大的~有好多站長叔叔友善為你解答~




講真~算新喎架車~




而且有某部份新車仲有個螢幕話你知下一站係咩~仲有廣播~(但部份舊車無~)...所以要知幾時落車唔難~





好喇~係後門上車既......落車時係前門~就係落車時俾錢的~如果你無零錢...佢有得1000円両替(藍色地方)...仲埋銀仔両替(上少少中間位)....車費就入落紅色哥度~(拿~如果你要數銀仔係咪覺得好煩呢~~)....如果好似我地咁買一日票就入落綠色哥度就ok!!第一次入完之後佢後面就會印上當天日期~咁就當日有效囉~

呢種機部部車都會有d唔同~但大同小異啦~



好喇~搭左4個站就到左五条坂站~過對面向紅色箭咀個方向行就岩架喇~




跟住就係無盡的上斜................................




轉個彎以為有轉機...但仍然無盡的上斜...............




上到某個位我地真係頂唔順~~~~~~驚見有間cafe~~~~~~我地呢朝咩都未食呀~~~~~不如坐下啦~~~~(真係好無用....連個景點我地都未見到.................)






很喜歡手寫自製的餐牌!!很可愛!!!




不過選擇不多~甜野多~好彩見到有個Breakfast Set~~850円=53.2hkd.....有多士有沙律有煎蛋有火腿有飲品~~~麵包係French toast~~~好味~~沙律新鮮~~~隻蛋........




隻煎蛋係激好味!!!!!!!!!!!!!!!!!!!!!!!!隻煎蛋可以煎到有溏心既效果!!!!功力好深厚....好好味~~~~~




食飽飽又有力上山喇~~~~~(其實行唔夠200m我又扯蝦)......佢地d地圖好靚~又係手繪的~~~~






我地行到略有小成喇!!!!見到前面紅色哥度呀????




yeah!!!!!!!!!




終於行到喇~~~~~~~~~~無盡的上斜後到達清水寺了~~~









今日起身個膝頭哥仲係有d痛!!
但係到左下午個膝頭好番d.....到個腳"爭"位痛....



wow~
大家有無睇在那遙遠的地方。北韓?
幾好睇喎~搞到我都有d想去北韓旅遊下~



2015/09/01的開心事:
哈哈哈!!!!班小朋友終於番哂學!!!
人潮明顯減少!!!!~~~~~
仲有呀~~~~9月3日星期四放假嘛~~~
約左公子中午聚餐~~~
先放下條貧窮線~~開心一日先~~~~
聽日休blog一日~
星期四放假日再見~



報時:距離冰島格陵蘭自由行之旅2015仲有---26日~
報時:距離台北跨年倒數之旅2015仲有---120日~
報時:距離南美洲4國新奇探險之旅2016仲有---164日~
如果聽晚唔落雨~去買下冰島旅行d野先~

30 則留言:

  1. 好友✬*¨★晚安☁*`⊹☾.•✫我又要瞓一會兒..了

    回覆刪除
  2. 母女連心呀!哈哈哈
    溏心蛋好正!
    腳"爭"位痛,唔通係痛風?

    回覆刪除
    回覆
    1. 兩個傻女呀我地係~
      好好味~~~
      下...好驚呀~~~~

      刪除
  3. 個溏心蛋真係好正,好快放假,要食番餐正﹗

    回覆刪除
  4. 哈哈,呢兩母女真係極品..............搞笑但又温馨
    正呀,京都呀,我都會去,想夜晚賞楓^^
    又收到多d資訊喇,錫晒你 (啜啜)

    回覆刪除
    回覆
    1. 我地真係唔做棟篤笑真係浪費哂~~~~
      華~你就好啦~~~~一定好靚~~~~~^^
      不客氣~資訊要互相交流的~

      刪除
  5. 妳short得幾儍下喎~~~~哈哈哈
    大嬸都叫妳平時做下運動~~~現在上斜路都扯蝦、醜死怪啦

    回覆刪除
    回覆
    1. 都幾架~
      我好後生哥時都扯蝦架啦~

      刪除
  6. 你同你媽真係無得頂,會好開心過一世

    回覆刪除
  7. 其實, 人開心又一天, 唔開心又一天, 當然揀開心咁過啦, 你有媽媽跟你講笑, 這個是福份來的.

    清水寺那裡行好長, 不要說你, 2008年時的我, 也要透透氣......

    回覆刪除
    回覆
    1. 無錯~我都認為係~
      真係好長呀條斜路~

      刪除
  8. 一早估到你媽咪係醒目又靚女之人啦!如果咪點會有咁精叻嘅小t喎!

    回覆刪除
    回覆
    1. 野~~~好衰架~~~~~睇得咁透徹既!!!!!

      刪除
  9. 我都係五条坂上去,果日仲落大雨添,不過無入cafe:P
    好彩唔係旅行時腳痛咋喎,否則就麻煩....有冇去睇下醫生?

    回覆刪除
    回覆
    1. 你邊會好似我地咁變態行少少又話攰先得架~~~~
      我諗住聽日去睇呀~

      刪除
  10. 妳媽媽好風趣呀,同妳似朋友多啲,正,我都希望我可以同我女女咁 <3 !

    回覆刪除
  11. 好鐘意你咁正面思想, 你地兩母女既對話真係笑死我喇~~~

    你地咁都去到間咁正既CAFE, 真係GOOD喎, 我隔住個MON都想食呀!!!

    其實只要係旅行, 我就想去, 北韓有得去都想去~~~

    回覆刪除
    回覆
    1. 我地兩母女應該去做棟篤笑先岩~~~
      哈哈~~真係行過架咋~~~好彩行到扯蝦咋~如果唔係都唔會入去食~
      其實我都想去~~

      刪除
  12. 你同伯有實在太搞鬼
    第一幅相做乜遮住毛寶?呢日啲相影得你哋特別標緻
    乜又咁啱呀,我之前又係腳踭痛咗好耐,後來用咗歐錦棠教嗰招推牆掌即刻,係即刻好番哂,你都試吓

    回覆刪除
    回覆
    1. 梗係..有其父母必有其子女~
      因為......佢好多幅都影得唔好睇~順便幫佢遮遮~
      我膝頭喎...都得架?

      刪除
    2. 你唔係膝頭痛完到腳踭咩?腳踭先有用

      刪除
  13. 睇google map,由巴士站去清水寺大約1公里,上斜路就辛苦d囉。
    毛寶戴貓面具好盞鬼得意。

    回覆刪除
    回覆
    1. 原來有成1公里架!!!!唔怪得我行到扯蝦啦!!!!!
      其實佢表情幅幅都俾我影衰...所以幫佢遮遮~

      刪除
  14. 1公里!咁我係米應該。。帶佢地塔一塔的士上去?

    回覆刪除
  15. 1公里!咁我係米應該。。帶佢地塔一塔的士上去?

    回覆刪除
  16. 1公里!咁我係米應該。。帶佢地塔一塔的士上去?

    回覆刪除