2015年5月28日 星期四

公子新加坡喪吃自由行之旅2015-04-06第四天Part 2(驟雨後轉天晴)

今日一起身又頭痛......上個禮拜先頭痛完.......仲要無啦啦好痛哥隻........究竟我係咪真係攰到咁???明明噚晚已經好早訓.....但係明明前幾個月我仲痛少左...又覺得自己身體好左架喎....假象黎架?......所以今日上左山頂睇醫生.....休息一下



2015-04-06
Day 4---Part 2(新加坡 Singapore)
其實我地本身想去小印度架~因為麥公子未去過新加坡嘛~~但係呢~太熱喇~麥公子說:其實我唔去都得架~~由佢啦~~~~.....咁跟住我地就話喇:咁去烏節路(Orchard Road)d商場涼冷氣啦~~~~........由於我地無帶書出黎~而且我地要分開搭的士(因為最多坐4人)......又唔知點約既情況下......好彩我記得烏節路既唯一一間商場...就係叫ION喇~~~~~~(七公子都一定會知點解~~~~)....咁我地去呢間商場集合...一入商場....咦~~~~~~~~又可以嘆茶喇~~~~(痴線架~~上的士前咪岩岩食完中午飯囉~~~)...我們的下午茶地點:TWG tea~~




好有氣勢~~




佢d白色樽仔好得意呀~~~~~不過問左原來無得買的...係俾人試聞茶葉的




仲有好多款唔同既macaron~




一坐低...梗係要睇下叫咩食飲咩茶啦~~~佢有tea set叫的~包一壺茶......咁佢仲有規定要每人叫一壺茶~(我係澳門哥d茅招..咩叫一壺茶兩份飲就最抵....今次係用唔著的)....茶的種類有非常的多!!!!!有成四大版!!!!連相機都影唔哂~按產地劃分~




我呢~就最鐘意影餐具架喇~~~好靚呀~~~




我叫左土耳其既Black Tea...SGD$11=64.6hkd......華....呢度淨係可以飲一壺....無得翻水!!!!!!!!!!!!(我哥招呢度完全用唔到).....我真係要彈一彈佢....佢個壺整色整水咁密封你以為佢好保溫啦....唔使一陣d茶就凍哂囉!!唔掂!!




我地叫左FORTUNE呢個tea set...SGD$39=229.2hkd.....包一壺茶...有三件warm toasted sandwich啦~兩個muffin/scone啦~三件自選口味既macaron~




你坐既位太岩岩好喇~就幫你影張少女照啦~




d人啦~室內都要問人借黑超~




個scone真係不得了的好吃!!我平時對scone都麻麻...但係佢呢個好似有淡淡的芝士味.....實在太怡人喇~(合上雙眼回想中).....食完係鼻噴出黎哥種味真係難忘~




muffin配上左面的cream仲有....右邊的是tea jelly...超!級!好!食!........tea jelly最後俾我地食哂~




佢個三文治又係一絕~~熱熱的~~芝士和火腿香香的~~~~




仲有三隻自選口味的macaron....全部口味都有用茶入饌~不過我覺得唔係幾好味~~~~~~~(重點係我唔記得揀左咩味~~)




然後意猶未盡~我地叫下佢d雪糕試試~Single Scoop就SGD$5=29.4hkd....Choice of 2 Scoops就SGD$9=52.9hkd....Choice of 3 Scoops就SGD$13=76.4hkd...咁我地就叫左2搭3咁試啦~(因為佢總共有5隻味~~).....全部味都係用茶黎整....例如Earl Grey溝朱古力咁樣.......但係....我都係覺得.....麻麻........仲一球鬼死咁大!!






我諗....正常既女仔....係會攞住個茶壺扮少女....都唔會好似我地咁樣影...............毛寶fb標題:哥就是帥~姐就係漂亮~人帥真好~.......(影完都算...仲要自我認為好帥氣)




總括黎講我覺得....呢度既熱食好出色...但係茶同埋甜品就.........er....唔....呀................................

仲有呀我係度發生左件應該係畢生難忘既醜事....應該一世都唔會忘記~



同埋呀~~~ION商場入面有Bengawan Solo呀~~~聽聞最好吃的班蘭蛋糕在這呢~~~原來可以係呢度訂定係機場鋪先攞~~但係因為我地哥日上機太早~所以佢送唔切出去....所以...還是要在機場買了~有多間分店~請到佢地既網站查看~




可愛的班蘭蛋糕~~~一個SGD$13.8=81.1hkd...超大個!!抵!!...佢仲有其他新加坡傳統糕點架~~~我地哥日都有買黎食~~都好好味~~佢有個班蘭芝士蛋糕都好好味~不過只可吃一片...因為芝士很漏....雖然芝士搶了班蘭的味...但係真係幾好味~~~~仲有九層糕都好好味~~~~~~~不妨買黎食下~~~







2015/05/28的開心事:
好開心呢個世界有退熱貼既出現...
令頭痛人士舒緩左唔少
好開心~下星期終於番晏!!
原來不經不覺...下個禮拜已是6月...
差不多一年的一半...
今年真係過得好快呀



報時:距離關西哈利波特之旅2015仲有---23日~
報時:距離冰島格陵蘭自由行之旅2015仲有---122日~
就快出發喇~~~
我要俾心機養好身子~~~~
今日澳門報紙賣話台灣哥隻強胃散原材料有問題要回收!!
即係之前我去台灣電視話十大必買手信...
等我仲買黎送左俾一位胃部較弱既公子添..
依家連我自己哥盒都要默默放入垃圾桶..

35 則留言:

  1. 好想知係咩難忘事kakakaka.....

    回覆刪除
    回覆
    1. 唔好知呀~~~你知道我要滅口架~

      刪除
  2. 「規定要每人叫一壺茶~」:您高一呎,佢高一丈,哈哈哈
    D餐具好似五星級酒店的~~~~~~
    這個下午茶都好正!
    哎喲,您們的相真是嚇人的帥喎!

    回覆刪除
    回覆
    1. hehehe~~~可能之前有好多我呢d咁既人~
      咁佢d餐具又真係幾靚既~
      好味呀!
      野~咁話人既~

      刪除
  3. 你地張茶壺相笑死我喇.................
    估唔到TWG賣茶竟然唔正...............
    嘢...............原來你都掛住我.............多謝你呀!!!!!!!!!!!!!!!!
    張机票係咗成年前買的,坐國泰,係去Zurich 的,果時佢地做緊Promotion 連稅及燃油費約6,500-HKD,本來諗住去瑞士但期間朋友去咗所以決定在瑞士一落机就揸車去德國玩,最後返瑞士住一晚及交車,好彩係我地決定去德國,哥度D嘢平好多,起碼平三份一。德國自駕真係好架,又唔收公路費,D人都好禮讓。

    回覆刪除
    回覆
    1. 係咪帥先~
      可能係我地口味問題卦
      係呀咁多個禮拜唔見你喎~點會唔掛~記得得閒多d黎我呢個窩居度探下我啦(呷一口茶)
      華~幾抵喎~~~~國泰直航架喎~~好抵好抵~~~~咁仲好啦...我寧願去德國都唔去瑞士呀~~(我本人認為咋...瑞士真係幾靚...但係..好悶.....)
      唔知我幾時先有機會去到~

      刪除
  4. 嗰幅相......你個樣衰到吖,成隻河馬咁

    回覆刪除
  5. 我不是想嚇你, 見你頭痛咁耐,

    看報紙, 有人頭痛去醫院, 醫生最初查唔到, 後來才發現病人體內有虫, 係頭顱內頂著腦部, 後來食藥治虫就好番哂了. 你不如下次問下醫生, 問下佢點查體內有無虫.

    回覆刪除
    回覆
    1. 其實......我都有咁諗過....................................................
      但我都唔知點check

      刪除
    2. 去找醫生驗糞, 這裡有講病徵和除虫方法

      http://www.mindbodygreen.com/0-11321/10-signs-you-may-have-a-parasite.html.

      下次見醫生, 我都要求去驗下.

      刪除
  6. ✬・゚♦好姊妹★*✫又係時間瞓覺豬*✫☾.•早唞喇喂*¨☁

    回覆刪除
  7. 距離關西哈利波特之旅2015仲有---23日...哈哈哈

    回覆刪除
  8. 無得翻水....好孤寒姐
    5人壺蓋相好攪笑
    TWG竟然tea唔得......噢

    回覆刪除
    回覆
    1. 係咪呀!係咪呀!
      我都覺得好姑寒~
      係咪好帥呢!

      刪除
  9. 妳成日食又少做運動唔頭就假啦,試下食完晚飯同媽媽散下步又可以幫助消化又身體好
    我有個問題,妳仲乜成日帶住黑超呀?
    斑蘭芝士未吃過喎~~~

    回覆刪除
    回覆
    1. 有咩關係喎.......食得多做運動做得少最多咪肥~
      因為....我知醜~
      好味呀~~~

      刪除
  10. Hahaha... 你哋茶壺影的那張相 實在太太太正啦!!!!!!
    我都記得呀 佢啲班蘭蛋糕真係好好味呀 超好吃~~~

    回覆刪除
  11. 發生醜事咩,第日七公子去到康齡既年紀,咪有齊齊得回味咯。

    回覆刪除
  12. 發生醜事咩,第日七公子去到康齡既年紀,咪有齊齊得回味咯。

    回覆刪除
  13. Tea set個兩舊應該係scone唔係muffin吧.

    回覆刪除
    回覆
    1. wakakakaka~~~係喎~~~muffin係甜哥d喎~~~~我又指鹿為馬~~~
      謝謝指正~~~~多謝你話我知唔使做盲毛~

      刪除
  14. Well,你仲有23日又會再出門玩喇.

    回覆刪除
  15. 我喺香港幫襯過哩間,茶葉款式唔少,
    佢茶壺內無茶葉,無得加水架,
    佢地茶葉只冲水一次太浪費,
    英國所有餐廳用壼茶葉都有翻沖水,
    我覺得佢地政策為防止人地坐得耐啫,
    小家啲@@

    回覆刪除
    回覆
    1. 咁新加坡又真係幾多既~~
      原來係咁!!!唔怪得啦!!!
      係囉....定還是佢不停翻水俾其他人?
      係呀係呀好小家

      刪除
  16. 小T, 祝你早日康復~~唔好再頭痛喇!!
    新加坡真係好熱好熱.........仲要好多時食飯地方都無冷氣...我真係唔係好頂得順個邊天氣

    個TEA SET好吸引...不過啲茶無得REFILL真係有啲孤寒....

    個班蘭蛋糕好食呀, 可惜我上次去到機場個到賣哂><

    回覆刪除
    回覆
    1. 多謝多謝~
      係呀..真係熱到飛起~
      好好味架d三文治~~~~不過真係d茶有d姑寒~~~
      咁真係好可惜!!

      刪除