2015年5月26日 星期二

公子新加坡喪吃自由行之旅2015-04-05第三天Part 5(陰天後轉天晴)

唔知係咪因為天氣又焗又濕呢~我好似....又有d敏感呀塊面.......痴線架~~~人都癲~~~~~~~嗚嗚~~咁又過左3日假喇~~~呢3日過得好開心好開心~~~星期五一放工夜晚食完飯就去左睇明日世界..不過我覺得套戲一般...雖然佢講d未來野既時候d場景幾得意...但係個故事一般~(但毛寶同我持相反意見~佢好鐘意~)...星期六成個下午plan行程...plan到連飯都食唔落~超認真..但夜晚番到屋企超頭痛~係無啦啦頭痛到極哥種!要食完藥即刻跑上床哥隻......好彩星期日訓醒又即刻無事~~行黎行去又過左日~(我記得落超大雨)....星期一佛誕節一起身超好天!!兩個禮拜都未見過~就衝左去黑沙!!!.....食肥佬燒烤~(我地真係好反高潮的~)....食完又回家plan行程....夜晚就同左公子去食飯...點知晚飯同甜品都觸左礁~



2015-04-05

Day 3---Part 5(新加坡 Singapore)
咁係酒店抖左一陣又出去食野~噚晚係克拉碼頭散步時經過呢間叫朋友既日本餐時覺得佢外型唔錯~幾靚仔~~於是我地就訂左位係今晚食喇~~





有室外位同室內位坐...咁梗係揀室內啦~~~新加坡咁熱~






毛寶叫左杯梅酒飲....SGD$8=47hkd...唔算太貴~不過毛寶話好淡口~




刺身叫左赤身既吞拿魚....SGD$22=129.3hkd....味道好一般....回想起....在沖繩用$160hkd食到既一大盒大拖羅....真係....點滴在心頭......................墨魚刺身SGD$14=82.3hkd....仲貴過澳門~~~~~~平時d墨魚刺身巧平架咋喎~~~~




北海道蟹肉沙律 SGD$15=88.1hkd......好貴既一個沙律...但又真係幾新鮮幾好食~~~好清新呢~




油甘魚(SGD$22=129.3hkd)同埋三文魚(SGD$20=117.5hkd)既刺身....分別淋上japanese sauce同埋basil sauce.....搞笑既係...我唔覺得有咩分別呀兩種汁...其實可以用唔好食黎形容~




天婦羅蝦卷...SGD$12.5=73.5hkd....算係價位比較正常的一樣~但味道平平




玉子壽司...SGD$4=23.5hkd(兩件).....都幾好味~因為我都鐘意甜甜地既蛋~.....鐵火卷都ok~忘了幾錢~




冷蕎麥麵...SGD$10=58.8hkd...正常價正常味




芝士火腿吉列豬扒....SGD$11.5=67.6hkd....都係澳門d大排檔整得好味d~




西京燒銀鱈魚...SGD$19=111.6hkd....好味~~其實我真係好鐘意食西京燒銀鱈魚架~~個汁甜甜地~襯落呢種魚油比重既魚度真係~~一絕~~~~~細細的一塊~已過百元港幣~~~




完全唔知呢個餸幫佢收咩名好(係呀~前面d名我作架咋~佢餐牌得日文同英文~~成大串雞腸唔想打咁多~~~).....濕濕地既甜甜地既煮牛肉然後加隻蛋而內裏仲有d薯仔~個名真係好有詩意~SGD$16.5=97hkd...華~~唔使咁貴呀~~~~~~~聽我個名都知唔係d咩咋喎~~~~




關東煮...SGD$17=99.9hkd....平平




豚肉紫蘇卷(上)...SGD$7=41.1hkd......仲有個唔知咩煙肉卷(下)...SGD$7.5=44.1hkd.........兩個都好好好好好難食......一食入口成口油!!!!!!!!!!!!!!!!!!!!!!!!!!!!!!!!!





明太子茶漬飯....SGD$9=52.9hkd......算係呢餐驚心動魄之中正常既清淡菜~




燒飯團...SGD$5.5=32.3hkd...唔好食....燒得唔夠乾又上唔夠醬油...一個字:唔合格(小姐...那是三個字)

點解我地要黎到新加坡然後食日本野??可能係食得太多熱氣野想清一清....但........................................你可以見到....呢間野有幾貴幾難食.....睬~浪費我quota喇!好難想像係新加坡會吃到難吃的!千祈唔好去食呀!!!!





2015/05/26的開心事:

有人請我吃很好吃的曲奇4重奏呀~~
好多謝你~~~~~咁重你都攞番黎請我食!!
我好感動!!!!!*3*
有人前日幫我係香港買左去旅行用既新配件~多謝~
收到有人幫我攞哥d哈波入場劵~多謝~
仲有呀你d日本信好好味~~~~~多謝大家~



報時:距離關西哈利波特之旅2015仲有---25日~

報時:距離冰島格陵蘭自由行之旅2015仲有---124日~
好野~好野~
日本個行程終於plan到有少少眉目喇~~~
原來要plan一個唔熟既地方係咁辛苦架~~~
我初頭plan係完全無頭緒的~~
不過時間唔係好夠喇~~....我仲有兩日未plan~~
要努力plan埋佢就開始認路~

20 則留言:

  1. 真係好貴,連關東煮都成舊水。我係Aeon 買一包廿幾蚊即食庄,有佢兩份咁多咯!

    回覆刪除
  2. 喱次哈利波特之旅似乎落晒心機去plan咁喎^^
    喱間日本嘢聽落真係唔多掂,去星洲都係食馬拉菜穩陣D

    回覆刪除
    回覆
    1. 係呀係呀~~~我用左好多腦力架~~~
      係呀...我下次知衰架喇~~~

      刪除
  3. 我都聽人講過新加坡物價水平好高
    新加坡尐日本野....ErERER定係呢間伏尐咋?尐價種貴過澳門喎
    係台灣真係食日本菜同韓國菜比較清淡,台灣本土特色菜真係..........唉!!!多油到喊TAT

    回覆刪除
    回覆
    1. 其實我覺得都ok既....係酒店貴d啦...食野其實澳門依家都好貴~
      呢間真係唔抵幫..又貴又唔好食
      哈哈~~咁你食多d日本野啦~

      刪除
  4. Hi小T,我终於可以寫留言比㚷喇!因為屋企大裝修一個多月!部電腦寄咗倉庫,用唔到!妳去星加坡d地方我舊年大部分都去過晒!呢間朋友日本餐廳我食完都覺得中咗計!我都以為外型晤錯就中計!妳下個月去闗西呀!我下個月25號都去九州玩呀!咁大家都玩得開心d喇!bye!!

    回覆刪除
    回覆
    1. 下...我估唔到有blog同我一樣食過呢間咁難食既日本野
      好啦大家都玩得開心d啦

      刪除
  5. 去新加坡食日本野,瀨嘢都正常吖,下次唔好啦

    回覆刪除
  6. 很多時候天氣變, 就會令人頭痛或過敏了, 多休息和放鬆, 飲食清淡點, 就會好的.

    南洋D野真係好燥熱, 連食個水果都要加檸檬汁, 才不致太甜.

    回覆刪除
    回覆
    1. 知道...(但係岩岩先食完零食)
      哈哈~~~但佢地又偏偏咁熱又鐘意食熱辣炸野~~~

      刪除
  7. 係新加坡食日本嘢好貴喎,睇落一般。

    回覆刪除
    回覆
    1. 千祈唔好去食添呀~~呢間好差~

      刪除
  8. 真係慘慘bor, 皮膚敏感唔嚴重的話理論上唔緊要, 但o係塊面就好緊要囉 >.< 乖乖地唔好食易致敏o既食物先, 總係覺得會同食物有關, 希望妳快快好番啦
    我都係好怕食多油o既野!
    曲奇4重奏個原味蝴蝶酥真係好正, 開親都會到成盒冇晒先無奈地收口

    回覆刪除
    回覆
    1. 係呀...佢就係係塊面囉.....sad~
      我其實好為食咩都岩食~~~~~~但係太油我都唔得~~我諗我會肚痛~
      下~~~~~~你都好為食呀~~~~

      刪除
  9. 新加坡啲嘢什麼都貴,稅重嘛!
    食野就好講彩數,揀左間唔好食都無法.

    回覆刪除
    回覆
    1. 都係呀~~~~不過其實食野我覺得還可以因為依家澳門都好貴~
      唉~我下次知衰唔會再係新加坡食日本野~

      刪除
  10. 臉部敏感,衹有用中醫藥才可以治本,小心D呀!
    那日本餐佈置得好好,不過D食物賣相就不太好!
    您真是好多好朋友,哈哈哈

    回覆刪除
    回覆
    1. 知道~
      係呀超差的~~~~~
      多謝佢地錫我~

      刪除