2015年5月14日 星期四

公子新加坡喪吃自由行之旅2015-04-04第二天Part 3(天晴)

er...唔...呀.......今日深深體會到....人際關係真係永遠係最難搞既一環................一整天身心俱疲.....明天終於到星期五喇.....viva.......(有氣無力的說)



2015-04-04
Day 2---Part 3(新加坡 Singapore)
係酒店休息左一陣之後我地就跑去克拉碼頭(Clarke Quay)影下相~好近咋~就係酒店後面幾步咋~




見唔見到右手邊有彈下彈下飛高哥d野玩?好恐怖~日落中~開始無咁熱~




影完一輪相我地就去會合貞公子的朋友一起吃飯~(其實都係我中學同學仔來的~)......梗係梗係要去食海鮮啦~~又去吃珍寶海鮮坊Jumbo Seafood Restaurant...地址:30 Merchant Road #01-01/02, Riverside Point, Singapore 058282, Singapore......佢其實有好幾間分店~睇下自己想去邊間~仲有一個重點係佢有得網上訂位~~網址



會合左朋友就入座啦~好彩有訂位咋...有超多人等緊位!!可能我地食哥日係星期六!!多謝貞幫忙訂位~哈哈~~阿美有出場架~~~~(實情係我見到朋友有攞佢隻阿美出黎我先醒覺要攞自己哥隻出黎~)....安排左坐室外位...有d熱(要不停飲凍飲麻醉自己)



先來一張合照啦~~~~



藥材醉蝦 SGD$6.5 per 100gm.....最少要叫300gm...所以我地叫左300gm啦~呢度係SGD$19.5=114.6hkd.....有超過10隻大蝦...其實我覺得幾抵食~~~我地每次黎都叫架~~~我同毛寶都覺得好好味~~~有d甜甜地既醬點黎食~~蝦夠大隻夠新鮮夠爽!!!!!正!



荔茸帶子 SGD$16(小)=94hkd.....唔錯~幾好味~唔怕油油的~加埋酸酸甜甜既汁~



清炒芥蘭仔 SGD$15(中)=88.1hkd.......我食過呢種芥蘭仔呢~~~係港澳都未食過~幾得意~同平時食哥d芥蘭唔同的..唔通係佢地先有既?爽爽的清炒其實幾好味!



窩燒豆腐 SGD$15(中)=88.1hkd.....我之前都有食過~呢個窩燒豆腐幾好味的~~裏面除左豆腐仲有混到其他野炸~~配酸甜汁好好味~



麥片蝦 SGD$30(中)=176.3hkd......我之前有係馬來西亞食過....但覺得又乾唔好味....但今次係珍寶食覺得....好正呀!!!!!!!蝦係整到可以成隻蝦食唔使摵殼~~~有麥片痴住隻蝦一入口以為好乾但有蝦汁飛出黎....加上佢d甜甜的調味~~~好正!!!!(不過好熱氣...食一隻已經feel到)....好好味呀~~我下次黎要再食~



馬來炒麵 SGD$21(中)=123.4hkd.....都幾大個...我地食唔哂...打包左番酒店再食...公子幾欣賞呢個麵~辣辣地~幾惹味~



醬爆鱈魚 SGD$24=141hkd.....不過唔算好多粒....有d唔抵...但我覺得幾好味~~因為佢炸到鱈魚外有層炸衣~配上佢個汁~~好好味呀我覺得~~~我相信係我食得最多~



主角要來了~辣椒蟹王(時價).....我地要左兩隻....SGD$163.2=959hkd....配埋每人一粒小鰻頭SGD$0.6=3.5hkd(每粒)......用小饅頭點汁食真係好好味呢~~~



超多蟹件~~~毛寶話之前鐘意食辣椒蟹的....但今次佢話無上一次咁好食喎~~~~



佢地係用斯里蘭卡蟹呢~~~很大隻~~~~睇下個鉗~~~就黎大過我塊面~~~啖啖肉好正~



另一主角....黑胡椒蟹王(時價)...呢個我地要左一隻...SGD$101.4=595.8hkd......呢個係超級有鑊氣呀!!!!!!!大家公子都係愛食呢個黑胡椒蟹多d...因為呢個炒得乾身d喎...而且黑胡椒炒得相當惹味~連毛寶都轉軚話黑胡椒好味好多(不過幾辣下~要小心~如果唔食得辣就最好揀辣椒蟹好了...辣度無黑胡椒咁高~)...毛寶呀~講個秘密你知....其實..我一直都比較喜歡吃黑胡椒蟹多一點~



救命呀~~~愛死佢既味道~~~~~~~睇到都覺得香~~~~好想啜一口~食埋胡椒蟹.......我既喉痛已推上高峰!!!!俾刀片介喉的感覺~



行去酒吧街逛逛~熱鬧非常~想去飲野的~但真係太飽~咁就當行下散下步~



岩岩行過見到對岸既金沙有表演~



然後行過呢個玩命game.......我地係fb post左呢張相...然後打左句:巧驚嘩~.......請問大家諗到咩?
竟然有人信我地玩左~~~~~~~~~~~~張相好真~~~哈哈..實情係企左係下面望.....望住人玩都覺得驚....咪搞我~



跟住行多個圈就行番轉頭lu~




咦~又見到雪糕三文治檔喇~~唔係唔食嘛~~~用雪糕撫平我喉嚨既刀傷~~~呢度貴過今朝少少賣SGD1.5=8.8hkd.....今次我地揀左榴槤味呢~~~佢仲聲稱係用貓山王做架~~~~的而且確係真係幾好味既~~~~~~~~好清甜呢~~~~~~







2015/05/14的開心事:

發現永遠有咩衰野....
一番屋企阿媽永遠給我無限的安慰~



報時:距離關西哈利波特之旅2015仲有---37日~

報時:距離冰島格陵蘭自由行之旅2015仲有---136日~

28 則留言:

  1. 幅相呃得吓人,公子們太有戲了
    隻蟹咁大隻,無知一問:係咪新鮮貨?

    回覆刪除
    回覆
    1. 哈哈~公子都係讀演藝出身~~~
      我又真係唔知喎~不過唔怕梅架~好鮮味的~

      刪除
  2. 雪糕三文治...正喇
    ♦・゚⊹甜夢✬*✫晚安安☁☾.•*¨★

    回覆刪除
  3. 出嚟做野,永遠人際關係最難搞呀~~~
    仲有搵工要識人好過識字呀
    嘩~~~咖哩蟹,胡椒蟹,炸帶子樣樣都想食呀
    榴槤我至愛,榴槤雪糕三文治正呀
    世上只有媽媽好。

    回覆刪除
    回覆
    1. 係呀好鬼煩...
      無錯~識人真係大哂的~
      真係真係好好味~~~
      係呀媽媽是最好的~

      刪除
  4. 貓山王雪糕三文治有興趣呀
    真係餐餐都食好野,喉嚨痛都要放埋邊

    回覆刪除
    回覆
    1. 真係幾香~好正~
      無計啦~最重要都係食左先算~

      刪除
  5. 胡椒蟹,辣椒蟹兩款都好味,我比較鍾意胡椒蟹多啲,珍寶好貴呀,我去左大排檔食,價錢平珍寶一半,味道都好好呀﹗

    回覆刪除
    回覆
    1. 係呀係呀我都鐘意胡椒蟹多d呀~~~好香口~~~
      係呀~你下次介紹下我去邊間等我都去試下先~

      刪除
  6. 好彩有星期六日放假,有乜人事問題唔開心都擺埋一邊先啦^^
    我都覺得果張相激真喎@@

    回覆刪除
    回覆
    1. 無錯無錯~~~~放周末是最開心的~
      哈哈~證明我地好戲~

      刪除
  7. 人際關係真係殺死人架!
    藥材醉蝦、荔茸帶子、窩燒豆腐、黑胡椒蟹王好正喎!

    回覆刪除
    回覆
    1. 係呀~我覺得d人好悶~
      依家諗起都想食~

      刪除
  8. OH...... 辣椒蟹、黑胡椒蟹王... 賣飛佛!!! 好想食呀))))))

    回覆刪除
  9. 無錯, 阿媽是最好的!
    我都真係以為妳玩左, 我會覺得呢舊野可以彈人上太空(呵呵, 低能mode亮起)
    從妳地食o既野可以證實妳地好年青, 好煎炸呀, 十級熱氣兼高膽固醇, 今次唔想偷食喇, 只係對藥材醉蝦有興趣咋, 似好補, 呵呵

    回覆刪除
    回覆
    1. 係呀~~媽媽真的是最好~
      waaakakakakakka~~~好多人都以為我地玩左~~~太真喇~~~~~
      唔係呀.....已經有好多野唔敢食架喇~~~~藥材蝦真的好吃~~~

      刪除
  10. 我住係加國耐, 最喜歡去熱帶D咁熱鬧多人的地方, 個MOOD好HIGH咖.

    回覆刪除
  11. 難為你又燥熱野又榴槤,刀片介喉都仲要食。點解唔拎埋兩隻阿美一齊合照呀?

    回覆刪除
    回覆
    1. 係呀~去到咁遠點都要食啦~
      哈哈~~我怕醜~

      刪除
  12. 香港都有芥蘭苗架~~ 不過多數係越南泰國餐廳先有~

    回覆刪除
    回覆
    1. 0我~~~~多謝你幫我增長見識~~~~

      刪除