2015年5月12日 星期二

公子新加坡喪吃自由行之旅2015-04-04第二天Part 1(天晴)

好悶呀...今日番工真係好悶呀.....唔係無野做架喎.....就係悶囉~~~我諗星期二都係咁架喇~離星期五太遠~但離上個星期日又無耐......(有無知我講咩?????).....今日成日個肚都冤冤痛~好想大擦一餐~(其實兩件事無關~)



2015-04-04
Day 2---Part 1(新加坡 Singapore)
一大早影多次間房先~我好鐘意佢隻窗超大隻~朝早透d陽光入黎好舒服~~~~(而且窗簾是電動的~~)




一出酒店門口發現超好天呢~~望過對面...原來新開左間好靚既五星級酒店~~~上網睇過中間哥d樹位應該係泳池~~




係我地酒店行過去牛車水(China Town)....大約行5-10分鐘啦~視乎你點行啦同埋睇下天氣熱唔熱....我淨係知.....呢日...我出左黎5分鐘...d汗就狂標.....................d建築好靚~






好熱...好熱......一入到唐人街d汗真係開水喉咁流...........成個頭都係汗....呢個係我對呢幅相既記憶......




不過我地依家係去食野先~其他野都放埋一邊~~路經新加坡最古老既印度廟馬里安曼興都廟(Sri Mariamman Temple)....相信去過牛車水既人都會見過的~




hehe~目的地係要去麥士威美食中心(Maxwell Food Centre)...地址:1 Kadayanallur Street, Singapore 069184, Singapore....好緊張呀~~~~




我記得對上兩次黎我地都有黎呢個熟食中心~~~不過真係....好熱.....我記得我呢個時候塊面熱到紅哂.....我比教推薦坐一入門口既枱櫈...會比較通風....我地坐隔離哥排...熱到呀...




重點就係要黎食天天海南雞飯(Tian Tain Hainanese Chicken Rice)呢~~~~我地買哥時唔使排隊~一買完超多人排~




今次叫左一隻雞!!!SGD$24=141hkd.....好好味好好味好好味好好味!!!!!!!雞肉超超超滑!!!而且很有雞味~~配上甜甜黑豉油同吃....極好味!!!!!!!!但係依家佢攞黑豉油有配給(以前是自助的).....買左成隻雞...都係俾一小個我(真係細到你唔信)...咁唔緊要怕人浪費嘛咁我唔夠食咪去攞過囉.....又係俾一細個我(仲要係bit左一小篤)....我話:唔好意思呀可唔可以俾多少少我呀?因為我買左一隻雞我驚唔夠點呀......點知個店員超無禮貌:阿姐呀...依家你係0也豉油既咩!!!!!......天氣咁熱d火一黎就上:你理得我丫!!!!!!!我係鐘意食豉油呀...你唔肯俾咪出聲囉!!!!....無禮貌到飛起!!!!!!!!!!!!!!!!!!!!!!!!!!!




呢碟係跟隻雞一齊的...好似有d去骨既鳳爪咁...配埋d汁..好正~~




香油飯 SGD$0.7=4.1hkd.....今次食退步了...完全不香!!!不過價錢不貴......撈黑豉油食還好~不過下次唔會掛住佢d飯




很有氣勢的雞和香油飯陣~~~不過真係好無禮貌...我諗緊...可能係間間都咁滑...只係佢有旅遊書賣過先三分顏色上大紅!!!我下次會試下其他檔口的...無謂受佢氣...痴孖筋




叫左個肉骨茶試試...不過一般~(上次係馬來西亞食哥個新峰肉骨茶真係好好味呢~)...我喉痛已成事實....唔敢飲太多~




天口太熱...一定要飲凍野...平時係澳門飲左凍野會覺得係罪過.....係呢度唔飲先係罪過.....個咖啡好好飲!!




我又叫了我好鐘意既薏米水~呢度d野飲大多SGD$1-2.5=5.9-14.7hkd




真係熱到出哂煙~今餐不算血吃了~




一出黎就會見到既佛牙寺龍華院(Buddha Tooth Relic Temple and Mesuem)




麥士威旁邊條路就係安祥路(Ann Siang Road)...係d設設師聚集既地方~有好多鋪頭~但係好多都未開...有d望一望...成4點先開...果然係好藝術家脾氣.................






而且有好多靚裝既cafe同餐廳.....下次有機會試試~依家太熱了~閃~







2015/05/12的開心事:
不停的同W小姐講去大阪d野...
好開心~



報時:距離關西哈利波特之旅2015仲有---39日~
報時:距離冰島格陵蘭自由行之旅2015仲有---138日~
唔知我會買幾多哈里阿波既商品呢~

22 則留言:

  1. 隻雞真係好嫩喎~~~雞油好有光澤,加黑豉油真係絕配

    回覆刪除
    回覆
    1. 係呀係呀~~~可惜間野太串了~~~

      刪除
  2. 妳已經去到退休狀態啦,只想去玩唔想做啦~
    好食都唔使咁串架,一於唔好再去食,我支持妳,我都唔去食

    回覆刪除
    回覆
    1. 我都想呀..我真係好攰呀~~~~
      哈哈~~可能你去佢會對你好d呢~

      刪除
  3. 我無去食天天海南雞飯﹗

    回覆刪除
    回覆
    1. 係呀~咁你上次去食左d咩呀~

      刪除
    2. 食左好多嘢,胡椒炒蟹、辣椒炒蟹、串燒、肉骨茶、煲仔飯、重有好多吾記得^_^

      刪除
  4. 離星期五太遠,離上個星期日又無耐,但偏偏一半都未過,(我明,哈哈哈)

    回覆刪除
    回覆
    1. 我諗好多打工仔都會明~~~wakakakakaaakaka~

      刪除
  5. 個雞佬傻左定了, 賣雞唔送豉油, 點出到D雞味? 人客食得唔過癮, 鬼再去咩!

    回覆刪除
    回覆
    1. 佢唔係唔送..係俾得好悔氣je~~~
      實會繼續咁多人去..因為旅遊書有賣

      刪除
  6. 不過, 碟雞好似好生喎, 未煮熟呀

    回覆刪除
    回覆
    1. 其實都ok熟架喇~如果唔係點會咁滑~

      刪除
  7. you're so cool!!!去到新加坡都開x人波!!因住打滕

    回覆刪除
    回覆
    1. 咁公眾地方佢可以點?攞佢把斬緊雞既刀斬我??
      一碟豉油咋喎

      刪除
  8. 我覺得新加坡海南雞普遍檔攤無問題,佢地用冰鮮雞都ok,但喺雞好白色,
    但油飯先見真章,
    新加坡幾時都熱&好曬(^^)

    回覆刪除
    回覆
    1. 其實我講真佢地d雞係幾唔錯既..好滑好嫩
      但係個飯比起之前是退步了

      刪除
  9. 我覺得新加坡海南雞普遍檔攤無問題,佢地用冰鮮雞都ok,但喺雞好白色,
    但油飯先見真章,
    新加坡幾時都熱&好曬(^^)

    回覆刪除
  10. 「今日成日個肚都冤冤痛~好想大擦一餐~」:哈哈哈,您好多時都可以將事情拉到食方面,我開始懷疑宇文公子「美少女」是整圖整出來的!
    酒店近牛車水,選地好正!
    海南雞飯,正正正~~~~~
    個店員超無禮貌囉!

    回覆刪除
    回覆
    1. 哈哈~~~一見真人係大肥妹~我無執肥瘦架d相~淨係執左有時會偏色
      係呀~所以貴少少都住~
      真係好無禮貌~

      刪除
  11. 帶定隻風扇仔在手會唔會無咁熱?

    回覆刪除