2015年5月19日 星期二

公子新加坡喪吃自由行之旅2015-04-05第三天Part 2(陰天後轉天晴)

雨下一整天.....係大雨到我番工咁近都兩條褲管都濕哂~~~~~~不過我今日做得最岩既一件事...就係:我出街帶左大傘~~~~~~~~如果唔係仲濕~~~~已經由上個禮拜一落雨落到今日...但我見天氣報告未來一個禮拜仲係落雨....勁!



2015-04-05
Day 3---Part 2(新加坡 Singapore)
影完魚尾獅我地又跳上的士喇~(好懶~).....下一個景點係Gardens By the Bay~呢個景點我都係第一次去咋~~~~我之前去新加坡哥時都未有既~~~~地址:18 Marina Gardens Drive, Singapore 018953...網址




華~見到喇~~~不過天陰陰的~~




咁我地去排隊買飛先~都幾多人~因為呢日係星期日~雖然好多人排~但係佢地手腳好快~唔使10分鐘就買到飛啦~~讚~值得一提係記得去之前上網睇下佢會唔會有d部份會關閉~先揀適合既日子黎~咁呢佢有3個館需要買飛入場既....一個係Flower Dome另一個係Cloud Forest....仲有一個Skyway.....咁Flower Dome同埋Cloud Forest合埋一齊買係SGD$28=164.5hkd....又唔係貴~咁我地諗住買埋Skyway嘛..點知佢話依家天氣唔好...所以Skyway暫時關閉唔賣飛俾我地住....oooooooooooooo




咁我地就衝左入Flower Dome先喇~






帥氣自拍~朗公子~有咩可以幫到你呀???????




Flower Dome故名思義就係睇下花花啦~~~~仲要有唔同國家既花睇~大開眼界~(其實睇得好舒服架~因為係室內黎架~咁呢~就有冷氣既~涼~)...呢隻花好得意呀~好似個小女孩著住條裙仔跳舞咁~




華~呢條裙仲靚d~~~~




個樣似迷你版食人花~~~~




好靚呀朶花~~~同我一樣咁靚~~~~(毛寶話我買左個魚眼鏡頭就瘋狂自拍~~~)






華~~~呢個女仔雙腿好長呀~~~多謝毛寶~




公子真可愛~




同我一樣可愛既白色花花~






朶花好少女呀~~(心心眼)




好打意呀~用白色小花做左個心形~






呢棵野超好笑~生到超高然後打橫生花出黎~




然後有一part係鬱金香做主題的~不過我覺得麻麻~因為佢d花開始謝謝地~我影哥d係已經比較好既部份~








仲要有主題架用d花砌出黎~











今日我隔離屋個叔叔呀...
同我一齊搭搭下lip問我....
叔叔:er...唔好介意我想問你一個問題...(尷尬)
我:0我~你問囉
叔叔:你個髮型...幾得意...但係...點解你要剪呢個髮型?
我:下~其實好多人剪呢個髮型啦..同埋好方便喎短髮
叔叔:..er.....咁你唔會覺得其實長髮好睇d咩?
其實去到最後我想講....我個樣係咪太諧星?
個個女仔都係長髮~呢個世界咪好無趣~
都係要有呢d諧星令世界歡樂d~~~~~~~~~(俾人話仲自我感覺良好mode)



係呀係呀~~~~~~~
我地呀~~~~
七公子呀~~~~~
其中三位公子呀~~~~~~
連最難搞既碩士論文都搞掂左喇~~~~
即係話我地七公子中有三位碩士生喇~~~~
稱為三碩公~~~~~~哈哈~~
恭喜夫人~~賀喜夫人~~~
生左三個咁叻既女~~~~~~~~~~


2015/05/19的開心事:
仲有呀今日係某個男同事口中得知...
原來我地部門有另外一個女同事都鐘意Ozil bb!!!!!
我:咁點得架!!!!!!!!!!!!Ozil bb係我架!!!!!!佢唔可以同我爭架!!
跟住就發左一輪癲.......
然後Chlo頂我唔順...出言相勸
Chlo:佢鐘意奧斯爾有咩用??奧斯爾鐘意哥個係你呀嘛
我:野~~~~~~~~~~~~~~~~~(生花花痴mode)
咁就氹掂左我唔再嘈~~~~~Chlo你真叻~
仲開心左好耐~



報時:距離關西哈利波特之旅2015仲有---32日~
報時:距離冰島格陵蘭自由行之旅2015仲有---131日~

22 則留言:

  1. Flower Dome好多嘢睇,最緊要是有冷氣,行得好舒服﹗

    回覆刪除
    回覆
    1. 係呀係呀~~~~呢個行程好呀~~~涼朕朕的~~~

      刪除
  2. "Chlo:佢鐘意奧斯爾有咩用??奧斯爾鐘意哥個係你呀嘛"神回,好嘢!!不過點會有囡囡好似你咁癲鍾意oce架???真係女人心都一字馬
    魚眼影啲相幾靚!係咪千幾蚊?

    回覆刪除
    回覆
    1. 唔係呀...我咪話我部門有另一女同事都鐘意佢囉~真係好擔心ozil bb會俾佢搶走~~~~~~~
      ozil bb是我的~~~~咦~你都識男人心一字馬呢首歌喎~~我地七公子唱左好多年喇~
      唔係呀~只係雜誌送既夾係個電話前鏡頭度影之嘛~50幾蚊咋~

      刪除
    2. 我識男人心一字馬有幾奇?不嬲年紀同你差無幾
      吓!!!!我搵搵先,50蚊!!!!

      刪除
    3. 哈哈~你大個我都可以識男人心一字馬既~
      旺角有售呀~40蚊然後無黑角的~

      刪除
  3. 除咗貞公子仲有邊兩位係碩士?開名啦高興嘢值得表揚.

    回覆刪除
    回覆
    1. 我唔知人地鐘唔鐘意我開名架嘛~唔好喇~

      刪除
  4. 嘩~~~有d花未見過喎,真係好靚。
    而妳同花一齊影咁就~~~~緊係人比花嬌啦

    回覆刪除
    回覆
    1. 係呀~世界各大洲都有唔同品種展出~幾得意~
      唔~算你啦~

      刪除
  5. 落咁耐雨, 今年唔會制水了.

    你D相有個黑框, 係你加上去嗎?

    回覆刪除
    回覆
    1. 都可以咁講~
      唔係呀~只係雜誌送既夾係個電話前鏡頭度影之嘛~

      刪除
  6. 鍾意小女孩著裙你嗰種花, 好得意
    有嗰 iconic 既髮型, 好型呀你 :- p

    回覆刪除
    回覆
    1. 係呀~一見到就咁樣諗~
      唉~最弊阿叔覺得我係怪異呢~

      刪除
  7. 睇你呢篇野,你令我笑左2 次!
    (髪型+Ozil bb).

    回覆刪除
    回覆
    1. wakakakakka~令人會心微笑是我的榮幸~

      刪除
  8. 新加坡啲景點距離應該不會太遠,你地成班公子團一齊坐的士其實仲抵啦,又唔駛四圍搵車站,可以慳返時間(又唔駛熱和滴汗)!!!!
    我都覺你個自拍mode強勁咗好多XXXD 最緊要enjoy,自己影得開心最緊要^^

    回覆刪除
    回覆
    1. 都ok呀~不過最弊我地係5個人呢~佢d的士係最多4人咋~所以我地係分開兩個人同三個人咁坐~~~但係...我地都決定要搭的士~因為真係太熱喇~~~
      無錯~~~因為真係好方便~

      刪除
  9. 落雨出街帶大傘,才夠浪漫!
    Gardens By the Bay,我都未去過!Flower Dome都好正!
    見到您們玩得這樣興奮,我們都興奮起來。
    不是太諧星,是七公子太可愛!
    哈哈哈,Chlo好了解您!

    回覆刪除
    回覆
    1. 好彩有大傘咋~如果唔係濕哂~~~~
      係呀呢度好好影相呀~~~~
      真既~~咁我要再興奮d先得~~~
      野~~~~~

      刪除
  10. 短髮易打理..我都係短髮...

    回覆刪除
    回覆
    1. 係呀~去旅行同平時朝早起身都好方便~

      刪除