2015年5月18日 星期一

公子新加坡喪吃自由行之旅2015-04-05第三天Part 1(陰天後轉天晴)

今日多野做到飛起~~明天生生性性好不好~~~~好開心呀~~星期五去左Venetian睇Sammi~~~~好正~周末都在狂風大驟雨中渡過~係大雨到要躲在家中~望住出面落大雨.....自己就係室內.....表示享受(傻的)



2015-04-05

Day 3---Part 1(新加坡 Singapore)
呢日又係11點出發~首先去左朗公子指定要去既呢間係牛車水入面既馮滿記藥行....要去買咩呢??好似買驅蚊油??我記得好似有人買左獅子油.......er...好似係.....呢個時候我d汗又係不停咁流.................................




其實係去馮滿記之前我就去左噚日去過既泰山藥行搵藥食...我個喉嚨真係痛得不得了......問左佢食咩藥好..佢就推介我買呢隻強力喉痛清熱丸喇~呢個真係made in singapore喇~~~睇佢後面既介紹:強力喉痛清熱丸是特為炎熱潮濕氣候而愛吃熱辣食物的熱帶地區大眾論症配制......仲唔係講緊我??????????笑死我~~~~重點是:我食左兩次...個喉嚨真係無咁痛喇~~~~好神奇~~~~離開新加坡前我喉痛已好番~~下次去我一定會再買呢隻番澳門食!!!!






我地又去番麥士威美食中心(Maxwell Food Centre)~因為d女仔話想翻食喎~因為噚日見到呢間真真粥品真係好多人排隊...所以有女仔話真係好想試下~所以今日又黎喇~唔係講少....真係排左半個鐘....




佢d粥選擇唔多...都係魚同雞..




我地叫左個魚粥試下~SGD$5(大)=2934hkd....真係好大碗~~~粥很綿綿的~~~好好吃~~~最欣賞佢係朗公子~




呢間仲有魚生食呢~又係SGD$5(大)=29.4hkd....超大碟~




佢攞青檸汁大量芝麻生菜蒜片撈埋一齊食~好味~第一次吃咁樣既撈生魚片~




今日我只可以飲無冰既蘆薈水...好熱呀....佢地話奶茶都好好飲喎~




終於搵到有檔賣螄hum(我真係唔記得點寫..)喇~~~前晚去食老巴剎哥時都食唔到...因為賣哂~~~SGD$5(大)=29.4hkd~~好多~~~生生地~~腥亨亨咁~好正~




白魚蛋~但一般~忘了問幾錢~




呢個馬來炒麵好正~~~~但又係忘了問幾錢~炒得好有鑊氣呀~~~~




encore天天海南雞飯.....星期日呢日超多人排隊...仍然雞好味飯一般....




頭先去熟食中心之前係牛車水我地買左盒貓山王食呀~~呢一盒賣SGD$68=399.7hkd.....由於我地唔係榴槤街買..佢無競爭係賣貴d架喇....不過都平過我媽媽次係香港買架喇~~~我地好識做...係熟食中心食完野先走出街邊食...真係超大陣味~~~一打開成條街都聞到~~~好彩佢有手套俾我地食~如果唔係就成隻手都係~~~~好香好好味呀~~~最衰我唔食得咁多啦哥日~~~如果唔係我會狠狠的食多舊~~~~(記得有d酒店唔可以帶榴槤上房食架~)






咁呢...好熱嘛....咁呢...個MRT站同個景點又唔算近嘛....咁呀....咪搭的士去囉~~~~~~~~一看到這個..就知我地黎左邊啦係係咪~~~~~魚尾獅公園(Singapore Merlion Park)....地址:1 Fullerton Road, Marina Bay, Singapore.....基本上跳上的士講魚尾獅就可以了~~~~(好懶)




有誰會好似我地咁帥氣??要跟魚尾獅的屁屁拍個帥氣照~




我好鐘意呢張~我覺得咁樣影好有意境~(又讚自己)




看到毛寶....我笑到要尿褲子了;目~~~~~~~~




呢日好多人呀~好難先可以避開d人影合照~好彩有魚眼鏡頭咋~~~合照無難度~呢個時候有一兩粒雨仔~






omg~~~帥帥的公子黎到新加坡都要做帥帥的"就是你"海外版~~~~~~貞公子和杯公子~下次要約埋你地做海外版的"就是你"~~~~~~~




望過對面就係成條船咁既Sands~仲有成個蓮花咁既藝術科學博物館~公子~你地好帥呀~可唔可以幫我簽個名呀~(自戀mode)






仲有凱公子幫我地影既全景照~~到底~呢度有幾多個公子呀~







噚晚阿仙奴作客對曼聯喎~

Chlo又通知我睇波~
上半場睇到我差d訓著~~
下半場就緊張好多~~
最後...因為有我睇嘛~
梗係和波收場啦~(咪唔信邪...睇左4場都係和波~~)
Ozil bb~~~~~~~~~~~~Chlo仲話佢大隻左添~~
好有型呀~~~~(花痴mode開啟)



Sammi個演唱會好正呀~
人正衫正歌正舞台正~
仲要呀....佢請左我前幾個月好鐘意既Phil黎唱高山低谷~
好驚喜~~~~~~~~~
快歌哥part超正~~~
好鐘意依家既Sammi~
個人樂觀正面又感恩~
Like~
多謝皮皮幫我買飛~~~~等我參與到呢個盛事~~~



2015/05/18的開心事:
今日試左事拉差哥隻辣醬味既爆谷..
可算是開心事嗎?



報時:距離關西哈利波特之旅2015仲有---33日~
報時:距離冰島格陵蘭自由行之旅2015仲有---132日~
我幾叻呀~~星期日呀~~
終於寫左兩咁大把行程喇~~
好開心好興奮~~~

28 則留言:

  1. 榴槤我真食唔到,但我屋企人好like
    見到妳地食得好開心,口味哩架嘢真好個人,
    吃喝玩樂開心之旅,去邊度都咁好玩♡♡♡

    回覆刪除
    回覆
    1. 我唔算特別喜歡~但係貓山王喎~~~
      咁梗係要食下~~~
      最緊要同咩人去~

      刪除
  2. 全景照可以影到咁多個公子,孖生俱樂部咁囉!

    回覆刪除
  3. 貓山王食完隻手洗一日都好大朕香味架
    oce留啲鬚都幾肉酸,尋日先見到佢隻耳仔形狀都幾怪....尋日踢到不知所謂......
    螄蚶,正!!

    回覆刪除
    回覆
    1. 係呀~~好彩佢有俾手套我地~~如果唔係就成日都係哥陣味~~~
      咩呀~我星期日晚睇波見到佢留鬚我仲同我媽講:好靚仔呀~~好man呀~~~~唔係呀全身都咁可愛~~~~~~我見佢有好多球都傳得好靚架喎....係接佢哥個把握唔到之嘛
      螄蚶同好會~

      刪除
  4. 嘩~~~螄hum呀、我鐘意食呢.
    貓山王榴槤呀、引死我啦~~~~~
    妳現在好似有少少向橫發展喎

    回覆刪除
    回覆
    1. 係呀係呀~~~好好味呀~~~
      貓山王今次食得太少~~~希望下次食多d~
      喂...唔準嘈

      刪除
  5. 新加坡獅子油,好似有出名架喎!
    「生生地~~腥亨亨咁~好正~」,哈哈哈,形容得好變態!
    貓山王,好重口味喎~~~~~
    毛寶好好笑!

    回覆刪除
    回覆
    1. 其實我唔知有無記錯~~~
      但真係咁~~~鐘意食既人就好鐘意~唔鐘意既話就憎~無中間位~
      其實我唔係好食榴槤..但貓山王真係好食~
      係呀~~

      刪除
  6. 好懶呀我仲未的起心肝整行程:(

    回覆刪除
    回覆
    1. 唔緊要啦~你後我少少出發仲有時間既~襯呢個周末開始啦~~~

      刪除
  7. 成日都流汗,有無瘦到先?
    遇著個個都食榴槤就最開心,可以狂擦

    回覆刪除
    回覆
    1. 梗係無啦~你睇我幾大隻先得架~
      其實真係唔係個個食的~但佢都肯試真係難得~

      刪除
  8. D魚生, 好似潮洲舖果D, 又係用蒜片芝麻, 不過, 係點醋或酒送,

    回覆刪除
    回覆
    1. 下~~~點醋或酒呀.....好吸引呀~~~~~

      刪除
  9. 好介紹,下次有人去新加坡都要買番盒看吓門口先!

    回覆刪除
  10. 來留下言先, 點解新加坡都俾你講到有啲好玩咁既, 哈哈, 但我真係對新加玻無咩興趣 :-p
    我今日試寫返 blog 嘞, 得閒嚟探下我啦喂

    回覆刪除
    回覆
    1. 華~~~好耐無現身火blog喇你~~連fb都少左喎~~~~其實新加坡真係好熱~
      好的~期待~

      刪除
  11. 事拉差爆谷好唔好食?
    喱隻喉痛藥咁靈,第時有機會去都要買先得
    魚尾獅噴水洗頭look超正XXXD

    回覆刪除
    回覆
    1. 得個辣味囉~都ok既~
      我都想叫人去哥時幫我買盒呀~~~~~
      哈哈~~我地是傻的~

      刪除
  12. 你就好啦, 睇到SAMMI, 我個時買唔到飛呀, 我都好想睇佢。
    咁都比你搵到隻喉嚨痛藥, 你真係超勁, 我都好想買包看門口。
    我去2次新加坡都無去到魚尾獅呀, 唔知有冇機會去呢......
    個個美食中心...好熱呀.......我每次去新加坡都好似中暑咁><

    回覆刪除
    回覆
    1. 我都係臨時知有飛咋~我都覺得好好彩~佢演唱會好好睇~
      其實我走入藥房問佢有咩推介咋~~~~
      下~~~~去兩次都無去點解既~~~~其實新加坡唔算多野做喎~~~咁你去左邊度玩呀~
      係呀...真係熱到就黎虛脫

      刪除
  13. 榴槤,我唔鍾意食.SAMMI我都好鍾意佢...

    回覆刪除
    回覆
    1. 好多人唔鐘意食的~放心~不過咁遠去到試下無妨~
      係呀sammi d歌好好聽~

      刪除