2015年5月13日 星期三

公子新加坡喪吃自由行之旅2015-04-04第二天Part 2(天晴)

今日真係超攰....都唔知點解咁多野做...尤其5點後....攞我老命喇~~~~~~~~~~~~~~~~~~~~~~~~我好想快d到星期五呀~~~~~今晚開始又要做番運動....但係我真係好攰~~好想放棄今晚~



2015-04-04
Day 2---Part 2(新加坡 Singapore)
係安祥路行番落唐人街段路真係熱到不之得了...我好似未試過覺得咁熱....成個人又熱又多汗..........直頭熱到要墊一張紙巾係額頭...另外再要多一張不停印汗哥種~....一行番入牛車水個街口咋...就見到我聲稱見一檔食一檔既雪糕三文治呢~~~叔叔很有笑容~很友善~~~公子即刻排隊~我好鐘佢地用菜刀劈雪糕磚~~





呢度既天氣咁熱~~~真係好適合食雪糕三文治~~~





每個SGD$1.2=7.1hkd....唔貴~而且覺得好好味好有風味~不過我今次無揀方包黎夾~因為岩岩食完中午飯太飽~~~而且揀左我最喜歡的粟米味~~~~~~




跟住就行下唐人街買下手信啦~~因為有公子第一次黎嘛~我就咩都無買喇~因為之前黎已經買過好多磁石~(而且牛車水既磁石...其實蠻醜的)........





你睇下...連佢都熱到要貼哂成個身係地訓..................堅係熱




牛車水的MRT站~不過我發現我黎過3次無一次係搭地鐵黎~因為次次都係同一間酒店度行過黎~~




跟住就去左泰山藥行買藥類啦~地址:201, New Bridge Road, Singapore 059428, Singapore...網址





有豆蔻膏呀膏布哥d野買嘛~~買完之後發現原來佢有自家煲既涼茶賣~~我買左支菊花洋參茶~~其他公子好似有買山楂水~~好正!!!唔怕太甜~每支好似係SGD$2=11.8hkd...超大支~~抵飲~




又行過見到以為有鯛魚燒食...所以買黎食下...買左芒果同埋綠茶味試試....點知原來個皮係糯米糍個皮既質地...本身都幾得意...但個餡d味超假...好難食!!!!!




跟住再行過美珍香...諗住買下肉乾~(其實澳門都有好多肉乾買~我都唔明點解我要去新加坡買~)...地址:189, New Bridge Road, Sigapore......我最後醒覺原來澳門都有美珍香...真係搞笑~本身諗住買林志源架...但係林志源好多人排隊而且係室外排隊(好熱架嘛!!)......好啦...去美珍香啦~



而且見到豬肉乾在做特價呢~~~600g才SGD$23.95=140.7hkd.....平左成10幾蚊既SGD~~



實在太熱太攰~~番酒店抖抖先~~~頭先去泰山藥行就係買呢隻膏布喇~~因為之前有人推介過好好用~~用過之後真係好正~~夠哂涼而且夠持久~~朗公子番澳門用過之後都話正~~話好用過好多日本既膏布呢~(不過我地後尾見到後面寫住Made in Taiwan)....笑了~但係台灣見唔到既~




買左一包肉乾同埋我最愛既蝦米卷~~~不過美珍香既蝦米卷唔夠好味惹味~個紙袋真係好過癮~




休息左大半個鐘就再出發~去左Vivo City~地址:1 Harbourfront Walk, Singapore 098585, Singapore....網址...由克拉碼頭前往只需搭MRT既NE Line...由克拉碼頭Clarke Quay(NE5)->港灣城Harbourfront(NE1,CC29)直達~Vivo City同MRT出口連接~方便~地面都唔使出~





不過都係d大路野啦....咩Forever 21哥d~叫做有冷氣涼下~不過發現呢間賣香薰既365days幾特別~




特別在佢既外型太特別喇~佢d花本身係白色....由於下面d香薰唔同色既...慢慢經過吸收面染成唔同既色~~~好靚~~





仲有其他唔同造型的~~~







另外我最有興趣行既係家品店~





行行下經過見到好過癮~班蘭雞蛋仔~~SGD$2.5=14.7hkd....不過做得唔算好....d邊位好多粒好乾...內餐空心都夠膽既.....中間哥d情況就好d....有d軟軟既班蘭餡~





跟住就到我最鐘意既環節~~黎Vivo City都係為左佢~~(通常既人黎Vivo City係為左去聖淘沙..公子就是與別不同~)....超大的Giant超市~~~我記得上次去馬來西亞都有Giant超市~好大間好好行~~我最鐘意行呢d超市~貴價哥d我不愛~




呢隻必買吧~哥個全球10大即食麵排行榜佢榜上有名架~~(唔記得排第幾但記得排名幾高~).....成SGD$10.95=64.3hkd得4包....即係16hkd一包喎..即食麵喎...好貴呀.....我表姐話香港有得賣但成20幾蚊包.........而且體積好大.....我只能買1包咋...食落就....麵質係幾好味既....但煮就好似好難煮...朗公子仲煮衰左......好彩我媽整到~~~不過隻味就....大家都說椰了一點~




第二必買(我自己咋)...梗係新加坡口味既cup noodle啦~~




買左超多野又番酒店抖抖先~~~呢d係超市既戰績~~~~超市d平價蝦春卷一包才SGD$2.5=14.7hkd....但味道絕對唔差過美珍香哥d...真正抵買!!手信良品~細細包又方便送俾人~




麵我就買左呢3種試~頭先介紹左叻沙....叻外買左隻蝦麵(左邊)....SGD$7.95=46.7hkd 4包......其實都成10hkd包....不過有人食過話呢隻好味過叻沙哥隻~.....另外右邊哥包係紫麥麵既乾撈麵...SGD$3.25=19.1hkd 4包...呢隻最平但未試過~




杯麵買左呢4隻味~~有左起冬蔭功味(SGD$1.2=7.1hkd)...Chill Crab(SGD$1.2=7.1hkd)...叻沙(SGD$1.5=8.8hkd)...黑胡椒蟹(SGD$1.2=7.1hkd)....唔知點解叻沙味貴d既呢???我影緊相哥刻只係諗起:點解隻麵唔搵阿仙奴賣廣告????????????如果唔係我實買多幾個!!

杯麵其實好難帶...唔重但阻地方..........即食麵唔阻地方..但好重.......


執好野(其實好影完戰利品).....行出騎樓一望....原來我地間房睇到少少克拉碼頭的!!最衰有棵樹遮住~~







2015/05/13的開心事:
我迫我自己諗今日有咩開心事...
答案今日真係無咩....諗到腦都痛埋...
咁就寫....我今晚食左三文魚刺身呀~



報時:距離關西哈利波特之旅2015仲有---38日~
報時:距離冰島格陵蘭自由行之旅2015仲有---137日~

20 則留言:

  1. 睇相都覺得熱......
    我好鍾意食百勝廚即食麵架,但真係貴咗啲囉

    回覆刪除
    回覆
    1. 係呀..真係睇相都覺熱.....
      真係好貴..好似出去食個麵咁既價錢....仲要自己煮...

      刪除
  2. 原來新加坡係咁熱架XD
    好想食雪糕三文治, 我到時見到應該會發癲沖埋去食
    真係relax遊黎~~冇咩景點~~係咪因為太熱呀?

    回覆刪除
    回覆
    1. 我諗你要著背心去先得喇.....
      咁你見到就好食喇~~~~因為有時佢地不定期咁開的~
      都係~~第二諗左要去有d地方最後無去...太熱...個人好攰~

      刪除
  3. 熱辣辣有雪糕三文治食正喎

    回覆刪除
  4. 雪糕三文治SGD$1.2超干呀,HK雪糕車都$9啦
    全球10大即食麵排行榜我都有睇呀,認住你哩隻款先
    黑胡椒蟹杯麵最想試,應該會好好味

    回覆刪除
    回覆
    1. 更正:雪糕三文治SGD$1.2超''平''呀,HK雪糕車都$9啦

      刪除
    2. 哈哈~~都幾抵~~而且我覺得都幾好味~~~
      但我覺得真係幾貴.....抵唔拭同好無食真係見人見智~
      係呀~~~我次次去都買架~~~~

      刪除
  5. 雪糕三文治同雞蛋仔都好吸引呀 ^^

    回覆刪除
  6. 我去遊行最鍾意行當地超市,有好多特式嘢買,我都有行這間超市,超大超多嘢睇,個隻叻沙香港買好貴,由$21-30價錢不等,我買左兩大包﹗

    回覆刪除
    回覆
    1. 係呀我都係呀~~~~想睇下人地當地會賣d咩~~~
      呢間真係好好行~貨品又齊~唔錯~~~~

      刪除
  7. 我諗返起我去咁多次都無行過Vivo City, 次次都係去左聖淘沙個邊。。。
    個隻黑色LASKA公仔麵, 我都好鐘意食架, 雖然貴啲, 但我覺得真係好好味, 而啲杯麵都係好好味。

    林志源個邊成日都唔憂做咁, 態度麻麻~~所以我都係係澳門買牛肉乾渣~~

    回覆刪除
    回覆
    1. 其實我就覺得vivo vity又無咩特別野行既~不過個超大既超市真係好吸引~~
      哈哈~~原來你一早食過~~~我覺得都ok既...但係呢........成$20一個即食麵我覺得真係好貴!!
      哈哈~~多謝你幫襯澳門~~~~

      刪除
  8. 雪糕三文治SGD$1.2=7.1hkd====>好抵!!!@@係咪仲平過禮記?
    我都鍾意行平價超市,又大又多野睇....
    香薰花真係幾靚喎,好似真咁,有冇買?

    回覆刪除
    回覆
    1. 係呀~~~好抵食呀~~~~~~仲要有麵包~~~~
      係呀我都係呀~~~~想睇下人地當地會賣d咩~~~
      我地有團友有買呀~~~

      刪除
  9. 新加坡真系好熱,不過又好乾爽!
    貓貓超可愛!
    您D相present 到超級美食團一樣呀!

    回覆刪除
  10. 其實香港都有美珍香......

    你係新加坡有冇去CHARLES & KEITH 買鞋呀? 又平又好著架!

    回覆刪除