2014年12月17日 星期三

新海灣葡式美食

我今日都係好攰呀~~~不過今晚晚餐係阿媽煲既洋蔥雞湯~好正~仲有兩日咋!!仲有兩日我就可以捱過厄運與我同在既日子~~~~~~加油豬~~~~



又係公子食食食時間~~之前因為有幾個公子行過呢間餐廳知有石燒牛食之後.....臨住入去食....點知超多人無book枱無得食.....而哥時係7月...呢間野8月份成個月放暑假既情形下...急急腳約齊馬去試吃~(難得既係急急腳約都齊人喎~).....新海灣葡式美食...地址:澳門倫敦街88號環宇豪庭地下及閣樓Z座....電話:2875 1465...6698 4849......地方真係好細..記得要訂位






Sumol葡國汽水 $20..之前有講過~菠蘿味較甜~橙味清新d~不過好貴~




Red Wine Sangria $160.....其實Sangria都係左溝右溝既je....無咩話一定份量...但係呢間係我飲過既咁多間以黎...溝得最難飲既........................(但難飲個份量又多喎..好難頂)




Soup of the Day $25.....湯細細..雜菜湯...味道唔錯~




馬介休球 $15(一粒).....見佢一粒粒咁叫仲$15一粒咁巴閉咪叫4粒諗住share黎試下....點知一黎.........華...好似仲細粒過平時係出面一份份咁叫哥d.....呢度4粒已經要$60...堅貴!!味道亦只係一般(以呢個價錢黎講)




八爪魚沙律 $120......一黎到...公子們齊聲說:我諗我地要搵定後路食野.....................佢d野真係細到....兩啖食哂哥隻....我係酒店入面食既葡餐都無呢個八爪魚沙律咁貴!!!




葡式炒蜆 $130....呢個好味~有芫茜既餸菜係特別香的~~但仍然份量好細




熱石牛柳 $150...我好鐘意食石燒牛柳架~因為生熟度可以自己控制~就算一枱人個個要求既生熟度唔同都可以~我最怕係我落單要5成熟結果都係7成熟咁出黎...搞到次次都要叫3成熟(但有時真係會3成熟呢.....)....$150預左唔會係咩好勁正既牛~但呢舊都算ok~




新海灣魷魚 $125....呢個份量已經係魚類既主菜...攞出黎既感覺就係好小器....不過都幾嫩滑~唔怕鞋鞋的~




跟魷魚既薯條...又林又油...同奧波爾圖既無得比...但人家仲要比佢平很多...可能區份問題




海鮮飯2人份量 $300...呢個飯既份量算係最正常!!!而且海鮮亦算多!!!每人都可以添到一碗!!





新海灣豬柳 $135............最後一道.....呢碟豬柳....我記得..好鞋.....而且....呢d豬柳....完全唔夠我攝牙縫....................

雖然味道係ok...但係....好喇...唔玩喇.....呢間又貴份量又少....七公子呢晚真係轉左場去第間再食....有幾個公子仲話:我好似無食過野咁............(我係唔會講邊幾個講架)





2014/12/17的開心事:
除左阿媽煲雞湯令我好開心之外~
今晚阿媽仲買左高地烏街間Elysee麵包店既麵包黎送湯~~
間野初頭新開仲送牛角包俾人食~仲處處好評~(法國麵包師傅)
今日終於到我食~(多得我阿媽咋~)
我仲怪我阿媽做咩唔買牛角包...仲埋有餡哥d..
點知食佢d無餡既包先食真佢d包既味!!!!
有個有黑橄欖既包..仲埋一個懷疑個面鋪滿阿麻籽既包..
呢兩個都堅好食!!
仲食左佢個豬仔包...配我最喜愛既牛油
我阿媽話:美心同佢無得比!!
好正!
我阿媽再話:我覺得自己今晚飲洋蔥雞湯同埋食呢d包好有文化呀~
(你講緊咩呀媽媽)



報時:距離台北聖誕節自由行之旅2014仲有:4日~

28 則留言:

  1. 凍冰冰飲碗熱辣辣嘅湯,真係暖晒^^
    嘩,呢間嘢得個貴字,仲要麻麻地好食,睇怕你地都無下次喇.........
    我估你一定有份講: '我好似無食過野咁'

    回覆刪除
    回覆
    1. 係呀~~我由頭暖到落腳指尾~~~
      梗係..七公子既基本需求係...食飽~
      哈哈~~好啦~~我唔否認我有份講~~~~

      刪除
  2. 厄運係咪以前嘅厄運?乜仲喺度嘅咩?
    踢爆多啲呢類黑店啱架啦.

    回覆刪除
    回覆
    1. 係..無錯....都係以前哥個....係...仲係度.....真係無可奈何.....
      又唔算黑店既..不過係食過一次唔會有下次之選~

      刪除
  3. 嚟咪當貴精不貴多~~用阿Q精神啦

    回覆刪除
  4. 哇 好唔吸引呢 哈哈 轉場再食過 好勁秋呀 hahaa

    回覆刪除
    回覆
    1. 係呀~仲要轉左場食甜品仲要再叫咸食~正~

      刪除
  5. 小t 今晚勁凍喇•*¨齊齊保重喎
     .∧_∧
     ( ・ω・ )
     |⊃/(___
    /└-(____/*。唔該周公子見呢
     ̄ ̄ ̄ ̄ ̄ ̄
    ╔╗╔╗╔╗╦╗ ╦╗╗╦╔╗╗╔ ╦
    ║╦║║║║║║ ║║║║║╦╠╣ ║
    ╚╝╚╝╚╝╩╝ ╩╚╝╩╚╝╝╚ ║...Zzzz

    回覆刪除
  6. Sumol葡國汽水...我未飲過...$20...都想試下呢

    回覆刪除
    回覆
    1. 香港有得買架~我見有blog買過~你試橙味啦無咁甜~

      刪除
  7. 小t 有媽媽牌靚湯飲 幸福幸福 ^^
    呢間啲食物 又貴 份量又小 仲要係唔好食嘅...... 真係無下次啦!!!!!
    um......我想估......你有講...... : 我好似無食過野咁 hehee~~~~~

    回覆刪除
    回覆
    1. 真係好正~我都覺得自己幸福~
      七公子唔飽呀..好大件事架...wakakakaka~
      哈哈~~好啦~~我唔否認我有份講~~~~

      刪除
  8. 睇相都覺得好細...同埋碟碟都咁多薯條.......真係熱氣死喇!!

    美心啲包真係唔得架... 空心既, 我無食好耐LU...... 有時去啲小店度買包食, 仲好味道~~

    回覆刪除
    回覆
    1. 但佢d薯條係唔脆既先嬲~
      我唔知澳門美心同香港美心一唔一樣呢?
      不過原來港澳都唔得

      刪除
  9. Hi小丅,首先講聲唔好意思先,因工傷整到隻手!所以冇留言幾日比妳!新海灣我在新馬路個間到食個!但價錢唔平架!葡國汽水好飲嗎?執咗gip咪呀!去放行玩得開心d喇!bye!!!

    回覆刪除
    回覆
    1. 唔使唔好意思
      你整親要休息多d呀
      take care

      刪除
  10. Sumol 葡國汽水,未試過喎!
    祗有葡式炒蜆和海鮮飯吸引我。
    「我覺得自己今晚飲洋蔥雞湯同埋食呢d包好有文化呀~」我覺得「好有文化」三個字是指「亞媽愛心」的意思囉!哈哈哈

    回覆刪除
    回覆
    1. 香港有得買架~我見有blog買過~你試橙味啦無咁甜~
      哥兩樣係最正常的~
      咁要問我媽先知喇~~~哈哈~~

      刪除
    2. 我真係唔喜歡太甜的,有機會就試下橙味先。

      刪除
  11. 原來妳仲有幾日便去台灣啦

    回覆刪除
  12. 香港美心既飽真係好唔得, 食完好似食左陣風咁呀!
    但我返工只係夠時間去買美心咋
    我既人生真係好黑暗!

    回覆刪除
    回覆
    1. 哈哈~~我地都係呀~~~
      我都係最近係美心..同埋好貴既麥叔叔

      刪除