2014年12月11日 星期四

孖八-二零一四年七月

今晚開始又番凍喇~聽日著多件衫呀~~~同埋我覺得要食飽d囉~~(但我見到我今晚碟飯就慘喇~~~我覺得會唔夠飽~~)....今日就唔算話好多野做既...但係.....全部都係好煩既野!!!!今日真係好費心神........搞到我有d煩燥呀今日~(不過咁燥好大程度係因為我中午打去某酒店中菜部受到無理由對待所致)



7月上去探孖八.....wow.....肥仔到你~




好懶呀~~~~~~~~(係咪同主人一樣~~~)




我上得黎代表咩呀???就係代表你要開始運動!!(我都順便運動一番~~~哈哈~~)






或者睇相唔知佢有幾大粒~睇片可能會好d~~肥肥~





好鐘意佢背部既花紋<3




又到佢同朗公子既親子活動時間~~~咬手指如咬奶咀~




呢張我覺得我影得好好睇~咁孖八又真係幾"四正"既個樣~隻眼又圍哂眼線咁~呢張影到佢幾鬼少女呀~(但佢係仔仔黎架喎~)...個樣天真無邪到.......同周秀娜d寫真少女樣係差唔幾~




睇佢個樣驚死我地搶走佢個奶咀咁!!!!




使唔使咁冧呀?????今次咬奶咀仲要有埋there聲助陣..




呢張相我真係好鐘意~~話說毛寶同朗公子話好凍...咁朗公子就俾左本來係屬於孖八既珊瑚被俾毛寶吸住先.....點知孖八一見到自己心愛既被被俾人搶走之後.....狂啤住毛寶~~~~~~~真係好好笑~仿佛講緊:喂!我架喎!

隻手揸到緊到.......................



一時又興奮~一時又there~一時又憂鬱~邊個夠你黎~




我勁鐘意睇朗公子"R"佢個頭~同埋好鐘意睇佢舒服個樣~




之後朗公子仲要孖八做model添~要孖八帶佢整既橡筋頸繩~(前幾個月好興架~)..我地仲笑孖八成個黑社會大佬咁豪氣咁既樣~




先生~你肥到逼爆鏡了~睇下佢塊面旁邊d肉~




我都好鐘意睇佢呢d屈住隻手訓覺既樣~




救命呀~~~~呢張相好得意呀!!!好紳士~~~又圓碌碌咁樣~同埋d毛毛睇落好滑~好想摸~~~~




係朗公子成日見住佢先可以影到呢d咁好笑既相俾大家分享~~~









2014/12/11的開心事:
我個心今日係全憑著聽日開公子聖誕趴呢個信念先跨過...
真係要多謝七公子.....明晚我要笑瘋!!
希望快d到聽日放工哥刻...真係好難頂呢個禮拜!!!!!!!!!



報時:距離台北聖誕節自由行之旅2014仲有:10日~

28 則留言:

  1. 呢輯孖8寫真幾唔錯,你嘅生鬼旁白有畫龍點睛之妙......最鍾意佢憂鬱嗰幅,個樣好似啲明星影露點寫真咁.

    回覆刪除
    回覆
    1. 哈哈~~多謝客官既稱讚~~~~
      咦~你睇得好多喎寫真呢方面~好有研究~

      刪除
  2. 孖八呀,實在太靚仔喇,好鍾意睇到佢!!!!
    點解有兩條片睇唔到嘅............
    咩事令你咁煩燥呀,咁你可以向酒店投訴,唔需要嬲喎
    係呀,又凍返,你都著多件衫架^^

    回覆刪除
    回覆
    1. hehe~我都好鐘意佢~
      多謝你報料~我整番好喇~因為我upload時小心set錯野~

      刪除
  3. 咁你要跳blog ,開完p就好寫左呢篇,等我地都笑下先啦。

    回覆刪除
  4. 快樂星期五*聽晚我都唔使煮飯呢...好野...哈哈哈
    今晚食乜餸呀...有時間分享話你知呢...嘻嘻嘻
    ☁☾。゚話咁快又晚安喇喂★•*¨✬

    回覆刪除
  5. 哈哈 孖八真係大咗好多。記得你初初介紹佢時 仲係好BB 貓貓真係快高長大 開心貓貓 :)
    Whoo !! 聽日就係七公子聖誕趴 一定勁勁勁開心!!!

    回覆刪除
    回覆
    1. 係呀係呀~~你仲記得呀~~真係好得意呀佢哥時~佢梗開心~有朗公子同佢屋企人咁錫佢~
      係呀真係真係好好笑呀哥日~

      刪除
  6. 家貓同野貓分別好大,你呢隻好靚,我家門外每天晚上都有五至六隻流浪野貓在等食,瘦猛猛冇隻靚,因我老妻習慣將食剩的飯菜留下餵食牠們,本來冇乜所謂,可是牠們把我種菜的田挖到周圍都是泥才疴貓屎,貓屎又做唔到肥,就算唔餵都唔肯走,真頭痛。

    回覆刪除
    回覆
    1. 呢隻俾我朋友養到超靚~
      下...咁你又真係幾慘喎......餵又煩...唔餵又煩..

      刪除
  7. 孖八勁靚仔呀,我隻仔就鍾意抱住我隻臭腳咬我腳拍公,十足孖八咁樣.
    孖八未算肥,我桔仔大佢半個碼呀!

    回覆刪除
    回覆
    1. 哈哈~~孖八都有咁樣對朗公子架~又係成日咬~~~
      wow~你好快d上傳桔仔個新樣俾我睇下喇喎~~好耐無見喇~

      刪除
  8. 孖八越大越靚,咬奶咀好盞鬼!

    回覆刪除
  9. 好奇怪,昨晚來還看不到這兩篇,今日一看出兩篇,好勤力。
    孖八好可愛。

    回覆刪除
    回覆
    1. 唔係呀~我分開出架喎~~~~我邊有咁勤力~~~
      係呀得意小貓~

      刪除
  10. 屋企可以養隻動物真係唔錯~孖八好得意~~

    回覆刪除
  11. 好得意....,我都想養........但我阿媽一定唔俾.記得以前我細佬養過兩隻倉鼠,都俾佢丟左...

    回覆刪除