依家真係好開心~番埋聽日~星期一就係公眾假期喇~~~即係連放3日~~~~~~~加上今日凍呀~人潮減~~整天都在想去台灣要食咩~~~~~~~野~~~好開心呀~~~~~~快d到聽日放工啦~~~周末行程排得滿滿的~
通常同冰島團友食完新老地方呢~都會去呢度食甜品既..唔知點解呢~~可能行番出黎順路卦~~~呢間甜品店叫御滿糖...地址:澳門渡船街2EC號好旺閣A座地下...電話:2836 5365....裝修係幾靚架~
我地食過3次~都試左好多野下~可以講下有咩好食有咩唔好食~....桂花花茶 $42......跟一塊小餅~而且桂花落得超多~唔錯~(而且無限翻水~)
芒果乳酸沙冰 $38....大大杯~一杯可以兩入飲~~都幾好飲~不過飲飲下有d漏~
京都物語 $48.....咁就諗都諗到係有綠茶味既野+紅豆架喇~不過呢~個雪糕只係曬d綠茶粉係度....無咩綠茶味呢..好失望~雖然細細杯咁但係內容物好多(但我唔係全部都鐘意食~)
桂花奶凍 $28....通常桂花味既野我都鐘意食.....不過呢個係一個例外....我以為桂花會融入奶凍....點知只係係一個奶凍上面加d桂花糖......可以用難食黎形容....仲要好甜
芒之舞曲 $45.....好似係毛寶叫的~佢好似話幾好食~不過通常食到最尾又會覺得好漏好凍好飽~
草莓之戀 $45.....同上面哥個大同小異~只係味道不同~
椰汁涼粉 $26....穩陣之選~
芒果涼粉 $34......其實佢d涼粉幾好食喎(係咪想話我廢話讚d涼粉好食呀?但係有d地方整哥d涼粉係真係可以好難食的~)
芒果西米 $34....呢個真係有d貴~
朱古力曲奇千層 $48.....好味...但一定要多人分享...好漏~
士多啤梨拿破崙 $38....全店我認為抵同埋好食既甜品!!賣相都靚~
士多啤梨綿綿冰 $45....佢d綿綿冰可以翻叫~幾好味~
鮮雜果可麗餅 $55....呢個桂花奶凍一樣....屬於永不再叫既選擇!!!!!你睇下個皮...咩料?!?!?濕立立既!!!!隻色亦煎得超肉酸!!!!!感覺上似食緊假膠食物咁....仲收$55........................好恐怖............
有驚喜位係咸食~炸魷魚圈 $38...真係炸得幾好味~
呢間野擺明係走靚裝修中上價錢路線...可惜唔係樣樣野食都有水準.....有d仲好得人驚........睇你好唔好彩~
2014/12/04的開心事:
噚晚線上訂一間台灣之前食既餐廳...
點知話要等佢覆~~正當心大心細唔知訂唔訂到時~~
佢竟然今日係台灣打過黎俾我話確定預約!!!
很有心呢~~~~~
報時:距離台北聖誕節自由行之旅2014仲有:17日~
噚已經係個谷度狂講食咩~~~好多野想食~~
去台灣真係唔驚無野食..只係驚你無咁大個胃~
好彩今次去係血吃3人組~
噚晚線上訂...直接打過去訂既又有~~
仲有一間今晚要打過去訂~~~好緊張~
下一步.....上網做入台證~
小T, 台灣人做生意, 都令顧客幾暖心的.
回覆刪除都係架~(除左澳門既鼎泰豐外)
刪除去親台灣都好開心~
朱古力曲奇千層...士多啤梨拿破崙...士多啤梨綿綿冰
回覆刪除超級好味...我喜歡多人分享...唔係怕好漏...是可吃唔同甜品種
係呀~我地都鐘意叫幾個一齊食~可以試多幾款嘛~
刪除小t •* 晚上好☁*゚快樂星期四•*♡。・゚゚❤
回覆刪除希望話咁快就到星五啦~
刪除小t •* 番埋聽日...連放3日...咁開心...去玩咩呢
回覆刪除哈哈~~幾日都係不停的食野~
刪除無限翻水,呢樣啱晒你^^
回覆刪除呢間嘢d食物買相唔錯,我d澳門親友話家下澳門食嘢一d都唔平,唉,同香港一樣俾d土豪食貴晒.........
係呢,星期一係咩假期呀
無錯~我做人既宗旨~無限翻水~
刪除係呀....好難搵到又好食又平的......如果貴少少又好食我都接受到..
但如果又貴又好食就真係嬲囉
聖母無原罪瞻禮....天主教哥d假期
澳門星期一係咩假嚟呀!
回覆刪除台灣食咁多嘢小心變肥T~~~哈哈哈
聖母無原罪瞻禮....天主教哥d假期
刪除唔食都係肥t...所以..還是吃吧~
嗱~~妳自己都認係肥t呀。
刪除咁妳要改做肥t~~~~哈哈哈
咁收收埋埋先得架~~唔通大大聲聲咁講咩~~~wakakaka~
刪除食還食,要小心個肚仔先好呀。
回覆刪除hehe~分開3次去既~所以唔怕~
刪除咁多甜品睇到我流晒口水啦,澳門開了Hello kitty 餅店,有無去過呀?
回覆刪除無呀~聽人講話好貴呢~
刪除流口水中.
回覆刪除呢間麻麻~定價高~
刪除甜品款式都幾多選擇喎
回覆刪除無限翻水唔錯,至少可以坐耐D傾耐D
聖誕又有得出埠真好,唔知台灣聖誕氣氛如何呢?
hehe~我成日去到都唔知揀邊樣好~因為真係算多選擇~
刪除係呀~~我成日去食野都會叫d無限翻水的~
我之前試過聖誕去..我諗都成9年前...不過氣氛麻麻~
桂花花茶?好少飯囉~~~~
回覆刪除D甜品份量都好大,除了炸魷魚圈,樣樣都想試,呵呵呵
臺灣之旅,要血吃啦,哈哈哈
係咩?我有時係屋企都飲的~
刪除其實炸魷魚圈幾好味的~
係呀我地諗定左要食咩架喇~
好有興趣朱古力千層呀 好好味咁 我最近都上左甜品癮
回覆刪除你鐘意食朱古力嘛衰豬~
刪除個士多啤梨拿破崙真係好吸引呀 睇相都覺得好好味咁 好想食呢~~~
回覆刪除嘩! 小t 又有旅行報時啦 yeah!!! 台灣好玩呀 又多嘢食 羨慕呀 玩開心啲 ^^
係呀哥個算係最靚最好食的~~~~~
刪除我要食食食食好多的東西~正~
齋睇甜品賣相人都開針哂......
回覆刪除過幾日成人搏覽,啱哂你條咸濕妹啦
有d賣相好衰架喎~~~睇到都唔開胃~~~
刪除澳門???唔岩我呀我之前都有去過呀~點解你會覺得我咸濕?我純情小女孩喎~
你影啲相我張張都收貨,濕立立幅都唔差.
刪除咸濕嘅嘢溫故知新,到時你實唔知點解又去咗......唔駛講,你同咸濕之間已劃上等號,純情小女孩出自你口特別咸濕,令人想入非非.......
唔係呀下....哥張濕立立真係好難食喎...只能夠講你係偏心甜品的
刪除唔會去~之前睇過都無野睇既...係有個伯伯用哥度黎畫畫有望下...
點解呢???因為想聞ozil的臭汗味?!?!?!
你心邪je
我鍾意望甜品多啲,食要有人請先會食,因通常好貴......
刪除有個伯伯......嘩我好想睇喎,早知上星期唔過大海留番呢個禮拜先去啦......
唔只,你留過太多咸濕,濕到足以告你性騷擾嘅留言啦,我心邪你更邪
唔怪得你咁肥啦
刪除咁想睇???你自己都................
你都痴線既
我好鐘意食千層蛋糕架~~~睇見都想食.
回覆刪除個桂花X真係差左喎
如果係既話我想食綠茶既千層蛋糕~~~hehe~~~
刪除係呀好難食..睇相都好似覺得難食~
好想食個魷魚圈,哈哈!
回覆刪除好好味呀~~香口~~
刪除