2014年12月19日 星期五

2014年7月香港遊

野~~~~~野~~~~~~好開心呀~~~~~~我終於都捱過左呢個禮拜喇~~~~~~本身呢個禮拜我難過架~~chlo仔又放左假~i子又番北區....無人陪我玩~朗公子仲今日放埋假~~天無絕人之路呀~~~今日凍呀~~落雨呀~~好少人黎咋~~同我想像既畫面相差好遠~~~即係話呢~~我要放聖誕假喇~~~~~~~~~頭先放工走左去食小泉居...幾反高潮呀~~因為落好大雨唔想行黎行去~~跟住去左宏達諗住搵下霍金本時間簡史...點知佢話:依家無貨......hehe..鬼叫我都係襯呢個熱潮去買既咩~



事緣就係咁既~我地因為諗住無啦啦好想做一樣野...所以7月又過左次香港喇~~又係一早坐船過到去~係誠品睇左陣書...等住8樓既Caffe Habitu the Table開~你無睇錯~我地係睇住佢開~真係好早~一開門就衝入去食野~~(好肚餓)







其實我第一次食咋~覺得裝修幾靚~未食過就咩都想試下~又抵死喎...見人地個餐牌影得靚喎~唔識死叫左杯薄脆焦糖泡沫咖啡 $45...咁我見佢個名Cappuccino Brulee嘛...咪同法式焦糖燉蛋一樣燒焦佢好好味咁....試下都好嘛~但我根本就係一個唔飲得咖啡既人..仲要學人飲熱咖啡....真係...飲左半杯都無.................


重點係:原來唔脆既...



毛寶就好啦...醒目地叫左熱情果檸檬茶(中杯) $36....初頭睇覺得好怪...飲一啖又覺得幾好飲喎~




班尼迪蛋(巴馬火腿,黑松露) $112....攞到出黎覺得隻醬好杰....但係切開隻蛋...華~~~流心情況好理想呀~~再夾埋火腿同個醬一齊食....華...好好味呀~~~~~~好味~





黑醋大啡菇漢堡 $130....即係食菇扒啦~~雖係齋...但係超級的好食呢!!!其實咁樣食係有d漏架..但係有黑醋中和番我又覺得好正~~~~~白色的是山羊芝士~




之後就到呢日既重頭戲~我地係為左呢樣野先去香港架哥次~去左Nike iD度整對鞋~地址:銅鑼灣白沙道7號....我知可以上網搞...但唔知點解哥排個網搞咩...整極都整唔到~~咁唯有過一次香港啦~~~順便行街~~~揀左鞋型之後...d色全部都係自己襯架~(其實係毛寶幫我襯埋~)....整好左俾埋錢咁就有番呢張你整哥對鞋既卡~可以上網check番你對bb整到去咩程序......最衰一定要留香港地址.....所以借左朋友地址....好似free shipping...對鞋要$8xx




好似等左一個月都唔使~就速遞到朋友家~再由佢帶過黎澳門俾我地~~~~靚唔靚仔呀~~~~




重點在背後~~~~~有Ozil bb的名字呢~~~~我依家成日都著既呢~呢隻鞋款個底真係好舒服~我好想整多對~




之後行時代廣場~海賊王個展覽仲未正式展出~只能偷偷影...圍住布既前進號....係咪叫前進號呀??因為我一集海賊王都未睇過...




跟住去旺角行街啦~梗係要食肥姐啦~~~我真係好鐘意生腸和墨魚~口感極佳~~~~仲去埋信和想睇當時新出既美少女戰士鏡盒扭蛋賣幾錢(即係我最近係fb post出黎哥套)...當時信和賣緊一套5個要$500......痴線架~~~




我地跟住又過海去埋海廣城睇屎忽甩皮~我都幾鐘意佢架~覺得佢好可愛~成日見到佢d公仔都好想摸佢~我依家晚晚訓覺攬住既公仔都係佢~




呢張俾我既感覺係好有希望~我覺得佢好樂觀架~




親親<3




我依先知原來佢背部有黑色花紋架!!!!同埋好鐘意佢隻耳仔~





之後會合左朋友一齊晚飯~佢帶我地去呢間蟹麵膳度食...地址:中環租庇利街1號喜訊大廈商場地下A鋪....電話:3971 0933....中午好似係食麵咁既....夜晚化身做私房菜....聽講好難訂....佢地都係訂左兩次先食到.....超細小的鋪位




咁呢晚係食私房菜既....要4位起....每位$380...不平宜呢!!呢晚既菜單~




一坐低要等埋全店訂左既其他人一齊開始食既...我地最早到所以佢就俾d小食我地先.....佢既茶係桂花茶~小食係炸魚皮~唔錯~好好味~




蟹肉豆腐沙律....味道不錯...清新既開胃前菜之選~不過我估唔到蟹肉同豆腐是分開的~....豆腐上類似日式哥d胡麻醬~




清酒煮珍珠蜆....呢個好好味呢!!珍珠仲要粒粒脹卜卜咁~~~超鮮甜厚肉~殼裏面有d紫紫地色~





蟹肉冬蓉羹....細細一碗~但幾好味~蟹肉加冬瓜感覺好清爽呢~




蒜蓉蒸蟶子......堅好味!!!!!只要新鮮同埋唔好蒸過老我就收貨~~~~




韓式煮牛面珠肉.....整之前佢問我地食唔食辣...我地話食....整左出黎一食......好好好好好好好味!!!!!超香!!!牛面珠肉肉質恰到好處!!!!!可恨得兩舊!!




蟹湯菜苗.......小白菜?定小棠菜?...蟹湯好味~




青檸沙冰....俾你清一清個口~




招牌鮮蟹泡飯......華~隻蟹幾大隻喎....老闆應該好自豪呢個湯飯~因為佢不停叫我地估裏面落左d咩可以咁鮮甜~真係幾好味喎!!




佢見我地鐘意食辣....推介呢個佢地自己整既辣落入飯度食...講真又真係幾好味喎~~~~有d"沖菜"係入面~咸咸地~好正~




超滑布甸....又真係幾滑喎~係好立克味~幾得意~




其實每一樣野都好好味!!我最欣賞係湯飯同埋牛面珠....但我講真....我哥日係未飽架...應去到6..7成左右~~~~如果以$380食唔飽既話又好難搞....但係d野又好食喎~~~咁呀~~我下次中午去食啦~~~~~~~~有湯飯食又可以試佢d辣~~~~~呢次係朋友請架~~多謝你呀~





2014/12/19的開心事:
好野~老天爺很眷顧我呀~
很順利很準時的收工~~~
北區仲要早左番!!!!!
謝謝各位~



報時:距離台北聖誕節自由行之旅2014仲有:2日~
特登出篇長的跟大家過聖誕~(沒人要說聖誕期間要看你)
星期一出發~~~~~~~~~~~
回來再說~~~~
提早同大家講聲:聖誕快樂~~~~~~~
要想我呀~

36 則留言:

  1. 早早的聖誕快樂
    我會想你的 吃多點 買多點 玩埋我果份啦:(

    回覆刪除
  2. 同你講做冬快樂呀))))))
    再講聖誕快樂))))))))))呀)))))))))

    回覆刪除
    回覆
    1. 謝謝你呀~~~我都補祝你聖誕快樂~

      刪除
  3. 私房菜又幾巧味喎,但好細碟點夠妳食吖。祝妳係食多d .聖誕節快樂。

    回覆刪除
  4. 笑嘻嘻♥*¨❣•我都祝你和媽媽開心冬至喇喂
    ┏━┓ ┏━┓ ┏━┓
    ┃聖┣━┫節┣━┫樂┃¸.•*¨`*•❤
    ┗━┫誕┣━┫快┣━┛
     :┗━┛:┗━┛:.*¨`*•❤
     ♡   .♡   .♡¤*♫*♬°•♩。♪*

    回覆刪除
  5. GOAT CHEESE 味道好濃, 不是人人喜歡.....

    照看蟹湯內應有雞湯和米飯.....

    回覆刪除
    回覆
    1. 我鐘意呀~~超鐘意食芝士~~
      有呀...係湯飯黎架嘛~

      刪除
  6. 嘩! 你真係Ozil忠粉呀!!! 對鞋都有埋佢個名 著住係咪特別開心呢 ^^~~~
    小t 都祝你聖誕快樂呀!!! 仲有 喺台灣勁吃 勁買大成功!!!!!

    回覆刪除
    回覆
    1. 係呀係呀~~~我真係好鐘意佢~~~如果佢睇到我著住佢就好了~~
      多謝你呀~~~我無咩買野但真係食左好多野~

      刪除
  7. 預祝聖誕快樂!生腸同墨魚都係我嘅至愛!原來妳係大眼仔Ozil fans?我真係而家先知!

    回覆刪除
  8. 聖誕快樂小t,玩完返黎再寫過!

    回覆刪除
    回覆
    1. 我會架喇~~~希望我到時唔好再懶了~~

      刪除
  9. 我到現在也未去誠品,嗚嗚嗚
    熱情果檸檬茶,有新意喎~~~~~~
    班尼迪蛋和黑醋大啡菇漢堡都正。
    您將Ozil bb踏在腳下?
    間私房菜都好正。
    聖誕快樂!

    回覆刪除
    回覆
    1. 咁搵日去下啦~好多書睇~
      哈哈我以為好怪~點知又幾好味~
      哈哈~我想著佢係我身上嘛~
      聖誕快樂~

      刪除
  10. 簡簡單單或者歡樂精彩都快樂過週末❤冬至❤聖誕節喔
    \(*⌒ヮ◕)/齊齊Happy☆.。゚♦。開心萬得事¤*¨❉•°⊹✾*・*
    時刻°•❣窩心錫錫❉幸福抱抱♥。享受人生\(◕ε⌒* )/
    ╔═════ ೋ♦ღ•*¨ღೋ♦ ═════╗¸„ø¤º°¨ƸӜƷ
    ❀█▄█.█▀█.█▀█.█▀█.█▄█•°♬。・゚♫¸.•*¨✿
    ❀█▀█.█▀█.█▀▀.█▀▀.─█_•*•♪開心停不了ღ♩¤✿
    ╚═════ ೋ♦ღ•*¨ღೋ♦ ═════╝¸„ø¤º°¨ʚïɞ
    •*¨♩❉•。⊹*♬。´*•。♪⊹¤。´♫•*¨❉。・゚゚・。。゚♡

    回覆刪除
  11. 祝妳
    冬至團圓 :))
    聖誕節快樂 ^-^

    回覆刪除
  12. 史諾比,我都好鍾意......

    回覆刪除
  13. 唔講唔知可以咁樣整波鞋, 又唔貴喎~~
    你今次食個兩間舖頭我都未食過吖~~好似好正, 不過要搵夠四個人先食到個私房菜~~要努力搵下先得~~

    回覆刪除
    回覆
    1. 係呀你去銅鑼灣哥間nike id就有得整啦~都幾方便~
      我見其他人都有係香港食私房菜好正~好羨慕你地~

      刪除
  14. 對鞋整oce個名就好似紋身紋另一半個名咁囉,xx唔知點算
    聖誕快樂,旅途愉快

    回覆刪除
  15. 波鞋同個私房菜都幾正
    玩得開心啲D,影多啲靚相^^

    回覆刪除
  16. 小T,聖誕快樂呀!食左咩好野?

    回覆刪除
    回覆
    1. 食左好多野~台灣d野真係好好味!!!

      刪除