2014年9月16日 星期二

Cafe Mart

最後都係半夜掛左8號波...都算長氣....掛到中午一點先掛番3號......所以我最唔想既事又發生喇---就係下午番工......有時我真係寧願番成日....好過成日心掛掛諗幾點要番工....又要等佢過9點仲係8號先敢再訓..........訓都訓得無咁好.......不過又唔算好多雨落~聽日就唔知喇~不過都好既...今日下午番早左....放17:15工~不過我今日先知原來銀行係12點後落風球就成日都唔開的..........



之前又試左間Cafe...其實係泊左車係哥頭...然後行下行下好多餐廳無開(哥日係5月1日法定公眾假期..我超記得)唔知食乜好既情況之下....就行左去試呢間野....Cafe Mart..地址:澳門僑樂巷3C號康樂大廈地下....其實不太好找...電話:2852 3768






店內坐位超少!!(我唔知佢有無上層呀)...但係一入去...大約細枱有10張左右...靠入口坐都好d....入少少d枱係超迫的!!!同鄰桌靠近既程度人地以為你地識既添呀.....坐得超唔自在




飲品種類好多....食品就好少....睇過佢d花茶...成$42一壺....其實都唔平啦....仲要人加$6先有蜜糖?!?!?!好貴咩d蜜糖?...點解我話我超記得呢日係5月1日...因為法定既公眾假期...出外面食野好多都會加收20%費用..咁我都明...因為人地間鋪都要俾多d人工俾員工....但係...我想講....可能佢請哥d係大學生?part time?我都唔知...但係.....禮貌認真麻麻....做野又發緊夢咁.................毛寶叫的草莓梳打 $28(未加20%)....好難會難飲既野.....




熱巧克力 $30(未加20%)....呢d都係沖出黎~無咩好定唔好~唯一既唔好係價格很高~可能佢知賣得貴...拉個花俾我睇下...我叫得飲熱朱古力哥日都唔慌好野~




卡邦尼意粉配煙鴨胸 $75(未加20%).....味道係唔錯既..不過呢個意粉又好難出錯....但係未加20%前既價格我都接受唔到........cafe賣個意粉要$75?!?!而且係偏細碟哥隻喎




法式煙三文魚三文治 $70(未加20%)......用料食得出係新鮮既....但真係好細個喎......料亦都好少..............收得$70連少少伴碟既薯條薯片沙律都無?????????????




最後試下黎呢間野最出名亦都係必試既比利時鬆餅...口味有好幾種.....價錢係$35-$45...要轉綠茶味鬆餅加$5...加一個Dreyer's雪糕又要$12........即係如果我轉黎轉去加黎加去叫最貴哥隻味有可能要成$62....咁梗係試下最平哥d先啦....焦糖鮮奶油鬆餅 $35(未加20%)......佢餐牌寫明比利時鬆餅餅身較厚..格子較大...製作麵糰時加入酵母和蛋白...所外層酥脆內裏QQ........我之前有朋友食過...佢話係即製的...但我食哥時...佢只係食物櫃入面攞出黎....加d焦糖同cream...咁又話收$35喇~算...都要試試架~口感係幾黏黏既....但係...外皮一d都唔脆囉.......................整舊都係林和煙韌...................

總括黎講:呢間係我世界之中絕對無下次!!!.....服務價錢質量全部不到位.....價錢貴貴但係同出品完全成反比.....雖然佢會有咖啡師駐場....但如果要飲好飲既咖啡.....其實重有好多好既選擇~所以..................拜拜~





2014/09/16的開心事:

中午食左個颱風餐~
就係台式肉燥撈麵~(但我唔知罐野係咪地溝油整架下)
雖然下午都係要番工~
但夜晚都食左我想食好耐既打風餐~
就係媽媽牌既餐蛋飯喇~~



報時:距離沖繩陽光海灘海鮮自駕遊之旅2014仲有---10日~

就到喇~~~好緊張呀~~~
求求你唔好打風落雨好嗎~~~~~~~~~~~

32 則留言:

  1. 香港10:40AM便除下,改掛3號

    回覆刪除
  2. 下午3:00我起身落左T8風球嚟...神公開車了
    神婆...早左出門行街市...我怕冇新鮮魚買呢

    回覆刪除
    回覆
    1. 哈哈~~原來8號風你在睡夢中渡過~~~~

      刪除
  3. 距離沖繩陽光海灘海鮮自駕遊之旅2014仲有---10日~咋

    回覆刪除
  4. ¸.•**黃昏好☁*゚¸.•*¨愉快星期二

    回覆刪除
  5. Cafe mart我都周不時食.....
    因為係係我做parttime附近又近屋企,
    見到老細都會打聲招呼,不過問心個句...
    佢 係 堅 貴 的!!!!!但啲食物質素我覺得算係咁...
    所以有時返工口痕都會叫返個waffle食下既...
    我自己對個種比利時waffle又ok和hahaha
    不過坐入邊食就真係好辛苦...啲油煙味勁到爆,
    食完成身都係味.........

    回覆刪除
    回覆
    1. 真係好貴囉....$75個意粉喎!!又唔係咩特別既意粉....
      係呀...我個人就真係麻麻地呢間野...
      d侍應發緊夢咁.....

      刪除
  6. P個s,其實比利時waffle既特式就係口感煙韌嫁~~~所以食到un同林係正常的~咁當然每個人都有唔同口味啦~

    回覆刪除
    回覆
    1. 我知呀~我有睇佢餐牌呀.....佢話係外脆內煙un...
      但係我食哥舊係外林內煙un.......
      我有朋友話之前佢係即整架..
      但我哥日唔係囉...睇住佢係個櫃度夾出黎的....

      刪除
  7. Hi小T真係講sorry 先!部電腦又壞咗!幾曰都回l 覆唔到留言比妳!香港八號波早上10:30落波!個個都趕住返工好慘!cafe Mart d 野食都好貴喎!香港銅鑼灣大坑都有類似dCafe店!但服務都好好架!個比利時䯳餅好正喎!妳仲有10曰就去冲繩喎!d yen 咁平!一定大出血喇bye!!!

    回覆刪除
    回覆
    1. 唔使sorry整番好未呀
      係呀依家d cafe真係越黎越貴

      刪除
  8. 台灣呢邊都有好多CAFE...但我未得閒試,價位係台灣泥講都算高檔~~
    其實意粉呢D出面街賣到咁貴...唉=.=自己整快靚正好多!!:3
    我諗我地台灣呢邊打風應該好多人驚T_T

    回覆刪除
    回覆
    1. 台灣既cafe一d都唔平喎...我上次去食哥個米朗琪每人食左百幾蚊hkd
      都係架~但有時就係唔想整嘛~~~~
      梗係啦..台灣打親都勁野

      刪除
  9. 以我記憶, 香港節日時, 食肆一定開, 而且大多不會加一或加二, 小費加一就梗啦.

    不過, 我係香港時的節日, 大多數不會出去同人迫, 求其買D野食或自己整D就算了.

    回覆刪除
    回覆
    1. 澳門依家係一係唔開.一開就加20%架~
      放假就想出街食野~

      刪除
    2. 我通常係節日前出街食餐勁的

      刪除
  10. cafe多唔多麻甩佬幫襯架?我成世去過一兩次咋,你會唔會見到兩男或以上去吖(冇女)?
    熱朱古力同鬆餅睇落唔差.

    回覆刪除
    回覆
    1. 多數都係一男一女...兩個女仔~
      兩個男仔又真係好少~都有既~
      查實無咩所謂既食野je~

      刪除
  11. 妳有半日唔使返工咪好啦、我只得個半鐘呀、如果係下午12點零一分落三號、我就唔使返工啦、可惜唔係~~~~嗚嗚嗚

    回覆刪除
    回覆
    1. 原來你都係12點落就唔使番呀...你就好啦~

      刪除
  12. 我諗唔會咁橋又打風掛!係都等你飛左先喇!

    回覆刪除
    回覆
    1. 唔好呀唔好打呀我求下你丫~~~~~~

      刪除
  13. 嘩,乜澳門逢節日都加二架,咁搶錢!!!!!!!!!!!
    唉d小鋪想生存都要爭氣先得,又貴又難食点得架

    回覆刪除
    回覆
    1. 又唔係逢節日既...不過法定公眾假期例如新年端午節國慶中秋節哥d就會要俾三工俾員工..
      所以會轉嫁俾消費者!!
      呢間又唔算完全難食既..不過真係貴囉....

      刪除
  14. 我就用咗經典豆豉鯪魚做打風餐:-)
    乜原來澳門假期,出外食嘢要加20%,咁貴!
    食嘢一定要啱自己,唔like就無下次!

    回覆刪除
    回覆
    1. 我都好鐘意食豆豉鯪魚架!!!真係好好味~~~
      又唔係逢節日既...不過法定公眾假期例如新年端午節國慶中秋節哥d就會要俾三工俾員工..
      所以會轉嫁俾消費者!!

      刪除
  15. 那 Cafe 除了裝修設計還可,無樣得!
    最最最緊要,出發和行程都無颱風和大雨。

    回覆刪除
    回覆
    1. 佢又唔係完全難食...但係真係好貴囉....
      多謝你呀~~~~

      刪除
  16. 呢間都係麻麻咋喎, 塊所謂鬆餅唔新鮮, 好殺風景。

    回覆刪除