2014年9月15日 星期一

媽媽生日會2014@良辰La Bonne Heure

今日上午好多野做...下午好少少...可能係下午無啦啦落左陣好大既雨.....放工番屋企時都落左幾陣打風雨(時大時細又有風哥種)......澳門仲未掛3號波....人地香港一早掛左...真特別~不過最好都係唔好打風啦....求求你~~~~星期五:放左工跑去李家食韓燒.....一路食韓燒..一路睇住韓國電視~有一點點既韓國feel呢~李家既前菜真係好好味~仲會主動問你加唔加前菜~(唔似得銀河某韓國餐...加前菜要每樣俾錢....未見過咁姑寒既韓餐!!佢本身已經唔平架啦)........星期六:較左鬧鐘朝早起身上山行下..點知好景不常..下大雨跑唔到....唯有再訓...又訓唔到喎~咁咪起身執下野囉~...->好野~食左好耐無食既永安~好鐘意去佢度食煎蛋多~同埋今次食左黑椒牛柳粒~~堅正~..->又番左屋企執野->夜晚食左良辰....(即係今日既呢篇介紹既餐廳)...去哥度食既原因係約左Karen同Lucinda食飯...諗唔到去邊度食..咁岩聽到良辰就黎執呢個唔知可唔可靠既消息!!!!!!!好開心咁食飽...臨走鼓起勇氣問店員佢地係咪執...佢話:係呀...開到9月尾咋.....我地追問係搬定係真係執......店員:唔係搬呀..係執q左呀(你答得好有趣).....之後係開大利來記.............................聽完呆哂....肯定係加佢勁多租啦!!!!!!!!!!!呢條街雖然係遊客區....但因為全部都係小店...所以都幾靜架!!我好鐘意呢條街哥幾間野食!!有葡式有上海有法式有意大利!!!!!!!!!!!依家開大利豬扒包呢類遊客野完全破壞哂成條街!!!!!亦令呢間開左好多年既法國餐要關門!!!!真係好可惜好可惜!!!!!!!!!!!!!!!!!.....星期日:朝早上左松山跑跑->中午試玫瑰咖啡室...呢間野開左超耐..第一次去試->約左皮去飲下午茶~向佢請教左沖繩既資料~好彩有佢~等我地唔使盲摸摸~~~仲有謝謝你的手信->回家再plan沖繩行程~豐富左好多->夜晚去左食禾花亭~短期內唔會再去~~~因為食左好多次~



好喇~到媽媽正日生日~我就同左佢去食法國餐良辰La Bonne Heure喇~~~地址:澳門板樟堂巷12號A及B鋪....電話:2833 1209...呢次係我第二次黎食~第一次係i子前幾年生日時~地方唔算大~所以我有預先訂位~






不過環境燈光有d黑呢~所以影d相既質素麻麻~





香草牛油焗蝸牛 $78......以法式前菜焗蝸牛黎講個價錢又唔算貴喎~味道亦挺不錯食~但放係面哥d係炸蒜?定係麵包粒??(我唔知有無食錯~不過有蒜味~)...可以放少d~我覺得多左d~有d搶味~但整體味道不錯~....但同佢另一個蝸牛前菜磨蘑菇燴蝸牛,伴烤蒜蓉多士比.....就差遠了~~燴蝸牛真係超好味!!!記得咁岩哥年岩岩去完法國無耐就去食i子哥餐~佢問我呢度哥個好無食....我咁岩去法國時有食到呢一道.....答番佢:同法國食到的一樣咁好味!!~




法式雜菜湯 $68....無咩特別~就係普通的雜菜湯囉~不過價錢有d貴~




洋蔥湯 $68...好好味呢~如果洋蔥湯賣$68我又覺得ok喎~(偏心)..不過留意~飲完一整個~飽了大半~




澳洲純黑安格斯牛柳扒配紅酒汁(+$50可件香煎鵝肝) $388....要求左要Medium Rare.....咦~~又真係3分熟喎~~牛扒好好味~~最驚食過熟牛扒鞋烚烚~~~加$50的鵝肝好大塊~~亦都好好味~~~




低溫慢煮暖煙三文魚(半熟),伴西洋菜蓉 $168.....我係第一次食呢d慢煮料理的~(任何地方~唔係淨係講呢間餐廳).....真係真係好好味呢~~~~~因為我好怕食熟到不得了既三文魚(又係因為鞋烚烚)......慢煮的入口軟軟的~~一入口就會唔見左咁~~~好想再食到~(搞到我好想試下其他低溫慢煮既菜式~~~)




hey hey~祝你生日快樂~希望你會滿意呢餐晚餐啦~~~




草莓梳乎厘 $58......我覺得麻麻地~我覺得食呢個梳乎厘配上草莓口味有點怪怪的~同埋我覺得甜左少少~我鐘意食呢間法國餐既原因除左因為佢d野好食之外....價錢亦合理....重點係食法國餐但又做到唔使太拘謹~可惜.......我發現世界上無咩野係可以留得住.........包括親人...感情...連喜歡的味道........都會隨時間.........大鑼大鼓咁離開我地...............................




好啦~點都好~我祝你身體健康~開心玩轉每個地方~生日禮物係咩??咪之前個馬拉之旅囉~~~~~哈哈~~







2014/09/15的開心事:

唔知呢~
今日一番工雖然有d忟...(因為今日d人唔知做咩...short哂)
不過個心狂諗去沖繩~~~~~
好想快d到去旅行哥日呀~~~~~



報時:距離沖繩陽光海灘海鮮自駕遊之旅2014仲有---11日~

好緊張呀下個禮拜六就係喇~~~

27 則留言:

  1. 妳巧勤力喎跑步、但又巧勤力食嘢喎~~~
    永安我好似去食過、咖哩牛脷巧食

    回覆刪除
    回覆
    1. 咁勤力行山都係為左食je~
      係呀~永安我都好鐘意食~

      刪除
    2. 依家無瘀...但舊骨仲係有d痛~

      刪除
  2. 無常......咩嘢都會一聲唔該話冇就冇,最好唔好有呢啲突然啦......伯有肯陪你癲......
    你又就飛啦......

    回覆刪除
    回覆
    1. 係呀....呢種感覺我幾年之前就有喇.....所以咪有活在當下呢句野囉!!
      係呀就黎去玩喇~

      刪除
  3. 睇相好吸引啊! 等我下次過澳門試下先

    回覆刪除
    回覆
    1. 無喇~開到9月30咋....執架喇....

      刪除
  4. 10:45 前•*⊹T8風球掛起☁*゚*♦。゚我和神公食飽回家呢
    今天下午T3...神婆行左超級市場和行街市...買定鎹菜單...儲糧一晚呢

    回覆刪除
    回覆
    1. 10:45係食左中午飯咋喎~
      咁夜晚呢~

      刪除
  5. 還風還雨¤*・゚睡甜甜最好不過呢*¤☁*瞓耐D啦¤*晚安美夢☁*♦¤

    回覆刪除
  6. 晚餐吃飽...食草莓梳乎厘 ...其實好滋味呢...一定滿意呢

    回覆刪除
  7. 好鬼恩愛呀))))))
    睇門面好似成日拍戲D場景

    回覆刪除
    回覆
    1. 係呀~同阿媽好似拍拖咁去食法國餐~~~哈哈~~

      刪除
  8. 其實一切都係留不住, 所以最好就不要有喜好, 失去了的時候, 就不會難過了.

    回覆刪除
    回覆
    1. 咁又唔好咁灰心~只要活在當下就好了~

      刪除
    2. 這個當然, 但太執著現在的一切喜好, 到頭來失去時, 就會有落莫感

      刪除
  9. 小t媽一定勁開心啦,生日節目一浪接一浪,都係生女好!!!!!

    回覆刪除
    回覆
    1. 哈哈~~~唔佢佢呢~~~~
      不過我依家都覺得生女好d~

      刪除
  10. 我都唔係幾明點解香港會咁早掛3號

    回覆刪除
    回覆
    1. 哈哈....但我又唔係幾明點解澳門會咁遲掛8號~~~~

      刪除
  11. 補祝伯母生日快樂,還有個多星期就出發,哈哈哈~~~~

    回覆刪除
    回覆
    1. 謝謝說書人呢~~~~
      係呀我好期待~~~~

      刪除
  12. 大利來記???? 食豬扒包的??? 很出名的嗎???? 定係遊客嘢交行貨果種呢???
    自從强國人多咗自由行之後,而家呢類小店真係好難生存,度度都係開名店同連鎖店,咩特色都無晒!!!!!!!
    今日香港上午八號波,哈,呃咗半日唔使返工,你果边呢??

    回覆刪除
    回覆
    1. 係呀好出名架...好出名既遊客野黎架....以前係氹仔架...不過原來開左成廿幾年都先知佢無牌....之後氹仔關左門....多遊客食澳門人少食.....周末一定排到癲的
      係呀...全部都係藥房藥房金鋪金鋪........唉...無哂d好味既野喇...
      我地1點鐘落8號..都係半日

      刪除