2014年9月1日 星期一

L'OCCITANE Cafe

我覺得我上個幾個星期都好似好懶咁~~~無乜點寫blog~今個禮拜開始勤力番d先~~今日多野做到嘔......我唔明!!!明明9月1喇喎!!!!仲咁多野做既?!?!?!星期五:超難先放到工~~一放工超肚餓去左食禾花亭~我都係第一次去AIA哥間咋~...->去左睇颶風中心(Into the Storm)...好好睇呀~好緊張刺激...我依家先發現原來觀光塔仲係$50一張戲飛!!驚喜呢~...星期六:食左雀仔園間茶餐廳..但不好吃~..->毛寶幫我剪頭毛呀!!舒服哂~...->夜晚同大比阿sam去唱溪~好開心~~我好耐無唱溪~...星期日:食左文哥~不過...又係無雞扒...->收到個令人好心痛既消息...好唔開心..(扁咀)->同柏佬..小公子玩左陣->係屋企睇左套戲"Her"..開頭幾好睇...睇睇下覺得有d悶->粥麵莊食飯~



好喇~之前去完澳洲(即係4月~~)~~公子們話要約出黎飲啡~咁就揀左當時開左無耐既L'OCCITANE Cafe試試啦~地址:新馬路議事亭前地29號1及2樓(即係以前噴水池Starbucks個位...其實Starbucks執哥時我好唔捨得架..因為佢係澳門第一間既Starbucks....仲要開左好多年)





覺得佢空間感都幾夠~唔怕逼~坐得幾舒服~呢日係4月既某個星期日黎既~又唔算太多人~








古典濃香熱巧克力 $36..如果以cafe價黎講...熱朱古力呢個價錢又真係算係貴喎~間間都話自己係濃香架啦~




Hot Cappuccino $36....聽麥公子說好像不錯喝~




地中海野莓特飲 $40....我叫既~~都濃香莓味~酸酸甜甜~清新之選~




普羅旺斯檸檬特飲 $40....呢個係最好飲的!!!!!檸檬特飲入面加左d薄荷葉(打爛了的)....感覺很Mojito~




煙火雞三文治 $68.....個包質感比較硬...而且我都麻麻地喜歡火雞~




招牌法式三文治 $68.....呢個好好味呀~~~雖然個包都係硬左少少~~(我安慰自己~~法棍係咁架啦~~)....因為佢裏面包住好好食既芝士~~軟軟的~臭臭的~~同火腿一齊食好正~




法式烤蛋批 $49.....呢個都唔錯~




經典烤火腿芝士多士 $58...即係Croque Monsieur~~呢d無得輸~一定好味~最鐘意係佢樣樣都有沙律拌碟~(仲要係有撈沙律醬~)




公子們的開心飲啡時光~(欠凱公子~)




之後都有黎一次...就係上個禮拜一~同毛寶兩個人再去食晚餐....晚餐時段仲少人~叫左個精選法式晚餐 $168...有法式雜菜濃湯....我未飲過咁難飲既雜菜濃湯....有魚腥味既...但湯怪飲哂....




主菜揀左普羅旺斯燴菜(配烤麵包).....如果呢味餸係兩年之前出現係我面前......我係一定唔會食(除非鬧飢荒)....裏面有齊我最憎既野....青椒紅椒黃椒......近年我食沙律開始覺得紅黃椒好味....青椒就nono~但係呢個餸對我黎講仍然好難handle.......d椒味煮熟後超濃...加上林patpat.....er..............真係搞唔掂....




甜品係法式草莓撻...其實呢個唔錯幾好味....士多啤梨好似我之前自己整哥d果醬(讚緊自己~)...好少女~




咖啡或茶我揀左野莓茶....侍應細心的提醒:可以翻水架.....細心有禮~




最可靠都係之前食過既招牌法式三文治~~~~原來已經加左價要$72!!!!!!!好貴!!!!

總結就係:下午茶同朋友傾計好去處~但晚餐免問!!(除非你晚餐想食三文治)





講颶風中心呢套戲...

令我諗起.....好似好耐無龍捲風呢個題材既戲出現~
對上一套....已經係好耐之前既龍捲風暴!!!
上網睇番原來係1996年發行!!!
即係...我當年得12歲咋~~~~恐怖~~~
相隔10幾年先再有一套同類型既戲..
按呢個比例黎講....
咁即係.........當我40幾歲先會有另一套龍捲風題材既戲出現?!



噚晚....有兩個人向我通報李斯特城vs阿仙奴...
我好想睇....但無直播....
最後俾chlo仔笑我on居仔...
原來澳視高清有直播...
即刻仆入房睇下半場~~~~~
見到男神Ozil~~~~不過好可憐下半場受傷...
痛到坐左係場邊~~~~~(睇到就黎揸爆電視)
我發現.....我睇親哥場...
阿仙奴都係和波收場.......通知我睇波哥兩位人士..
叫我以後唔好再睇阿仙奴..(哈哈..咁岩線je~)
星期三凌晨德國對阿根廷國際友誼賽!!!!
我好想睇!!!!!!!(有無Ozil架)



2014/09/01的開心事:

d小朋友番哂學...仲唔係我最開心既?????
佢地既暑假終於都完喇!!!
見到佢地咁失望我真係.....好~開~心~
(我知我咁諗係有d變態...但係...快d番學去學新野啦~)
放工時個膊又痛....頭又有少少痛..
叫Chlo子幫我按下個膊....
佢按膊真係一等一舒服~~~~(即刻好番d)



報時:距離沖繩陽光海灘海鮮自駕遊之旅2014仲有---25日~

34 則留言:

  1. 間士打筆執咗咁耐架嗱?原來我都好似好耐冇去澳門
    阿記和嗰兩場我都嬴錢,太叻

    回覆刪除
    回覆
    1. 好耐無.....應該係舊年冬天執架..(無記錯既話)...你唔無耐無黎澳門..係無行哥頭je
      華...你又真係幾叻喎....兩場都中和波?

      刪除
    2. 我對議事亭有情意結,去親澳門都會行一行嗰頭
      唔係中和,係中下盤,即係主客和買咗兩辦咁上下

      刪除
    3. 又係因為佢呀嘛
      你買波的確勁~

      刪除
  2. 哈哈~~你睇下你個神算子準唔準先~約你4x歲一齊睇龍捲風ga ~
    Ozil奪左你個芳心啦~~我唔制丫:P

    回覆刪除
    回覆
    1. 真架??好呀~約你4x歲去睇啦~我4x你都4x架喇~
      佢實在太靚仔喇...可惜佢傷左聽晚場波出唔到...喊喊

      刪除
  3. 星期六我去咗睇早場"颶風中心"喎、但戲票要$65呀
    唔好扁咀啦~~~~好快會無事

    回覆刪除
    回覆
    1. 依家睇戲真係好貴囉!!!!難得係觀光塔仲係50蚊算係咁
      已成事實..都無得我扁..

      刪除
  4. 你唔食青椒紅椒黃椒...... 咁你即係唔會食我煮的上海年糕, 不過我的年糕火腿雞肉味濃郁, 不會有椒味.

    我最憎惡法式麵包, 十分硬, 不單硬到我口損, 更頂住我個胃. 都唔明白D法國人只鐘意佢?

    回覆刪除
    回覆
    1. 煮上海年糕用青紅黃椒?!?!咁新穎??
      一dd啦...其實我食過有d法棍無咁硬又幾好食的~

      刪除
    2. 係呀, 我D上海年糕好新穎呀, 加入西洋原素

      刪除
    3. 係囉~真係未試過喎~~下次你整左影下相放上網啦~

      刪除
    4. 我今年過年左右的POST有講 http://mrjj328.blogspot.ca/2014/02/blog-post_4.html

      刪除
  5. Her, 我又好鍾意睇喎, Scarlett Johansson 聲演都勁 sexy, 又有啲嘢諗咁囉!
    Tea time 啱啲喎, Lee 間 cafe
    星期三要過大海做嘢, 諗緊lunch 食咩, 有無好介紹啱一個人食架?

    回覆刪除
    回覆
    1. 唔知點解依家越黎越鐘意Scarlett Johansson呀~以前唔鐘意佢架..依家覺得佢好sexy!但唔係過份賣弄哥隻!!係自然發出黎的~所以之前先一出就去睇Lucy~
      係呀...晚飯完全唔岩~
      你想食咩類型先~茶餐廳定餐廳定日餐?你係邊頭做野呀?

      刪除
  6. d三文治真係好靚仔,個樣贏晒
    ....見到佢地咁失望我真係.....好~開~心~.... wow你真係超正,hahahaha ^^

    回覆刪除
    回覆
    1. 係呀~~尤其係d伴碟既沙律咁認真~
      哈哈~~~我同小朋友無咩緣份~所以唔使見咁多架喇~

      刪除
  7. 今晚輕輕鬆鬆煮西餐吃...無去街玩呀
    今晚又要出新文章囉...又唔出公仔圖囉
    ☾。゚☁•*¨✬瞓覺覺豬喇喂*゚♦甜夢安睡 ・゚★

    回覆刪除
    回覆
    1. 食咩西餐咁正呀~去你度睇下先~

      刪除
  8. 嘩, 好特別呀, L'OCCITANE竟然有cafe^^
    我好多年前o係香港幫襯過crabtree cafe, 宜家唔知執左未囉

    回覆刪除
    回覆
    1. 香港無咩??
      華~我都好想試crabtree cafe呀~~~

      刪除
  9. 我都好鍾意比人按膊架 haha 我想食少女草莓撻 hehe

    回覆刪除
    回覆
    1. 咁邊個按你個膊多呀~~~
      少女撻岩我地食呀baby~

      刪除
  10. 青椒紅椒黃椒要爽口先好食,淋晒爛晒就......
    最想食草莓撻+招牌法式三文治~~

    回覆刪除
    回覆
    1. 我都係咁話呀!!!!!淋左哥d椒味發哂出黎!!好恐怖!!
      三文治d芝士好正~

      刪除
  11. 嘩....睇落好正咁呀><不過已經加咗咁多啦....唉=..=
    好唔開心LO....要返學....你竟然咁開心T^T
    我好想繼續暑假呀

    回覆刪除
    回覆
    1. 係呀..我覺得真係加得太多...幾個月咋喎
      係呀~因為我已經辛苦左咁多年~係時候笑下人架喇~
      你唔係去台灣咩?仲未開學?

      刪除
  12. 法式烤蛋批和法式草莓撻最吸引我!
    好快又去沖繩囉,這個天氣去,您們一定爽爽,哈哈哈

    回覆刪除
  13. 佢啲包我身邊啲人食過都劣評,
    有一次去食我叫左個包.....
    我個frd搶左我張飛換左做燉牛肉飯,
    食完之後完全係感激佢呢個行動!!!!!!
    啲牛肉勁'亂'~~~~~唔癡牙!!!!!!
    我平時好怕食啲燉牛肉,因為一定好鞋= =
    但呢個真係完全改觀~~~~~
    唯一挑剔係咸左少少....一定要撈飯食~~

    回覆刪除
    回覆
    1. 包ok呀~因為我鐘意佢d芝士~~係我鐘意既臭臭芝士~
      又估唔到燉牛肉會好味喎~因為心諗一定係硬野~

      刪除