2014年9月24日 星期三

Set Lunch@日皇居食屋

個人病到梅哂...我估我今日既面色係灰色的......食左d感冒藥坐係counter度迷下迷咁~好衰唔衰下晝多哂做到死.......仲要咳到扯哂蝦咁......咳到頭都痛埋....噚晚我都係訓訓下咳醒....後尾驚嘈醒人唯有忍住咳細聲d~~~超辛苦~~~~求求你啦~~唔好再咳啦~~~人地就黎去旅行喇~~如果係機上咳就醜死怪喇~



又黎日式既Set Lunch~今次黎試下日皇居食屋~地址:澳門賈伯樂提督街世紀豪庭地鋪I....電話:2852 9983...哥日中午去食超多人!!!!可能因為哥日係母親節~我地完全係即慶咁去到~發覺超多的人~不過好彩有人訂左遲到~所以張枱俾左我地~遲我地一步入哥個佢直情同佢講..已經無枱......真好彩~




Set餐都幾多選擇..有成22款咁多~呢個係店長特選壽司定食 $58.....雖然壽司無咩特別...加州卷加三文魚小卷.....但真係勝在夠平~不過我係一定唔會夠飽囉~




我叫左三文魚親子丼定食 $68.....三文魚同三文魚籽都唔夠多呢~~~~食到最尾靠豉油撈埋個飯食~




澳洲和牛湯拉麵定食 $128.....哥幾塊牛肉係幾好味...但拉麵個湯同d麵一食就覺得完全唔得!!!!!千祈唔好叫呢個呀!!!!




汁煮肥牛定食 $58.....呢個唔錯~起碼有啖飽飯食~仲要有冷麵~




叫套餐既都會有粒雪糕糯米糍做甜品.......呢間Set Lunch係就係幾夠平(和牛拉麵除外)....但係就一般般同唔係好夠飽...連我都唔飽...男仔點會夠飽???(小姐你既食量係同男仔一樣架~)...所以~我都係俾多少少錢去番我喜愛既譽路八Lunch Set好了~







2014/09/24的開心事:
今日又真係無咩特別開心既事...
努力咁諗....應該係中午訓哥個覺訓得超"林"..
完全訓訓下醒既時候我有一剎那唔知自己係邊....



報時:距離沖繩陽光海灘海鮮自駕遊之旅2014仲有---2日~
求求你~求求你天氣好~
求求你~求求你團友們都身體健康~
求求你~求求你.................(感冒藥發作...訓著左..)

40 則留言:

  1. 完全訓訓下醒既時候我有一剎那唔知自己係邊....形容得好正!我訓午覺成日都訓到咁架:D

    回覆刪除
    回覆
    1. 哈哈~~咁證明你訓得好好喎~

      刪除
    2. 成日都覺得午覺訓得冧過晚刻訓覺

      刪除
  2. t姐姐寶姐姐:祝你旅途愉快!身體健康!!

    回覆刪除
  3. 一路順風 天氣會好好的 放心放心

    回覆刪除
  4. lee 餐引唔到我,哈哈。快啲 post 多啲嚟引我啦。
    你就好啦,去旅行,我都好想去呀,但我只可以返工,無得去玩嘞。唉,而家只係望我快啲習慣間新公司啦,仲係捱得一日得一日咁既心情,咁好灰囉。
    你呀,快啲好返啦,病住搭飛機同旅行係非常慘架,我前年試過,真係好悲慘,加油,快啲好返。

    回覆刪除
    回覆
    1. 呢餐我都覺得麻麻~
      係咪未過試用期咁樣呀??過左慢慢習慣可能會好d架喇!!!加油呀支持你呀!!!!
      我仲未好番~不過唔理喇~玩樂第一~

      刪除
  5. 小T, 你快快好番啦, 去旅行都舒服好多.

    回覆刪除
    回覆
    1. 到依家仲未好番~不過唔理喇~

      刪除
  6. 我都唔知點講好~~~只好默默祝妳咳快d好...........打支針會更快好

    回覆刪除
    回覆
    1. 希望妳係好番執緊行李唔得閒寫啦~~~~祝妳旅遊愉快、食得暢快、買得痛快、安全回來

      刪除
    2. 噚晚係覺得病同攰所以無寫~不過都有執野~

      刪除
  7. 又病!!!!!!!!!!!!!!!! 陰公,就出發先嚟病...............
    快d好番,呢兩日瞓多d休息多d,記住戒口呀

    回覆刪除
    回覆
    1. 次次都係咁架~~~趁我出發前先玩我架~唔止一次架喇~
      有呀~不過我依家仲係流緊鼻鼻呀~唔理喇~玩左先~

      刪除
  8. •。齊齊.¤笑呵呵❤又一天☁。゚甜夢晚安⊹❤*

    回覆刪除
  9. 我今天都有些頭痛...頭重重...我也要食感冒藥...早些睡覺覺豬

    回覆刪除
    回覆
    1. 你又係呀..我地大家都要保重呢~

      刪除
  10. 不過...小t...沖繩陽光海灘海鮮自駕遊之旅2014仲有---2日咋

    回覆刪除
  11. hihi,我返嚟啦~~
    希望你快啲好番,精精神神去旅行,yeah! ! !

    回覆刪除
    回覆
    1. 點呀你~最尾去左邊呀~~~
      我仲流緊鼻鼻呀~不過唔理喇~

      刪除
  12. 快點康復,旅行都會無顧慮開心啲。

    回覆刪除
    回覆
    1. 我仲流緊鼻鼻呀~不過唔理喇~

      刪除
  13. 咁好心你就抖抖, 快D好返啦.

    回覆刪除
  14. 回覆
    1. 我仲流緊鼻鼻呀~不過唔理喇~謝謝~

      刪除
  15. 你定啦,次次旅行前都有小毛病架啦你,一出發咪又龍精虎猛
    好奇一問,返工時瞓晏覺瞓到幾耐?

    回覆刪除
    回覆
    1. 我仲流緊鼻鼻呀~不過唔理喇~玩左先喇~
      我呀...大約.....半個鐘至40分鐘啦~

      刪除
  16. 天氣一定會好好,但您要休息多D,才會好得快囉!

    回覆刪除
    回覆
    1. 我仲流緊鼻鼻呀~不過唔理喇~玩左先~

      刪除
  17. 再吾好,要去睇醫生,旅行病了好掃興﹗

    回覆刪除
    回覆
    1. 我仲流緊鼻鼻呀~不過唔理喇~玩左毛喇~

      刪除
  18. Hi小T好番未呀?希望妳快d好番呀!䦕開心心!精精神神去旅行喎、今次去旅行是否自架遊呀!祝妳遊途愉快!食得開心、買得痛快!take care!!!!

    回覆刪除
  19. 三文魚親子丼定食,睇到都正!有機會會來試試!

    回覆刪除