2014年9月3日 星期三

匠拉麵

今天上班日.....算係好喇~~人潮少咁好多~~係接更時份辛苦d~~今日個右頭痛完...到個左頭痛喇~~好野~~兩邊都痛哂喇~~~仲唔係好番??



澳門除左cafe開得濫之外..另一樣..就係拉麵鋪....之前終於去試左匠拉麵~因為見到好多人打卡~所以想去試下~地址:澳門渡船台10-12號豐裕大廈地下....有次都想黎試架...哥日係星期五我放早.....六點鐘黎到...d麵已經賣哂...今次終於食到喇~




得20個位左右....但d麵真係賣得超快...之前係fb睇到好多人都話d麵賣哂無得食.....




都係同一般拉麵店一樣~自己畫一張拉麵order~自己揀自己口味~我終於知點解咁多人係呢度打卡~因打卡送細可樂呀~我都有打~得3種麵~唔難揀自己心水~



醬油白湯叉燒拉麵 $68...朗公子話個湯唔錯..但係d麵仲係差少少(但係佢攞香港豚王同佢比喎)



海鮮濃湯叉燒拉麵 $68.....一樣湯底不錯...毛寶話覺得麵質硬左少少~



血池地獄拉麵(小辣) $78....我叫左呢個~因為其實...我麻麻地拉麵架咋~我亦麻麻地豬骨湯....好濃哥隻我更加唔鐘意~所以我索性食辣味~~~叫小辣都好辣...我平時都好食得辣下~都食到流哂汗~但食落幾好味~但都係啦..我叫普通麵質...但都係硬左少少~不過我寧願食硬d..好過食林pat pat既麵~所以這個也不錯的好吃~



每期都會有期間限定小食~(又開正我"期間限定"情意結)....今次係日式鹽味唐揚炸雞 $28....真係要讚下....炸得幾好味!!!外皮夠脆內裏雞肉嫩嫩調味亦不錯~讚~






2014/09/03的開心事:
今日Chlo子請我食盛記咸煎堆~
我好鐘意食架~除左因為我真係為食之外...
就係因為呢個盛記煎堆對我黎講超有回憶~
以前細細個小學哥時..爸爸要輪班...
當佢放10點半時我又未訓佢就會打番黎問我地食唔食宵夜..
買既正正就係呢個煎堆喇~
係咪好有回憶呢~多謝Chlo子~



報時:距離沖繩陽光海灘海鮮自駕遊之旅2014仲有---23日~
我見皮皮出左發去沖繩喇~~~
仲見到佢d野食好正呀~~~~
我好緊張呀~

28 則留言:

  1. baby~~好想你呢~~~呵呵~~~睇見你打細可樂~~我就好想飲可樂tim~~~
    好快呀~~~23日又去玩~~~我有排都冇得玩呢~~~假期超小的我~~~
    原來我有樣開心事未同你講~~我過左試用期啦~~人工調整了~~yeah!!

    回覆刪除
    回覆
    1. 我覺得細可樂真係好好飲~~~好飲過大可樂~~
      可能之後你會多d假期呢~~~
      你好叻呀~加油~~~~~~~~

      刪除
  2. 妳都好有呀Q精神喎~~~兩邊頭痛都痛哂~~咁叫好番呀??
    回憶總是美好~~~

    回覆刪除
    回覆
    1. 咁我諗~~佢唔會痛番轉頭卦~~~

      刪除
  3. Hi小丅,我都希望妳兩邊頭痛快d好番喇!匠拉麵又幾特別喎!打咭送细可樂!香港d拉麵就冇d咁着數嘢送啦!chlo 子真係對妳幾好喎!冲繩 d野食好正架!但國際通都好多嘢賣喎!我估妳一定大出血啦!快d好番哂呀!精精神神去旅行!bye!!!

    回覆刪除
  4. 本地啲拉麵我之前都成日試....
    但當我知道一啲野之後.....
    我就開始唔再幫襯啦:S
    除左味噌屋^田^因為真係日本開過黎~~~
    同埋都食得出頗大分別...

    回覆刪除
    回覆
    1. 我其實無係日本食過拉麵....係咪好now呀...哈哈~~~

      刪除
  5. •♩¤•*¤♬.齊齊♦*¨天天喜樂處處°¸.♪•*¨♫*¨
    又係瞓覺覺豬時候喇喂・゚★☁*゚愉快星期四*♦。゚
    ❀。•*´❉•。✿。•*´⊹*。❉。•*´*✿。•*´❀。•*。❉•✿。•*´❉•✿
    ┏━┓ ┏━┓ ┏━┓┏━┓ ┏━┓ ┏━┓
    ┃開┣━┫萬┣━┫得┃┃中┣━┫節┣━┫樂┃
    ┗━┫心┣━┫事┣━┛┗━┫秋┣━┫快┣━┛
     :┗━┛:┗━┛:  :┗━┛:┗━┛:
     ♡   .♡   .♡  .♡   .♡   .♡
    ♧∴♣∴♧∴♣∴♧∴♣∴♧∴♣∴♧∴♣∴♧∴♣∴♧∴♣∴♧

    回覆刪除
  6. 回覆
    1. 你唔見D裝潢好有日本東瀛風

      刪除
    2. 我係這邊, 好少見到咁樣裝潢呀

      刪除
    3. 下?咁你地d日本餐廳呢??都無咁架??咁係咩style既裝修呀?

      刪除
    4. 我這裡日本餐廳, 大多都係TATAMI咁囉, 門口都無咁有氣氛

      刪除
  7. hihi 小T, 我9月18號都去沖繩呀, 請問有冇PLAN左D必去景點/必食餐廳參考吓? Thks Thks

    回覆刪除
    回覆
    1. 無架~~查實我地都係亂plan架咋~~~因為景點就好似唔算多~~都係水族館萬座毛哥d(因為我地第一次去~~)
      食野就睇下旅遊書.....仲諗過到時去到先亂咁沖入去食~~哈哈~~

      刪除
  8. 本來我都麻麻哋拉麵,但食過豚王又濃又油膩嘅拉麵之後就中咗毒,成日心思思想去食

    回覆刪除
    回覆
    1. 我又反而無食過豚王...因為我唔鐘意排隊~

      刪除
    2. 咁遠~都唔會去到咁遠食個拉麵~(我講我~)

      刪除
  9. 日式鹽味唐揚炸雞,要試下囉!
    宇文公子,中秋節快樂!去那處玩哩?

    回覆刪除
    回覆
    1. 呢個唔錯呀~
      無呀~同屋企人食飯咋~

      刪除