2014年9月2日 星期二

Cafe de Moghouse

er......我今日又頭痛......正確黎講係膊痛+頭痛....噚晚狂做拉筋+膏布+退熱貼都無用.....成晚勁頭痛...無覺好訓....早上去睇醫生..請左日病假



早幾個月...毛寶話想請媽媽飲下午茶(真乖)....於是揀左呢個評語唔錯既Cafe de Moghouse...位於星光書店條斜路一直上(真係堅斜!!).....地址:大炮台斜巷291號A興邦大廈地下A




店超小的.....真係超小......我諗得4枱左右....同埋4個Bar枱位...佢整梳化做櫈應該想人感覺舒服悠閒d....但係其實真係坐得唔係幾舒服....枱高櫈矮...食到膊頭幾痛....




無餐牌...得牆上黑板呢d




我叫的俄羅斯伯爵黑加侖子茶 $38.....大大的一瓶~味道幾唔錯~本身係伯爵玫瑰茶黎架..我同佢講我唔飲玫瑰味咁佢即刻幫我轉過另一種味.....幾友善~






毛寶的無酒精Mojito $38




我阿媽飲啡的皇牌最愛Double Espresso $25...媽媽既評語係:唔錯!幾好飲!




墨魚汁意粉 $68...唔....外觀已經有d衰.....食落其實味道唔錯既..不過可惜實在乾到令人感覺可怕~~~同埋d料得幾粒乾到炸開既蜆肉....$68喎......$40我都唔會食.....




法式焦糖燉蛋 $35.....起初黎哥時見到個容器咁靚覺得好開心架~~一打開黎食....唔唔.......個質感好怪呀~隻味又怪怪的...不過我唔知那裡出錯~






藍莓窩夫+Movenpick雪糕 $38+20........咁都收成$58啦...我以為佢會擺得靚靚咁.....但係....原來雪糕同窩夫是分開的....同埋個藍莓窩夫有少少求其.....加上個waffle有少少林...er...都係Tree Cafe個窩夫最靚!!




呢個係千呼萬喚始出來!!!就算佢唔講...一早就知梳乎厘要等架啦...佢都有同我地講話要等半個鐘架...點知.....足足等左個幾鐘囉..................$48......如果好食我認為係值得等待既....但食完我只想反枱走...............個質地已經係蛋糕質地喇喎!!!一d都唔輕柔喎(係我認知應該係食完等如無食架嘛~~)

其實店主係幾nice既....落手落腳做.....不過係...澳門既cafe已經開到成行成市......好既....我實在諗唔到邊幾間.....其實呢餐3個人已經食左成$310....每人都要$100...諗諗下...我做咩唔去酒店high個tea呢??????????起碼好食d先啦.....





今日下午食左藥...
又費事訓咁多今晚訓唔著...
於是執書檯+執左兩個櫃桶...
執執下櫃桶發現左好多經典野...
包括一部好耐好耐好耐之前既一部厚底iPod..
依家睇番唔老土不特止...我仲覺得幾靚~
於是嘗試下去差下電睇下開唔開得番~
又開得番喎~~於是好有興趣睇下自己當時係聽咩歌..
有d歌我唔相信我有down囉..
仲要set做賣飛佛~~~~~~~~~~好有回憶呀!



之前諗住聽晚睇波架..德國vs阿根廷國際友誼賽...
依家唔使諗睇唔睇喇...
Ozil bb星期日李斯特城vs阿仙奴哥場咪受傷既..
仲未好番呀.......唔會出場...
失望...



2014/09/02的開心事:
搵番好多之前以為唔見左既野~



報時:距離沖繩陽光海灘海鮮自駕遊之旅2014仲有---24日~

28 則留言:

  1. ☁*゚*齊齊♦*¨❥中秋節快樂
    ┏━┓ ┏━┓ ┏━┓.❀•*¨
    ┃天┣━┫好┣━┫樂┃
    ┗━┫天┣━┫快┣━┛⌒✿
     :┗━┛:┗━┛:.*¨`*•
     ❤  ❤   ❤¸.•*¨`*•❣

    回覆刪除
  2. 執舊嘢傷心多過開心
    嗰部ipod我都有,機唔見咗得番叉電……
    嘢食餐具幾靚

    回覆刪除
    回覆
    1. 我就搞笑多過傷心囉...因為真係好多9唔搭八既野~
      下..咁浪費呀~~依家睇番真係幾靚~
      得餐具幾好...味道真係好一般~

      刪除
    2. 九唔搭八咪襯番你個人囉,我感性嘛

      刪除
  3. 妳快d睇好頭痛喎~~~唔係又去旅遊果陣又頭痛呀

    回覆刪除
  4. 好好瞓返覺,快d好返呀
    呢間cafe細咗d囉,梳化貼梳化,感覺太逼啦,坐滿人一定好嘈,傾唔到計
    呢個價錢又唔算貴,不過呢個格局,我就唔會再幫襯

    回覆刪除
    回覆
    1. 我有好乖呀~訓左成9個鐘先起身番工呀~
      絕對唔舒服囉....
      但係我絕對覺得去酒店都係差唔多錢..但係好味好多~

      刪除
  5. 餐具真係靚但食物麻麻靚都留唔住baby既胃 hahahaa如果我過黎澳門你帶我食咩呀

    回覆刪除
    回覆
    1. 無錯~~佢留唔住我個胃~~
      哈哈~~~如果你真係過黎我會好認真寫個行程~~(其實之前我真係有咁諗過~~~~)

      刪除
  6. Cafe呢樣野真係見到都覺得厭........
    太冇新意,質素又參差,
    好似有部咖啡機就開cafe得咁款.......
    食黎食去唔係waffle就意粉,又貴和.....
    所以我真係希望澳門人學下香港人咁,
    開多啲唔同種類既野,最緊要係pro!!!!!!!
    專業既話收貴比你賺又點話~_~

    你有冇去過single origin同communal table?
    呢兩間真係令我覺得pro同值得比錢既~
    有專業既咖啡師牌同埋你feel到係真係有heart既~
    而唔係個啲擺明屈你錢既垃圾cafe.....

    回覆刪除
    回覆
    1. 係呀...其實我都停左去試d新cafe喇..因為真係太濫喇...
      咁又係呀..如果佢整得好真係貴d都俾...問題係佢收得貴又整得唔好先嬲..

      我有朋友仔去過話d咖啡真係好得~
      不過我無試過呀因為我就麻麻地飲咖啡的~
      但飲咖啡的朋友都一致推介~

      刪除
  7. 上年才有人拍賣左部1983年的第一代蘋果電腦, 仲開得UN得, 拍到成千萬才成交, 你部IPOD好收埋佢, 將來你退休可能可以靠佢

    回覆刪除
    回覆
    1. 華~~~真架~~~好勁呀~~但我部iPod唔係第一代架喎~可能唔會咁值錢~

      刪除
  8. 又頭痛,take care ar,病向淺中醫check 下好啲
    係呀,有時無意中搵番啲舊嘢出嚟回味下,真係好開心

    回覆刪除
    回覆
    1. 其實之前都有check過但就話無事囉...
      哈哈~~我哥d係搞笑既多~

      刪除
  9. 小t,保重身體呀,咁多病痛真係好肉赤.

    回覆刪除
    回覆
    1. 唉.....頭痛真係好辛苦..無哂心機...

      刪除
  10. Hi小T,我部電腦整番喇!妳好番未呀!快d好番呀!澳門cafe真係愈開愈多!部I-pod好值錢喎!今晚Ozil 多數晤會出場喎!仲有二十四日就妳就去旅行喇!所以妳一定要快d好番呀!take care!!!

    回覆刪除
    回覆
    1. 恭喜你整好部電腦
      我知佢唔出呀佢傷左嘛

      刪除
  11. 祇看外型,我都會叫法式焦糖燉蛋。法式應該是又精緻又好味的,看來那 Cafe 都~~~~~~~~

    回覆刪除
  12. 甜品好多人以為易整,
    但做得好食喺難架!
    好準難保持!

    回覆刪除