2014年9月18日 星期四

Boa Mesa Portuguese Food

我自己一個人坐係哥個窗真係好悶....悶到發慌~~不過如果要同你坐或者同你坐...咁都係坐番係依家個窗發臭好喇~~~到6點呢個時候...我成日淨係食左杯麥皮.....同埋...一份芝士治..........我....好...肚...餓...呀.........................................但唔知點解個肚腩仔仲係咁大既~~(都唔係"仔"啦下話~~)...好野~~~聽日星期五喇~~~有豐富既節目等緊我呀~~~~~~快d到收工哥刻啦~~~~~



呢間葡國餐廳好左好耐~但我都係第一次去食~叫Boa Mesa Portuguese Food...地址:澳門板樟堂巷16A號...電話:2838 9453....即係噴水池麥當勞條巷直上就係.....同良辰同一條巷~哥日約左Diana~無訂位~但都有位~





一入黎坐低就招呼既前菜~d橄欖好好吃呢~~而橄欖油加黑醋點麵包我都好鐘意~~~~




葡國菠蘿味有氣果汁 $18....哥日病呀~不宜飲酒(其實係Diana叫我唔好飲~~哈哈~我有時真係幾唔乖)...我覺得個有氣果汁甜左少少~同埋呢隻菠蘿味我麻麻喜歡~




八爪魚沙律 $88......我發現我食親葡餐都會出現呢個前菜~~不論係我自己...定係我既朋友們都大愛呢~~~~呢度整得好好味呀~~~而且佢有超多的八爪魚~一d都唔姑寒~~~(不過食完個口真係好臭~)




薯絲馬介休 $118....偷偷講你知.....其實係葡餐既熱食中....呢個餸係我心目中佔左好高地位~~~~唔知呢~~覺得炸左既薯絲...同埋d馬介休炒埋一碟餸係絕妙既味道~~~~呢度炒得唔怕油油的~~~好好味~~




燒香辣雞 $156......本身想叫乳豬的..但係無~所以叫左呢個雞~平時好少叫燒雞食~怕佢燒得老~但呢度又燒得唔錯喎~雞肉不怕鞋~~~~而且係香辣口味..燒得香到....我哥日連皮都放入口食~~~(我唔想扮野...其實我係好鐘意食雞食埋雞皮...但為左健康.....除雞翼外....我依家好少食皮~)

總括黎講呢間餐廳都不錯吃~而且價錢合理~我會再去食~





2014/09/18的開心事:
哈哈~~本來以為有套戲我好想睇既已經落左畫~
點知發現原來仲有~~~~
好野~~~聽晚可以去睇戲~~~
"Begin Again"
布志綸都話好鐘意睇架~



報時:距離沖繩陽光海灘海鮮自駕遊之旅2014仲有---8日~
依家話.....有個風打緊去台灣哥邊喎....
沖繩.........咪係.....台灣....上邊?!?!?!??!?!

34 則留言:

  1. 齊齊*¨*¨•♫♬快樂伴隨每一天♩♪距離沖繩陽光海灘海鮮自駕遊之旅2014仲有---8日
    ╔╗╔╦══╦═╦═╦╗╔╗.─╔╗❉º°¨ƸӜƷღ
    ║╚╝║══║═║═║╚╝║.╔╝╠═╦╦╗¸.•*¨*❤
    ║╔╗║╔╗║╔╣╔╩╗╔╝.║╬║╬║║║
    ╚╝╚╩╝╚╩╝╚╝─╚╝─ ╚═╩╩╬╗║ʚïɞ
    ──────────────────.╚═╝♡・゚
    ♧∴♣∴♧∴♣∴♧∴♣∴♧∴♣∴♧∴♣∴♧

    回覆刪除
    回覆
    1. 好期待呀~~但我依家喉嚨痛呀~~~

      刪除
  2. 前菜~D橄欖好好吃咁呢~~不過我喜歡橄欖油加黑醋點麵包
    八爪魚沙律 ...我都好鐘意...ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı*゚*°•♩。♪.♬。♫*

    回覆刪除
  3. •☁*晚上好喇喂•☁*我都係在大埔區行街呢
    我岩岩忙碌完回家啊....哈哈哈...小t 放工去邊度街喇

    回覆刪除
    回覆
    1. 無呀~~~~星期五六日先出街~~平時會番屋企~~

      刪除
  4. Begin again呢期勁hit呀!!!!
    佢隻soundtrack我勁loop,
    係成隻碟都好好好好聽!!!!!!!

    以我所知呢間葡國餐都開左好耐,
    但皆因呢期係個頭行多左,
    發覺大堂巷比班_蹂躪到勁污糟.....
    我都唔檸明既,明明個垃圾筒係隔離,
    但食完都可以就咁擺低兜汁跟住走人,
    £%&+*&(究竟佢地明唔明公德呢兩個字嫁小.
    成條街都勁娜渣!!!!真係唔夠膽係個條街食野....
    除左會係聖安娜買下蛋撻同包之外.....
    一行近個條街成浸臭既牛雜味,
    諗起就已經想嘔X(
    以前細個好鐘意個區,
    因為覺得好好行同好舒服......
    但e家就剩係得返牛雜味,牛雜味同牛雜味.

    回覆刪除
    回覆
    1. 真係好好睇!!!d歌真係好好聽呀!!!!好鐘意聽lost star~~兩個版本都鐘意~~~

      係呀......你講賣牛雜哥條街嘛..
      成條街都係哥d味....唔係話唔好食..
      不過我如果住哥條街真係想死!!
      又臭!!!!又嘈!!
      以前應該好好住.....依家搞成咁...

      刪除
  5. 我下次來澳門, 都係跟住你的食評去搵食. 哈哈哈......

    唔知道開飯網有無講澳門?

    有個提議給你, 人的身型不是因為食多或食少, 而是講究食些什麼東西.

    我看左你寫你平日飲食生活很久, 發覺你食得唔耐纖維蔬果.... 食物中纖纖可以吸走你過量的澱粉質, 唔洗你吸了入體內, 儲了過多脂肪.

    講個我的故事你知道, 07年我媽驗到有病, 我家開始每餐多了很多青菜(一個月才有6-7餐在外食), 我每餐都食飽的, 但我腰圍就開始減細, 由33減到現在30, 有時29都著得到.

    當然, 我這樣減, 就要時間囉, 大約要3-4年才見效.



    回覆刪除
    回覆
    1. 哈哈~~個人口味咋~

      有架~有個app open rice有哂港澳架喇!!

      唔係呀...我一至五係屋企係食全菜架....平日最多既澱粉質係中午哥兩塊磅包咋
      菜係我地屋企係出現最多既野...平時唔食肉的~

      刪除
    2. 哦, 你食多D菜啦, 你會慢慢見到效果咖

      刪除
  6. 台灣...打風...TAT唔好呀!!~~~
    我惦念葡餐了QQ

    回覆刪除
    回覆
    1. 打完啦~唔使驚喇...怕唔怕好大雨呀??
      新年番黎食啦~乖~

      刪除
  7. 葡國菠蘿味有氣果汁要成$18咁貴、發死佢老細啦。香港暫時買$6蚊

    回覆刪除
    回覆
    1. 係咁架啦~~出去餐廳食飯係咁~酒水先最賺~

      刪除
  8. 好似從未食過葡國餐,搵日試吓先,都好似幾吸引咁!

    回覆刪除
  9. 睇落好正...好想試下有八爪魚果蝶..

    回覆刪除
  10. Hi小T,間葡國餐廳d野幾正喎!燒香辣雞$156好似貴咗d喎!八爪魚沙律又平又正呀!原來馬介休是妳至愛!bye!!!

    回覆刪除
    回覆
    1. 都ok啦..我又覺得唔算太貴...因為可能依家澳門d野太貴

      刪除
  11. 好衰架,又 post lee 啲咁好味既嘢,人地好鬼想試囉。
    但我近排好放縱咁飲飲食食 (新工壓力大呢),肥咗好多呀,要減完肥先可以過大海狂食lu。不過而家澳門酒店咁貴,都唔知過唔過得成呢。

    回覆刪除
    回覆
    1. 咦~~~~好耐無見你喇喎~
      你近排一定忙透~
      我都發覺做野壓力大既話就會好想食野....唉~

      刪除
  12. 睇落好好味~~我都好想去試下呀~~~

    我記得有次食八爪魚沙律, 覺得好麻麻架喎~~睇黎我應該比多次機會佢~~等我搵日再試下八爪魚先~

    回覆刪除
    回覆
    1. 咁要睇下你鐘唔鐘意食生洋蔥同番茜呢個組合~~如果鐘意食呢種味既話就ok~

      刪除
  13. 八爪魚沙律.....睇樣都覺得好清新
    我都唔食雞皮,尤其係蒸雞、切雞,但係燒雞塊皮實在忍唔住唔食..........
    仲有成個星期,乜風都打完啦^^

    回覆刪除
    回覆
    1. 咁要睇下你鐘唔鐘意食生洋蔥同番茜呢個組合~~我就好鐘意所以我覺得好食~~~
      係呀!!!!燒雞翼添尤其~~
      希望啦~~~

      刪除
  14. 八爪魚沙律和薯絲馬介休非常吸引~~~~~~

    回覆刪除