2014年5月30日 星期五

澳洲探險自由行之旅2014-04-01第十一天Part 1(晴天)

我癲喇我癲喇我癲喇~~~~終於到星期五喇~~~~~~~~~~~~~~可以玩3日喇~~~~端午節就可以食糉子~~~~(其實我係鐘意食糉入面既咸蛋黃~~~)又安排左好多節目呀呢幾日~~~~~~~好開心呀~~~



2014/04/01
Day 11---Part 1(悉尼 Sydney)
好喇~呢日又要一早起身呀~因為我地今日有好特別既野做呀~係呢間民宿訓得好好~好舒服~




雖然Diana有叫我down個搭火車既app....但係我還是不太明白澳洲d火車點搭..唔同瑞士哥d咁方便喎...瑞士哥d上網check哂咩時間上車咩時間落車搭幾耐再咩月台上車轉車....但呢呢度係.....如果我無買我哥本旅遊書我真係唔知係邊度轉線.....你睇下電視下面~d路圖又淨係得佢自己哥條線喎..又無其他線咁我點知轉邊???站內可以攞既火車路線圖又淨係得經佢個站既....又火車又Light Rail....好難搞喎.....咁我唔識我咪入information度職員囉...其實裏面一個人都無架喎...佢無野做架...我問佢野時講哂hello gd morning.....佢都超無禮貌咁應我...我問佢呢個站經唔經另一個站...佢淨係好無禮貌答我唔經....之後咩資訊都無俾我...我再追問佢邊個站先可以轉呢條線佢先死死地氣答我....身為一個旅行城市既公交職員唔使咁串下嘛......




佢買飛既機都幾多品種架喎~呢部係其中一部~呢部唔難用既(對唔焦添~)....第一部揀去邊個站(應該都係按區域計錢)...第二部係揀single trip定其他...第三步入錢...呢部算易..我地之後買哥部搞左好耐...因為我地想一次過買4張...點知搵黎搵去都無得咁揀....後面又多人排隊喎....我地以為我地唔識買咪問下後面個本地人囉....點知佢搞左一輪...係真係要一張張買的.......而且每買一張都禁超多個制................好唔方便~如果背後有一堆上班族係你後面真係好有群眾壓力~


呢程咁樣搭一搭.....又AUD3.80=26.6hkd....但我記得唔係好多個站咋喎~



我地搭去Circular Quay Station落車行去我地既目的地~又經過岩石區~有點點陽光曬落黎又幾靚喎~以為自己去左歐洲添~




hehe~我地呢日咁早起身~就係要為左行悉尼大橋喇~yoho~~~~~一早我就係網上訂左飛~都可以現場買飛~不過一個時段得10幾個人~好爆的~地址:5 Cumberland Street, The Rocks, Sydney, New South Wales....電話:+61-2-8274-7777.....官方網址





價錢按季節按時段黎定....有分黎明時分...早上...黃昏...同夜晚~當中以黎明時份最貴...睇埋日出!!最平就梗係我地揀既日頭時間啦~AUD248=1,736hkd.....另外買左2 images...諗住要隻碟(佢可以揀相或碟)....再諗住迫埋一齊影...番黎澳門再share.....點知.....哼~公子就係公子~我地係呢度遇上千年難得一見既神奇事!!!!有幾隻唔同既形式行既..我地揀左The Bridge Climb...行3個半小時




我地係行09:25哥場~到左我地集合好~我地哥組有8個人~入左間房仔聽下講解~又答下問卷~跟住就入另外一間房圍埋一齊介紹下自己~我地哥組有4個中國人(即係我地~)...2個澳洲人...1個德國人...1個母語係法文既加拿大人~跟住工作人員就會俾一套岩我地碼既衫我地換~換上先合照一張~因為無得帶相機出去的~hey~我未見過好似我咁帥氣既車房仔~

裏面既衫同褲要全脫...淨著呢件衫....我起初幾驚淨著呢件我d嫩肌會痕(嘔)...好彩又唔痕咋~



神奇事就一路睇一路講啦.....睇睇佢官方幫我地影既相先~要行一段橋底路....再爬上d樓梯先再上到橋面的(出發前有train下我地先既~因為有d地方需要注意~)....其實...我行到有少少扯蝦~第一張好老土呀~帶我地行既Climb Leader叫Mitch~好搞笑的~忍唔住成日望佢d牙...因為佢d牙好齊好白....白到好似透明咁~~笑得仲好好睇~





一路行~一路幫團友影~幾好睇~d景好靚~期間佢有抽問問題..關於條橋的~抽問我時....好明顯我無聽掛住望風景~搞到我眼反反~~wakakaka~沿路Mitch有介紹起橋歷史同各樣各樣關於橋既野~(睇我講得咁唔仔細就知我有無聽~)





行到橋頂.....停左.................超多人係度.....咁我以為太多人行...要等前面哥批行完先到我地過對面然後回程....此時...有哂攝影機影緊...我以為set緊機錄d咩宣傳片...後面又有一隊上緊黎~點知....無啦啦.......有左..有右...有前面既人包圍我地.....一齊跳舞~~~~~~~~~~~~~~~~~~~~仲要跳得好high哥隻.....睇唔睇到張相...我地8個...呆左...............有個團友仲r緊頭(肯定同我一樣諗緊...做乜野呀?!?!?!?)....

打直哥行最尾哥個就係我地既Climb Leader Mitch~我地4個好呆呀~~~~點知後尾佢地跳完隻舞....話俾我地知....有無興趣一齊跳XD.....wakakakakakak~~~~~~



好有趣呀!!!!!!!!!!!!!!!原來左中右包住我地既人全部都係職員黎架!!!!!!!!!!!!!!!!!!!原來因為哥~日~係~April~Fool~呀~~~~~~我地8個人在愚人節被整了!!!!!!!!!!!!!!!!!!!!!!!!!!好搞笑呀!!!!!!!!!!!!!!!!!!!我地一齊跳舞~雖然我地唔識跳...跳得有d傻仔~但係成件事我覺得好high呀!!!!!!!!!!!後尾跳完我問我地後面既職員...問佢:you guys always dance with the climber on sydney bridge??????點知佢答:no~we never~this is the first time dance on sydney bridge~....再追問:is it special for April Fool????????佢答:Yes~Happy April Fool~~~~~到哥刻我先知我地在愚人節被整了~~~~好好笑呀~~~~




呢單野係佢地所有既官方社交網站都有公佈的!!!其中一個是fb....真係好搞鬼~~~~笑到我地抽哂筋~~~~




頂~~~仲要有短片錄埋~~~~係佢地d社交網站平台播~~~好搞笑~~~不過唔知點解唔可以連落呢度播可能佢set左d野~俾個連結你自己去睇睇XD...真係好呆d樣.....片中第一個帶頭跳舞哥個就係我地既Climb Leader喇~




俾佢咁玩完除左開心之外....就係.....所有影既相係唔使錢的~~~~~代價是簽左張同意書俾佢可以係佢所有社交網站播~~~喪笑咁講:我地做左動作明星衝出亞洲喇~~~~XD.....真係好好笑~~~~~~~喂~做咩有兩個人咁唔合作無伸脷架~~~

8個俾人玩的傻仔....其中有一半....係中國人XD~~邊個咁叻揀左呢個時間買架XD~~~咁都俾人抽中~~~~~~~~我地個旅程都幾多神奇野~~~~唔係揀呢日既呢個時段~可能我們都錯過了~人生就係咁神奇~一買飛那刻注定俾人玩~唔怪得我地哥隊係偏少人架啦~(每隊有12個~佢咁搶手~實爆架~我見後面哥d都係12個人~)



全部相唔使錢架~~~YEAH~~~~~~~(之後佢仲退番哂我地買2 Images哥AUD30俾我地~)





仲有幾張悉尼大橋的相~日頭行既景~




日出景~




黃昏景~其實黃昏景都幾靚喎~




夜景~




毛寶放左呢張相上fb...當時呀神秘團友想隱瞞唔想俾人知同我地一齊去旅行..........點知.....我唔明點解遮得咁密...都係俾人識穿哥個係佢囉XD....識穿佢既人話:一睇就知係你隻手指公啦!!!!...........唔係呀~~~~咁都睇得出~~~~~~~~

自此之後~就唔再神秘~光明正大咁出現係我個blog~~~~(我慳番好多時間唔使遮住佢個樣~)...真係...若要人不知...唔好咁低b~~~~~~~~~~~~~~~~~~~~~~~~~~



除左套衫走去填問卷~Climb Leader梗係攞一百分啦~又搞笑又有禮d牙又白又齊(關咩事~)~~~~~~原來頂帽會送番俾Climber~




咦~~~~~番落到睇下有咩名人行過~~~連你都有行呀~~~你知唔知你d航班位好窄坐到人好唔舒服呀~~~~~




OH~MY~GOD~~~~~~哈波!!!!你好帥呀~~~~~~~~跟我一樣~~莫名其妙的high了一陣~~~好可愛呀佢~仲有畫閃電圖案的~~~多謝呢十年你陪住我成長~(感動得想哭狀)





2014/05/30的開心事:
wow~~放假第一波~~~
約左另外3個公子去唱k~~~~~
好開心呀~~~~~~~~~~~~~



報時:距離日本東京自由行之旅2014仲有---23日~

45 則留言:

  1. 恭喜你地中獎就真啦!條片拍得你好型仔呀,唔錯喎。

    回覆刪除
  2. 窩腰大叫了~!!!!!!!哈波丫~~艾深力丫!!!
    力點解咁趣怪架~~閃電閃電閃電!

    回覆刪除
  3. 成件事實在太驚喜,太搞笑,仲响上埋國際網絡平台,太太太太.........開心啦,勁!!!!!!!
    雖然成千八佰行一轉,但今轉你地實在抵返晒!!!!!!!!!!!!!!!!

    回覆刪除
    回覆
    1. 無錯~今次係我地俾人玩既最開心一次~
      係呀可~其實幾貴呀可~但人人都俾咁貴但我地有個咁搞笑既經歷~抵哂~

      刪除
  4. 真係有錢都買唔到既難忘回憶呀! 好鬼好笑, 正!

    回覆刪除
    回覆
    1. 無錯~今次係我地俾人玩既最開心一次~

      刪除
  5. 其實真係有很多人好煩的, 昨天我約了一個這裡的網友出來, 佢原本話希望我帶他到湖邊看, 我開了15分鐘車出去, 接了他, 他就話好累, 好想飲咖啡, 我就車佢去就近商場, 去到佢又話無佢要的那種, 唔買.... 好了帶他到湖邊靚靚景看看, 看不到20分鐘, 他就說很累要走, 我本來很想自己留耐D才走, 本來想叫佢自己搭路旁的巴士回去, 但佢又厭要等得耐又慢, 一定要我再車佢去10分鐘之外的大車站. 攪左我2個鐘, 做左佢司機. 我下次一定不會再應佢約出來, 都搵吉的, 我已經不是那種以貌取人的人, 只想找人出來談談聊聊, 真係麻煩, 談不到20分鐘, 就話要走了. 佢細我十年, 但我成隻馬騮仔一樣, 佢十足一個50-60歲的老人家, 噓, 你話啦, 我下次一定要找個細我20年的, 才好出來談談聊聊, 免得一陣間就話累.

    講真呀, 我行上這度橋上, 體能一定綽綽有餘, 很多我這裡同齡的人, 都唔得了.

    回覆刪除
    回覆
    1. 華...佢都幾搞笑架喎..你下次唔好約佢喇.....
      哈哈~我平時少做運動嘛

      刪除
  6. 妳好叻呀衝出亞洲~~~可惜係比人整古......哈哈哈
    但妳比人整古開心就是啦

    回覆刪除
    回覆
    1. 無錯~今次係我地俾人玩既最開心一次~

      刪除
  7. 好在買飛呢家野唔洗我諗, 我見到d machine都投降先, 完全唔想搞, 呵呵!
    下半篇好好笑, 能夠愚得咁開心, 咁有紀念價值, 咁多美好回憶, 真係幸運被選中呢 ^0^

    回覆刪除
    回覆
    1. 係啦~~~真係完全呆了~~~~
      無錯~今次係我地俾人玩既最開心一次~

      刪除
  8. 我見到片中既毛寶好呆好可愛呀!!!XDXD
    不過影相唔收錢真係好正呀喂T3T
    拿~特別係要攞泥咁用架嘛!
    都唔知幾時俾人攞泥形容一D比人慘又怪異既野...唉~~

    回覆刪除
    回覆
    1. 無錯~今次係我地俾人玩既最開心一次~

      刪除
  9. 小 t 好勇!這樣被人整都好開心啦!哈哈哈
    端午節快樂!

    回覆刪除
    回覆
    1. 無錯~今次係我地俾人玩既最開心一次~
      謝謝你~我都補祝你端午節快樂~

      刪除
  10. 好奇妙呀 令到個行程好完滿呢
    Baby好叻呀 !!!! 好搞笑

    回覆刪除
    回覆
    1. 哈哈~~係呀~~~~真係每人好開心~~~~

      刪除
  11. 糉都喜歡吃, 但通常挑走蛋黃.............?

    回覆刪除
    回覆
    1. 下...咁呀~咁你下次俾埋我食~~哈哈~

      刪除
  12. 超讚既神奇旅程呀.........好難得咁都畀你地遇到咁開心既體驗呀!

    回覆刪除
    回覆
    1. 無錯~今次係我地俾人玩既最開心一次~

      刪除
  13. 哈哈哈~~ 咁神奇既旅程真係好特別呀!

    回覆刪除
    回覆
    1. 無錯~今次係我地俾人玩既最開心一次~

      刪除
  14. 嘩個一刻應該好震撼,點都估唔到係半空中俾人玩,仲係係April~Fool嘅日子添...waka ka,正呀!

    回覆刪除
    回覆
    1. 哈哈~~~我覺得成件事好搞笑呀~~~~咁我又唔怕俾人玩喇~~~

      刪除
  15. 可以行悉尼大橋, 驚險但風景好靚, 而且仲有特備環節, 正~~

    回覆刪除
    回覆
    1. 無錯~今次係我地俾人玩既最開心一次~

      刪除
  16. 好特別的經歷,點解會影個張伸脷相?

    回覆刪除
    回覆
    1. 因為俾人玩完嘛~climb leader叫我地影張佻皮d既~

      刪除
  17. 喺咁特別嘅地方有啲咁嘅事發生實在太開針太難忘啦,奇遇記真係可能一生一次.
    段片8個人呆過小公子,周圍人人喺度狂歌熱舞你哋就棟篤企(un都唔un),係見到兩三秒你哋有郁手跳舞......最衰最尾唔係訪問你哋4位啦.....

    回覆刪除
    回覆
    1. 作者已經移除這則留言。

      刪除
    2. 都唔係既~或者我往後既人生都繼續有奇遇呢~公子是特別的~
      無錯~因為我地真係唔知搞咩~~~~~~~~~
      好彩唔係訪問我地咋~我地係現場是這樣祈求的~

      刪除
  18. https://www.youtube.com/watch?v=A86JGbBEaBk
    哈仔愛情新作啱唔啱睇?

    回覆刪除
    回覆
    1. 有興趣~但咁既卡士澳門唔知會唔會播~

      刪除
  19. 韓劇"拜託機長"好像也是在這地方取景

    回覆刪除
  20. 真係好搞笑~~你地真係好好彩, 咁都撞正, 最正係唔洗錢要哂啲相嘛!!!

    你地果然出路遇貴人呀!!勁!!

    回覆刪除
    回覆
    1. 無錯~今次係我地俾人玩既最開心一次~唔使錢又真係幾爽既~
      無錯無錯~公子是與別不同的~

      刪除
  21. 車房仔果張相,你望下毛寶個樣,使唔使咁招積呀 ^.^
    April fool跳舞?! 我大笑咗出嚟,真係一個好好既體驗,like x 10000000000

    回覆刪除
    回覆
    1. 佢成日影相個樣都係咁招招積的~~
      無錯~成世人俾人玩得最開心既一次~

      刪除
  22. 你地心口貼咗個勇力, 配服得五體投地, 捉我上去我一定會心臟病發~

    回覆刪除