2014年5月2日 星期五

澳洲探險自由行之旅2014-03-25第四天Part 2(晴天)

噚晚已經好乖咁一早爬上床....但好可惜....碌到3..4點先訓得著~無用~今日一整天個人都呆呆滯滯的...唔知係咪想作感冒....所以我食左d日本感冒藥....查實食完d藥真係好眼訓的.....搞到我成個人根本坐counter都心不在焉...........雖然好多野做...不過好彩叫做無驚無險地放工~好野~要過周末了~因間約左皮皮晚飯~好耐無見~



2014/03/25
Day 4---Part 2(塔斯曼尼亞,荷伯特 Tasmania,Hobart->里奇蒙 Richmond->東海岸 East Coast)
離開Kate's Berry Farm之後揸左40分鐘車左右...黎到有機海產快餐cafe...Freycinet Marine Farm...地址:1784 Coles Bay Road, Coles Bay, TAS 7215, Australia....電話:+61-3-6257-0140....要留意既係...佢地7月同8月都休息...6月就休星期六日.....網址




全室外位~簡單陳設~記得搵d有太陽傘既位呀~~曬呀~

見到嘛????超級多d亞洲面孔(其實係講廣東話的~)



叫左杯Chardonnay飲下....AUD7=49hkd....唔貴~仲好大杯下~




跟手叫左兩打生蠔~~~1 Dozen Natural Oyster Served with Lemon....AUD15=105hkd......好抵呀~~~~12隻先105hkd...每隻先8.8hkd~~~~~不過由於都係Pacific Oyster~比較咸~每年12月至3月會特別鮮甜~我地真係揀岩時間去旅行~~不過呢度哥d就好似瘦小左d~但味道不錯~






因為朗公子唔係好食得咁多生既蠔....於是我地叫左Oyster with Smoked Salmon, Brie and Shallot....1/2 Dozen....AUD15=105hkd.....熟既要17.5hkd一隻....不過我覺得麻麻~d蠔整熟左佢食浪費左佢....加上佢加左芝士同煙三文魚落去燒......好咸呀~~~~~~~~




Garlic Scallops with a Bread Roll.....AUD15=105hkd....依家番黎先知咁貴~~~不過呢個又真係幾好味喎~個煎蓉牛油既汁點麵包堅正~~帶子又唔怕太老~~正~~




不過可惜既係....呢度食左469hkd....每人117.3hkd....以食蠔黎講係抵既...但呢度無咩飽肚野食~




食飽飽出發去菲瑟涅國家公園(Freycinet National Park)....地址:C302, Coles Bay, Tasmania 7215, AUS...電話:+61-3-6256-7000.....呢個都係我地張pass可以包埋入的~所以唔使買飛~將個pass放係車的擋風玻璃內就可以了~如果買飛就每人AUD12=84hkd....每車AUD24=168hkd....網址

我地黎呢度就唔係買飛既~係黎攞地圖睇睇~



停低架車~有隻小袋鼠係停車場悠閒的訓覺覺豬呢~~~好可愛呀~~~~~~好疏肝的下午覺~~~




跟住我地要去參觀呢個公園最出名既Wineglass Bay.....睇路牌....咦....要行40分鐘喎....唔怕既~睇落都幾好行呀~唔係好耐je~好~出發囉~




頂~~~~做咩越黎越斜架~~~~仲超級熱!!!!!超級曬!!!!!!唔係秋天黎架咩??????我都脫左好多件衫...真係堅熱~~~咦~~前面有個回教少女遮哂頭既~~~~~(你好乖呀幫我"咩"書包)




行左大約10幾分鐘....呢個係第二個bay黎既....其實呢個時我真係行到有d頂唔順.....................................




途中行過某個bay既look out位.....我實在唔記得佢叫咩名~咁就停低影張相先~(其實我係想抖下~).....其實我呢日經呢日行山之後....我成個人就曬到傷哂....依家睇番....我實在唔應該面向太陽懶有型咁影呢張相~






救命呀.....越黎越難行.....我成個身出哂汗.....加上人地生理期第一日.....真係行到想放棄....條腰勁痛....個頭又曬到有d痛.....我成塊面係汗我無去抹....搞到夜晚睇到....d汗"醃"住無去抹又繼續曬太陽....我成個額頭出哂紅色小暗粒....唔係幾粒......係成個額頭都係!!!!!!!!!!!勁恐怖.....我以後唔敢唔抹汗喇...........呢個時候先行左30分鐘.....真係好熱好攰條腰好痛....仲咁多樓梯...




真係足足行左40分鐘有多.......見到喇!!!!!!!




睇睇我塊面真係紅紅地~好靚呀!!!!!Wineglass Bay~我地自己直譯--->酒杯灣~~(係咪好老土~~~~)...似唔似個酒杯?






由於呢個look out位係有樹蔭的~所以係到睇風景睇得好舒服~一路睇住呢個景~一路有微風送過黎~~~就心諗:好彩頭先無放棄到咋!!!!!!..........大晴天影咩都靚~我叫朗公子:平時坐counter聞埋咁多廢氣...依家係呢度聞番夠本!!!(大啖吸)

我大部份寄既postcard都係呢個Wineglass Bay~



送多張全景俾大家~~抖涼左個身就回程了~




回程的山路也不太好走~都大約行左20多分鐘先番到去停車場~其實如果時間多d既話~可以慢慢行呢個公園...都唔錯呀~(依家講就口響~明明走哥時幾開心~)

真係堅熱~



行到番停車場....咦~~~~~頭先隻袋鼠仔醒左喎~~~~~~~仲行左出行人路~~~~好得意呀細細隻架~~~~~~~~~~




仲好似唔怕人咁喎~~~~~~~~




我都唔執輸行埋去合照一下先~~~~~~




呢個人當佢貓咁摸.....摸完一輪好開心~~隻袋鼠之後就走左喇........................可憐呀神秘團友先岩岩拎到相機出黎...影唔切;目~~~~~~~~~







媽媽聽日就出發去旅行喇~
飛得仲密過我~
好彩我都安排好哂節目~
不寂寞~



2014/05/02的開心事:
hehe~係澳門買One Day Acuvue Moist..
要$220一盒~
有人岩岩線去台灣~
幫我買...只需$136一盒~
好抵~
仲有我想買Hitachi的導入器~
本身諗住去日本買抵d~
點知有人買左但唔係成日用...
$300放俾我~~~~仲抵~~
好開心呀~~~



報時:距離日本東京自由行之旅2014仲有---51日~

63 則留言:

  1. 我行晒一圈用左四個鐘!之後都系freycinet marine farm 食咗一打生𧐢一打青口加一打生蠔外賣,個日好肚餓阿!

    回覆刪除
    回覆
    1. 華!!!行得好快呀!!!!我地問另外一個遊客佢話佢行左5個幾鐘呀!!!
      梗係啦~~~行左咁多路~我真係好弱~行一個鐘已經頂唔順~

      刪除
  2. 回覆
    1. 仲唔比我捉都妳偷懶~~~哈哈哈

      刪除
    2. 我無偷懶呀..我病了....;[

      刪除
    3. 休息多D、早d瞓,take care

      刪除
    4. 我有呀~呢幾日都好乖呀~

      刪除
  3. d oyster 抵到無嘢講
    哥個bay真係好靚靚呀
    毛宝同袋鼠果張相,影到毛宝個比例好奇怪><
    你呀,真係要戎吓口,生理期要戎凍飲,我好似你咁嘅年紀時持住後生唔戎口,而且當年又無肚痛,但今時今日竟然開始痛囉,靚女,保養要及早呀!!!!!!!!!!!!!

    回覆刪除
    回覆
    1. 真係好抵~
      係呀~~~可惜真係太曬了~~~
      哈哈~~因為我係偷影佢的~~
      我知道喇....依家都盡量戒左凍飲喇~~努力中~

      刪除
  4. 隻袋鼠仔好得意呀 你哋就好啦 可以咁近見到佢 我以前見過啲大嘅 但係我又好驚喎 唔敢行近 ( 咁鬼大隻) 好羨慕你哋可以摸吓佢呀!!!

    回覆刪除
    回覆
    1. 係呀好可愛~~~
      其實我以為去動物園會見到好大隻哥d...點知又係呢d小小的..
      有點失望~

      刪除
  5. 生蠔有厚肉和薄肉, 厚肉係食甘味, 薄肉係食鮮味.

    你和隻袋鼠一齊影相好CUTE, 可以用來大頭相....

    導入器是什麼來, 如果係美容, 我都想買個....

    回覆刪除
    回覆
    1. 暫時食到呢度都係薄肉~不過都幾好味既~
      哈哈~~袋鼠bb每我都變q了~
      係呀..係美容哥d呀...將你d護膚品導入肌膚裏面

      刪除
    2. 我好貪靚咖, 唔知道個導入器英文叫乜名, 等我又買番個先, 哈哈哈.... 我係咪好唔知醜呢? 男人老9 都..... 不過, 我喜歡靚靚靚呀....

      刪除
  6. 欲窮千里目,更上一層樓,辛苦都值得嘅。Wallaby好得意,我會同佢勁影囉。你同wallaby合照個幅,佢個樣好過癮㗎,你試吓放大佢嚟睇吓。係呀,我都知日本買好抵,香港要成幾千蚊㗎,佢咪就係喺日本買囉,差唔多$1,000。點知,你仲勁,3舊水,佩服,佩服。不過,你哋澳門買one day acuvue咁抵嘅,香港要$3xx一盒,得閒要過澳門掃番啲貨先。

    回覆刪除
    回覆
    1. 哈哈~我依家都會咁講既~但係呢..行緊哥時又真係好辛苦~
      好彩我影左先毛寶先搞佢咋~唔係我都無得影呀~~~係喎~佢個樣搞咩呀~~
      要幾千咁貴咩?!?!?我去電器鋪睇要2xxx囉....哈哈~~我見係我朋友黎咋...如果唔係我都唔會買二手的~
      我上網睇好似話係220的~我好耐無係澳門買~都係台灣買的~

      刪除
  7. 你同酒杯灣合照張相好搞笑丫XD有少少似陳奕信又有d似key落去咁樣XD~~影到好鬼大隻:P bye

    回覆刪除
  8. 咁熱行又真係辛苦左D,如果唔趕都好,可以慢慢行.....堅熱就另計喇~~
    哩日曬黑左唔少啦

    回覆刪除
    回覆
    1. 堅熱囉係.....所以我行得哂都算係咁~

      刪除
  9. 行山我至怕,你地後生仔勁啲,睇風景區就一定係要咁行.
    小t我想問啲袋鼠臭唔臭架?

    回覆刪除
    回覆
    1. 係呀....真係講得無錯架~唔辛苦點得世間財~
      唔臭架~

      刪除
  10. 今日同班朋友去澳門玩兩日,希望揾到你推价介的餐廳啦 ,嘻~~

    回覆刪除
    回覆
    1. 點呀~你去食左咩呀~
      不過係我個人口味咋~

      刪除
  11. 17.5hkd一隻?唔簡單~~~~~~
    那隻小袋鼠超可愛呀!
    嘩!還有個陽光少女!

    回覆刪除
    回覆
    1. 熟哥d貴d~不過麻麻地好食~太咸~
      係呀好得意~
      哈哈~~好似key上去咁既~

      刪除
  12. 我好似朗公子咁,唔食得咁多生蠔.。

    回覆刪除
  13. 望到D生蠔就流口水!隻袋鼠好cute!

    回覆刪除
  14. 妳寫得好快,
    生蠔好正
    袋鼠見得人多,唔怕人~~

    回覆刪除
    回覆
    1. 已經唔快~病左幾日無寫~進度落後中~
      生蠔超平~
      係啦~佢真係好得意~

      刪除
  15. 生蠔好正!!
    PS. i like your sunglasses!!

    回覆刪除
    回覆
    1. 係呀仲好平~
      多謝~係毛寶送我的~

      刪除
  16. \(◕ヮ◕)/。゚神公。゚在英國的大哥回港。゚
    •´*我又忙呢•´*不可以天天上網啊•´*好野又是吃喝玩樂三個月

    回覆刪除
  17. 隻袋鼠...咁可愛...當佢貓咁摸

    回覆刪除
  18. 嘩, 你好堅呀, 堅持到上去, 比著係我,我可能上唔到個山頂, 個度真係好靚呀!

    我都係又傷風呀~呢幾日係咁係屋企飲勁多水,希望快啲好番啦~~~ 希望你都健健康康呀~~~

    回覆刪除
    回覆
    1. 哈哈~~我都有諗過放棄的...行到個頭好暈~~
      咁大家都要飲多d水呀~~~

      刪除
  19. 乜妳哋個個個look都越嚟越似.......

    回覆刪除
  20. 你懶有型幅相如果冇影到欄杆同條路就靚哂......唔係抄人講,一睇就覺你酒杯灣幅相似阿依神嗰幅,似key上去之餘連笑容都好似.

    回覆刪除
    回覆
    1. 好難架...我已經企高影喇~
      我覺得似布志綸多d喎~

      刪除
  21. 哈,蠔又啱我呀,期待下次你再引我先~~
    好曬,好熱呀,俾我應該流汗流到融咗,我係超級大汗的~~
    袋鼠超可愛,但我未必敢摸佢囉,毛寶好大膽呀,我就只敢喺佢隔離影個相咁囉 :-)

    回覆刪除
    回覆
    1. 漏咗個「唔」字添, 係唔啱我, 哈 XP

      刪除
    2. 我都超大汗呀..我一路行...d汗一路咁係個頭度滴落黎呀....
      哈哈~~~我都係呀...其實我行埋去影時都好驚的~

      刪除
    3. 下~~~你唔鐘意生蠔架~~~~~

      刪除
  22. One Day Acuvue Moist..
    係咪有色果d con?....如果係,,真係抵到冇朋友囉

    回覆刪除
    回覆
    1. 無色架~但moist比普通哥隻acuvue都貴d架嘛~

      刪除
  23. 抖左2日,好番D未ar?
    見到係d生蠔貢鬼屎抵食真係睇到人地wow.wow..聲ar, 雖然比我想像既細隻...:p
    油杯灣真係好靚ar, 不過最恨屎我係你同到袋鼠仔影相ar!!!!! wuwuwuwuwuwu
    我都有hitachi 個導出/導入機, wakakak..岩岩買返黎時好勤力..而家都好耐冇用過lu...

    回覆刪除
    回覆
    1. 好少少啦~其實今日起身都係頭痛....
      係呀!!我都覺得呢度哥d細隻呀!!不過好彩都幾好食~
      堅係靚~不過真係好辛苦~哈哈~好彩我影完相毛寶先玩走隻袋鼠咋~
      我依家用左5日...仲要幾勤力~

      刪除
  24. Hi小t好番d未呀!生蠔好正喎!咁多隻蠔都唔使$500港紙好低!小袋鼠訓覺個樣好可愛!向太陽懶有型張相又型又靚女呀!好叻女呀!可以行足40分鐘呀!酒杯灣景色一流!妳同伯母輪流去旅行真開心!bye!!!

    回覆刪除
  25. 今日無出blog ge~~~~~~~耶~~~~

    回覆刪除
  26. 蠔呀,好吸引呀
    仲有天氣咁正,玩都玩得開心

    回覆刪除
    回覆
    1. 我很喜歡吃生蠔的~
      係呀~不過太曬了~

      刪除
  27. 隻小代鼠好得意...外國的天空,景色,看來都特別美.

    回覆刪除