2014年5月26日 星期一

澳洲探險自由行之旅2014-03-30第九天Part 2(晴天間中有驟雨)

星期一喇~~要加油~~番埋呢個禮拜~~~下禮拜放一日端午節呢~~~連放3天~~爽爽~~星期六:去左交去日本d錢~yeah~好開心呀~..->食味藏...唉...價錢無加但份量細左..失望~..->wakakaka~去左慶祝柏仔13歲生日呀!!!以人既歲數計已經91歲高齡!!!柏仔我愛你!!我由你3歲識你到你依家13歲...噚日見你老左好多...我心痛了.....->去左食阿里郎!!食左部隊鍋..不過我覺得麻麻...->去左UA睇賤鄰50~都算好笑..但同周星星哥d比由頭笑到落尾仲差好遠~.......星期日:去食綠茵閣...一般~去食佢係因為想去哥間無開~....->參加左澳門人525既盛事...亦係我第一次參加.....雖然好熱...但覺得好有意義!!為自己發聲!!係澳門從未試過見到咁多人為同一件事爭取!!->同左婆婆表妹去食海榮



2014/03/30

Day 9---Part 2(開恩茲 Cairns)
好喇~完成一件大事~跳完傘~才早上11點....朗公子同神秘團友無跳...約佢地12點半民宿集合一齊食野再出發下午活動...點知早左番去佢地已經出左去行街~咁我地無鎖匙唯有我地都出埋街行啦....好熱呀~




於是行去Rusty's市集~有野食....有街市....但街市真係好街市的~生果都幾平~~~點知咁岩線係呢度撞番朗公子同神秘團友~~~~睇下開恩茲幾細~我地買左芒果~諗住陣間番民宿品嚐~



之後灑左陣雨~即刻涼少少咁多多~不過灑左10分鐘都無~又大晴天~



橫掂出左黎~食埋中午飯先番去~揀左間拉麵店食~哈哈~~去澳洲食日本拉麵~(因為朗公子同神秘團友都係拉麵控~)




朗公子同神秘團友口味一致~揀左Gen-Ten源天...AUD11.95=83.7hkd....神秘團友拋下一句:把鬼.....香港豚王好味好多......好似同豚王差唔多價...不過我無食過豚王品評唔到~拉麵我不嬲都麻麻~




毛寶的Ebisu海老壽....AUD12.95=90.7hkd...我懷疑佢見到湯底有蝦先叫...因為佢對豬骨湯都無咩feel~呢個味道都係一般~湯底又好似唔見有咩蝦味喎~不過比一般豬骨湯清淡我諗毛寶已經好開心~




我就真係無咁好耐力食熱野....開恩茲熱到飛起~我要食冷麵~Nagomi和味...AUD11.95=83.7hkd....確係無咩特別~麻麻~唯一開心唔係熱食~




其中一個拉麵加左AUD2.45=17.2hkd變set...有餃子試下~唔...又係麻麻~皮勁厚~

開恩茲真係不宜食日本拉麵....呢間已經係日本人開架喇喎~可能d料唔岩整拉麵卦~



我地要去海旁哥間麥當勞隔離既跳傘公司分店....攞番我地隻靚仔跳傘DVD~但要跳完之後3個鐘先有得攞...見仲有時間~我地去左噚晚經過既公眾露天泳池hea下~又真係幾大幾靚喎朝早睇~不過真係好曬呀~~呢日有成32度~我地坐係藍色蓬哥度睇人地游水~唔曬既地方有風咁坐係度都幾舒服既~








攞左DVD就跑番民宿涼下冷氣....隔一陣我地join既下午活動黎接我地喇~大約坐10幾分鐘車就去到場地~我地下午玩Blazing Saddles....我記得係AUD130=910hkd....我地係搵民宿主人幫我地訂的(因為佢check in時問我地有無野幫到我地嘛~~~佢又鬼死咁好人~~)...地址:Kuranda, Queensland....電話:+61-7-4085-0197.....網址.....唔知係咪下午太陽太熱太猛~所以無咩人玩喎我地個時段~~平時係搵開恩茲d旅行社訂都得的~佢有條街係成條街都係旅行社~自己比較下價錢啦~




呢隻車我係埃及揸過~難我唔到~但係玩呢個佢為加強刺激感....係泥地度加水.....令到駕車一行過會輾起泥水花...超污糟.....我地之前哥批人我見佢地玩到成身泥.....................我地就玩得比較斯文~污糟左少少咁多~好彩佢有水鞋借...同埋帶頭盔前有頂浴帽狀既物體你帶(因為佢個頭盔好臭好污糟!!!)...真係堅曬...記得搽多d防曬...我個頭朝早玩完跳傘已經好lup...加埋呢次...我個頭濕到發臭...我地1445出發..大約5點度佢就車到我地番民宿~不過呢個唔算太好玩....淨係係佢個場揸黎揸去~無咩挑戰~(埃及哥個真係好玩~係沙漠玩的~不過諗起都幾危險~迷路唔知點算~)...就係因為呢日...我隻手同塊面到依家都未白番呀.......喊喊~

er......我地真係無去大堡礁囉....................好後悔...同埋我地唔夠時間...............



好鬼熱之後番到民宿涼冷氣..沖涼..洗衫..食番之前哥晚淨左既避風塘龍蝦...魚香茄子用黎撈飯食做下午茶~堅係正~之後毛寶話想要訓一訓~叫佢起身食飯時佢話有d暈暈地同唔胃(我懷佢有少少中暑...唔知係咪)




夜晚食左呢間~無行咁遠...民宿哥頭的~越車野~唔算多人幫襯~






又飲啤酒~XXXX Glod....AUD5.50=38.5hkd....夠凍~但好似比較淡口~




Toolheys Extra Dry...AUD6=42hkd.....評語同上面哥支一樣~夠凍~淡口~




Beef Noodle Soup(Saigon PHO)....AUD15.50=108.5hkd....一般...唔難食...但講唔上好食~無法國或美國食到既PHO咁多食~




Chicken Salad With Rice Paper...AUD21.50=150.5hkd....呢個好食喎~~~有米紙俾你~~~自己將d沙律卷埋做春卷咁食~~~好味~~~酸味味好開胃~~~~~




Hainan Chicken Rice....AUD19.50=136.5hkd.....唔好食...油飯無味....雞就超級鞋的..........好掛住新加坡既天天海南雞飯~




Sticky Rice in Coconut Milk......AUD5.50=38.5hkd....咦~又幾大個幾好味喎~呢間野~要撞手神叫~

呢晚要早睡~明天要早機飛悉尼~





俾我知道左依家秀蘭裝緊修...

但開番之後可能唔再係上海菜!!!!!!
我好傷心呀!!!!!
佢個小籠包係全澳最好食架.....
喊喊..........................



2014/05/26的開心事:
唔.......哈哈~
今日又在約星期五的約會~
跟住又約緊星期六的約會~
正~



報時:距離日本東京自由行之旅2014仲有---27日~

35 則留言:

  1. 我都好掛住新加坡嘅海南雞飯丫~~我係雞肉腔~唔知幾時有機會同姐姐姐姐一齊去新加坡呢?~~~

    回覆刪除
    回覆
    1. 唉呀~~~我都好想再食新加坡d野食呀~~好想好想~~一係出年我地夾唔去韓國可以去新加坡喎~~~

      刪除
  2. 睇報紙都嚇一跳,澳門唔係已經河蟹/淪陷咗嘅咩?仲會公民抗命?單一議題有兩萬人唔講得笑,,更嚇一跳係嬌滴滴嘅你都有去(有冇拉多啲人去),我佩服你,相比你跳降傘呢次我更加更加衷心佩服/尊敬你!!
    聽講全世界最好味嘅越南生牛河係墨爾本嘅勇記.
    講起嚟有少少尷尬,我都係雞肉(皮)腔.

    回覆刪除
    回覆
    1. 呀突手以為我地澳門人政治冷感就想禁住搶....枉一大班打工仔日做夜做都係攞公積金!!!!我有好多同事都有去呀
      有d咁既事....但又好難為左生牛河而去墨爾本喎~
      有咩咁尷尬??因為同貞一樣??其實大把人都係雞肉/皮控架啦

      刪除
    2. 希望澳門人唔好盡咗力盡咗本份但都徒勞就算,要想方法對付/爭取……呢次睇突手咁做都因忌諱中央

      刪除
  3. 呀~~我覺得去到某一個地方都係食返地道野好D...
    如果食其他,我會覺得又貴又唔係好食過澳門歌D...
    唉~好唔開心~校長唔肯補影畢業相/.\
    我覺得幼稚園、小學同初中都好慘...唉

    回覆刪除
    回覆
    1. 邊有咁多澳洲野食呀~好少有人話要食澳洲菜架下嘛~
      但如果你食過其他...又平過澳門又好味過澳門你可能就會覺得好驚喜架喇~唔試過又點知呢~即使試左唔好食~同人都有話題嘛~~哈哈~~其實法國同美國既生牛河都好好食的~
      係啦..我都有聽公司同事講..佢個女又係今年畢業的
      高三慘d囉..最後一年嘛

      刪除
  4. 估唔到你鍾意睇周星星,原來你咁低俗...................不過我都係,哈哈哈哈
    嘩,你話吖,人地個免費泳池幾鬼正呀,香港要俾錢仲要唔靚....
    係喎,個街市真係好街市,無歐洲果d街市擺得咁靚
    無去大堡礁,吓点解呀,下次一定要去呀,嗱咁又多個藉口去啦

    回覆刪除
    回覆
    1. wakakakak~周星星我成日都好想道地星期日影院會係做佢的~~或者新年~~~都好想睇周星星的~
      係呀...呢個唔使錢既又真係幾正的~
      無錯~歐洲d街乾淨d~
      hehe~無錯~為了要有下一次嘛~

      刪除
  5. 係外地食日本嘢更唔好食啦~~~~係都去日本食啦

    回覆刪除
  6. 我都有睇新聞,似乎澳門人對政府嘅不滿,真你到咗臨界點,証明政府嘅派糖政策,係唔能夠安撫民心,我撐你哋。神秘團友好....香港人呀。我哋上次都係去開恩茲,都入咗一間日本人開食肆,但啲日式嘢食又係唔好食㗎,仲要唔平添呀。

    回覆刪除
    回覆
    1. 梗係啦...平時唔出聲唔代表俾你點都得!!!
      你估我地咁純情以為你咩都無做咩...依家佢係想做得更光明正大!!!!偷偷做都算...仲要有特權真係佢玩哂
      點解好香港人呀??因為佢食豚王?
      哈哈~唔試過又唔知好無味既~

      刪除
    2. 我諗你哋最忍唔到就係特首嘅免刑責權,呢個比較危險,咁佢就可以隻手遮天。因為佢好有香港人嘅霸氣,「把鬼,香港xxxx都好過佢啦」,呢啲係好多香港人都鐘意引用嘅句子,除咗我。

      刪除
    3. 無錯!!!佢真係當我地係傻的!!!
      wakakaakakak~原來係咁~可能佢地太愛拉麵~不過事實上我都覺得麻麻~

      刪除
  7. 好暈同有d想嘔要訓一訓~~~ 我去泰國有一日都係咁~~~ WAKAKA
    BABY~~ 我返左一日工已經掛住返學啦XDD

    回覆刪除
    回覆
    1. 慘慘呀~~~~好彩你同毛寶都無事咋~
      哈哈~~~大人世界係好慘的~~~要開始習慣了!!!加油呀!!!!支持你

      刪除
  8. Hi小t, 好野,妳都有公民抗命有去逰行呀,原來澳門都咁多人唔滿意政府喎!我都摢妳地架!d個公眾露天泳池好正喎!真可惜妳冇去大堡碓玩!下次有機會一定要去啦!Blazing saddles 咁囇都玩!係外國食日本嘢多數唔好食既!bye!!!

    回覆刪除
    回覆
    1. 希望垃圾會聽到我地既訴求!!

      刪除
  9. 澳門版的香港71遊行, 反特權反離譜..... 哈哈哈...... 都好, 有人發下聲, 等D人唔好咁無譜.

    大堡礁要不要潛水? 其實, 你地去到CAIRN咁遠, 跳傘和BLAZE SADDLE可以去別些地方玩, 大堡礁應該去...... 唔怕, 俾自己理由下次再去過....

    我這裡的越南餐越來越無乜味道, 唔知道點解, 唔係好想食佢.

    幾時端午節, 時間真係快過, 咁快又端陽, 我這裡之後就會熱了....

    以前中國人有句..... 未到端午, 寒衣不入櫳, 百日一過, 又到中秋, 寒衣出櫳.

    回覆刪除
    回覆
    1. 無錯...唔好以為平時唔出聲就佢玩咩都得!!
      哈哈~~因為真係好想跳傘嘛~我又唔識游水...相比之下我想玩跳傘多~個BLAZE SADDLE其實就下d團友玩下...因為佢又唔想落水~唔緊要囉~有左今次經驗下次再玩過~
      哈哈~我覺得法國同美國既越南餐都唔錯的~
      你哥度成日都咁凍...最熱會熱到幾多度呀???

      刪除
    2. 我這裡, 最熱都有34C, 不過, 無香港的感覺咁辛苦, 舒服好多

      刪除
    3. 可能無香港咁濕所以舒服好多~不過原來你哥度夏冬溫差都幾大下喎!!

      刪除
    4. 係呀, 可以正和負35C, 70C溫差1.

      刪除
  10. 返多一星期 又有假放, 想起都興奮.

    回覆刪除
  11. 公眾露天泳池...好正呀...同沙灘一樣

    回覆刪除
    回覆
    1. 係呀~d水又好似好藍咁~~又幾似既~

      刪除
  12. 澳洲D越南嘢好貴啊...個碗牛肉粉係美國唔洗10蚊

    回覆刪除
    回覆
    1. 係囉....我覺得法國同美國d生牛肉粉都好好味!!!!

      刪除
  13. 個泳池好正, 天氣又好~~~好想跳落去游水呀~~~

    如果比我, 我唔係好敢揸個啲四驅車, 小t你好勁呀!!

    回覆刪除
    回覆
    1. 哈哈~~可惜無帶泳衣~~
      點解呀??唔危險的~無車牌都得架~~好好玩~~
      我係埃及沙漠都揸過~~埃及哥個好玩d~~~

      刪除
  14. D拉麵睇落麻麻~~~~~
    小t 駕Blazing Saddles 好有形!

    回覆刪除
    回覆
    1. 係完全唔好食~~
      真既~~哈哈~~謝~

      刪除
    2. 係好帥的「飛」女!哈哈哈

      刪除