2014年5月16日 星期五

澳洲探險自由行之旅2014-03-28第七天Part 1(晴天)

幾毒.....一家5口5點後先一齊遲到......5點半接更時間先一野過開番d籌都咪話唔甘呀.....成個counter用其他人既時間服侍番佢地......其餘哥兩個counter一個就做緊麻煩野....就淨番一個counter不停叫出面d籌~~好正呀~~多謝你地咁唔準時呀~(其實你地知唔知咁樣好自私架?)



2014/03/28
Day 7---Part 1(塔斯曼尼亞,西北地區 Tasmania,North West Coast->搖籃山西部地區 Cradle Mountain->朗塞斯頓 Launceston)
呢日已經諗定超早出門...因為車程長~7點鐘出發....多數7點半先天光.....一行出門口....咦~~~~d霧無哂喎!!!!仲開始日出中喎~~~~望全房間對正既The Nut~又確係有d Uluru既feel喎~~




搬埋行李上車~太陽慢慢出來了~~




hehe~噚日睇唔到~~今日補番~~上天對我地都算係咁囉~~雖然上唔到去~不過睇到清楚的The Nut~已經好開心~




er....噚日落超大雨....我估唔到.....呢日會咁好天~~~好靚~~~我硬係覺得~塔斯曼尼亞既天空...好似特別大特別遼闊~(可能因為無咩高既建築物遮擋視視)






由於差異太大~~我無預到咁好陽光~~我仲無帶con....以~~咁咪帶唔到黑超囉~~~唔驚~~~我帶左近視眼鏡~~再當黑超係3D眼鏡咁帶咪得囉~~~係重d厚d je~~~wakakakaa~(醜)




出發前梗係睇下夠唔夠油啦~~叻仔識自己入架喇~~我走入去俾錢時佢問我入左幾錢...我口窒....因為無預到佢咁問...平時哥d係佢係裏面已經睇到我入左幾錢...我答佢44蚊...佢話:你肯定?....我答:係呀....咁就收我44蚊....下....你又真係唔驚我呃你架喎~(雖然我係講真話的)




到達搖籃山國家公園(Cradle Mountain National Park)...地址:4057 Cradle Mountain Road, Cradle Mountain, Tasmania 7310, AUS....電話:+61-3-6492-1110....網址.....我地有買pass...所以唔使買飛俾錢~咦~我以家先知原來佢係列入文化遺產~有成200年歷史~不過我地諗住泊住架車係門口...搵兩個人入去information centre問野...點知泊錯左佢地個explore bus個位.....俾佢地個職員好無禮貌咁叫我地泊開....我都知我地唔岩....但都係一時睇唔到je.......






Cradle Mountain National Park有咩睇....整個山頭滿佈山毛櫸樹同埋懸鈴木植物....(我睇書講架咋....)....成程路都係車行的~~無啦啦個天又咁陰既....睇書講話呢度山中天氣變化好大!!時而天晴....時而下雨....時而下雪!!!確係幾大變化~~




架車駛到去鴿湖(Dove Lake)....呢個係全澳洲最深既湖泊!!一落車.....超勁凍超勁大風!!!!!!凍得不之得了....大風同凍既程度更甚於冰島!!!我流哂鼻水囉~~~~~~~~~~~~

睇下我個樣~~~



個Dove Lake俾山環抱住~有多條行山路徑俾人行....不過行之前最好係Walker Registration登記開始同完結時間....因為如果有咩事佢都可以去搵番d旅客.....有一條沿住Dove Lake既山徑聽講好靚好湖光山色的(聽我咁講就知我無行)....依家有少少後悔無行添....原來沿住佢行又唔係好耐喎~兩個鐘咋喎~但呢日真係好凍喎...咁呀....下次先啦~(hehe)...留個影算啦~






呢個人呀~叫極唔聽架~我係佢後面叫:唔好行咁埋影相呀!全澳洲最深既湖呀!跌落去架!.......完全無反應...仲越行越埋....搞到我成個傻仔咁大叫大壤!!!!!!(就係你呀!!)




呀哈哈哈~行得超快~(唔可以講係行~~因為係車行~我淨係落車同個湖影左幅相咋~~)....咁呢~呀導遊話呢日無安排食咩~所以係國家公園裏面既cafe食埋佢啦~




Hot Chocolate(前)...AUD4=28hkd...我叫的~~好好飲呀~~點解澳洲既朱古力都咁好飲既~~Cafe Latte(後)......AUD4=28hkd....朗公子的~佢話好味~...係呢...點解....佢地呢度d熱飲咁平既???仲平過澳門喎~




Soup of the Day...AUD9=63hkd.....是日例湯又係蕃茄湯喎!!!!!!另外兩位真係又唔知衰的....又係一人一個湯....又係大到癲的!!!!我真係麻麻地蕃茄湯...好酸...飲完個胃好似會頂唔順咁~不過呢個叫做好過之前一晚哥個~




Pulled Pork Roll....AUD12.50=87.5hkd....我係收銀度望餐牌見到呢個Pulled Pork Roll時....心裏起了疑問...仲好大聲講左出黎:咩叫"推"豬roll呀???.....點知神團友回了我一句:唔好意思呀...係"拉"豬roll呀!!!!.......wakakaka~有無人get到個笑點呀?????咁有無人知點解會叫Pulled Pork Rolled既????其實幾好味喎~辣辣地~幾開胃~




食飽又揸左好一陣子車去下一站Mole Creek Karst National Park入面既天然鐘乳石洞Marakoopa Cave....地址:Mayberry via Mole Creek, Tasmania 7304, AUS....電話:+61-3-6363-5182....網址......係佢地既information centre度買飛先~入鐘乳石洞成人每位AUD19=133hkd...每小時一節




買完飛再揸車去600米外的集合地點




夠鐘集齊人先講解下...同埋俾大家睇睇入面既鐘乳石類型...佢話要摸就摸呢d好喇...入到去就唔準摸




入面可以影相的...但不準用閃燈.....講真....亞洲歐洲既鐘乳石洞都去過唔少......其實大家都係差唔多d咁既野....所以對我黎講無咩特別~不過呢佢度有一d鐘乳石係有閃粉咁既又真係幾靚~不過呢個洞幾細...行一陣就行完.....其實重點既行程係最尾!!!!!因為佢會熄哂燈!!!!之後就見到藍色螢火蟲架!!!(呢個無得影相)....真係好靚~超多~就好似星星咁樣!!!其實入去呢個鐘乳石洞我地唯一想睇就係呢樣~









係喎~
聽日去香港玩喎~
但係我仲未執野喎~
聽日仲晨咁早搭船過黎~
我要準備好自己個胃口一跑過黎就食哂你地d野~~
wakaakakkakaka~



2014/05/16的開心事:
wow~今日有同事請食雪糕~
多謝~雖然我無食~
(因為我係7仔睇黎睇去d口味都唔岩我~我係咪好奄尖呀~咁唔岩口味費事浪漫人家金錢啦~重點係.....我做跑腿去買雪糕得到了8張7仔印花~~~~~~wakakakaka~~~)



報時:距離日本東京自由行之旅2014仲有---37日~

我下一次去日本我想去福岡呀~
因為我噚日睇雜誌好似好多野食~

42 則留言:

  1. 雖然唔多明小T 投訴緊邊家衰人, 都一定知佢哋超過份.
    但風水輪流轉, 佢哋定不得好死.

    回覆刪除
    回覆
    1. 哈哈....又唔使不得好死既....
      做個守時既人就好了~

      刪除
  2. 睇妳指住地圖幅相~~~妳好儍呀~~哈哈哈

    回覆刪除
  3. 其實如果你鐘意帶眼鏡,可以佩有transition嗰種,咁咪唔駛帶多副太陽眼鏡啦。鐘乳洞有藍色營火蟲睇,好特別喎。咁記住嚟到香港,食多啲好嘢喇。

    回覆刪除
    回覆
    1. 哈哈~~咁哥d貴嘛~~~~~個超毛寶送架~~我搞下笑架咋~~後尾實在太重~~就咁帶超係車訓覺~~~
      好靚呀~~~~不過睇得一陣間~
      我有呀~~我食左d好岩我胃口既野呀~~~~

      刪除
  4. 嘩!!! 唔同時間影嘅 The Nut都好正呀 !!!
    小t 去香港玩得開心啲同食開心啲呀!!!!! :)

    回覆刪除
    回覆
    1. 係呀~~~我覺得真係有少少似uluru呀~~~好靚~~~
      我有呀~~我食左d好岩我胃口既野呀~~~~

      刪除
  5. 你果部咩機黎架? 駛唔駛咁高清呀? 連面毛都睇埋.

    回覆刪除
    回覆
    1. 我哥部傻仔相機咋~可能我d面毛太出位~

      刪除
  6. 算啦,呢d人耐唔耐實有,you are professional,唔好嬲
    你個3D超好有創意喎
    終於好天,有靚景靚相睇,藍色瑩火虫,真係巧靚架,好想睇多次
    你去到個湖係咪撞鬼呀,反晒眼,哈哈好趣怪^^ d湖水顏色影出嚟好似好dirty咁

    回覆刪除
    回覆
    1. wakakaka~唔嬲囉~嬲得幾多呀~
      無錯~~我係一個好有創意既人~~~~
      係啦~~~~~真係好靚~~不過實在睇得太少時間~~~
      wakakakak~凍到反眼~~~

      刪除
  7. 小t 明天過黎香港玩...好彩星期六...日...都好些天氣

    回覆刪除
    回覆
    1. 星期日有落雨呀~~不過一陣仔咋~

      刪除
  8. 看住個太陽慢慢出來...真係好正呀

    回覆刪除
  9. 其實當地人人少, 通常唔會呃店主, 一來大家識大家, 二來因為驚店主做唔住, 就會執笠, 到時入油就要行更遠了.

    你個凍樣真係扮得好似, 好似就快暈底咁樣, 哈哈哈....

    其實整到條路咁行入個湖, 係用來放艇落湖, 部車拖住部艇, 倒後慢慢落湖, 所以條路一定係斜斜地, 水下水底也是慢慢深入去, 最少10-20呎, 才會深, 所以毛寶唔落水, 都應該無事咖.

    不過, 我唔明白推和拉豬肉有乜分別? 聽說, PULLED的意思是指肉煮得好淋, 用手指或义也可以輾碎佢. 其實, 拉和推都可以把肉輾碎嘛, 叫PUSHED PORKOK也吧!


    回覆刪除
    回覆
    1. 你又講得岩~
      唔係扮~~堅凍架~~~~
      係喎~你又有道理喎~我都無諗過~都係住係外國既人先知呢d野~~哈哈~~我係要話下佢咁唔小心呀~~~~
      講笑咋...因為我記錯左pull係推.............呢d字我一世都會記錯.....但見到push我又知係推喎~~~所以係我字典入面係無拉既英文~

      刪除
    2. 我都時時攪亂英文PUSH 和PULL, 只是我這裡商場D門上個手推或手拉, 是不同型狀的, 習慣了, 一看形狀, 就知道係推或拉, 但有次我落到美國唐人餐館, 門上的手推和手拉形狀唔同左, 而且係右手度門鎖上, 左手度門才可以開, 我攪左好耐, 還以為間餐廳未開門, 後來, 個老闆出來問我: 後生仔, 連度門都唔識開呀?

      哈哈哈..... 真係攪野呀佢...

      刪除
    3. 哈哈~我真係永遠都記錯的~
      個老闆擺明笑你喎~~~

      刪除
    4. 個老闆這樣, 我裡笑著, 難怪佢成世人都要埋身在佢間餐館裡, 而且越做越縮水, 越做越生意差

      刪除
  10. 又過黎香港玩,記得買果個乜乜貼呀!

    回覆刪除
  11. 頭兩幅相真係靚
    你叫人睇吓你個樣前唔記得落警告?同埋嗰行字應該放喺幅相上面,我唔好彩望到你嗰個樣......
    估唔到你咁咀叼,7仔都好多雪糕選擇架啦......

    回覆刪除
    回覆
    1. 堅靚~好似都唔係我影的~
      哈哈~唔記得左添~sorry囉~
      我屋企附近哥間唔算多喎~

      刪除
  12. 真係睇見都想去呀 ! 你就去日本喇~太爽yy~

    回覆刪除
  13. 我睇咗你個blog好耐,今次第一次留言。其實Pulled Pork係手撕肉,手撕嘅姿勢係用拉的

    回覆刪除
    回覆
    1. 好多謝你解開我地呢個月既謎團~~我已經話番俾另外兩個團友聽喇~~~~~~~

      刪除
  14. 一個好靚的早晨,人都靚D!哈哈哈 ...... 在鴿湖反眼!

    回覆刪除
    回覆
    1. 哈哈~可惜一早見唔到我個樣~
      太凍了~

      刪除
  15. Hi Hi 我尋晚係天樂里見到你同毛寶喎,好想過黎say hello,但又怕怪怪咁
    希望下次會再有機會遇見你,同你say hello la ^^

    回覆刪除
    回覆
    1. 以~~~~好衰架~~~~~做咩唔同人打招呼喎~~~~~下次見面記得叫我啦~~~~~~我實你say hi的~~~~~~
      哈哈~~你噚日見到我地哥時應該行緊去食華星冰室~~~好好味~~

      刪除
  16. 見到藍天了,好開心呀 (發神經中,明明自己無份去)。又真係幾靚。
    你應該喺香港又食到肚滿腸肥啦,wakaka~~

    回覆刪除
    回覆
    1. 咁我見到你blog食好野~我都好開心架~~~~~
      無錯....條褲又縮左水囉~~~~

      刪除
  17. 日出既風景照好靚呀~~~早起身都有早起身既好處呀~~~

    回覆刪除
    回覆
    1. 無錯~好彩因為呢日行程緊~所以先咁早起身睇靚景~

      刪除
  18. Hi小丅!星期六,日來香港應該好正啦!天氣又冇大雨!第一張相The Nut個景好靚呀!3D眼鏡好得意!外國人真係好誠實架!妳話$44蚊佢地都信架!Dove Lake張相妳真係涷到流哂鼻水、定交戲喇?hot Chocolate. 比香港同澳門都平好多喎!去完香港返來有冇收穫呀!有冇食晒香港d美食喇!bye!!!

    回覆刪除
  19. 回覆
    1. 好呀~我好羨慕你地咁多野食~

      刪除
  20. Cradle mountain, 2011年我專程車開多次過去影日出呢!

    回覆刪除