2014年5月15日 星期四

澳洲探險自由行之旅2014-03-27第六天Part 3(雨天)

其實呢兩日都幾ok架~疊更時間確係唔算多人...可以同同事交流下.....不過一到接更時份就多到不得了~~~做到傻了~hehe~聽日終到星期五喇~~~呢個星期我好想快d到星期五架~~~望極都望唔到~~(原因係....呢個禮拜要番5天~~哈哈~~).....好開心呀~~~星期六日要過香港玩喇~~~~~正呀~~我要食好多野~~(話時話..我今日著夏季制服..我覺得......條褲縮水囉~~我係死都唔會認自己肥左架~)



2014/03/27
Day 6---Part 3(塔斯曼尼亞,朗塞斯頓  Tasmania,Launceston->西北地區 North West Coast)
咁我去完超市...就揸車去睇睇呢個The Nut啦~地址:The Nut, Browns Road, TAS 7331, Australia...電話:+61-3-6458-1286....真係好可惜呢.....真係大霧到遮住哂...毛寶諗住暫未去到Uluru就去住呢個先架嘛...點知又咁樣~呢度本身有觀光吊椅上到山頂的!!!仲可以係山頂睇哂成個Stanley不過天氣咁樣...預左無得坐!!(個吊椅好似幾正..好似人地滑雪哥d~好天既話坐真係幾正~)....收費好似係AUD9=63hkd




今次只可以咁樣影張留念就算lu~毛寶你有無必要咁搞笑~





由於落緊雨....海浪都特別凶湧咁~




咁都上唔到山咯~就去食個下午茶啦~~~頭先經過見到呢間野有蠔食喎~~~就呢間啦~~






整支凍既檸檬飲品飲下先~都唔錯....好似係AUD5=35hkd




Smoked Salmon & Rocket Salad with Goats Cheese & Roasted Hazlenuts....AUD18=126hkd...華~乜咁貴架~不過都算好似既~因為可以自己加醋食~唔係沙律醬~而且d芝士都唔錯~(其實因為有菜食我地好開心~)




Tasting Plate....AUS25=175hkd....有Red Rock Lobster(er...就係前面白色呢pat..唔講都唔知係龍蝦)...Salmon(一般)...Oyster(ok)...Octopus(er...好難食呀)....個Tasting Plate好一般下je.........................




Oyster-Natural....AUS15=105hkd/Doz....下.....d蠔細隻到...........我懷疑佢自己都覺得唔好意思....所以呢度唔止12隻...有19隻係度.....但係有d真係細到.....我覺得我食左d蠔苗落肚...好似食左人地成家人咁....細隻哥d真係無咩感覺...等如無食過咁~大隻哥d都還好既




俾你對比下.....大小既強烈程度~




咁既下午茶就食左AUD63=441hkd...不過俾我揀多次我會唔食~




食飽下午茶....又無野做喎...咁行過對面既Stanley Hotel食晚飯啦~~~~(我地真係好變態~~~~)




Soup of the Day Served with Crusty Bread...AUD11=77hkd.....佢地3個~唔醒目~明知佢地d湯咁大~仲一人叫一個~仲要今日既湯係......蕃茄湯!!!!(我不嬲覺得飲西式既蕃茄湯就好似飲熱既茄膏咁~)...我知係蕃茄湯已經同毛寶講明:我飲你一啖得架喇~.......結果....個個都好辛苦先飲得哂個湯.....但係佢個麵包真係一級正!!!!有少少鹽味的!!!好好味!!!




Sausages local handcraftd(King Feast)...AUD19=133hkd...無野講....堅難食............d腸超臭...有臭狐味.....又咸....好難搞掂~~~~食周圍d菜算喇~




Green Chicken Curry....AUD23=161hkd....er...呢個同之前食哥個比....差天同地...一d都唔好味...雞都好難食....個辣醬又有d九唔搭八~




Fillet of Ocean Trout....AUD28=196hkd....呢味魚係最正常的~整得嫩肉唔腥好好味~呢餐真係中伏了呀~~~叫咁多樣得一樣食好食~~~~酒店都整成咁~~~~係咪Stanley就無啖好食架~~~




哈哈~~今日既收獲就淨係得The Honey Farm既4樽蜜糖~~有團友買左成8-9樽咁多~~~勁~~我實在太怕拎重野~~







哈哈~
毛寶話今日放工自己行陣街時~
俾我其中一個blog友認得(身份保密)
wakakakakakakaka~



2014/05/15的開心事:
今晚晚餐加餸~
食左隻台灣既7仔溏心蛋~~
真係好好味呀~~~



報時:距離日本東京自由行之旅2014仲有---38日~

38 則留言:

  1. 我諗下個星期一你條褲又會縮多次水,可能拉唔埋添~XD
    嘩,好慘呀,又影唔到靚景又無好嘢食.............但我好欣賞四位,果然係食力派!!!!!!!!!!

    回覆刪除
    回覆
    1. 以~~~唔好咁話人地人條褲啦~~佢已經俾我話得好慘架喇~~~
      哈哈~~無野做咪食野囉~

      刪除
  2. 嘩,食完下午茶,即過對面食晚飯,你哋好............。我屈指一算,你澳洲篇每日分3 part,每星期出5篇,以15日行程,仲有9日,即係有27篇,你去東京前,一定完成到澳洲篇,恭喜哂。

    回覆刪除
    回覆
    1. 仲有,星期六、日過嚟香港玩得開心啲呀。

      刪除
    2. 我地好...叻呀le~
      哈哈~~你好有heart呀~~~幫我計埋~其實我粗粗地計算~係會出得切既~
      有d日子無3parts咁多添~

      刪除
  3. 見你地食生蠔同飲咖啡,我都好回味,哈哈哈。
    係hobart 有張街景相既角度同我個陣影既一樣,真係好神奇 (≧∇≦)

    回覆刪除
    回覆
    1. wakakaka~~去澳洲就係要嘆~同食野~
      咁搞笑~~~~有緣呀~~~

      刪除
  4. d湯貴過蠔喎~~~~嚟香港食得開心d

    回覆刪除
    回覆
    1. 又真係喎~
      我會架喇~我會食哂你d野~~~

      刪除
  5. 其實大蠔同細蠔d肉唔係差唔多咋咩@@
    見到d蜜糖又好想食
    我覺得你同毛寶真係好fd呀→_→可以咁快知

    回覆刪除
    回覆
    1. 可能我攞哥隻未算係最細~但當時我地笑左好耐~
      巧味架蜜糖~
      哈哈~梗係~使講~

      刪除
  6. 我唔覺得今日好熱呀...天氣好得很喇
    MY █▄♡VҼ 好姊妹 ...乖乖覺覺豬了

    回覆刪除
    回覆
    1. 哈哈~~~我就快頂唔順咁熱喇~~~~

      刪除
  7. 哩日成日都落雨架
    遇上唔巧食既野,當減肥.....食少D

    回覆刪除
    回覆
    1. 係啦~都真係估佢唔到~~哈哈~~
      直情食左一啖就無法再咬...超臭味~

      刪除
  8. 我有次認到個blogger, 都係因為認得佢老公, 先再pan過去, 至認到佢咋.

    回覆刪除
    回覆
    1. 哈哈~~佢老公出場率一定好高~

      刪除
  9. 最衰我好多朋友唔識睇中文, 如果唔係, 叫埋佢地來睇你BLOG, 就可以令到毛寶係加港澳都知名了.

    睇完你的晚餐, 可以解釋到, 為何我去玩時, 通常不會出外係西人餐館用膳, 因為實在可以有好多驚訝的. 與其係咁, 倒不如係超市買, 最少有個質量保證.

    回覆刪除
    回覆
    1. wakakakak~講笑je~咁岩線撞到blog友都幾開心~

      唔....其實最差都係呢一餐咋~其他都ok架~

      刪除
    2. 哈哈.... 好開心撞到有人識佢. 不過呢, 上邊毛寶的笑容, 好卡通化呢

      刪除
    3. 哈哈~佢成日都咁卡通架~

      刪除
  10. 無計,大霧影唔到靚景.
    其實啲鬼佬真係唔係好識整野食.

    回覆刪除
    回覆
    1. 係啦~不過都ok啦~第二日都影番幾張靚相補數~
      食生蠔最穩陣~唔使煮~

      刪除
  11. 呢篇啲嘢食賣相幾好,點知通過得個樣,sosad
    係啦係啦,條褲縮水咁鬼死乞人憎,真係好鬼死衰嘅啫,蝦你嘅,勁衰囉......
    去香港有咩腳?有邊位公子同行,hehe
    毛寶遇blog友事件過程係點?blog友男定女?打招呼話我係小t粉絲咁樣??毛寶咩反應驚唔驚?想了解吓,你知啦我去澳門可能偶遇某公子架嘛

    回覆刪除
    回覆
    1. 係囉...最難食係d腸~
      係啦條褲蝦人既~~~我諗佢會繼續蝦我落去囉~
      無公子..你唔使諗
      你偶遇到都唔好叫佢呀...你實嚇親我d朋友...成個痴漢咁

      刪除
  12. 連續踩兩個雷, 好灰啫
    哈, 我都想知毛寶既反應 XD
    過嚟玩得開心啲啦!

    回覆刪除
    回覆
    1. 無錯...尤其條腸....踩到應一應...
      無呀~佢話好surprised~估唔有人認得佢~
      知道~我會食哂你d野~

      刪除
  13. 早排我帶巧巧去影相,有個女人跟左我成兩條街,我停佢又停,我行佢又行,終於我轉入人群,她跟唔到喇!佢冇惡意嘅!我唸可能佢係blog友掛!

    回覆刪除
    回覆
    1. wakakaka~咁又真係有d驚既~不如大大方方咁打招呼啦~

      刪除
  14. 睇左你咁多日既行程,澳州D野食平均黎講都唔算平喎!重要有D唔好食就更覺貼錢買難受!臭狐味!點食呀?

    回覆刪除
    回覆
    1. 我覺得ok啦~又唔算話好貴...因為我地係澳門實在訓練到物價貴~所以出去旅行又覺得無咩野~
      最難食就係呢餐~咁都俾你撞到~

      刪除
  15. 哈哈哈,毛寶好搞笑!好的蜜糖好貴喎,大富翁呀!

    回覆刪除